嘉樂冰廳 (新村街)

营业中

休息中

係呢到仲可以搵到好多失傳左嘅味道，而其中一個就係鳳凰奶糊。雖然話係香港傳統嘅糖水，但係我咁大個女都係第一次食🥣鳳凰奶糊 $24由濃濃啲吉士包住生雞蛋，食之前攪勻再食，令成碗糖水口感變得更加黏稠順滑😋一嚟到就聞到超級香嘅吉士味，好香奶味同蛋香，成碗糖水帶微暖雖然好香，但係其實食落係冇咩味，係要自己加啲糖先會有啲甜味😆食落又唔係幾食得到吉士味，質地似平時用生粉開出黎啲汁嘅透明texture，有啲似奶皇包嘅餡我自己就覺得麻麻地😂不過作為懷舊甜品同舊式香港味道，點都要體驗一次，認識下我地消失緊嘅飲食文化

有大叔 feel 的懷舊格局，另一角度睇是比較殘舊，死氣沉沉，不見得清潔幹淨，連在坐的食客都比較成熟，好或是不好真係見人見智。以前來吃超厚咸牛肉旦三文治烘底，非常懷念，今次帶外國人來吃兼打咭，比佢見識一下地道的冰室風味體驗，但是......食物質素與外觀的震撼程度同以前有些分別，假如其他地區也有開設同樣賣點的食店的話，而又乾淨企理，這處的特色將會蕩然無存。價錢偏貴就算把啦！以消費者角度，食物質素=價錢，但今次 (ー_ー)!!

首先，我想講兩個餐都好重味，夠咸，幾岩我食。如果其他人食，可能清淡d更好，因為似醃過一樣。火腿奄列配餐包，真係好大份，保守估計需要5隻雞蛋，火腿份量也不少，蛋白質好豐富，健身人士食最好不過。另外，雞翼簡水麵都好彈牙，雞翼就一般。反而條菜新鮮d，我就叫咗阿華田脆脆，真係好正，完全真材實料，好想再飲啊😍😍

由細到大都好鍾意食嘉樂早餐，不過自從呢幾年出名之後就好少去食，食個茶記唔想排隊😢今日嗌外賣返嚟，水準依舊，火腿奄列都係好大份，雞翼都好好食嘅，不過樣樣都要散叫真係貴咗啲😢其實荃灣都好多茶餐廳選擇啦，下次都係試吓其他先！

嘉樂冰廳咸牛超厚蛋治🥪真係抵食夾大件之選！！睇睇塊蛋成吋幾厚！誇張到呢！真係一口都咬唔哂嫁！呢咸牛配上蛋食茄係禁咸～禁厚來講蛋汁就無咩嫁啦不過蛋都算軟滑啦～一件三文治加禁凍檸茶又搞搭一餐😋

行開荃灣想食港式早餐，醒起係街市附近嘅嘉樂冰廳，就即刻同朋友起程。當日應該係閒日關係，一入到去就有位坐，只不過需要搭枱坐(如果擔心疫情及衛生問題就要考慮下啦) 場內都係好標準舊式香港冰室嘅設計，唔算好大。同朋友各自叫左兩碗公仔麵，再加左半份脆爆華田西多😽☺️聽個名都知邪惡！豬扒麵不過不失，不過特別在係分碟上，煎得香口之餘又唔怕個湯整淋哂🤣🤣個華田西多士就真係無得彈啦！好彩叫左半份，食落就知半份其實都好多！華田脆脆同西多味道好夾，記住要搽多啲脆脆一齊食😽中午食完，飽到下午茶都無食到，大件夾抵食！幾好 可以一試✅✅

星期日去食，已經冇咗之前嘅排長龍。點了煎豬扒米粉、雞翼米粉、火腿蛋奄烈、凍咖啡。個煎豬扒唔錯，湯底亦好味。而雞翼變得太細隻，完全冇咗以前肥美新鮮脹卜卜嘅感覺，冇咗特色而變得普通。如果淨食收$27/4隻，份量真係太過少。同行朋友見到雞翼太少，都唔忍心食我一隻😅。火腿比以前份量少咗同切幼左，冇咗以前嘅特色，啲蛋亦都唔滑。曾經係招牌菜，但係水準都要好好檢討。我問朋友杯奶茶如何，佢話都好過大家樂嘅。😔😔咁寫係希望餐廳負責人見到加以改善，希望佢可以繼續做落去。

每次星期六日去都要排十人以上所以我都係閒日先嚟再次回味⭐️豉油王雞翼肥美，入味之餘肉質算滑有配泰式辣醬就無試⭐️蛋牛治超厚嘅蛋漿大大份，睇過報導講係會用幾種蛋再加花奶每一份都有成4隻蛋! 仲係即叫即整, 如果係蛋控就會好開心，不過我個人覺得普通茶餐廳質素⭐️炸鮮蝦雲吞呢樣嘢出邊好似好難食到，算係炸得幾脆點泰式辣醬都幾惹味奶茶都ok嘅我就冇特別影啦不過其實餐廳嘅環境一般，又比較迫同埋好大機會要同人搭檯

