嚐粵樓小館

营业中

休息中

千祈唔好幫襯食物水平越嚟越差，侍應的態度服務每況愈下。有個外賣客同個阿叔侍應講 佢等咗成個鐘都冇得攞，個阿叔侍應仲鬧翻個客轉頭話：「唔係我話得就得，係廚房話事，做好就會攞俾你！」 態度令人非常反感，我仲以為自己去咗茶餐廳添。今日幫襯仲離譜， 我們一共三人, 6:40pm 坐低, 馬上叫嘢食, 只係叫咗三道菜之後足足1小時後先至有兩味菜! 其中一位男侍應不斷游說我們吃時令游水魚，叫咗之後終於上菜第一味煎金蠔，其實原來係煎蠔豉，第二味清蒸海魚是吃青衣魚，他聲稱1公斤，但係非常之細條，仲要成$600 一條。最激氣的是我們一共等了1小時30分，還有一味菜丸牛肉未有，催促了了很多次，白飯已攤凍了。我們很氣憤和侍應說埋單取消，侍應才問我們是否不要馬上叫食物水平差，侍應服務態度差，廚房炒等了1小時30分鐘擺明是漏單，不但沒有道歉還跟我們說因為很多單廚房唔夠人手。咁樣嘅態度做生意，只係三碟小菜為何要等1小時30分鐘呢。我們以後不會再幫襯很失望。只係吃了一條魚煎金蠔和一碗白飯就已經$955 ，非常之唔抵。奉勸大家千祈唔好再幫襯。食物水平差，侍應服務態度差，請不要幫襯！冇得試啊有冇搞錯啊？氣憤和侍應說埋單

我已經幫襯左呢間餐廳N次，今次真係忍唔到，十分失望。同一件事發生兩次，在提前打電話確認過有貨嘅馬友魚，無情情到達後點了其他菜，過咗一陣，店長就會行過嚟同我講魚已經賣完，即係焗我食其他嘢。兩次既劇本完全一樣，即係唔係巧合，係慣性操作，咁樣已經證實左佢哋嘅問題係在於人格。其餘菜式可以不屑一顧，點心選擇少，味道普通，生拆蝦其實係冰鮮蝦，椒鹽鮮魷或炸九肚魚只有寮寮可數的數片，呃秤之選，所以今日之後，嚐粵樓係一間沒有了馬友魚便不值一提的餐廳。

4個字，不知所謂！呢味餸叫椒鹽鮮魷，但係半碟其實係炸粟米芯！先唔講味道，大家可以睇相，相裡面右手邊全部都係粟米芯！（影相前食左3舊鮮魷同埋2舊粟米芯）大廚後尾仲出黎大大聲聲話淨係得幾舊粟米芯咋嘛！點解？ 因為佢話係又幾條粟米芯切開炸出嚟嘅。 Err… 咁佢咁樣講係咪等於成碟餸得1舊鮮魷？ （因為d鮮魷都係又一隻切出嚟㗎wo）🤣味道方面，講真係中規中矩嘅。 但係大把中餐廳都係差唔多咁樣嘅味道，但係起碼唔會食到一肚氣！#大家小心 #中伏

每次食都唔會令人失望，不但勝價比，小菜點心樣樣都見到廚師心機！一家人食飯，求其叫的小菜都無得輸！由湯、餐前小食、招牌小炒到甜品，都無令人失望。只係地點吊腳，如果唔係會成為我日常食堂！聚會過節必選心水之餐館。小食會推芋條！心機野要試一家人食飯一定米走「雞」，有咬口，價錢合理想飲湯必試豬肚湯，無腥味，一飲就知温暖椒塩九肚魚，鮮香十足沙薑豬肚招開胃小抄皇，疏菜煲都非常出色食埋甜品芝麻卷，回味無窮支持良心小鋪

