嘉發小食

营业中

休息中

第一次試呢間雞蛋仔，就揀咗開心果口味，一底40蚊，落單即整，大概等十分鐘，熱騰騰拎上手打咗個卡就開始食，同我想像唔同，我以為會係雞蛋仔入面包住流質嘅開心果醬溶溶地再有好多開心果粒。現實係佢係開心果醬外露喺外面，受熱後硬化咗，雖然開心果粒係多嘅，差唔多每粒波都有半粒或原粒開心果喺入面，但因為果漿已完全硬化，食落好乾，同埋係有蛋香、冇開心果香，有少少失望，見佢有開心果夾餅，勁多醬，下次有機會再試下先，希望會改觀⋯⋯早知去返千色買開心果鮮奶飲啦

成日睇見有關呢間小食店的雞蛋仔介紹，慕名而至，但失望大於一切。由於雞蛋仔製作需時，所以，縱使俾錢購買唔係太需要排隊，但就要花時間等攞雞蛋仔，我哋同狗狗喺聖誕假期過嚟，等咗20-30分鐘。開心果雞蛋仔：賣相的吸引力一般，較深色的雞蛋仔上面有啲淺綠色線條點綴。正常大小。食落蛋味唔重亦冇乜開心果味，但每粒雞蛋仔裡面的確係夾雜開心果碎，粒粒搣出嚟都食到碎粒，而佢的開心果味就全靠呢啲碎粒帶出嚟。可能製作時受熱加上蒸氣影響，啲開心果碎全部都係「淋」身，冇乜開心果獨特的香味同味道。至於雞蛋仔本體，佢口感唔錯，外脆內軟，入面呈蛋糕仔的鬆軟狀態，相當飽滿，不過，以$40/底嚟講，主要都係想俾開心果味衝激下，咁呢底雞蛋仔就交唔到功課喇~由於等候需時，味道唔突出，所以唔會回購。可能原味係更好的選擇，只係蛋味唔夠香，純粹食質感又唔怕等的話都可以考慮。

元朗聲稱有好多間好食嘅雞蛋仔，基本上都比我食過晒，但係呢間真係要推薦俾大家，特別係格仔餅，厚餅底都可以做到外脆內軟，大贊👍🏻👍🏻今次食咗阿華田味，唔算太甜，值得一試另外再叫咗個抹茶麻糬雞蛋仔，但味道就一般般，麻糬同雞蛋仔個味唔太夾，等下次再嘗試一下原味。但個脆道係足夠。

襯假期有時間嚟到元朗嘉發潮聖聖誕節正日都咁多人 要等10幾張飛呢兩日買滿$50仲有小禮物送添呀(๑˃̵ᴗ˂̵)و✧ 黑白芝麻麻糬雞蛋仔（$35）芝麻味唔算超級濃但係咬到芝麻粒嘅口感脆脆地好滿足麻糬係切到細細粒先擺落去雞蛋仔漿因此唔會太漏太飽但就唔係粒粒都有✧ 開心果醬格仔餅（$39）嚟到見到開心果雞蛋仔已經賣哂好彩仲買到開心果醬格仔餅一打開就被滿滿嘅開心果醬驚艷到綠綠嘅開心果醬味道就夠哂濃好nutty同杰杰哋嘅口感有少少甜但絕對可以接受另外仲有好多開心果碎鋪咗喺面ฅ՞•ﻌ•՞ฅ 餅底可以揀厚底/薄底老闆就話即食嘅話推薦薄餅厚餅則係外脆內軟實測薄餅係撕開兩份嗰陣已經碎緊脆到不行 什至有少少刮口

小店係教育路轉入嘅一條橫巷，一轉彎已經見到一條小人龍，排咗大約五分鐘，落單，即製，大約等咗廿分鐘，就有得拎。格仔餅（$20）要咗原味，最基本嘅醬料，只有牛油、花生醬、煉奶、芝麻砂糖。餅底表面比起坊間食開嘅較為光身，望落好似膠質地咁樣。因為即製，所以熱辣辣，一啖咬落去，外層極之脆口，而裡面厚實得嚟又夠鬆軟，連埋滿到瀉嘅醬料，口感不錯。雞蛋仔（$18）因為先食咗格仔餅，所以輪到食雞蛋仔時已經無咁熱，微溫。表面望落同樣好膠質地，好似啲兒童食品玩具。食落飽滿，邊位仍然脆口，因為要咗原味，沒有其他醬料，所以食到少少蛋味。PS：只收現金、alipay、wechat pay

嘉發小食 (元朗)📍元朗教育路3-7號富好大廈地下9號舖🔸芝士豬柳蛋雞蛋仔 $34超多芝士🧀雞蛋好滑～啖啖都食到豬柳粒粒但雞蛋仔本身蛋香吾夠食落都幾鬆軟鹹香十足🤤🤤6.9/10

睇完社交平台介紹慕名嚟食，果然係冇介紹錯呀。而且唔熟元朗路嘅我表示完全唔難搵路，向正千色店隔離嘅巷仔，見到一堆人等緊拎嘢食，不過好彩都唔係等好耐，大概10-15分鐘左右已經有得拎。開心果醬格仔餅 - 要左薄底，想試下格仔餅薄啲嘅脆感，果然冇失望，係做到脆脆嘅效果，而開心果醬係多到咬一啖就會爆出嚟，果醬亦都唔會好甜但又食到開心果嘅味道，而且好欣賞佢加左果仁碎，令口感層次更加豐富。小店仲有好多唔同口味嘅雞蛋仔同格仔餅都好吸引，下次有機會會再嚟試埋佢👍

