嚐點 (已結業)

出開旺角,緊係係果度食埋飯啦~突然間好想食點心,一諗起添記點心就怕怕喇,等餐嘔又熱到嘔,服務仲差到爆燈上網搵下資料,搵到呢間野,其實都唔太遠,幾近地鐵站雖然冇咩食評,不過笑面既比例較多於是就博一博~ 因為我EXPECT唔洗排隊嘛~果然,真係唔洗排,坐落仲好舒服,d野好新+clean, 唔會太多人,傾計都好舒服,又坐左好耐~~good!4個人去食,叫左好多野:燒賣, 豬肉為主,好大舊好好咬口,味道唔錯!蝦餃 ,較細粒但很精緻, 皮較厚, 但蝦鮮達水準,芝士春卷 ,第一次食, 有點奇怪, 但也可一試既~鮮竹卷, 唔知點講,總之成舊野好好食!!!早知叫兩碟!排骨,正!唔會有苧頭扮排骨, 每舊排骨肥瘦岩岩好!正呀! 凰x ,友人話覺得特別,我覺得太salty,味精左d,又較細隻桂花糕, 佢呢度有椰汁座底,好易搶左桂花d味,但好彩桂花超多!所以整個食落又滑又香又甜蝦腸, 我好鐘意食~~~羅白糕,叫左$12果隻,唔係$20果隻, too bad,好粉呀,唔好叫呀over all, 完全係食得過, 想食點心又唔想等位又想傾傾計坐多陣,呢間,正!當然啦...如果紅左又可能冇咁好喇~btw,一開始見到全

食物、服務都有誠意..八時放工,途經此店..乾淨企理..只有一桌客人在內..入唔入好呢??待應哥哥走出來遞上點心紙簡介我心想;試一試吧,唔好就冇下次啦!!甫坐下,叫了山竹牛肉---有三個圓圓牛肉球,熱辣辣,咬落有肉汁..不是蒸左九年死實實,乾爭爭的賣剩庶蟹子燒賣---天啊!!竟然有久違了的冬菇香味,兒時好些酒樓做點心不像現在馬虎.以前酒樓的燒賣冬菇;是會用靚花菇,試問依家邊有食店啋你丫??.鼓汁排骨---竟然有濃濃豆豉的香味,排骨又香又滑,沒有碎骨,驚喜是小店對豆鼔一點不馬夫...我很久沒吃到有真的豆鼓香的排骨了...焗酥皮叉燒包---本來擔心很漏,但食落又ok喎,細細個,三啖一個,好味又得意..不漏因為不太肚餓,所以2個人只叫4個點心,2杯荼(2元1位荼錢,埋單$54元,論質素,好抵食)食到一半已忍不住同待應講:『你地D野幾好食丫!』待應哥哥好開心話多謝...我再問佢:『你地同添好運有冇關係??』佢地笑笑話:『冇呀!』我心諗:【咁又係,呢度又唔洗排咁耐,又唔洗睇樓面伙記D臉色.....梗冇關係啦】食到8:45分開始滿座,不停有人客入內...問心;今日個燒賣丶排骨、真係連我地屋企飯堂寶

之前食了肥嫄做下午茶，所以晚餐還有點飽，於是我們就食點心。灌湯小籠包 $16 皮不夠薄，但有湯，肉質也有肉味。蠔皇鮮竹卷 $12 不錯，但油多了點點。酥皮圣燒包 $12 不可與添好運相比，但也不錯，表面做得金黃香脆白灼油菜 $12鬼馬炸兩腸 $14 其實是炸兩，因為是即做所以香脆好吃Summary:其實這間點心都做得不錯，而且價錢合理經濟，又不用等位，都可以再來。

係旺角一帶開了很多小型茶樓今日嚟到旺角原本想食一點心架因為想試新嘢~ 結果去咗 "嚐點"下午一時左右, 人流不多~ 只有幾枱人喳我們很快便坐低,並叫咗幾樣點心試試看~# 糯米雞, 係男友至愛的, 雖然大隻, 但味道麻麻喳, 饀料亦不多...差差差# 馬拉糕 係我既至愛, 味道一般,不太甜, 但太細件呀~# 墨西哥义燒包, 味道同添好運比就真係差天拱地, bad# 小籠包~ 汁又少, 味道又一般, 內裏既肉好實, 似食肉餅咁.... 總括而言, 是差的價錢亦不是平我們只食四樣便走, 需時只係20分鐘內為什麼會有　4.1分...