老友話跑馬地有好介紹，今晚終於有朋友回港聚頭有試食機會！不得了，每道莱色都十二分出色！朋友們都讚嘆不已！頭盆三小碟：沙姜葱油豬肚又夠冧又無臭豬尿味，避風塘鮮魷，同盬燒九肚魚脆炸漿夠薄火喉剛剛好，保持肉鲜嫩滑！頭盆已經咁出息，十分祈待主菜！都有廣東懷舊粵菜，香煎韭菜墨魚餅 ，琵琶豆腐，杏汁花膠白肺湯，飲完個唇好膠，差不多失傳的粤莱，兒時回憶，今晚返晒來！我們食得出主厨的心機，心思，工夫，個胃全部接收晒！意大利黑醋咕嚕肉，白切走地鷄是清遠鷄，用上湯浸，時間掌握剛好，肉質嫩滑沒有多餘肥油，直頭一絕👍！鷄油花彫蒸馬友，又係驚喜，越似簡單的蒸魚，越見大厨真張！仲有招牌炒飯！居然用砂鍋上，內有大大粒海参鲜蝦，炒飯粒粒分明夠乾身但不失濃厚飯香，拍得住日本米芝蓮鐵板燒炒飯感覺！最後2個招牌甜品西米蓮蓉焗布丁及沙翁！個胃已經call我話好飽，但係都不能抗拒要食！好彩食埋，蓮蓉混入芋蓉，甜度剛剛好！最後沙翁的濃郁疍味，又炸得外脆內軟，正正就是兒時回憶的味道！食得感動又開心！還有侍應大姐熱情招待，又介紹每道餸莱的特色，貨源，用料，食材，果然是top sales!真係有小店温馨特色！朋友個個萬二分滿足，已經约

跑馬地又見到新餐廳「嚐粵樓小館」裝修，大食會會員咁多街坊喎，一開張即急不及待組團去試。地舖樓底高高，散座其實唔算多，最大嗰張圓枱頂多坐八個人，全店估計可容納上三十多人。室內光線充裕，簡單嘅盆栽及小和尚擺設已流露出中國風。第一次幫襯，好自然地憑螢光幕嘅靚相點咗啲招牌菜。另外再加咗啲是日推介菜式。每個位都有齊備嘅自用及公用餐具。小食$18/碟，不過內含花生，細佬唔食得。甜蜜脆芋絲（$58）：修長嘅芋絲條條脆卜卜，沾上少量嘅蜜糖添上甜絲絲，十分可口。沙薑蔥油豬肚（$78）：豬肚質感爽脆，而且一啲押味都冇，惹味醒胃。蒜蓉粉絲蒸聖子（優惠價$48/隻；原價$68/隻）：特價聖子體積就夠睇頭，無奈咬落偏韌，長輩們都嘆自己牙力有限。甜桃香芒脆蝦球（$88/位）：蝦球西式嘅賣相高級，可惜敗筆在層炸皮唔夠熱同唔得香脆，蝦身唔爽彈，而且個芒果醬酸度過高，$88絕對食唔過！椒鹽炸鮮排骨（$148）：排骨每件都好大舊，唔用刀叉食真係有啲狼狽，加上硬而不脆，不吃也吧！竹笙元貝豆腐羮（$58/位）：白雪雪嘅豆腐羮不單水汪汪，飲落鹽味最重，完全飲唔出元貝嘅鮮味！避風塘粟米芯炸鮮魷（$138）：炸至金黃嘅鮮魷皮脆肉Q

好難得星期五晚冇訂枱walk in都有位🥹好好彩地坐左最後一張二人枱幾個月冇黎食過，發現多左秋冬推介menu，廚師推介亦有新菜式，即刻試一試佢薑蔥爆汕尾生蠔煲 $238- 非常有驚喜！薑蔥好香，調味恰到好處，帶岀生蠔鮮味，咬落去好juicy好多汁！一煲仲要有6大隻生蠔，性價比極高龍蝦窩飯 $388- 用原隻鮮龍蝦即整，飯粒完全吸收晒龍蝦汁精華，非常惹味，有d似西式risotto，但又唔會太黏太濟！龍蝦份量好足，幾乎仲多過飯，睇住侍應由魚池新鮮撈岀黎另外我地仲叫左椒鹽粟米鮮魷同沙翁，但呢d之前已影過相唔再post了呢間隱世中菜館真係每次食每次都有新驚喜！期待下一次再試其他新菜式本日推介每次星期五晚&weekend都好full😅如無提前訂枱嘅話真係要碰下運氣

