嘉樂冰廳 (新村街)

营业中

休息中

【嘉樂冰廳 大過你同我塊面嘅厚火腿奄列🤩】荃灣嘉樂冰廳 近年因為呢個極厚火腿奄列極受歡迎，之前細個都唔洗排隊，宜家一到中午就有人龍，今次3-5點黎都要排隊…___ ___ ___ ___ ___ ___ ___ ✨厚火腿奄列 （單叫）單叫$3x 都係蛋同火腿，老實講可能食一個都飽了，味道同之前有差左， 整體係冇咩調味嘅一堆蛋 ✨咸牛肉蛋治（烘底）呢個好食啲，烘底有輕微，有咸牛肉作調味啲蛋終於有味，好食😋但當日太多蛋嚇親（當日應該係好想食蛋…）✨ 炸豬扒湯通粉湯唔夠味，要加胡椒粉調味，但豬扒幾好，香得嚟又帶少少炸嘅感覺✨阿華田脆脆 Overall呢杯係幾出色嘅👍🏻，脆脆增加口感，濃郁華田味，幾好飲

身為一個愛蛋之人，見到呢啲厚蛋治真係毫無抵抗力，今日2點幾去到，竟然無人等位，緊係衝入去試試佢啦！。🐒咸牛肉蛋治💰$30加配小食紅油抄手可能即叫即整，所以都等左3-4個字左右，一上到黎好熱辣辣，一啖食既話好滿足☺️不過會食到好狼狽，一路食一路跌。老實就無乜特別，個蛋係無乜咸味，所以成個食落就會淡啲，因為相比之下啲咸牛料唔夠，但對我黎講滿足囉。🐒爆脆華田西多(半份)💰$22呢個反而係第一樣到😂都係expected既好味，但無驚喜，一口size同有得叫半份，呢個位幾貼心(可能係識做生意😂)。🐒鳳凰奶糊💰$24呢碗野性價比超級高，勁大碗。我係抱住嘗鮮既態度去試，因為未見過都未試過。佢係淡啲無咁甜既奶黃包入面既餡，再加隻生雞蛋係上面，暖暖地，好特別！我推薦比中意食奶黃既人去試！。舖頭坐位唔多，地方淺窄，所以我地都急急腳食完就走lu，下次要再去碰碰運氣😍

家人住荃灣多年竟然唔知道此冰室，要新住此區的朋友告訴我！星期日同親戚飲完茶，他們知道此冰室的歷史由來，建議我哋可以去試個下午茶，可能不算太多人。行到去，果然仲要掛隊，等了十多分鐘便可以入坐。期間見到門口好多雜誌推介，最有趣的是在timeout 也是推介餐廳。入到去，全部都係四座位卡位，比想像中闊（因為另一友人話要頭貼頭坐）。我急不及待向對面的客人查詢有什麼推介，原來這裏很多小吃是有半分叫的，可以多試幾款。奈何我們太飽了，結果叫了半份華田脆脆西多$22，家人忍唔住叫多了半份豉油王雞翼$27，各自叫了一杯紅豆涼粉冰$25、一杯奶茶紅豆冰$25。雞翼是真出色，入味、雞翼肥美、肉質嫩滑，唯煲滷水汁可能同其他食材一同烹調，味道多了一份其他肉味，看你是否接受！西多添加些華田脆脆，多一份口感。半份的概念真好，可以讓為食的我們可以多叫了一份！其實聽講炸雲吞也是非常出色的，有機會再試！但杯奶茶並不是我杯茶，茶底帶甜，紅豆未夠淋，其實佢哋都無在餐牌推介紅豆冰，是我個人意願要試的！值得提一提，職員禮貌非常好，好少咁忙的小店還有熱誠待客的心！

轉手之後嘅嘉樂冰廳，其實已經冇之前咁長人龍。星期六嘅下午，午餐食得唔算好飽，就諗住坐低食少少野順便飲杯奶茶。一個人其實唔難搵位，只要唔介意喺疫情之下同人搭枱，等咗2分鐘都唔使就已經可以安排入座，叫咗一客雞翼同一杯熱奶茶。佢係用電飯煲去浸熟呢啲豉油王雞翼，雞翼係非常之滑嘅，亦都非常肥美，但係好可惜調味係鹹咗少少，好似冇之前咁好食了。題外話，地方都非常之窄，好似對面海咁樣叫咗勁多野，再加埋我搭枱其實佢嘅嘢都差唔多擺唔晒。

