嘉豐點心專門店

营业中

休息中

1點入黎超多人，全部枱都坐滿左茶錢都系6蚊咋 可以坐超耐不過入面超多人系度講野完全聽唔到對面系度講咩鬼叫左壺水仙，叫左幾樣點心試下5星好似叫炸鮮奶好食，唔會太膩炸都非常脆口，隔離枱系咁望4星蝦餃燒賣正常發揮好大粒，冇咩雪藏味燒賣彈牙2星叉燒腸粉我覺得麻麻唔夠香 都唔夠熱鳳爪 炸蝦卷？4星都好食，keep都水準2星蘿蔔糕有d敷衍入面冇咩料 一口咬落去咩都冇又煎得唔夠香脆3星牛肉球ok啦總括而言 呢間野都唔錯好值得黎試下

在附近按摩後入去食點心醫肚真是一大驚喜點心超大件味道也很好點了鮮蝦菜苗餃和上湯腐皮卷兩款我都很喜歡而且辣椒油很香茶就一般但$6茶錢都不會要求太多下次自己帶茶葉來就可以靚點心配靚茶重點係價錢都好靚只係$57 就食到好飽推介！

星期日去了九龍城食點心，看了食評選了這間。發現好食又抵食，質素好過好多酒樓，每碟新鮮熱辣。雖然價錢平，街坊生意，但店員服務態度很好，落力勤快，小店有這個服務質素，真的值得一讚。

自從出左消費券之後去到邊飲茶都好多人😂放假想飲茶，黎到九龍城見到嘉豐唔使排隊直接可以入座，不過入面都幾乎full晒🫣每人茶位$6，叫左幾款點心，都算黎得好快▪️蒜香蝦春卷 ($27)熱辣辣炸起好香脆，蒜味又夠香，有蝦肉👍🏼當然要蘸埋喼汁😋▪️原隻鮮蝦腸 ($29)可按自己喜好加豉油，腸粉皮薄又滑，蝦都幾大隻！▪️蜜汁叉燒包 ($22)叉燒既肥膏多左少少，不過整體味道正常既▪️魚肚滑雞札 ($29)除左魚肚，腐皮入面仲有一塊雞肉、火腿同芋頭條，食雞札主要為條火腿😆好彩無轉成蟹柳。而魚肚索晒汁，juicy又好食▪️蟹子燒賣皇 ($31)飲茶必叫😗燒賣都幾大粒，我個人黎講就中意蘸啲辣椒油食▪️足料糯米雞 ($33)超大隻😂而且有好香既荷葉味入面有雞肉、臘腸同原隻鮮蝦，好食既，係鹹左少少🤏🏼一路食keep住見到有人入黎，亦有唔少外賣，睇得出深受街坊喜愛🤭不過環境上係比較窄同嘈少少既，唔好expect會好似出面酒樓咁坐得好舒服既感覺。

喜歡飲茶的朋友可來呢間傳统點心專門店試下啦無意中路過九龍城，正值中午時，當然要醫下肚。見到此間點心店，鐘意飲茶的我地即二話不說就走了進去。細細間，好快已爆滿。叫左幾樣點心，一上枱大大件份量十足，同酒樓的不同之處。栗米鯪魚餅足料色香味可。棉花雞超大份，柔軟的魚肚吸收左鮮美的雞汁，更加入味可口。鯪魚球大大粒，彈牙爽脆鮮甜。鳳爪排骨飯蛊頭飯，熱辣辣，賣相也幾好，排骨肉質清甜好味。件件份量足料又大大件，非常飽肚，抵食又美味，下次會再來幫襯。

