影片
星期五到到打牌價錢都差吾多.幾個雀友最就腳就係銅鑼灣.家雀會有得上網訂位.有電子同人手麻雀你簡.900蚊6個鐘一間房。包你一個75蚊內既粉麵飯配飲品.我地叫左d 碟頭飯.其實都係志在有得打.食物正常過得去.要求吾高.但好在有獨立廁所.安全.加上服務都ok.
继续阅读
港铁铜锣湾站 C 出口, 步行约4分钟
继续阅读
开饭介绍
此店供應多款中式小菜，另設有雀局獨立房間，是供麻雀耍樂的聯誼會所，會員同非會員都歡迎。
继续阅读
以上资料只供参考，请与餐厅确认详情
招牌菜
E小姐既是好友又是同事，親上加親👭。佢聽過我提呢間嘢，成日話想嚟。之前啲同事食飯帶過我嚟，今次到我帶新人喇😚兩個人要咗薯仔炆雞翼、菜莆肉碎煎蛋。啲雞翼好大隻，切半有6件即3隻，薯仔炆得幾腍幾入味，青椒脹卜卜爽口，啲汁撈飯一流。菜莆肉碎煎蛋好似屋企嘅餸咁，調味幾好，有4大塊。$45一個餐仲包咗一大缽湯，次次唔同，但都係落足料嘅老火湯。仲有白飯同餐飲。飯偏細size，但就算添都係$2碗。呢度有成30款餸幾多選擇，就算日日嚟都要食個半月。材料雖然唔係最靚最好，但廚師煮功一流，比到“家”的感覺。阿姐招呼都幾好，不過啲冷氣有啲凍，大熱天都頂唔順❄
继续阅读
幫襯呢度打牌已經十年有多，貪佢地方乾淨企理，有電視睇有獨立廁所﹝未必間間房有﹞，野食又唔錯。而家做緊個特價套餐幾抵，晚十朝十，各式炒粉麵四碟同飲品四杯，連加一二百五十左右，唔算太貴，通常抽水都夠比。炒粉麵即叫即炒熱辣辣，夠份量味道又不錯，夜晚來打牌兼睇波，仲舒服過去酒吧呢！
继续阅读