元朗嘉發小食絕對係最好食嘅格仔餅！🥞 細個食開嘅格仔餅通常煙煙韌韌，但試完呢間之後，我即刻愛上咗呢種脆脆嘅口感，每一口都咬得好滿足。除咗經典嘅花生醬煉奶，裡面仲有椰絲同花生碎粒，真係好味到冇得輸！每次都特登走過去買，真係忍唔住！😍舖頭仲有好多唔同格仔餅、雞蛋仔嘅新口味，之前我試過黑白麻糬，味道真係好正，口感滑順，令人回味無窮！一定要去試晒唔同口味，真係每一次都有新驚喜！再配上嗰度嘅鮮榨果汁🍊，簡直係完美組合！每次去都感覺好滿足，推薦俾大家嚟試下！🌟🚩 元朗教育路3-7號富好大廈地下9號舖#嘉發小食 #元朗 #格仔餅 #雞蛋仔 #黑白麻糬 #花生醬 #鮮榨果汁 #香港美食 #美味分享 #元朗美食 #元朗探店 #香港探店

每次行開元朗千色店，都一定心心念念嘉發的夾餅。我最愛傳統口味，薄底花生夾餅，餅身脆，又唔厚粉，花生醬用得剛剛好，食既時候唔會咁易漏晒出黎！就算食完飯好飽都會忍唔住要買一個吃🥰下次經過試埋開心果醬先😆😆😆

今日經過竟然唔算多人排隊～～～~開心果雞蛋仔（Mega版）～$38~~~睇個名咁勁，一於買嚟試試～～～焗得好脆，可能因為要保持裡面開心果都脆，少咗Q彈嘅口感～～～開心果好足料👍～～～總括嚟講係好食嘅，如果係開心果控的朋友仔值得一試～～～

開心果醬格仔餅＄38 9/10相信大家對於鍾意食雞蛋仔同格仔餅嘅對呢間都唔陌生而佢都係有推出開心果系列㗎🥹🥹格仔餅嘅部份佢真係超級鬆軟而且要係外脆內軟🥹🥹加上佢係好厚嘅格仔餅呢部份真係冇得彈🤤🤤開心果醬我願意比出最高分心佢係好濃郁嘅開心果味配上開心果碎而且加埋格仔餅甜而不漏🤤你係可以食得出好重嘅開心果味（鍾意食開心果嘅一定會超級鍾意😋😋😋

呢次直奔元朗老字號——嘉發小食，就為咗傳說中的“格仔餅”🤤！🌟【格仔餅初體驗】🌟格仔餅嘅顏值已經征服咗我！朱古力外皮酥脆，裡面滿滿的餡料瞬間爆滿口腔！重點喺，佢哋格仔餅裡面嘅開心果碎多到驚人，每一啖都喺滿滿嘅幸福感💖，簡直喺味蕾嘅小確幸！💰【性價比爆棚】💰說到性價比，咁大一份，價格42，分量超足！👭👬⏰【等候時間？唔存在！】⏰驚喜嘅是，等候時間都超級快！完全唔洗餓住肚仔乾等👏環境嘛，典型港式小鋪，氛圍超接地氣～總結來講，🌟🌟🌟如果你都係鍾意試新嘢嘅美食控，一定要去試試！因為佢哋真係有超多款式格仔餅，你絕對唔會失望！🏷️ #元朗美食探店🏷️ #嘉發小食必吃🏷️ #格仔餅大滿足🏷️ #性價比之王🏷️ #開心果碎控必嘗🏷️ #港式小吃新發現

呢間格仔餅喺元朗好出名 一直未過去試吓😝 果然冇介紹錯 足料好食🤩朱古力開心果醬格仔餅 $42呢個餅底係朱古力味（厚底） 有原味格仔餅揀 睇自己口味～雖然話係厚底 始終冇旺中Ice Puff誇張🙈咬落去餅底少少煙靭😍 勁啱我食 好香朱古力味🍫一開始唔係好重開心果味 因為餅側邊唔算搽得好多開心果醬 咬咗幾啖之後 啲醬係中間爆晒出嚟🤩 勁誇張 勁濃開心果味 而且好多開心果粒 非常有口感🤤好好食 會keep住繼續食✌️ 下次要試吓其他味先😍（星期日食唔算好多人排隊 平均等10分鐘左右 隔離係商場可以涼下冷氣）🖐️🖐️超大力推介

最近成日見到人講開心果雞蛋仔格仔餅，搞到好想食雞蛋仔，今次就去咗嘉發食雞蛋仔～以前呢間佢嘅格仔餅一直都好出名，又脆又多餡，每次想食格仔餅都會嚟呢間食。不過後尾舊舖無咗一排，知道佢又開返就過嚟試吓。今次佢仲多咗好多新口味，我就叫咗黑白芝麻麻糬格仔餅試吓。因為見佢話係皇牌，我又未試過有麻糬嘅雞蛋仔，出面又唔見有，好似都好特別吓。佢個雞蛋仔嘅皮非常脆，蛋漿入面都已經有晒芝麻粒同埋顏色都似有落到芝麻粉。食落好香濃芝麻味，又有麻糬可以拉絲，口感勁正！每一格雞蛋仔都有麻糬喺入面架！！平時食雞蛋仔食幾粒就厭，呢個我一個人啪晒成底，好癲。仲要十五分鐘左右一次過清晒成底。下次返嚟想試試開心果系列／粟米肉粒雞蛋仔～

🍴 川寧伯爵茶麻糬$30 (8/10)即叫即整，好香脆，好重伯爵茶味，一啲都唔甜，麻糬好煙銀，真係粒粒雞蛋仔都有麻糬，真係幾好食，唔怪得知咁多人排隊啦！推薦指數: 8/10