嚐樂煮意

营业中

休息中

Went to this Cha Chaan Teng in Quarry Bay with my family during afternoon tea time..All of us ordered the Tea Set. I selected Fried Egg & Sausages with Rice Noodles. The sausages were Valley Chef chicken sausages, so they were savoury and had a firmer texture. The fried egg was cooked over medium with a slightly burnt outer layer and a slightly runny yolk. The rice noodles were pleasantly elastic. My dad ordered Swiss Chicken Leg + Potato & Corn Salad. The chicken leg was nicely marinated in Swi

叫茄蛋飯黎到得好少蛋，額外叫多兩隻蛋，點知收銀阿姐一見到過黎鬧我話唔可以咁叫，要落單時出聲叫埋，落單時鬼知你得咁少蛋？？去食飯無啦啦要受氣，嘢食麻麻都算，無禮貌先係最惡劣

鰂魚涌區真係好多茶餐廳，全部都快靚正！呢間茶餐廳一坐低未叫野食已經問你要唔要羅宋湯，要既就即刻上比你😂個湯份量好足，夠味，真材實料！ 佢竟然仲特登有一個素食餐牌，都幾多選擇😮鍾意食齋既可以試下！ 我嗌左香煎雞扒拼豬柳漢堡洋蔥汁飯。上餐速度勁快！野食送上黎仲係熱辣辣架！好多汁😂撈飯一流👍🏻雞扒大大塊但煎得好嫩好香，好好味！豬柳比雞扒遮住左，就係普通既麥當當豬柳漢堡😂大大碟一定夠飽，又送湯同野飲，好抵食！

今日試左鱡魚涌附近嘅外賣，點知就好似中左伏🥹🥹。依間餐廳係我第一次試，應該都唔會有下次🙂。利申先 我唔係100%肯定塊肉餅係生，但啲肉真係好粉紅色，同我平時食嘅肉餅口感同味道都唔同。不過呢 個肉餅就真係熱嘅，所以我都唔太肯定。肉餅份量係大塊，同埋都厚身， 如果唔係我見到啲肉可能係生，我應該都會俾好評。大家可以睇下下面啲相做個參考🙂🙂， 都可以feel free係下面留言，話俾我知熟唔熟🤣🤣。我就真係唔係好識判斷。

行行下見到有素食餐牌覺得呢間茶記幾有心所以就試下佢羅漢齋炆伊麵（都算大份）一個凍檸茶、一個係中湯同埋咖喱牛腩飯（多汁正）速度好快整體味道不過不失選擇繁多，十分好

今日去鰂魚涌搵嘢食，隨意就步入咗呢間茶記。午餐選擇唔算好多，我叫咗個「黑椒牛柳粒煎蛋」配飯/ 意粉/ 薯菜，包湯、蒜蓉飽同嘢飲，盛為$60，算抵食。呢頭點完餐 個頭已經送咗蒜蓉包、湯黎，冇幾耐碟飯都到埋，服務补常之有效率，而且碟飯好大碟，牛柳粒好多。但佢啲黑椒汁實在太辣喇 唔太食到

通常生炒牛肉飯是牛肉粒+ 蛋 +洋蔥 +生菜絲，這裡是牛肉片炒飯，味道ok,但飯粒濕身。此店以乾炒牛河🉐️獎做招牌，其楊州炒飯不是用义燒而用火腿及紅腸去代替，看來也沒什麼傳統，只有自創.

前幾日去左北角上堂，下午同同學仔一齊出去食飯，見到呢間特別多人排隊嘅店，好似值得一試咁店舖門口唔算特別乾淨，但勝在waiter夠勤力咁不斷抹枱呢間店有A-H嘅餐，可以配杯飲品 或者 一個西式湯 或者 一個中式湯我叫左個雞排漢堡排意粉，第一眼望落去，塊漢堡排同我預計好大出入，仲以為係麥記個啲咁大塊，不過味道是一樣的。第二眼，塊雞排好大塊啊！汁又多，意粉又多，都係40$ up，抵食但係如果意粉啲汁可以自己揀，黑椒或白汁或番茄汁會更加好

又黎茶記介紹，呢間茶記就位置有d間泄，要入到內街就轉角先睇到佢，門面光鮮，環境比一般茶記乾淨衛生，可能裝修以白色為主調，感覺都企理啲。一入去待應就黎幫手落單，叫左今干燒伊面，無咁多肉，價錢就$46凍飲加3蚊，不算貴亦唔算平，合理價錢la食物方面，今次個伊面整得唔錯，上碟仲有煙，仲有就係夠晒乾身，味道都夠，得閒食下轉下口味，唔洗餐餐都食飯咁Dry呀嘛。見到個『忍』字既牌，不忘都回心一笑，為呢度增加唔少書卷味

