嚐客

营业中

休息中

一入去冇人理 自己搵個位坐 街坊食店我由佢 班員工傾計多過做野 屋邨茶餐廳基本上都係做熟客仔 基本禮貌都冇 坐入去食野好似貼錢買難受 啲野食又唔係好味 環境又唔係話舒服 成日淨係見到個經理行黎行去係度傾電話 真係有點嘅經理就有點樣嘅員工 大嘅都係咁 細嘅點會做到野

平時晚上間中也會來食晚餐，覺得味道都ok。今晚與家人一行4人來吃家常便飯。平日嘅晚上也多人，還好家人早點到，可以坐到卡位，舒舒服服。今晚叫了三餸＆炒飯，每人送一碗例湯。椒鹽肉排，好香口菜甫肉鬆炒蛋，蛋炒得好香一入口食到脆脆嘅菜甫，唔錯唔錯馬拉盞炒通菜辣辣地幾好味，比平時係其他餐廳食嘅辣dddd，唔食得辣嘅人應該就食唔到楊州炒飯，材料都幾多，飯炒得夠乾身家人覺得有大排檔的鑊氣。食物味道都唔錯，份量也ok。街坊餐廳，絕對抵食

嗌外賣，錢比完，想話坐低等，竟然俾人趕出門口當時係有吉枱， 並非滿客，如果有客入座又無其他位安排一定會讓座，第一次幫襯就遇到咁嘅情況，仲點會有第二次態度超級差，勁無禮貌，嗌熱鴛鴦糖又唔俾另外一杯凍飲叫凍檸茶，紙飲管都無枝不知所謂，無第二次嗌左兩盒炒河，無味，要自己加味👎

這家店是朋友介紹. 早餐都常常滿座. 早餐的豬扒/雞扒都特別好吃.  真的是有醃好的味道. 尤其是豬扒.  有香茅味道的. 而且很林.   所以早餐. 我不只愛吃 abc餐. 至少有片肉. 比較好吃 ,奶茶咖啡也不錯好的. 說回. 昨天試他們的晩餐小菜. 真是第一次吃. 早餐/午餐都吃過幾次, 第一次試晚餐原來晚餐沒有熱奶茶類. 只有凍.  明白應是師傅已放工. 做好一些給夜班的. 調成凍飲昨晚點了.  豬頸肉,   -   肉夠juicy 不會太乾, 味道剛好, 望個樣. 坦白感覺可能一般, 但吃上口,  叮一聲.   好吃呵. 椒鹽豆付, - 這個不得了, 咋得皮脆內裏軟既豆付, 已很久沒吃到這樣的水準.   面配料也很野味, 超讚乾燒伊麵 - 這個正常. 不差. 加一杯凍飲 - $302唔怪得知. 七點入座是時全滿.  很多街坊都很捧場.    唯一係夜晚無熱奶茶飲爭dd. 哈. 要留番早上去飲吧.另外很值得我讚係, 招呼姐姐很有禮, 而且好勤力. 成日過嚟幫你收碗碟. 而且都好客氣.  非常讚. 坦白, 近日食過好多食巿. 真的很多服務都不太好. 無論平與貴. 這家小店做得不錯

半百人生第一次係食肆被店員要求講嘢細聲啲😵😵😵仲要喺茶餐廳嘅格局餐廳三次要求唔好咁大聲！我哋10個人被安排迫喺一張6-8人枱，仲要係一間小炒格局嘅茶餐廳要求10個人一枱嘅客人降低聲音傾偈，食物質素唔多講，淨講服務態度極差，可能我哋唔係熟客嘅關係啦，其他熟客兩三人一枱嘅叔父們講嘢聲浪絕不遜於10人枱，但都不見有被「溫馨提示」！同時，如果係覺覺得客人聲浪有點大，作為有質素嘅服務員是否會行到客人枱邊善意提醒而不是隔幾枱咁嗌客人細聲啲呢？？？？本身跨區去幫襯小店、支持香港小店，不過真係幫襯唔落支持唔落。點解香港食肆少人幫襯、生意淡薄，正正應該反省下店家自己個服務態度及食物水準先！😤😤😤

今日去咗常客食飯，大約晚上8:00去到，見餐廳入邊都有好多空位，見唔使等位就入咗去食🥳🥳🥳🥳今日就叫咗兩個煲，一個係枝竹牛腩煲，另一個係魚香茄子煲👍🏻👍🏻👍🏻👍🏻👍🏻👍🏻枝竹牛腩煲份量好大，有好多枝竹同埋牛腩，我比較欣賞嘅係會有埋牛筋係入邊！！！！😍😍枝竹都好入味，吸晒啲汁幾好食🤣🤣🤣🤣而牛腩同牛筋都好林好入味，唔錯既！👍🏻而魚香茄子煲份量都好大，好多肉碎同埋茄子，茄子就比較大條，入口就有少少難，如果細條啲會比較容易入口同埋食😉😉

今晚諗住慶祝父親節開開心心唔洗煮叫餸食飯叫咗兩個餸咕嚕肉好快到梅菜蒸魚條魚成個鐘都未到都算味道其次最主要係問侍應有冇例湯跟餐侍應即刻答我現在幾點即刻冇晒心情食嘢真係九唔搭八

疫情期間冇得堂食，叫個咸蛋蒸肉餅返屋企食啦，睇落ok一食就出晒事，咸到腎虧，成盒野食左一半都冇揼左，仲要成舊水，真心搞唔掂好似食左舊塩咁。又貴又難食唔想做外賣可以唔做啦冇謂搞到啲客人食飯既心情

估唔到又唔錯啵,平得黎又幾好食,下次經過會想再食。 鹽焗雞，蒸魚都好好味，經典客家菜。環境喺呢個價位來講嘅話算係好唔錯， 乾淨。係屋企附近，同屋企人落嚟食簡單又方便。下次都會帶啲朋友過嚟試吓。

今日下午三點坐低叫左個下午茶楊洲炒飯09分入單34分先到，咁大路野都要等25分鐘，想等多幾圍先開炒？最火既係格泥台都食完埋單走人 坐個新客洛來又係叫楊洲炒飯，人地就等5分鐘，憑咩要我等25分鐘？要等咁耐點解一直無人通知一聲？等我拿拿林轉食第二樣都好！以後洛樓下食都唔會再來！