🇭🇰嘉樂冰廳·我哋嗰日約咗朋友仔去荃灣西嗰邊玩 所以就嚟咗呢度食早餐 佢啲嘢超級大份 係比佢餐牌既相望落再大份啲😂😂·火腿小奄列$33嚟到呢度梗係要嗌呢個咁大份嘅奄列啦😈我唔知大家睇相唔睇到佢有幾大份 佢係有兩隻手板咁大 超誇張 懷疑入面有10隻雞蛋 我地4個人食都夠曬😂😂不過我覺得佢無我想像中咁好食 佢個蛋其實炒得唔錯既 唔會老曬 但係佢個蛋味比較淡 所以食落無超幸福個個感覺🤭🤣·酥炸鮮蝦/菜肉雲吞10粒$39 l 豉油王雞翼6隻$39 l 脆爆華田西多$36我自己反而鍾意佢地其他嘢食多啲 佢個雲吞炸得超好 出邊係勁脆 而且入邊餡料都好足 配埋泰式辣醬超好食😋之後佢個雞翼又係超大隻 啖啖肉 而且滷到入晒味 佢除咗豉油之外仲有好香既麻油味 所以好惹味🤤之後個華田西多都唔錯嘅 又係即嗌即整 不過我自己都係鍾意陳新記個個多啲 我覺得呢個個蛋味可以再重啲😌😌··📍荃灣新村街40B號地舖

是日食雞翼牛筋米， 華田西多， 華田奶昔， 谷咕。 野食正常， 西多新鮮炸起係幾好食。但建議2人食既話叫半份就好， 全份係有d漏。米粉一如既住要3催4請先到， 雞翼差左， 牛筋唔淋， 味道係ok.但係！ 放餐阿姐你自己戴手套， 好似好衛生咁， 但係你執完地下既垃圾，同一對手走去徒手拎面包放上奄列面， 有冇搞錯？另一個收銀阿姐一樣， 戴手套， 但收完銀紙銀仔， 走去拎餐具俾客。小店唔夠人手， 理解。出餐慢， 理解。但呢d完全唔係你污糟既藉口！

之前偶爾喺youtube睇到介紹呢間真正老冰室,仍存在嘅鳳凰奶糊,就記起的咁多年嚟都唔記得食呢樣,於是就喺噚日(5-6-2021 Sat)晏晝,同老公睇戲前嚟食.我哋嚟到係full嘅,但啱啱有客人走,只係等執枱,我哋睇完menu,唔見有鳳凰奶糊,但有鳳凰奶昔,我就落單時問重有冇鳳凰奶糊?亞姐答有,咁我哋就要呢兩樣啦,落完單睇睇張單,鳳凰奶糊$24.00.等咗一陣,兩樣嘢都相繼到嚟,嗅到好香吉士味,先整爛鳳凰奶糊上嘅生蛋黃同攪勻,食落,口感係滑,唔太甜,但我覺得唔夠杰身(得應該拍片同段片比較),而且,竟然食到有少少苦味,唔通來自吉士分?味道: 2.8分而鳳凰奶昔?賣$33.00,都算大杯,味道同鳳凰奶糊一樣,但奶昔內仍有啲碎冰,好襟飲.味道: 2.8分試過之後我諗唔使再試,因為令我失望.服務:落完單,亞姐好醒目地,自動拎一隻碗仔同兩隻湯匙嚟.抵食係2.7分上次食評係今年1月26日刊登嘅呢篇: https://www.openrice.com/zh/hongkong/review/%E9%AB%98%E7%B3%96%E6%97%A9%E9%A4%90-e3921200

尋日剛睇完某雜誌介紹的鳯凰奶糊，我專程去荃灣試試。這碗鳳凰奶糊的確是很大碗（隻碗個size等同於雲吞麵碗咁大），顏色深黃色好吸引， 只售$24價錢相當吸引，但食落有點失望！一啲都唔似傳統正宗的鳳凰奶糊，完全欠缺忌廉/鮮奶的味道，也沒有蛋香，好像一碗吉士粉溝滾水的糊狀一樣，十分失望😭我也點了另一招牌菜豉油王雞翼$27 四隻，味道偏鹹肉質較鞋，質素普通。這店不用排隊，上菜時間算快，服務友善，但不會再來！

嘉樂冰廳，聽個名都知道有歷史，細細間鋪，所以係荃灣都出名要排隊，十幾年前去食過，已經比個大堆頭奄列嚇親，之後幾次行過都要排隊所以咪唔食囉。今次事隔多年再去，選了5點唔多人又食到下午茶餐的時間，鐘意呢d時間去食野，輕鬆又唔會有太多噪音。今次唔食奄列食豬扒米，塊豬扒真係好得，煎得香脆又唔肥膩，米粉份量大大碗，再加個半份脆脆華田西多士，西多士出名邪惡，而且好難揾到好食的西多士，今次兩個人share食半份，一人一件就唔邪惡啦，真係好好好好食‼值得比like呀。

好耐無食過呢間喇,趁今日有時間排下隊食先,由於食飯時間等咗大約15min 就入座睇咗陣menu 樣樣都想食最後叫咗豬扒麵、豉油王雞翼和凍阿華田脆脆豉油王雞翼招牌之一, 雞翼大大隻滷得入味,肉質鮮嫩豬扒麵豬扒肉質鬆軟,炸得香脆,上台時係分開上,店員仲貼心幫你將件豬扒切件凍阿華田脆脆味道唔太甜又唔太淡,而且又有層次,面頭放滿超多脆脆口感變得更豐富

今日無煮飯，叫個外賣頂下肚。近近地光顧了嘉樂冰廳，吃個輕盈晚餐。鹹牛肉蛋三文治🥪乃出名大大件，勁厚餡的巨型三文治，鹹牛肉厚的接近一吋，但可能外賣關係，需時才送到，牛肉有少許出水，麵包有少許淋身，絕對相信現場吃掉是最美味的。咖喱牛腩撈麵湯底是另上的，牛腩有點過韌，肉身太黏牙隙了😌 而且肥膏也偏多，但咖喱汁味道不錯，不太糊也不太辣，普通不吃辣的人也能接受，下次真的要堂食了！還要試試較出名的酥炸雲吞。