嘉麗園潮州粉麵餐廳

营业中

休息中

晚上11:15，下著濛濛細雨，經過燈火通明的嘉麗園。見到裏面沒人，原來是晚上半夜12時才開門，一直到第二晚的9pm......潮州人真勤力哥哥仔叫我入去等一會，水滖便可以煮給我淨墨丸：已經包括半塊紫菜。墨丸超級彈牙，可以吃出墨魚粒.....通菜勁惹味，可以要求小油。佢個秘製醬汁可以全港第一炸魚皮厚身，問佢攞多碗湯；放入湯內30秒，正到暈。還有一杯冰凍五花茶，祗係$6，相信平絶港九。五花茶不會太甜，又夠濃味，正呀

呢間位於元朗嘅嘉麗園牛雜粉麵，我相信係全港最多牛內臟食嘅一間牛雜專門店，平時好多見都未見過嘅部位喺呢度都搵到，今次我只係食佢哋最普通嘅牛腩米粉，牛腩好多好入味，米粉大大碗湯底充滿味精，本人最鍾意潮州粉麵嘅辣椒油，但我都覺得佢哋個辣椒油太多味精，份量10分足夠但價錢偏貴未試過嘅可以一試

元朗食腩河，嘉麗園係好食同貴嘅選擇，耐不耐食一次都值嘅。好鐘意佢個湯底，用好多牛骨煲成，而且個湯有芫茜葱等調味，我通常連啲湯都飲埋。D腩真係好淋、有肉味同咬口。湯底加左腩汁，偏咸。河份都幾大碗，食一半都飽喇。只外本身平平無其嘅生菜，加左pat 特製腐乳，即時好野味。

元朗除了有馳名老婆餅之外還有很多美食的，我今日介紹係位於元朗一間麵檔名叫嘉麗園，這間鋪頭設計很特別和懷舊、,一進門口就見牌坊三個牛頭骨掛在上面,裏面不算很大,但座位人流也挺多的! 嘉麗園最出名招牌是他們的賓沙腩河，真是一試難忘,先會夾起一塊牛腩已經看見牛腩分有不同的層次,濃濃的牛腩味芬香撲鼻而來,牛腩入口即融,肉質鮮嫩，而且牛腩汁個湯底是秘製的,真的把牛腩嘅精髓推到另外一個層次~超級好味!🥰🥰🥰👍👍

搬左入屯門之後，都好少入元朗覓食，今日難得同老公一齊放假，齊齊入元朗搵野食！食lunch不外乎粉麵，搵到人山人海嘅嘉麗園，嗌左牛腩牛丸米+牛什雲吞河+腐乳通菜，首先試下啖湯，好濃，正！👍牛腩好林，牛丸都ok，老公嘅牛什都正，雲吞又夠大粒，通菜又勁多腐乳，最怕啲餐廳骨骨濕濕比少少腐乳你，都唔夠食，呢點要讚！👍下次再幫襯！

係元朗搵食 試下呢間元朗老字號入到去裝修好舊式仍然keep得好好裏面好多人連外國人都黎食👨🏾-叫左一碗雙拼牛腩魚蛋面聽講呢到嘅魚蛋係人手打，而且每日新鮮製造，食落的確好彈牙，但一碗裏面只有兩粒-牛腩炆得好琳，但略嫌太瘦，有少少硬遊嘅感覺，比起魚蛋份量多啲啲-至於個面底，口感彈牙，份量都多，食咗一半已經好飽-個湯底加咗腩汁，味道偏鹹🥴-食飽之後喺出邊企左一陣，見到原來依家面店有挑戰擂台，食夠30碗有五萬蚊，唔知有冇人挑戰成功呢🥴😂

在元朗長大，這間粉麵店算是和我一起成長。幾年沒有幫襯，一天剛路過，便打算吃吃。點了一碗丸腩米及一碟腐乳通菜，賣相嚇呆了我！竟然全部都是油浸。牛腩不夠淋、湯很咸；通菜上的腐乳很咸，沒有腐乳香，最可怕的是那層油，浸滿整碟通菜。吃了幾口之後，根本不能再吞嚥下去⋯這間粉麵店的價格絕不便宜，棄吃似乎太浪費，但繼續吃，便是虐待自己的味覺和身體了。

呢間，唔係路經一試，係專登慕名而嚟食嘅！🤩🤩🤩🤩元朗嘉麗園，個個都話好食，個個都話啲牛腩好正！講到咁正，無理由唔試掛？！🤷🏽‍♂️🤷🏽‍♂️🤷🏽‍♂️牛筋牛腩米！好正！真係好正😋😋😋😋😋牛腩超入味，而且好腍，好夠牛味！！🤤🤤啲牛筋一樣又係超入味，而且非常非常腍！簡直係無得輸👍🏽👍🏽👍🏽👍🏽👍🏽個湯底幾濃，加埋腩汁配埋米粉簡直係完美！👏🏽👏🏽至衰住得遠，如果唔係，呢間必定係我嘅日常飯堂！！🤩