星期六晚同屋企人去食，全場爆滿，好彩一早有訂枱，之前依個位置好似係間拉麵店，做唔住，見佢轉左新中菜，好岩一家人去食飯！總共叫左琵琶豆腐、菜遠牛肉、椒鹽九肚魚、龍蝦伊面、芝麻卷。 三個大人食，夠哂啦！首選龍蝦伊麵，新鮮，啲肉好彈牙，又好足秤，一睇就知無比廚房佬偷走一兩舊肉，拼拼埋埋去另一碟伊麵個上湯調味岩岩好，唔會好似出面落好多味精，食完要飲好多水。特別推介個芝麻卷，甜度岩岩好，連我屋企人怕食甜品都話芝麻味好足，健康之選！

聽朋友講跑馬地新開左間中菜 係前大集團總廚自立門戶 菜式有一定水準 即刻打電話book位帶屋企人去試試 提早慶祝中秋節一入到去環境樓底好高 裝修好靚 待應有禮 又有耐性地同我地推介唔同菜式 上菜快意大利黑醋黑毛豬咕嚕肉咕嚕肉汁酸甜適中 炸過嘅黑毛豬仲好嫩口 皮唔太厚又夠脆 但食落一啲都唔膩 送飯一流芝麻雞皮脆肉滑 白芝麻脆皮咬落好鬆脆 雞肉嫩滑 即使係雞胸一啲都唔鞋 好後悔只叫左半隻 大家都食唔停 下次應該要叫一隻至夠菜遠牛肉呢碟看似最簡單嘅小菜 先突顯廚師廚藝用心煮嘅功夫 佢同一般餐廳過多汁而蓋過肉質同菜原有味道的煮法唔同 牛肉好大塊 而且好嫩口並且明顯2邊煎香過 配上蒜蓉味道好夾 菜芯仲係好嫩 個芡勾得剛剛好 唔多唔少 個汁咁好味 我一直都唔知簡單一個菜遠牛肉可以整得咁好食 搞到我地即刻添多碗飯最後仲有個懷舊芝麻卷（菲林）我屋企人都好開心 估唔到宜家仲可以食到特式甜品 所以一上枱就食哂唔記得左影總括嚟講 呢間中菜真係高水準！食得出係非一般廚師所煮嘅！見到隔離枱都嗌左好多其他菜式好好食 下次要再黎試至得

高水準粵菜地裝修雅致地方乾淨企理侍應有禮強烈推介大家去試吓！*** 麻辣牛柳粒牛柳又香又嫩少少麻辣但無蓋過牛肉味非常開胃建議每粒都配脆蒜同蔥一齊食更惹味*** 生炸皇子鴿即叫即炸，皮脆肉汁多剛好夠惹味但又唔會太鹹味道啱啱好完全唔需要點其他調味食完都唔覺食過鴿胸因為連胸肉都非常嫩滑*** 粉絲大蝦煲大蝦新鮮彈牙啲粉絲又索晒啲蝦嘅精華真係無得輸！*** 雞油花彫蒸馬友平時唔太食魚嘅我聽到馬友其實有啲擔心點知，我食咗半條魚😅行動證明條魚新鮮又好味雞油花彫蒸鹹香得嚟仍然食到魚嘅鮮味*** 甜菜蒸芥蘭遠清清哋嘅菜式梅菜甜甜哋配埋爽脆芥蘭好夾又唔會太寡*** 芝麻卷+沙翁芝麻卷味香濃，食落滑嘟嘟咁強推即炸沙翁我平時好少會叫一咬落去驚為天人外脆內嫩蛋香味超濃郁！

難得放假梗係同三五知己出街食個晚飯傾下計吹下水啦🤗今次選擇了位於跑馬地景光街的 『嚐粵樓小館』☺️餐廳環境光猛簡潔乾淨企理 待應都好有禮貌 招呼週到👍🏻餐廳入面有一個小小的魚池 擺放每日新鮮買回來的海鮮 保証新鮮 我今日見到有 🐟 同 龍蝦想食其他海鮮 可以訂位個時問吓有冇如果吾糸黎到之後沒得食就會空歡氣一場了🙈今次叫左好多野食 平均食物質素一定好食過大型連鎖的酒樓 因為小館細細間出品質素比較易控制得到 出品有保證 靠得住👍🏻我今天是星期一去食飯都差唔多坐滿。我朋友說星期六 日一定要訂位 只有六點半同八點半兩輪時間 提提大家小店位置供應有限 提前訂枱較好

