嚐館 (已結業)

Lunch 食飯，趕時間就當然想快靚正。呢間Cityfresh Bistro完全配合到香港人食lunch嘅需要。今日同同事附近做野，十分趕急要一小時內食完lunch番去，店員呀姐感受到我地趕急，特意話我地知邊d野食會較快。不過我唔爭氣想食焗飯，呀姐話焗爐有位可以立即搞。結果焗飯不負期望，味道香濃，亦有用炒底焗，算係快靚正。同事食嘅咖喱飯亦唔錯，大大份一位女士食唔晒。下次再黎黃大仙做野可encore！😎

OT 收工後的一餐～ 隨機亂入黃大仙中心的一家茶餐廳，看到有煲仔飯，天氣凍凍地，便決定一試～ 北菇滑雞煲仔飯 $85冬天必食煲仔飯(⁎⁍̴̛ᴗ⁍̴̛⁎)即叫即整，等了大概20分鐘，煲仔飯香噴噴地上枱～ 滑雞果然是滑雞，肉質鮮嫩，配上香氣四溢的北菇，口感一流！最正的是必食飯焦(*ˉ︶ˉ*)不知不覺，便自己把一整煲都吃完⁄(⁄ ⁄ ⁄ω⁄ ⁄ ⁄)⁄配有例湯，是紅蘿蔔豬骨湯，湯渣不算多，有一件豬骨～清清地，很適合冬天喝，非常滋潤(*ˉ︶ˉ*)熱華田 +$8 整體來說，是不錯的茶餐廳，重點是店員非常親切有禮，阿姨們很懂得推薦餐廳的特色菜，看我一個人，便推薦我吃煲仔飯，隔離有一整個家庭的，便推薦他們吃四人餐，還有餐廳非常受歡迎的$198.2人餐，下次有機會會再和老公來試～

趁Weekend放假食返個港式早餐黃大仙呢間餐廳乾淨舒適早餐都幾多選擇✨ 羅宋湯牛腩粒通粉湯底好香甜，加入牛腩粒令口感更豐富再配上牛油多士．火腿炒蛋完美醒神嘅早餐✨ 脆脆吉列魚柳配 風味火腿+煎蛋+午餐肉＋茄汁焗豆+牛油厚多士即叫即製嘅魚柳．外層香脆係港式嘅All Day Breakfast✨ 吞拿魚碎蛋沙律醬芝士牛角包法式牛角包酥脆鬆軟夾著新鮮蕃茄．沙律蛋．芝士．厚厚勁滿足配埋杯暖笠笠嘅鮮奶泡沫咖啡．完美又豐富

黃大仙中心南館有間裝修唔錯嘅西式餐室，望一望餐牌選擇都多元化，中式、西式、日式、東南亞咖哩、煲仔飯、港式小炒、鐵板扒餐樣樣齊。餐廳附近都有好多屋村同屋苑，所以晚飯時間都有好多附近街坊街里黎食飯。上湯海鮮雜菜粉絲煲套餐 ($88)上湯海鮮雜菜粉絲煲份量都唔少，海鮮有魷魚、蜆仔同一隻青口，雜菜就有西蘭花、菜心、椰菜同菇類。所有材料用上湯連埋粉絲一齊煮熟，清清地，幾好食。燒汁茄子肥牛煲套餐($88)茄子用油炸過，食落唔怕好硬。茄子同肥牛都好掛汁，送飯一流。例湯（跟餐）今日例湯係紅蘿蔔粟米煲豬骨，湯水好清甜。飲品 凍檸茶，茶底香，檸檬夠。所有小菜套餐都會配埋白飯同例湯，熱飲加$12，凍飲加$15，特飲加$18。

今日Lunch去咗嚐館食午餐，呢間茶餐廳有齊中西日式嘅菜式，可以滿足唔同人口味。我試咗佢哋嘅一道招牌美食，芝士焗蘑菇燒汁牛脷飯，同埋海南雞飯。芝士焗蘑菇燒汁牛脷飯既蘑菇搭牛脷好夾，味道濃郁香滑，配上熱檸水令人心暖。海南雞飯嘅雞肉嫩滑多汁，雞油飯好味，再配埋凍檸茶，絕對係一個開胃嘅組合。嚐館另外有提供例湯，真係帶嚟一份家的味道。湯底濃郁，入面嘅配料新鮮，每一口都能夠感受到溫暖同滿足。餐廳職員服務好親切，如果你諗唔到食咩，樣樣都想食，佢哋中西日都有，係值得一試嘅地方！