一肚火，我第一次寫食評，就係負評。呢間嘢一直冇服務我係好清楚，但起碼貨真價實，不過今日母親節，我食碗粉等個女補習都勞氣到暈，我叫崩沙腩牛坑腩俾貴一個double,但俾d咁嘅我(上圖) ， 然後我投訴貨不對辦仲恰我女人仔，果個廚房佬大嗌出黎兇我，我都費事理佢，我話我唔係要呢d, 一係你改價錢，一係換，點知佢回返幾舊下圖俾我就算。繼續大聲過我，仲話我唔講清楚想要乜，串到話洗唔洗入去揀切邊舊，我答佢，咁係咪俾我揀呀而家？佢即刻唔答我，我本身想起身走人，單都唔埋，但我飲緊佢杯野，費事話我走數，我食d牛根算。

係元朗長大，即使係好多新食肆降臨，都依然會對某幾間餐廳有情意結，偶爾都會想去食下，順便懷緬下。🥰今日黎到嘉麗園，見到10年如一日嘅裝修，無論咩時候都咁多人，就知我無黎錯地方！🦑墨丸雲吞河🥢墨丸係我呢到嘅最愛，彈牙得黎又好有味🥢雲吞大大粒，同樣係好足料，好香蝦味🐟魚蛋水餃河🥢係潮州魚蛋，好乾淨嘅白色，好爽口！🥢水餃比起雲吞就有少少失色-💓💓窩心提示：鍾意食辣嘅你千祈唔好錯過佢嘅辣椒油啊！炒得好香！🥬腐乳通菜🥢係一碟好油嘅菜🥢d菜夾住超多油，食唔到落去-除左碟菜，d麵都keep到水準，不愧為元朗馳名麵店！👏🏻

我覺得嘉麗園係全香港最好食嘅潮州粉麵。單單一粒墨魚丸已經贏通街賦予通才更加無懈可擊今日我食咗我一生人之中最好食嘅牛脷我只能用無憾兩個字來形容仲有，我我諗佢係全香港最平嘅五花茶，冷飲熱飲五花茶都係每杯$6

今日同男朋友都異口同聲想食潮州粉麵就山長水遠由九龍區入到去元朗📍嘉麗園潮州粉麵一去到已3:30pm，都人群湧湧坐低之後即刻落單等左唔洗10分鐘就到三併湯河粉 餸方面揀左 👉🏻牛丸x牛腩x牛肚牛腩炆到好淋好重牛味🤤牛丸口感豐富，食得岀手打之餘仲覺得係用心製作的👍🏻牛肚就’un’左少少，如果淋d就完美了魚蛋魚片湯河魚蛋好彈牙，魚片味道重魚蛋少少，都係正！湯底 好有牛骨味，濃郁又入味河粉亦唔會太碎，完全配合到個湯底不過今次想食炸雞翼，但店員話無哂炸野食物，有點可惜，下次要早d入黎食！臨走我地仲買左此店岀既樽裝辣椒油$70

平時較少入元朗搵食，今日去行山前需要食d野先上山，所以同朋友決定黎想食好耐既牛腩。一去到就已經見到有好多人，好在等唔使5分鐘已經有姐姐幫忙搵到張5人檯。自己叫左牛腩加魚片河，侍應會問你需要邊種價錢既牛腩，同埋要爽定淋既。我就選擇要招牌既爽腩，再加個大炸魚皮，油菜，豆漿。招牌牛腩夠爽加有少少肥，唔痴牙又夠入味，好食。魚片夠爽彈，搞到我好想試埋佢其他魚旦類既野食。大既炸魚皮足夠5個人份量，就咁食可能會有d硬，浸落個湯度食就剛剛好。唯獨是係個河粉唔夠滑。另外豆漿夠豆味同新鮮，飲埋就已經非常飽

每逢入到元朗，必定要去嘉麗園食一碗紫菜牛肺牛腸米，這簡直是我的至愛。嘉麗園的牛什牛腩甚是出名，我十幾年前第一次光顧，已經覺得好像是找到世外桃源般，這裡的牛什炆得好入味，入口柔軟，絕對沒有過乾過硬的問題。牛腸洗得乾淨，柔軟可口。紫菜乾淨爽口，湯頭香濃而不會過鹹，配上炸蒜及蔥花，錦上添花。朋友點上的沙腩河同樣出色，肉質鮮美帶點脆骨，令原本不肚餓的他也三扒兩啖便食完😂我們也點了剩黑豬肉丸及魚蛋各一碗，因為只顧食都忘記拍照🤣兩種丸均爽口，肉質鮮嫩彈牙，不錯👍🏼

昨日中午入元朗辦些事務，好耐無入元朗，記得以前最旺係新元朗中心商場，今次入去見到附近建築物完全唔同，有好多新屋苑及商場。辦完事後，想食碗粉麵，突然醒起嘉麗園。潮卅四寶河粉 - 普寧豬肉丸，潮卅墨鱼丸，潮安魚皮扎，汕頭爱皮餃及野生紫菜。食落口各式丸都好有咬口，好新鮮，好好味。尤其是魚皮扎，好正。紫菜配好滑河粉一齊食，好夾。冰鮮原汁牛腩湯河 - 雖然冰鲜牛腩，但都耍四十二元一碗，不算便宜。相比一般價錢略貴。最重要係牛腩完全咬唔入，無牛腩味，劣評。