其實我已轉去附近更美味的茶餐廳吃早餐了，但今天因為同事們邀請我去食早餐， 勉為其難試多一次；已經給他第三次機會， 再次試食他們的五香肉丁公仔麵， 來到的同樣是一堆未經溶解的肥豬油， 再次向店職員投訴，他們依然的答覆是我們入貨的罐頭是這樣的，你不如下次食其他東西吧！ 但本人真是五香肉丁痴， 我放下錢就轉去其他茶餐廳再食，今天付出多了錢，還要生氣，對它已經完全失望。其實我覺得只要廚房哥哥可用心啲，唔好亂倒出嚟畀客食，已經可以解決問題， 但樓面的嬸嬸回復亦是天下極品，算啦，轉埸

依加茶餐廳的早餐都要$30幾，愈尼愈貴，又細份，難得咁遠尼到鰂魚涌就要去食下早餐，竟然唔洗$30，好開心沙嗲牛肉公仔麵 麵包熱辣辣烘埋底好好食，脆卜卜，入面的牛油半溶狀態，牛油唔會好多，唔洗擔心太heavy個餐係火腿煎蛋太好，因為如果係煎雙蛋就會好飽，可惜隻蛋穿左塊火腿同平時食嘅唔同，佢唔會太油 我平時食茶記火腿會食到成口油😥至於個麵，牛肉份量好多，麵唔會太腍，只要尼到撈一撈個麵，食下麵包蛋，再食個麵就剛好可惜湯底有少少鹹，不過抵食

在鰂漁涌有間出名大酒店 不是指真正的洒店, 講緊先人出殯的地方.... 今天在這裡附近工作, 嗅到陣陣花香, 噢, 有很多賣花牌的店舖, 就是送給先人那些, 不介意的話, 再行前一點, 便是這間街坊西餐廳 ....看看"是日午餐"餐牌, 有成 10個不同菜式，$45 包埋湯和熱飲， 這個價錢，認真貼地! 據悉早d來，除了老火湯，還有红湯： 羅宋湯，供你選擇的 甘食物質素又如何先？ 係咪一樣咁討好呢？ 小妹不愛吃飯， 就叫了羅漢齋炒麵 個外型很討好， 大大碟，麵條煎得卜卜脆 ，茨汁不太濃或稀，味道也不會太咸及味精， 只需 $48, 超抵食!

大部分香港人早餐就是去茶餐厅。而人氣最劲就離不開：1. 餐蛋公仔麵2.雪菜肉絲湯米粉3.香腸火腿煎雙蛋配牛油多士而最巧廚子功夫就是雪菜肉絲湯米粉，大部分都是淡而無味。今天卻嘗到真正用心做的豬扒雪菜肉絲湯米粉。這裡不同之處是第一先把雪菜，肉絲和辣椒炒過，然後才放到煮好米粉再加上湯。雪菜嘅香味和咸味就完全出來。至於另一主角豬擬也做得很出色，豬扒夠嫩滑又juicy。最近加上一杯咖啡，美味早餐只是HK$31。

Exceeded expectations with delicious, quick breakfast of noodles, eggs, toast, chicken steak. Service with a smile. English menus for breakfast sets.

係鰂魚涌反工,午餐最緊要就係快,經濟同實惠,食完啦啦淋反公司繼續做野.雖然都有好多選擇,但對一個茅蘆ge打工仔,平小小飽肚就ok. 其實去過嚐樂煮意都3，4次，午餐只需要$40,仲有8，9款選擇,西式,中式,蒸飯,焗飯都,包你仲會有一款鍾意. 尼得茶餐廳都其實預左咁ge價錢質素唔會特別好.我叫左粟米班腩飯,朋友叫左蕃茄汁煎雞扒玉子豆腐飯.我同朋友都想飯例湯。d野食出得好快手,叫完1-2分鐘就有. 講下個湯，青紅蘿白栗米豬骨湯，湯料好多，但味道比較咸，有小小覺得加左味精。兩碟飯都好大碟，包食得飽。我個栗米班腩飯，都有好多塊魚，班腩炸粉唔會好多，魚柳不夠新鮮，冇魚味，粟米汁好多，略淡。.朋友的蕃茄雞扒飯，蕃茄汁好濃郁，蓋過玉子豆腐味，雞扒都很大塊，但煎得較為熟左小小，比較乾。兩碟飯都不過不失。總括來說:快,經濟,實惠，多選擇同好多飯. 5分鐘叫完食完可以返反公司繼續做野