噴泉咖啡屋

营业中

休息中

1/9/2019 星期日，暑假的最後一天，雖然有風球，不過都想輕鬆下，一於去尖東蒲一蒲。喜歡噴泉咖啡屋，食物多源化，有中、西、日、泰！有雜錦拼盤，又可以食大餐，自由選擇。坐戶外，唔係太曬，間中有微風吹，好過屈喺室內冷氣房，呢度是遊客區，見到遊客表現出渡假的表情，人都舒服D。食下嘢，傾下計，一個好地方。

星期五這個日子，當然約班朋友來過happy hoursw啦⋯⋯約朋友一定要去一間方便大家和容易找的地方，這間酒吧兼餐廳，我相信去過尖東的人，應該不會無人認識.的.........噴泉餐廳，就是系尖東中心地帶，噴泉旁邊，這個位置，相等於尖沙嘴五支旗桿，一樣咁歴史悠久。大約7:00 去到，還有happy hour. 好鍾意這裏的麥啤，任何一個國家都好飲，而且容易入口。除了麥啤，這間餐廳起碼三四十種酒，一定有一款啱你👍飲酒一定要食的小食呀！咁就來個腸仔拼盤。有四款腸仔，有口感，外脆內軟。簿pizza,串燒十二串，完全配合這個環境。一面摸住酒杯底傾心事，一面享受美色，一面欣賞身邊的人怱怱忙忙行來行去。這樣就過了一個愉快星期五✌️

要等其他友人到齊先食晚飯，最好就係搵個地方黎返個HappyHour先尖沙咀有好多條街都係可以搵到HappyHour，有手工啤，清吧，飲紅酒之類咩都有。但因為今晚晚飯就係呢間吧既上面，而且hh有買一送一既生啤，所以就決定呢間。HH去到9點，就算要OT一陣先收工都趕得切。生啤種類算足夠，有我最喜愛既黑生啤除左飲酒，呢度亦有好多小食什至晚餐都有提供。如果唔飲酒既朋友，都會計一位有最低消費，起碼要叫樣食物。雖然唔算坐得好舒服，但就係露天夠開揚，天氣好有風既時候都幾舒服。而且要睇波既朋友就好適合

尖東地標 (圓型噴水池) 旁邊的 “冬菇亭”! 同事話一把把太陽傘遠睇似冬菇, 所以叫嗰排食肆做 “冬菇亭”, 商場正名係南洋中心! 可以坐室外, 不過怕有人食煙, 所以無氣氛都要坐室內!放工時候好多人喺度 Happy Hour! 不過我反而好欣賞杯咖啡, 有濃濃炭燒味, 好香醇幼滑!焗肉醬意粉 $55 好出色, 大量芝士鋪面, 即焗熱辣辣! 肉醬唔會太酸, 意粉軟硬剛剛好! 連骨豬扒意粉 $55, 豬扒煎得好香, 有少少鬆肉粉味道, 意粉有點少硬! 有小蕃茄 + 脆肉瓜伴碟, 蕃茄醬汁無乜味道! 

尋晚7點鐘我地2個女仔黎左呢間酒吧飲野傾計，玩到3點幾埋單$515，見到張單都覺得唔妥，我地邊有飲咁多杯！即刻搵職員講收多左錢，計多左我地一set錢，有位職員S小姐聲稱自己係晚班負責人，佢話佢地絕對無收多我地錢，叫佢check cctv佢話佢點由7點check到3點，仲態度惡劣咁話「你諗清楚先啦小姐！」 我話我地好清楚，我地只係飲左8杯，你地一定收多左一set錢！S小姐一直堅持佢地無收多錢，仲係咁叫我地諗清楚！傾唔掂唯有報警處理。警員黎到，同佢講返件事，我提議佢check cctv，佢話佢地唔會check，叫我地搵消委會處理。呢間酒吧我幫襯左都應該有10年以上，對佢充滿住感情！但今次竟然會發生呢種事，真係令我超失望！S小姐態度超惡劣，串串貢！噴泉咖啡屋！我以後都唔會再黎了！