陪朋友過咗嚟黃大仙廟還完神，喺附近食埋個下午茶先走，揀咗間環境唔錯嘅餐廳，坐得舒服，服務亦幾好，食物上枱好快______________________________ღ乾炒豬扒烏冬$53凍啡+$3炒得好夠鑊氣，冇油益味！豬扒肉質軟嫩入味，烏冬彈牙ღ瑞士汁雞全翼 $48配雜果沙律雞翼索晒醬汁精華，味道豐富，雞肉嫩滑鮮美ღ公司三文治 $48三文治🥪烤得焦香鬆軟夾上多款配料美味足料！跟餐叫紅豆冰 +$12

餐廳位於黃大仙南館，鄰近黃大仙地鐵站C2出口。一上商場樓梯穿過一間餐廳就會見到。餐單食物種類多，有煲仔飯、pizza、漢堡包、飯餐、麵食等。好耐之前黎食過下午茶，性價比高🤩。今日一個人食個dinner先。🥢XO醬炒西蘭花蝦球 $98有十隻蝦仁🍤、好多西蘭花、少少冬菇。西蘭花炒到好爽口。蝦仁都彈牙充滿蒜香xo 醬味，配白飯好開胃🤤。🥄中湯好鮮甜，吾似味精湯。✏️沒有加一服務費📍嚐館 (黃大仙)黃大仙正德街103號黃大仙中心南館地下高層UG41號舖

我今早要去黃大仙辦事，一大清早就去左黄大仙正德街黃大仙中心南館的嚐館食早餐。環境舒適闊落，坐得舒服。我點左個D1頂級 Prime 沙爹鮮牛肉湯意粉$58，配香滑炒蛋拼鮮牛油厚多士；好友點左 D3 香煎美國雞扒併米粉$56，配香滑炒蛋拼鮮牛油厚多士，餐飲都係熱咖啡。牛肉好新鮮，好有咬口和好味道；美國雞扒好大隻，煎得好香脆，肉質好味又嫩滑；炒蛋好味，配著鮮牛油厚多士一齊食， 滋味無窮；意粉軟腍有咬口，米粉幼滑好食；熱咖啡好香。

嚐館係一間好正嘅茶餐廳喎！佢嘅菜單好多元化，有中式、西式同埋日式嘅食物可以揀。我今次試咗佢嘅芝士焗蘑菇燒汁牛脷飯同埋海南雞飯。首先，芝士焗蘑菇燒汁牛脷飯好食！個牛脷好嫩滑，燒汁濃郁，再加上芝士嘅香濃味道，真係令人欲罷不能。飯仔都煮得好香好軟，配上熱檸水，口感更加豐富。除咗呢個，海南雞飯都好出色。雞肉滑嫩多汁，飯上面帶有椰香，佢個蔥油同一般的唔同，配雞同飯都好味。仲有例湯，湯底濃郁，有種家的味道，好溫暖人心。總括而言，嚐館係一間值得推薦嘅茶餐廳。無論你鍾意中式、西式定係日式嘅食物，呢度都有大把選擇。食物質素高，味道正宗，服務亦好好，可能附近都係民居做開街坊生意，職員好有人情味。下次你想去茶餐廳用餐嘅時候，記住嚐館係一個不錯嘅選擇啊！

難得同屋企人出嚟黃大仙，梗係到處行下～見到咧間餐廳人幾多同埋有爸爸啱食嘅煲仔飯同牛脷飯就走咗入去。我哋叫咗安格斯牛扒丼飯同芝士焗蘑菇燒汁牛脷飯。不得不說，咧間餐廳分量幾足，塊安格斯牛扒大塊之餘亦都厚，配上日式燒汁味道唔錯，淨係食大半都好飽。而個牛脷飯就更加係我哋咧啲中意食牛脷嘅人嘅首選，更好嘅係因為我比較中意食茄汁，就問下侍應有無番茄牛脷飯，佢好好人咁幫我同廚房講咗將燒汁轉做茄汁。啲牛脷好大塊，又厚又腍，超正~另外仲可以加38蚊加餐湯、沙律同酸種麵包🍞，分量都唔少噶～驚唔夠飽可以考慮加返份。同埋佢啲嘢飲都唔錯，叫咗2杯港式奶茶，香濃嘅茶味配上絲滑嘅奶香，真係想飲多幾杯！

