噴泉咖啡屋

营业中

休息中

星期六晚十點到，間野都八九成滿本身想坐出面，但係原來有人bk左咁就坐係入面。諗住飲下野，食少少野。叫左杯hoegaarden黎飲同埋叫左田螺焗薯蓉，芝士焗薯條。等左一陣間就有。田螺比出面好食，鮮味啲。但芝士焗薯條就一般，唔夠濃味，比較淡。要點茄汁黎食先夠味。Hea左個半鍾，就埋單。但唔知係咪漏單，等左十分鐘都未得。再埋過，都係要等-_-

與朋友慶祝生日, 朋友提議去尖東Nara Thai ,點知裝修,於是去左旁邊的另一間!!!!我朋友最重要有酒飲我地坐露天位置,當然是很好啦, 天氣不熱,又唔焗促,佢係開放式既酒吧,想飲酒又食飯,真是一個好地方!!我不飲凍飲,於是飲青蘋果消脂茶!!好味道, 有青蘋果味但不濃烈, 又好香!!!正朋友當然飲heogarrden, 但點知侍應話無杯, 用其他杯,即時感覺不正了!!我朋友話會買一送一,但現在這個時間有無呢??!!我地傾計當然唔少得花生可以添食,不過我地無!!芝士焗肉醬意粉, 嘩,好正既芝士味,加上濃度適中, 最重要意粉是幼的,無發脹,唔錯wor!!又有兩塊鳥辣辣既蒜蓉包!!脆卜卜!!小食拼盤, 有美式,中式,泰式, 我地揀左美式, 好熱氣wor...又甘大盤!!!!最終當然食唔哂!!其實傾計環境很重要, 依度雖然露天,又多人行過,可能我地坐入左d,好靜, 傾計一流,又可以享用晚餐!!食物還可以,但就比較貴意粉要88元, 拼盤差唔多100元!!!我旁邊所有人都只是飲啤酒傾計多!!我還叫多一杯消脂茶, 埋單 362元 !!足足坐左3個鐘

其實在這裡工作了差不多兩年多，經常也心思思想到這間餐廳吃，當然有一陣子真的不停獨個兒在這裡吃，因為它位置多容易找到位不用等。今回選了焗肉醬意粉，在這間餐廳吃過蠻多次的了，個人不建議選擇其他扒類的餐，但沙律或它們每天的SPECIAL都是值得一試，由其沙律份量驚人，點一份應該能讓男仕們吃得飽的。當然試了很多回我還是喜歡它 － 焗肉醬意粉吃焗肉醬意粉前還有餐湯雜菜湯，雖則用料多但味道一般不夠濃郁。最喜愛吃到熱辣辣的焗肉醬意粉，上枱時它還熱得要出氣泡來，個人認為意粉不算出色，但它的肉醬煮得非常出色，本人曾試過點菜時要求多芝士，結果真的下了很多。很喜歡吃到焗肉醬意粉是好像PIZZA一樣會吃到很長的芝士絲，隨餐附送一杯熱飲，凍飲另加錢。值得一提它們的咖啡是十分出色的，又香又濃，個人非常喜歡。預期在其他快餐吃現在賣差不多40元的低質素焗肉醬意粉，倒不如加多一點點錢吃好一點，一星期吃一回個人認為不太過份吧！餐廳晚上會賣酒，愛酒的人仕亦可以選擇一下！PS. 需加一服務費，另非常適合外籍人仕用餐，因部份員工是海外人仕

是日與「逍遙堂」堂主在尖東的「Cafe de Fontaine」飲酒吹水，點了小食拼盤 ($98)。這裡最優勝的地方是露天開揚；在晚上坐在街上與好友食飯飲酒談論人生真的是人間享受。味道尚算不錯；特別是那即炸春捲及薯條，在戶外吃份外滋味。煩惱何其多，不用管太多！

聖誔正日跟男友去影燈飾。行下行下就去到尖東一直很喜歡露天茶坐露天BAR隨意點一間就走進去了噴泉算是在這開很久的店了，之前一直沒機會嚟試下，見嚟開又唔使等位就試下。可能因為晚餐時間過左又未到飲野既熱鬧時間，所以唔使等，本來坐左係露天位，但係我同男友都唔食煙，我仲要唔係好受得煙味，見四圍都開始點煙都係遷移返入去室內位坐底已經有NUTS同埋聖誔帽。兩個人點左兩個晚餐聖誔無特別餐又無特別價錢，雖然無左特色但係無特別價錢，都可以慳返D ＄＄，都好～！！前菜有水果沙律，D蘋果幾新鮮，幾甜，但係我覺得太多沙律醬。我唔係咁好沙律醬的湯是濃濃的“紅湯”， 很“茄膏”的味道，男友說帶我去吃多了好東西， 開始咀挑了=.=但真的不愛茄膏太重的那種酸味。。。蒜茸包很香脆，第一份咬下去像咬餅乾第二份無咁脆。。份份唔同口感好有趣正餐前：牛柳餐。咁既價錢有肉汁ga 真係算幾好，個汁幾香～後：肉醬意粉汁好濃好多，上面焗既芝士都幾香。D芝士最後俾我搶哂咁濟～但我都有俾返半份牛柳俾佢～哈～半份已經好飽！愛爾蘭咖啡～酒味濃過咖啡香，男友話唔夠好味我點的熱朱古力由於天氣凍既關係，一上枱俾我飲左半杯。。。所以無影到。好香好濃，唔