自市政局百周年公園建成以來，圓形噴水池就成了尖東地標，其中《賭聖》《明月照尖東》就取景於此。而年青男女拍拖相聚，大伙聚會集合，大學生迎新營的城市定向，外國遊客選打卡拍照，周末慈善賣物會或演唱會，圓形噴水池肯定是首選，附近的酒吧當然是客人絡繹不絕，其中的 Cafe de Fontaine 當然是其一（它雖叫咖啡屋，但更多人叫它噴泉酒吧）。九十年代初，噴泉酒吧隔著噴水池對面就是被《賭聖》取景的大富豪夜總會（多年前已結業），這夜總會見證了香江回歸前醉生夢死沉迷幽香裡的的桴華時代，也代表著香港黑白兩道充斥酒色財氣的夜生活地點，回歸後這裡附近的百貨公司 / 大酒店 / 夜總會 / 按摩店 / KTV / 火鍋店 / 西餐廳 ...... 換了一撥又一撥，潮起潮落人事全非，但噴泉酒吧一直是尖東廣場最有代表性的酒吧之一，酒吧的區域也從室內延伸到南洋中心的路邊，到現在甚至營業區大半都在戶外了。以前，我們常在這裡消磨時光（畢竟朋友當中很多都是理大 / 城大 / 浸大的學生，離這都很近），時光荏苒，我們由老男孩變成男人，泡酒吧的話題，由泡妞 / 搞學生會 / 走堂找兼職 / 畢業找工作 ... 變成了

屋企冇得睇波，每次都要出去睇，要搵間坐得舒服又有酒飲有野食氣氛又好既餐廳真係好難，呢間絕對係真愛！首先講下環境，有露天有室內，露天啱晒睇波既朋友，側邊有個噴水池，夏天都唔會好熱，室內都唔差，幾好feel架！😍夜晚想同朋友飲下酒傾下計都係一個好好既選擇！Happy hour有d啤酒同cocktail仲買一送一🍻食物都好多選擇，pizza，飯，意粉，小食，講得出既幾乎都有😆我每次睇波都會叫枝豆，簡直係完美配合😂呢度d pizza係即叫即整，出到黎仲係熱辣辣，好正！牛扒好有質素，叫左七成熟，出到黎好嫩滑，好新鮮！意粉多汁唔膩👍🏻價錢唔算貴，係旺區黎講算係合理，真心推介！

I was very unsatisfied with the whole experience at this bar. The waitress was very unwelcoming and quite rude which started our time off on a bad note. I ordered a thin base deluxe pizza and requested no mushrooms. When the pizza arrived with mushrooms it appeared that the base was a tortilla wrap. The taste was over powering of garlic. The prices were extremely overpriced for what was presented to me. I was very disappointed and will not be returning for food. The only selling point to this ba

對酒吧黎講，尋日既歐聯決賽一定係其中一個最做到生意既日子，所以酒吧都講左每人min charge $300（未連加一），我自己覺得係可以接受的，其實一大班人叫下野食飲下酒都好容易meet到。而大家都估到，呢一晚應該係門庭若市。講返野食同野飲先，我地第一輪叫左一個3L Tower既啤酒，同一個芝士薯條，等左成9個字乜野都未到，之後我地問先話因為冇曬tower，可唔可以畀6杯酒代替，ok。個薯條等得仲耐，等左個幾鐘，熱就夠熱，但一啲都唔脆，可能係因為佢係用焗既方式整啦，但芝士汁同個薯條好唔夾…同其他餐廳或者以前愛爾蘭瘋薯食開既個種芝士薯條完全唔同，食得出係求其之作。到第二輪，我地又叫左幾杯酒，串燒同薯條，我地係上半場未完場叫既，但最後到踢完成場都未黎到。到最後埋單，即使佢咁多野冇黎到，都係話要收我地min charge，我自己覺得其實你冇咩可能自己做唔切，都要收人min charge。世界盃下個月就黎，如果呢日係世界盃做生意既預演，我會話今次係一個失敗既rehearsal，希望呢間酒吧諗一諗你點樣提升自己既食物質素同製作速度。