嚐館Cityfresh Bistro黃大仙中心南館地下西餐風格的茶餐廳，這裡的座位舒適，環境美觀，為用餐帶來了愉悅的感覺。他們的招牌菜是沙嗲牛肉，這道菜非常出色。牛肉鮮嫩多汁，沙嗲的味道濃郁，給人一種獨特的風味體驗。每一口都能感受到牛肉的鮮美和沙嗲醬的香辣，讓人回味無窮。嚐館Cityfresh Bistro是一家值得一試的茶餐廳。菜品選擇多樣，仲有蒸魚，可惜我一個人食唔晒，下次一定要試吓。環境舒適，服務友好。如果你想品嚐西餐風格的茶餐廳美食，這裡是一個不錯的選擇。

收工唔想煮飯 即興嚟呢間街坊茶餐廳食個便飯🍲餐牌非常多選擇 中式小菜、煲仔飯、港式常餐快餐、西式扒餐意粉焗飯 連Burger都一應俱全 金針雲耳豆卜蒸雞 $88燒汁茄子斑腩煲 $92 簡簡單單叫左兩個中餐🥢連例湯白飯飲品湯送白飯蒸雞夠哂滑 冇雪藏味🥘豆卜索左啲雞汁雞油 撈飯食幾好 仲有金菇同埋木耳 足料茄子斑腩比預期更加好食🍲茄子煮到好淋好入味 斑腩外層仲有少少脆口 而內裡就軟熟 件件都好大嚿 加埋大蔥洋蔥之類 非常惹味 但又唔會好鹹好重味精

今次介紹呢間餐廳位於黃大仙中心南館, 每次放工經過呢間西式餐室都好多人, 今日見有時間就一於食下😋坐低後店員主動介紹佢地店內既招牌食物, 超級友善, 見到個餐牌食物選擇超多元化😍有中西式既食物都有, 有煲仔飯, 家常小菜, 歐陸式扒餐,  價格相宜💰星期六日都有午餐供應👍🏻今次想試下佢既西式食物就叫左個白汁雜菌雞肉意粉🍝雞肉煮得好嫩滑, 無論雞肉同意粉都沾滿左濃郁既白汁😋另外仲有雜菌同洋蔥提升晒成個意粉嘅味道, 非常有口感🍄🧅而且大大碟性價比好高💯

今日去黃大仙開會，求其揾間茶記食下，哩間餐廳裝修得唔錯，咁試試。晚上提供多款套餐，好多嘢食揀。熱奶茶同紅豆冰，都係套餐加配。正常茶記水準，奶茶香滑好飲。紅豆冰，紅豆煲制得好軟爛，比得分量幾多下。去骨海南雞配油飯，比咗雞翼位置，雞肉好香好嫩滑。搭配埋3款醬汁，薑蓉同雞肉最夾。油飯撈埋豉油一齊食最好味，雞油香帶出少少鹹味，唔錯。秘制蔥油叉燒煎蛋飯，分量幾多下。叉燒肥瘦適中，食落鮮甜帶少少焦香。蔥油撈埋飯，食落同豬油拌飯少少似，再撈埋溏心蛋一齊食，全部食曬TIM。食完仲可以慢慢和同事吹下水，睇落附近台基本都是街坊幫襯，唔洗加一，味道又唔錯，難怪咁受歡迎啦！

香港的茶餐廳很多，近年不喜歡叫茶餐廳又叫冰室，唔…吃的都是差不多。近高級地區的又在茶餐廳加入很多西餐，連近市区和居民區的茶餐廳都有靠西式煮法的意大利麵和飯，只能理解為貼地，客人喜歡甚麼就做甚麼吧！這餐廳外觀和裝修都是茶餐廳，套也是茶餐廳風格，茶餐是西冷牛扒、煎雞扒等，配件仍為烤多士,omelettes, 又搭湯意大利粉，形式是茶餐，內里是西餐，果然是傳承的中西合璧。非常好！十分有香港風味。所謂香港人變通不外如此。