公道講啲嘢食係OK 但啲員工服務態度真係差到不得了 唔優做咁樣 我哋俾咗單 等咗30分鐘都冇嘢食 一問先知原來佢哋唔見咗張單冇入到 仲要話返我哋冇比到佢哋⋯員工之間又推來推去 完全冇諗過安撫我哋 之後收銀個阿姐入單仲諗住入咗其他人先🙏🏻 後尾另外有個女仔叫外賣 都發生同樣嘅事情🤧 明明間鋪都唔係好多人 唔明咁都可以搞錯 仲要嬉皮笑臉 個個淨係識喺度吹水 有嘢食出都唔會去拎就算啲嘢食OK 要咁樣俾人對待都唔會再想入去 建議老闆留意一下 如果唔係個場空真係好正常

呢晚突然想食點心，於是友人介紹啟德道嘉豐點心，於是就揸車去，去到九龍城，周街都泊滿車，想搵個位都難，於是乎都兜左幾個不同既圈，喺幾條街之隔又有間嘉豐，呢間望入去好似比較乾淨整齊，咁啱兜多陣就有路邊位，於是乎冒著會抄牌既風險，落車去食個快，2條友點左8款點心，所有野雖然唔係高質，但比起其他點心店黎講，真係已經唔錯，價錢一啲都唔貴，完全合理，最後埋單$186，抵食，食完極速去攞車，好彩最後都無食貴左啫。

嘉豐點心專門店 (九龍城)九龍城南角道：29號地舖都市人嘅我們，唔會早起身去茶樓飲早茶，下午茶時段已經返咗工啦，點心迷嘅我食過唔少大型嘅點心店，今次要向大家推介呢一個傳統點心小店蟹子燒賣皇燒賣皮超薄，餡料豐富香菇蟹子豬肉蝦咬落去啖啖肉嘅感覺脆皮韭菜餃裏面係魚肉夾韭菜大大粒好滿足叉燒腸腸粉皮好滑咬落去超煙韌值得試食咸水角新鮮熱辣辣咬落香脆爆多餡評分：9/10

呢間分店嚟過幾次，每次都好少客，所以比起原店坐得更闊落。但係每次嚟親，D員工都好得閒，坐埋一邊傾計唔緊要，但講嘢好大聲，好似開party咁！🙉 電話唔係聽歌就睇片，又係開到勁大聲！🙉 其實好影響食客...其他食客都有眼望望D好嘈嘅阿姐，但佢哋都唔會收斂下...🗣🗣🗣請老板留意一下，唔該！

除左酒樓之外，點心專門店或者茶居都係飲茶、食點心嘅好選擇。今次叫左奶皇包，蝦餃，鳳爪，叉燒腸，燒賣。佢哋嘅點心選擇唔多，但質素唔錯。蝦餃比一般茶樓食嘅大粒，又彈牙爽口，值得encore

今日去九龍城探家人，佢地介紹咗我去嘉豐飲茶！去到嘉豐門口時，拎位已經要排幾張枱，等咗25分鐘，終於有位入去，啲位唔算闊落，店面都唔算大，大約有10幾張枱左右！好喇，講返食物，我地3個人共叫左9樣野食，其中炸鮮奶味道比較突出，奶味好濃好香，雖然係炸過，但食落一啲唔油膩，外皮脆口，非常好食！第二樣好食係菜苗餃，外皮唔厚，菜苗新鮮，搭配新鮮蝦，口感一流，外柔軟，內新鮮爽口，非常之好食其他點心不過不失，海鮮沙律卷同脆皮韮菜餃，上菜時比較多油，但係都好好食，只要再停一停光油，先上菜會比較好！價錢方面唔洗加一，性價比高，不過要食好野需要排一排隊