今日想食茶餐廳，所以特登去家樂冰廳坐。本來諗住食佢馳名嘅厚蛋奄列，不過好似好大份，所以都係揀咗其他嘢食。今日叫咗鮮牛肉蛋三文治，唔知點解蛋白多過蛋黃，我以為蛋治會係黃色，但係呢個成個係白色😂。味道上，冇乜特別係蛋白味重，唔知佢係咪淨係用咗蛋白整呢個鮮牛肉蛋三文治。全部食物都係散叫，冇套餐價錢，可能係晚餐時段。餐廳環境一般，茶餐廳清潔度一般，不過去茶餐廳就預咗。上餐速度都算快，可能我嗌嘅嘢都係快整到。

☞ 之前bookmark左呢間餐廳好耐，一直都想試佢個鹹牛肉蛋治，去開荃灣終於有機會試吓喇～餐廳位於荃新天地附近，店內環境都比較傳統，鋪位都好細，兩個人食就預咗坐得唔舒服，要同人搭枱喇🤔🍴咸牛肉蛋三文治（$32）❖ 可能期望太高，到頭來有少少失望。炒蛋唔係滑蛋，啲鹹牛肉亦都唔係連埋蛋一齊炒，感覺有少少普通。

係荃灣楊屋道街市入面原來仲有餐廳 次次經過都見到呢個白色嘅外表都唔知佢原來係冰室 原來呢間食奄列已經馳名已久 日日都有好多人排隊 但係入面空間好細 我地兩個人去都要搭台坐🥶🍳拉絲芝士奄列💰42入面招牌菜式就一定要試奄列 不過原來仲有芝士版 咁身為芝士愛好者嘅我就必試啦🤣奄列配有一塊無烘底嘅牛油多士 不過要食完個奄列其實就會飽死 一挑開就可以撩起滿滿嘅芝士 趁熱可以拉絲 凍左之後就會變成一舊舊不過都係絲狀！滑蛋炒得算啱啱好 唔係超滑嫩但係都有未成形嘅蛋清 成個口淨係食到蛋味 仲有滴緊嘅蛋汁真係分外誘人 火腿份量都好多 但係食耐左真係會好滯 同埋會覺得漏 就算冇芝士齋食咁多蛋應該都會超級漏 所以建議要share食！🥪鹹牛肉蛋三文治💰30呢度嘅鹹牛肉蛋三文治可以烘底 會焦香好多！蛋都真係超級厚 蛋汁都流到麵包上面 存在感太高 好彩鹹牛肉都夠味可以拍得住D滑蛋 上面嘅麵包被鹹牛肉嘅油浸軟左都有鹹牛肉嘅香味 整體幾好味！性價比幾高🥠滷水豆腐💰13呢舊鹵水豆腐都算大塊 配上豆瓣醬會特別香口 但係齋食就會比較淡啦原本仲諗住試下鳳凰奶霜 但係check左下原來都係蛋黃做嘅實在係唔想再食蛋啦🤣所以都係冇

看到很多食評和相片，都介紹賣相吸引的免治牛蛋三文治，一直以來都心思思想試。跟朋友經過店舖，見無人排隊就入店內一試。第一個感覺是店內非常擠迫，我們兩個人被安排坐到四人座位，而中間沒有分隔板的安排，疫情之下，似乎不太理想。叫的食物很快送到枱上 : 阿華田奶昔沙冰 - 不甜 沒有驚喜厚蛋免治牛三文治 - 麵包沒有烤過 不是滑蛋阿華田西多士 - 只是可以加阿華田碎和煉奶的西多士而已 滷水雞翼 - 反而是最好吃的食物。幾樣食物都是茶餐廳的一般水準，而進食環境更加未如理想。

嘉樂冰廳今日黎到嘉樂冰廳食lunch。同朋友跑完步，所以叫咗勁多野食。火腿小奄列 $33鹹牛肉蛋三文治 $30豬扒麵 $40鼓油王雞翼 (6隻) $39脆爆華田西多 (全份) $36阿華田脆脆 $27火腿小奄列，千奇唔好比佢呃到，因為佢份量係超大份。蛋冇煎到全熟，有好多蛋汁，整體黎講都算好滑，幾好食。鹹牛肉蛋治，首先個蛋係勁厚！ 如果一個人食，食完呢份蛋治應該就已經飽晒，可以走人。咸牛肉相對上就比較少，但整體咸香，都不錯。豬扒麵個豬扒幾好食，但係個面既鹼水味係超重，食落口直程係食到苦味。而家佢個面煮得好似唔夠熟咁，個面太硬@@ 可能每日煮既都唔同，大家可考慮食唔食。鼓油王雞翼好大隻，好滑，好入味。但個雞醬個個雞翼唔係好夾，可以就咁食就ok。華田西多，上面放咗d華田脆脆，同西多都幾夾既。西多入面都係放花生醬，咸咸地同啲脆脆幾夾，令到成個西多唔會得個甜字。面包唔會太乾，幾好。阿華田脆脆用既係同西多既一樣，以飲料黎講，略嫌有d硬。成杯飲品好濃好重華田味。鐘意甜既朋友就未必啱啦。