星期日晚一行五位美女來到Cafe de Fontaine, 該 cafe 位置不錯, 野食和啤酒選擇都幾多, 同時有戶外座位, 對於吸煙一族算是相當方便. 當晚大家叫了不少食物呢!义燒拉面 - 面質一般, 不過义燒幾好味..Turkey Panini - 整體不過不失, 不過與 super-sandwiches 比就稍遜10" seafood pizza - 個 pizza 底似面包, 不過 d 料都幾好味芝士焗西蘭花 - 芝之味道唔夠濃, 可能係我鍾意食重芝士, 但係墊底既薯蓉就好受歡迎.豬 satay 和 雞 satay 各六串 - 雞 satay 好滑, 豬就不過不失啦, 但係個 satay 汁偏甜少少辣都幾惹味.另外三位美女叫了 Peach tea, Lavender chamon Green Tea 和 Apple Tea, 其間不停 refill hotwater 都無另收費. 九點前部份酒有買一送一, 而我地叫左 Boddingtons, Hegaarden (L), Chimay 飲到個肚漲晒呢. 全場除左兩位女 waitress 成晚面黑黑外, ,其他男 waite

周日當然閒情，同食家去華懋買飛睇2012，仲有成個鐘先開場，就來最就近的噴泉咖啡屋食個tea先﹗毛毛細雨，坐在有傘子張開的露天位，落雨也不怕，唔知落雪怕不怕。上星期同友人在隔離的酒吧飲完，細看這間噴泉咖啡屋的餐牌，價錢同對面差不多一樣，happy hour都係買一送一，就要了兩杯hoegarrden﹗成4:00pm午餐都未食，食家點了火腿芝士水泡包，而我就要了隻大熱狗。水泡包Bagel我咁大個人都係第一次食，麵包外皮烤得硬脆，裡面的麵粉味濃郁，質地煙韌，紮實帶有嚼勁，配以芝士及蕃茄同吃，好食﹗熱狗包身鬆軟，熱狗腸香脆多汁，個汁醒胃香濃，也不錯﹗在店內係咁影下相，吹下水，睇下雜誌，不知不覺就夠鐘睇戲。2012超級好睇，不過下次睇戲前都係唔好飲啤酒，搞到成場走出走入幾次去廁所，錯過不了美妙鏡頭，這是敗筆。

昨晚又來尖咀，不過今次是尖東，選這裡是因為她有露天座，感覺不錯。坐下後叫了做緊 promo o既 edelwisses 和 tiger，前著跟 hoegaarden 的味道有點似，十分易入口；後者則超淡，似飲水多過飲酒。跟著收了一個 9 吋的至尊 pizza 一試，批底做得不錯，但不是意大利傳統的勁薄批底，配料都好大堆頭，有青椒、菠蘿、意大利腸等，味道只是一般。

今晚和朋友聚舊.看見有幾間露天的餐廳,便揀了這一間.因大家都想食西餐飲啤酒.這一晚,我ORDER 了兩SET DINNER.但便等了超過30分鍾.好彩,我們都不太趕時間,只是不停傾計,所以沒有刻意向服務員吹吹ORER.但食物一到,真的令我很失望.沒有想像到,等了30分鐘的食物是這麼簡單.價錢和食物真是相差很遠. 最優勝的地方是環境十分好,因是露天的,在晚上坐在街上食飯飲啤酒真的十分享受.

早幾日同班Friend經過尖東，見到呢間露天Cafe稔住坐低飲杯啤酒食D小食，點知坐低後15分鐘都冇待應理會我哋，所有待應都只顧各自談天。好不容易才有一個見到我舉手叫人，我當然立刻落單要了一些小食及啤酒，啤酒不久便到了，但一飲之下便發覺不對勁，D啤酒竟然唔夠凍。心裹不禁涼了一截，早知就去其他酒吧啦！等了45分鐘後食物還未到，其間多次詢問待應都只是冷冷地回應"就快到啦"。心裹已等到一肚火，正想結賬埋單走人之時，待應就將食物送到。一望枱上之Pizza及小食拼盤就火上加火，等了45分鐘竟然將D咁樣的食物比客人食，Pizza軟淋淋好似用微波爐叮出來一樣，小食拼盤就樣樣都炸到乾巴巴，收咁嘅價錢而比D咁嘅服務態度同食物質素比客人，真係永冇下次！