昨晚被朋友的發貼成功引誘到今天一於起來飲早茶（也沒有很早啦）第一件事當然是開open Rice看看最近自己家的點心店就找到這家嘉豐平常都只去啟德道那家都不知道原來有家跟自己那麼接近可能因為是這家12:00就關門吧進入店裡侍應們都非常忙碌但不忘熱情地給在下安排位置在下大膽說現在年青一輩的真沒辦法做出這些親和力來到比較老舊的店也才有這種風味是讓人懷悗和珍惜的坐下後看看點餐紙沒想到選擇滿是多的了一下在下點了牛肉香茜腸和燒汁茄子腸粉皮理所當然是滑溜的醬油自己加方便配合自己口味茄子皮脆肉軟點些濃濃的燒汁粘在魚肉上簡直愛不惜手懷舊魚翅餃一看就知道足料啊快把餃子皮撐爆的感覺裡面更有豐富的肉汁和菜一起一點都不乾口皮雖薄但能品嘗到他的QQ彈性鳳凰腳趾好入味啊還有墊底那幾粒粉粉的芋頭粒難道是太久沒飲茶的關係？道道菜色都讓在下回味襯還能早起床要多跟公公婆婆們在這亂世中好好多飲幾餐茶

我諗九龍城冇乜人會唔識呢間點心鋪，每次你都基本上一定會叫鳳爪排骨飯，20幾蚊d料多到滿，每次都要用另外一個碟夾起啲排骨同鳳爪，不過有陣時個飯可能會煮得硬左dd，今日算正常好食。

四月第二個星期四晚上，突然下雨。跟友人在九龍城做完養生蒸已經差不多十一點，在附近看看有沒有吃的沒關門，就讓我們找著這家點心。雖然時間有點晚，裡面食客不少，友人肚子很餓，所以很快就點了很多吃的。第一道是蝦餃皇，蝦餃很大顆，皮不算薄也不厚，不過略嫌太軟太黏，蝦肉混了一點點肥膏，是為可接受程度。當然少不了蟹子燒賣皇，也是大大一顆，味道不錯，為了增加彈牙口感也是混和了一點肥膏，份量比蝦餃多，個人不太喜歡這味道，燒賣蒸得稍為乾身，還以為在吃乾蒸燒賣。我點了沙嗲金錢肚，金錢肚不夠爽口，煮得太軟身，味道不錯，但如果沒有看菜單根本吃不太出來是沙嗲口味。再有我每次必點的魚肚滑雞扎，魚肚厚厚一塊，腐皮太乾身導致過硬。然後，居然在裡面給我發現芋頭，實在是太失望，根本不應該出現的東西，火腿沒多大味道，估計是給蒸出來了。最後是友人最愛吃的流沙奶皇包，說好的流沙是沒有的沒有流心效果之餘就像是奶皇醬一樣，流沙是會有點蛋黃的口感，這裡的是奶皇包，不能說是流沙。填飽肚子，相約下一次的飯局，各自回家。

最近幾個週末都要開工，真箇忙碌也。例牌開工前先吃頓豐富早餐，為迎接一整天工作提供了動力....晨早來龍城區，茶記的選擇雖有不少，但我今日想吃點心盅飯，就轉而向區內的點心專門店埋手....這一間點心店，看著她生意越做越大，現在除了有分店之外還做起火煱及潮菜的生意來。對此，真的是萬料不到....朝早，店內滿目都是在嘆茶的老大叔。而我，雖然也是大叔一名，但一坐埋去，我絕對可算是年輕了....現在的胃納真是越來越少，以前的我是可以輕易的解決一盅加兩件點心的，但現在呢，一盅飯加一碟小點，就已足夠讓我力有不逮....要飽肚，要補充及儲存體力，就一定要吃飯。一盅鳳爪排骨飯，便成了小弟今天早上的主食....用小瓦煲上的飯，好處是入口熱騰騰但又不會太燙嘴。鳳爪有點太偏濕帶爛，這可能是和翻蒸有關吧；排骨有些太肥沒有甚麼肉可食；飯粒倒反不算太濕亦是分明，算是最好的一環了....看到點心紙上竟然有魚翅餃可點，這是有些喜出望外的。現在回想起來，好像也有一段長時間沒嚐此物啦....記得從前吃這餃時，饀內是真的有魚翅的 (不過相信應是素翅來)。而現在這個呢，肉中亦混入了一兩小條像素翅的東西。餃內基本上是塞滿了紅蘿蔔