嚐粵樓小館

营业中

休息中

今日同朋友想食中式嘢，有個住跑馬地嘅朋友提議景光街新開咗間粵式菜館，中午有茶飲，於是眾人決定前往一試。入去侍應斯文有禮，好快開好茶，環境乾淨企理，開始叫點心，發現有我喜愛嘅懷舊沙翁，超開心！抱住一試嘅心態，喜出望外的是點心樣樣精致又好味，蝦餃精瑩剔透，鮮蝦腸粉的蝦大大粒，爽口彈牙又大份，煎讓虎皮尖椒卜卜脆，蘿蔔絲酥角鬆脆內軟⋯⋯叫咗十幾樣點心，未能一一盡錄，捧腹而回，滿足而歸，多謝好友冇介紹錯，下次再去試吓晚飯中菜，睇吓有冇驚喜！😋😋

跑馬地呢個地方中式食肆唔算多，想飲茶要走到銅鑼灣，有時都會諗，如果屋企附近有間可以食點心嘅地方就好啦！哈！比我發現到原來景光街開咗間粵菜小館，咁咪同家人入去試吓囉…識我嘅朋友都知，我係一個芝麻卷迷，每逢去食點心，都一定會揾吓有冇芝麻卷……咦！唔好講笑，竟然有得叫！我開心到呢…即刻點佢嚟試吓先……唔試由自可，一試真係不得了！點解可以食到咁軟滑咁香芝麻味嘅芝麻卷嘅？平時睇電視卡通片，啲主角當食到好味嘅食物時，會眼泛淚光，然後大聲講：好好味呀！當然啦！公眾場合，都要比少少儀態嘅……咁我唯有將呢份興奮又富驚喜嘅心情，食埋如下嗰兩條芝麻卷啦…#下次一定會再安哥

星期六懶洋洋一點半去跑馬地揾嘢食泊好車本來諗住等祥興食個午餐加菠蘿油但排隊時見前面有爭執而且修隊都要等四五張抬三十幾度喺條街都不如睇吓周圍有乜選擇行過隔離街見呢間新開冇乜人啲櫈又好似幾舒服未睇餐牌價錢就入咗去原來食即叫即做點心又有幾款炒粉炒麵選擇雖然大路不過大部分啱食就係咁我哋兩個人叫咗六樣嘢油菜先到，有心機將啲鞋口部份切除，芥蘭都相當新鮮义燒包正常勝在即叫即蒸吾會話吾好食蝦餃蝦肉彈牙爽口，燒賣都正常，都係勝在即做所以新鮮程度有保證义燒腸屬於有驚喜粉漿新鮮嫰滑芫茜吊味帶出义燒嘅香口最後芝蔴卷做返傳統味道我哋都食得開心本來想試埋傳統沙翁不過聰到樓面同事話今日賣晒值得一提各員工服務態度相當有禮主動細心食物價錢亦算公道（同隔離正斗比）我哋下次會再嚟😃

同朋友路過 見到新店 ，一行六人 入去試吓 竟然有驚喜 。首先 要佐半隻圍村白切走地雞 皮薄肉滑 ，實在太好味，結果要追加多半隻。 我哋仲有食手工墨魚腐芥菜煲 ，魚腐很滑 ＇湯底清甜；雞油花雕蒸馬友，魚很滑 滲出淡淡花雕酒香；嚐粵樓小炒皇 夠鑊氣，喜歡佢有香脆芋絲；X 0醬煎釀北海道元貝，有賣相 有驚喜 煎釀蝦膠上內竟然有一粒元貝 ，見到師傅真係落足心機⋯⋯ 樣樣都好正！ 因為第一光顧 好多菜式都未試 ，期待下次再試！值得一提的是 竟然有 遺忘了的芝蔴卷 很香濃芝蔴味，正！