20070901喜歡這裏兩點：環境隨意而舒服，對著生活氣息濃厚的步行廣場，撐一柄陽傘，用二十幾三十元買一杯東西，可以消磨一整天，看著太陽軌跡的變遷，直到店員出來收遮，然後再睇埋夜景；價格合理，選擇眾多：店面不大，餐牌卻一應俱全，難得的是生啤的品種都甚多，不止happy hour，作為午晚餐都沒有問題：）Happy hour時段啤酒買一送一，喝東西有花生送，亦無加一，當然，送的花生總是在味道上欠了一點。就這樣對著我那一壺薰衣草洋甘菊花茶，也不知加了幾次水，甚至靠在椅子上睡著了……

早幾日約埋幾個女仔一同落尖沙咀行街，行行吓去左尖東稔住揾地方食飯兼飲野，見到噴水池附近有間露天cafe，於是埋去坐低，坐低等了約十五分鐘都冇人理我地張枱，於是舉起手叫人落單，但個個侍應都好似當我地透明一樣，明明見到都當見唔到。終於有個四眼矮矮類似老板嘅中年男人行埋嚟落單，落單時他指手劃脚身體動作大得嚇人，再加上可能天氣的關係，見他大汗淋漓到件裇衫都濕透，由於他落單時企得比較近，隱約聞到他發出的陣陣體臭，我地幾個女仔都你眼望我相對無言，稔住盡快落單打發他走。於是我快快地叫了幾杯飲品及食物，誰知一等便等了45分鐘食物還未到，期間已多次向侍應查詢是否漏了單，但每次都只是回覆快到啦!最後小食及沙律終於到左，由於等到一肚氣稔住快快食完便算數，小食味道非常一般，有點似微波爐叮出來一樣，點知一食個沙律便覺得沙律汁味道怪怪地，見個四眼矮矮老板經過便叫佢埋嚟問吓，誰知他回答"呢種汁係咁味道，我唔需要妳比任何意見"。一聽佢咁講真係火都滚，今時今日香港重有呢種服務態度，重要唔係一般侍應咁講，可想而知呢間cafe對客人的服務態度係幾咁差。尖東又唔係得你一間露天cafe，真係執到錢都唔會再幫襯

今晚同朋友路過尖東，於是決定搵間餐廳坐低傾下計~這間餐廳環境也不錯，大多是露天茶座~而且都見有不少人幫襯，應該還可以吧!點知完全係相反叫左一個pizza、兩杯啤酒、炸薯角個pizza個樣已經唔得，完全唔似pizza~味道完全唔掂、勁難食，我相信無人接受到pizza不是焗ge咩????我完全未見過有餐廳整pizza係叮law~~~~~嘩~仲要成50蚊~ok的15蚊pizza都好味過佢10倍!!!!炸薯角ok la~不過，學朋友話:"炸野好難炸得唔好味"咁又係~如果炸野都唔好味，呢間餐廳真係可以close得。最掂得那兩杯啤酒~~如果only叫酒會好一點~明白點解呢間咁難食的餐廳都有人幫襯。如果沒有露天座位，那間餐廳一定"摺"得~

吓~ 有舊同事係尖東返工,而我又係尖沙咀返!睇到食評最終選擇到呢間餐廳試下囉!! 點知係選擇錯誤... 何解?? 1. 落order無人理,d待應望你一眼又走左去,吾該前!吾該后6,7次都無人理.係吾係開門做生意架??或者要好似係街巿/抗議咁拿大聲公先有人采??2. 落Order以為好快有得食, 前后等足20~30分鐘仲未見食物上台,催三催四...d待應先應你:"好我幫你睇睇"~ 等等等~等到火都黎!3. d食物到左,又錯~我要"Lunch set雞扒全菜+黑椒汁"第一次送錯"雞扒薯菜+茄汁", 第二次再黎依然錯"雖然薯菜變全菜,但依然係茄汁"! 吓..唯有將茄汁整走.. 變相"雞扒全菜走汁"**自問我講野都清晰,問我朋友我有無落錯order,佢地都話好清楚....吾通外國人多, 要用英文/非洲話先明??**1小時30分鐘午飯時間, 計由開始上台食, 預20分鐘食晒算係又快又趕,但呢餐午飯用吾夠15分鐘食晒... 仲要驚遲到返公司... 吾胃痛己經偷笑! 真係俾錢攞黎賤!

因為環境好, 而且沙律新鮮, 就算50蚊一個lunch, 我地都會偶然黎食. 可惜佢今日的待遇, 實在太過分, 一致決定將佢BLACK LIST !!!平時人少時, 老細既態度還好, 今日多左好多外國人, 就當我地死既, 初時逼我地坐吸煙區, 後來又要我地坐油煙出口位, 隔離有位都唔比轉!!平時上菜已經來, 催就更架喇, 不過今日個雞扒薯菜, 其他人食晒, 等左成半個鐘, 催左好多次先黎, lunch有幾來食飯時間o丫, 不如唔好黎!咁既價位, 竟然係只得到一身濃烈既油煙味& 一肚氣!!!