今日試左跑馬地呢間新開嘅粵菜館，非常有驚喜！首先嗌左黑醋咕嚕肉，員工話係用黑毛豬整。黑醋汁味道清新，甜酸度調較得剛剛好，送飯一流之後仲嗌左椒鹽粟米鮮魷，非常岀色，皮又脆又薄，好香口，意外地好食過好多海鮮酒家主食嗌左兩道，一道係魚香茄子炒腸粉，另一道係招牌海參炒飯魚香茄子配腸粉真係第一次食，估唔到又咁夾喎，最欣賞係個熱鍋令到腸粉有微微脆口嘅口感，相當岀色另一道海參炒飯，炒飯粒粒分明，配料好足，有蝦仁同海參，同埋值得一讚係熱鍋令到個炒飯食左半個鍾都仲熱辣辣！本身打算食埋個甜品就完，點知見到枱枱都嗌蒜蓉蒸扇貝，勁香，忍唔住嗌左2隻扇貝又大又鮮甜，粉絲好入味！甜品嗌左沙翁，宜家已經好少地方有得食，有時喺傳統麵包店都揾到但都係凍冰冰唔好食。呢度沙翁係即炸，個皮又唔會太厚，蛋味香濃，好食到停唔到！除左野食好食，員工服務態度亦相當好，非常有禮親切。另外餐廳亦好多用心位，例如茶壺下面會有個蠟燭座熱住d茶，相當貼心。總括黎講，食物質素非常高，價錢亦相當合理，絕對會再番黎食

現時很小有小店肯做精𡟹粵菜，朋友介紹了這間跑馬地新開的小店。據悉它的大廚以前係大集團行政總廚，而家出嚟自立門戶，靠的是心❤️及客人口禆👍今日一試，果然名不虛傳👍👍👏👏真的值得推介👍

同朋友一起光顧新食店，裝修雅緻。叫咗幾味小菜，有杏汁花膠豬肺湯、小炒王、芒果大蝦等，一心只係支持下小店，但比預期更勝預期，唔講得笑，一個字～正。杏汁花膠豬肺湯材料十足，入口充滿杏汁味，好味。芒果大蝦更是誠意之作，首先擺盤精緻，跟住佢連蝦頭都炸得香趣，配埋芒果汁，酸甜度岩岩好，食落簡直係完美配搭。小炒王諗住係普通嘢，點知充滿驚喜，用料足同埋有炸芋頭絲係裡面，口感一流。今次係一次滿意的體驗，會繼續幫襯咁有誠意嘅粵菜小館。真心like👍🏻👍🏻👍🏻

由細到大屋企都食開中菜，自問對中菜都好有要求，呢間真係好食到我要寫出嚟！首先上個杏汁花膠白肺湯，我唔鍾意杏仁味嘅人都覺得好好飲，一大盅湯有半盅都係花膠湯料，真材實料無得呃，配埋佢嘅秘制豉油同辣油點湯渣，真係冇得輸。小炒皇滿滿鑊氣，入面個炸芋條真係好好食，忍唔住另外嗌多個甜蜜脆芋絲，桂花蜜好香，唔係求其加糖漿！椒鹽九肚魚零腥味又夠滑，椒鹽味突出，明顯大廚處理食材有用心。鐘意食海鮮嘅我就叫咗蒜蓉粉絲蟶子同埋甜桃香芒蝦球。蟶子手掌咁長，大大隻好滿足。甜桃香芒蝦球真係必食推介！呢個菜喺逐位逐份計嘅！薄薄炸漿包住彈牙大蝦，再配香芒粒，好開胃！重點係配埋炸蝦頭！係高級日本料理質素嘅炸蝦頭！單單喺呢個菜我一定會再返嚟幫襯！最後食埋甜品芝麻卷，香滑得嚟唔怕甜，成餐飯完滿晒。下次再試隔離枱order嘅走地白切雞同龍蝦，好期待下次試唔同心機菜。