一間門面懷舊既冰室，一張張仲大過我既卡位櫈，當然就試下香港引以為傲既奄列啦。今次我食加左芝士既火腿奄列，上檯時見到蛋皮滿滿包住芝士火腿，飽腹感十足，切開果下D餡爆哂出黎，水準一流。最重要係有兒時回憶既旗仔，試問仲有邊間有旗仔呢?腸胃唔好既人表示: 放心無事

如果唔係個朋友話要入去食，我都唔想入去。地方淺窄，先唔好講食客，連啲員工煮野都人迫人，路都冇得行，見到都覺得佢地辛苦。間野啲燈光暗到，以為拍緊九十年代電影。野食一般又麻麻。寧願比多少少錢過隔離荃新天地食仲好，至少舒適好多。

呢間位於荃灣新村街嘅嘉樂冰室由70年代開業到而家相信唔少荃灣人都細細個聽過佢個名 店舖裝修係而家買少見少嘅冰室 門口嘅大冰櫃同埋玻璃窗裝牛奶都見證到冰室嘅歲月入到去我選擇左卡位 冰室當然係用厚實嘅實木傢俬啦！冰室以街坊生意為主 價錢當然非常經濟 我叫左個咖哩牛腩飯 咖哩香濃 仲有淡淡椰香味 牛腩都非常入味 薯仔更加索曬咖哩汁 唔似其他茶記用五香牛腩撈咖哩汁就當咖哩牛腩飯 而且飯量充足 女士兩個人都夠食 除左牛腩飯之外都推介蛋牛治 非常之足料 要mak大個口先咬得曬 蛋好滑 值得推介！

歲月堆砌成的集體回憶。相信好多人都知道荃灣的超厚三文治及大大盤奄列，前幾年舊老闆宣布退休，幸好新老闆接手，令小店得以繼續做，裝潢留著舊面貌，招牌菜都得以保留，吸引區內、外人士光顧。◽️ 鹹牛肉蛋三文治 $30視覺效果一流！雞蛋超厚身，都有啖啖蛋香，仲食到一層一層嘅感覺，加上鹹香的鹹牛肉，食一半好滿足，食埋另一半超飽肚！◾️ 凍華田 $21其實我好鍾意茶餐廳凍華田，一啖暖一啖凍，特別好味，每次飲到這種溫度會特別加分。味道濃郁又甜，唔會淡茂茂。餐牌仲有其他懷舊小食，雞翼、炸雲吞、西多士等等，一定要叫埋朋友一齊食先可以試到更多款美食。

因為要準備中秋節嘅餸菜，所以去咗最齊全嘅楊屋道街市買餸，順路帶屋企人去食懷舊冰室。我哋三個大人叫咗兩份主食，兩份小食，但其實哩間冰室所有食物份量都大得似主食，基本上我哋樣樣都有食剩。哩間冰室以蛋類食品為名，所以必點經典火腿奄列，值得一讚有蛋白奄列可以點，確實可以方便有特別食物需要嘅人仕，另外都點咗鹹牛肉蛋三文治。之後怕唔夠食，仲叫咗兩個麵食，因為見到好多枱都食豬手，所以都叫咗個豬手米同豬扒撈麵，因為經常覺得豬扒要好食，所以要用豬扒試吓佢功力，豬扒算香脆，無話醃過龍。總括食物質素不過不失，對得住價錢，以食物品種來講都算特別和新派，地方來説，內裡保留咗懷舊裝修，都係值得來的原因。

今晚去了嘉樂冰廳食晚餐，夜晚沒有太多人，很容易有位。叫了最出名的火腿奄烈，好多雞蛋，包住好多火腿，應該加咗美極，都幾好味。不過份量比以前細咗好多，但係我又覺得OK喎，以前太大份食唔晒。再加多兩蚊轉多士，多士好味過未轉手之前。再叫咗個鹹牛肉多士，其實同火腿奄列差唔多，好厚嘅雞蛋， 加層鹹牛肉，味道OK嘅，食完已經好飽。最好味係個炸雲吞，水準筒未轉手之前一模一樣，鮮蝦雲吞好鮮味，包住脆博博嘅雲吞皮，簡直係好味道，點埋個醬係非常之夾。其實我覺得轉左手之後，間舖頭係衛生咗嘅，會一路支持。