嘉御軒

营业中

休息中

朋友搞紅酒局, 搵到係呢間中式私房菜餐館包房寫菜單, 私隱度高環境舒適價錢合理, 除咗地點係土瓜灣可能相對冇其他旺區咁方便, 係個幾好一班人聚餐嘅好選擇酥炸墨魚餅拼黃金炸魚皮 - 脆卜卜香口下菜酒, 墨魚餅加咗麵包粒(?)炸更加酥脆蒜蓉粉絲蒸扇貝 - 如果扇貝肉冇開邊應該可以更有口感更juicy羊肚菌姬松茸燉水鴨 - 每人湯碗都有羊肚菌, 燉湯清澈清甜夠火喉, 湯料都已經燉稔哂砂窩焗大海斑 - 魚肉煮到好稔, 一夾就散當紅炸子雞 - 賣相平傭但外脆內軟蟹粉扒豆苗 - 清菜間一間場, 略為唔夠鹹同較水, 蟹粉足料紅燒牛肋骨 - 牛肉入哂味, 飲酒飲到最尾食呢個重口味可以回魂客家紅燒肉 - 軟稔適中, 唔會稔到夾唔起, 加上梅菜調味唔會油膩, 大家都爭住食生炒臘味糯米飯 - 糯米飯唔會太濕, 臘味夠而且好多花生碎, 夠香口甜品有蕃薯糖水, 薑味唔算好重

今年團年飯我們和表哥，表嫂食。表哥就介紹到這裡食，沒想到土瓜灣有這麼好食的中式私房菜，且很用心去準備。每一道菜式都見到師傅嘅手工用心。頭盤就有柚子炸蝦球，非常開胃，食到蝦新鮮和彈，蜜豆煎班片，本身我對魚一般，但我都食了2片，一點都唔腥。還有2道菜，就是發財好市和鵝掌加扣海參，花膠白肺湯，湯味濃郁，炸子脆皮雞，皮真的好脆，比大酒樓嘅水準不煌多讓。好滿足嘅團年飯。且服務質素一流。下次同朋友聚會都會考慮這裡。

朋友 carry 一齊去呢間新開嘅「私房菜」訂左一圍菜酒聚。 餐廳係地鋪嚟，招牌都好顯眼，唔難搵。 入去到店員非常有禮貌，坐好等齊人就開飯喇～ 酥炸墨魚餅拼黃金炸魚皮：魚皮夠咸蛋味但唔會好油膩，墨魚餅面一粒粒好鬆化好有口感同魚皮有好強烈對比。蒜蓉粉絲蒸扇貝：夠晒大隻，開左邊望落更大但削弱左口感，蒜蓉粉絲都無「手緊」值得一讚。羊肚菌姬松茸燉水鴨：一大煲湯枱面放晒酒無位於是就喺外面分晒，湯火喉夠，隻鴨已經燉到散晒，鴨肉都仲有啲味可以食下。砂窩焗大海斑：汁味道偏濃，上台時薑葱味好濃烈，魚係斬晒件，容易成舊夾但就變左食到好多骨。當紅炸子雞：香口有水準，但無乜野伴碟影響賣相。蟹粉扒豆苗：蟹粉無「手緊」，呢個菜只要唔手緊就一定唔會輸客家紅燒肉：出色！ 係無諗過大家係會搶肥豬肉食。紅燒牛肋骨：大大舊骨賣相好，牛嘅味道基本上已被汁完全蓋過生炒臘味糯米飯： 大家對呢個飯讚不絕口呢個質素呢個價錢絕對可以再戰~！

土瓜灣呢一間私房菜真係超級好味，盡量又大件又足料！全部嘢食都好好味！聖子大大件，加埋蒜蓉同埋粉絲真係一流！炸墨魚金針菇，真係超級出色，原本以為中間嗰個鳥巢係啲咩嚟！原來係炸得非常之好食嘅金針菇！真係好細心呀，將全部金針菇一條一條咁炸出黎！鹹蛋黃鮑魚都真係第一次食到好好味！牛肋條真係好正！大大件原條骨上上湯豆苗花甲真係勁好味！嗰個上湯超好飲！花甲同埋豆苗都好新鮮香鍋焗龍躉都超級滑～ 好好味超級香既醬汁配埋好滑嘅龍躉

#蛇宴.冬天食蛇是常識吧 ❄️淨係食蛇羹又唔夠喉 咁出到食蛇宴啦! . ⭐蛇羹 🐍足料多蛇肉 🥳. ⭐三絲炒蛇絲 蛇絲肥大厚肉 😚. ⭐炸鵝肝蛇丸 雖然食唔到蛇肉 但係就得超級鬆脆又大粒 好正 😋鵝肝喺蛇丸正中間有一粒 友人嫌鵝肝與蛇丸味道有點不太夾 . ⭐沙鍋白鱔煲 🎣非常惹味 白鱔彈牙 🤗亦有大量蒜子及蔥頭 勁香口 💕. ⭐羊腩煲 🐐羊腩炆到好淋 味道不錯 👍. ⭐蟹粉扒豆苗 略嫌鹹咗啲 . ⭐炸子雞 都係鹹咗啲 . ⭐臘味糯米飯 💖乾身香口 再加勁多花生 高質. ⭐番薯糖水 薑味唔算太重 . 整體食物質素幾好 服務亦好 價錢合理會再回頭 👍經理推介下次嘗試 咸雞 同埋 爆脆米豚肉飯✨.🍴嘉御軒土瓜灣馬坑沖道中華大廈地下