嚐粵樓小館

营业中

休息中

跑马地呢个地方中式食肆唔算多，想饮茶要走到铜锣湾，有时都会谂，如果屋企附近有间可以食点心嘅地方就好啦！哈！比我发现到原来景光街开咗间粤菜小馆，咁咪同家人入去试吓啰…识我嘅朋友都知，我系一个芝麻卷迷，每逢去食点心，都一定会揾吓有冇芝麻卷……咦！唔好讲笑，竟然有得叫！我开心到呢…即刻点佢嚟试吓先……唔试由自可，一试真系不得了！点解可以食到咁软滑咁香芝麻味嘅芝麻卷嘅？平时睇电视卡通片，啲主角当食到好味嘅食物时，会眼泛泪光，然后大声讲：好好味呀！当然啦！公众场合，都要比少少仪态嘅……咁我唯有将呢份兴奋又富惊喜嘅心情，食埋如下𠮶两条芝麻卷啦…#下次一定会再安哥