夜晚同朋友近近哋去咗呢度Happy hour，呢個時段某啲啤酒同cocktail有買一送一，相對起嚟比正價抵飲少少。叫完嘢飲之後侍應就拎咗份nuts嚟，入面有花生、芥辣花生、蠶豆、青豆、提子乾之類，侍應仲不時主動走埋嚟refill，當晚最少加咗三四次。Mojito入面有唔少薄荷葉同鮮青檸，隻味都調得唔錯冇苦澀味，酒味亦唔會太重，飲起上嚟甜而清新。如果唔係Happy hour時段有買一送一嘅話，正價百幾蚊一杯真係唔平，不過朋友就話以旺區嚟講已經算係合理架喇。

歡送舊拍檔嘅飯局完咗，大家都仲好唔捨得，點都要飲返杯先散！主角話近近地去呢度！我成日經過都唔覺咁多枱放出來！好多人露天嘆緊酒吹水中，小圓枱加摺櫈，氣氛好夠！天氣清涼！唔會熱住飲酒！我哋坐在枱堆中間！對住尖沙咀嘅燈飾飲酒！好正！法國K1664 Blanc白生啤($428)第一次叫桶裝啤酒，個桶好形，自己在枱面斟酒，生啤酒夠凍易入口，（自己就唔識飲有無麥香）唔會好澀，一桶可以分到6至7杯！幾抵飲！店員好爽手！上酒花生都好勤快！露天風呂feel!

英超日，位都都未坐到, 我跟友人來先，服務員只提供座位給4人給後來的人, 故意唔比人坐，兩人完全係到食塵, 服務態度真有待商榷, 服務員發脾氣之餘更指去無座位方向.唔知道係咪做生意...應該唔會再有下次之前食過晚飯，質素普通，都係pub food

之前已經黎食過dinner，雖然服務態度好差，但勝在環境好同埋食物都唔差。點知今日去到就食到一肚氣，今日同女朋友去坐下飲下野食下野。一坐低已經企左個待應係隔離催我地點野食，我都算！照睇餐牌，睇完咪點野食囉！啲野食一黎，賣相非常好！但個西冷牛扒一食落去，凍既！好似未煮過咁，咁我咪同個疑似老闆既黑衫男人講，叫佢比啲熱汁我淋落去，點知佢竟然同我講你叫幾成熟丫？我話三成，佢話三成係咁架喇！我再叫佢啲伙記黎摸下，隻碟冰凍架！激到我！好彩個伙記有啲人性，幫我拎入廚房加啲熱汁！我先算數。之後叫左兩杯啤酒，咁佢會跟啲花生。我地咪一路飲下食下咁，點知佢有個身型較有福氣的伙記，突然係我背後指住我地好大聲咁講：「佢地食左三唔好再比佢地加！」我心諗錢你可以收，唔加咪有禮貌啲囉，我無比錢偷花生丫宜家。你無寫明跟幾多兜你都可以咁無禮貌！食物評價：食物味道一般 啲汁有怪味，牛扒好似無煮咁 我未試過食三成熟係凍既，啤酒就係唔夠凍。千祈唔好幫襯 黎食野慘過做狗

是日平安夜與朋友到這間食晚餐因為貪哩度有氣氛同埋熱鬧去到時已經有好多人啊不過有好多位所以都唔洗等位睇menu已經覺得好吸引因為有好多野食同埋好多款螺絲粉生果沙律伴火腿絲哩個沙律真係好好味生果好甜好新鮮 又多薯仔喎螺絲粉都唔錯 配埋沙律醬 正!!海鮮pizza最期待就係哩個pizza但事實上就真係有d令我們失望pizza邊超級燶 而且唔夠熱但pizza是脆的 我地都唔知道點解會咁服務態度幾好一坐低已經有人理我地嘿嘿 good^^

跟友人吃過晚飯, 見時間尚早, 則來到尖東喝一杯. 這裡入夜後氣氛很好, 露天座位坐無虛席. 老闆特意另開一張枱給筆者與友人, 真好! 坐下即點選了somersby, 朋友則要hoegaarden. somersby 夠冰凍, 清清淡淡的蘋果味非常討好, 一點苦澀味也沒有, 最適合女士. 朋友的淡啤也看來不錯,大大杯夠解暑.