呢間好似唔係開左好耐，都幾多人幫襯，因為無位坐而且都無時間坐係度食所以叫外賣，要左例牌野蝦餃同燒賣，仲有好多年無食過既咸水角，點心即叫即蒸咸水角就即炸，都係等左10分鐘左右算快，個店員仲同我講唔好意思要我等咁耐。返到屋企都未凍得晒，燒賣用料算幾足，不過係硬左小小，可能堂食會好d，蝦餃同咸水角都唔錯，睇黎下次有機會要試下堂食先得，好似開到晚上一點，搵日消夜黎都好

星期六晚來到，還在害怕很多人要等位，結果來到立即有位了，大概是未出名吧。只有一半滿，我們兩人即刻找了個內裡的位置坐。有點肚餓，叫了一盅鳳爪排骨飯，份量不算很大，但挺好吃。飯的硬度剛剛好，淋上豉油很惹味。排骨也算多，很淋而且有肉味，肉質滑帶有點點肥，真的很不錯。之後我們再叫了一 個菜干肉排粥，這個倒是挺大碗，而且粥煲得很綿，我吃完已經飽了大半。也算非常足料，很多菜干和瘦肉。不過侍應哥哥態度麻麻，隨便把食物亂放就走了，表情不太友善，看來像不太高興似的。之後我們還有一個馬蹄牛肉腸，其實是不太吃到馬蹄的，只有很少很少。腸粉算很滑，不過未夠薄呢。很少豉油而且味道偏淡，好像濃味一點會更好。最後有個酥皮焗叉燒包，入面叉燒餡很少，而且味道稍為鹹了點。但表面和底部也是有點硬和脆的，也幾香口和好吃。吃畢非常飽，發現叫少一個點心也可以。味道不差，也是可以來一試的。

早幾日記得《蘋果日報》有介紹飲夜茶食點心既地點，咁啱在旺角先達附近通菜街見到介紹果間《嚐點》，又凍又有啲肚餓就走入去一試啦! 食咗個【糯米雞】，發覺無痴底，啲糯米煙”NU”得嚟都幾好味，最緊要是暖粒粒，正!!另外叫了【什菜春卷】，即製即炸，幾香口無肉既，都幾正。朋友食齋問下伙記仲有咩介紹? 佢話不如食個【布拉金鋼腸】(原來是炸兩) 無肉既，不過入口個陣入面個油炸鬼是脆卜卜的, 好鬼正吖!! 之後仲叫咗個【菜乾肉排粥】添，簡直滿足!! 加埋兩個茶位剛好只是 $60大元, 以食物製作的認真度及價錢計算，都算筍呀，我會再嚟! 不過凍凍哋想飲多個暖粒粒既糖水，佢就無得提供，真是可惜!!

呢兩日天氣轉冷..好想食d熱野暖下肚~同朋友行開旺角咁岩見到呢間新開張既嚐點..比佢既裝修吸引到~咁岩朋友又想食點心..一於入去試下我地2個人叫左灌湯小籠包($16)..蝦餃($16)..燒賣($16)..叉燒腸($14)..芥蘭($12)食之前~覺得d質數應該都係一般貨仔..諗住貪得意試新野~因為見佢d價錢真係幾平!點知食落小籠包一咬落去..爆晒汁..好味之後到蝦餃::::上碟以為佢細細粒唔足秤~但係原來有成2.3粒蝦係入面..勁野!叉燒腸:::: 係個玻璃到見住個司傅即叫即拉,製作相當認真!食落口半肥瘦既叉燒配合埋薄薄既外皮~絕冇欺場..一定要讚!最後到芥蘭::: 落單果陣~我同侍應講要芥蘭淋d..走油!跟住佢就同我講冇問題..佢地落單原來有分淋d同冇咁淋~走油同唔走..上碟仲有分豉油同蠔油~真係超級細心..呢個唔讚唔得!係其他地方食..一定會將d蠔油倒晒係面..咸死人~埋單$78..同朋友share每人都唔洗$40環境+服務+食物質素..完全合格!一定會再幫襯

蝦餃用料好新鮮又香甜爽滑牛肉球份量好足夠 只係$10 抵呀靜係食牛肉球一籠都開始飽最令我驚喜係甜品相信係呢間野自創既 火龍石榴露 哇 好好味 我好中意!!燒買亦都好意外地少油!!!我覺得口感好好,味道又唔會太咸!!唯獨是款式未夠多希望可改善!下次一定會再食!而且叫埋朋友來食!

繼添好運同茶點後..旺角又一間新開既點心專門店【嚐點】呢日咁岩經過~一於入去試下..蝦餃( $16 ): 貌相冇嘜特別..點知一食落去啖啖蝦!想搵一舊肥豬肉都冇..岩晒我口味~水晶寧波餃($14): 開頭唔知係咩黎既..店長好細心分析~呢個要讚一讚先!原來寧波餃即係菠菜蝦餃..呢個都好好食豉汁鳳爪($12): 呢個間間都唔會差得去邊..唔洗多提!火龍石榴露 ($16): 從來未見過一間鋪有呢款甜品賣..見佢又係呢間店既招牌菜~所以一於試下!食落口充滿石榴味..真係超好食呀!另外一題..呢度既服務招呼都好好~比起添好運果d呀姐真係差幾皮!想食點心又唔想受氣..我覺得呢度係一個好好既選擇~下次會再黎試埋佢其他點心..

經常出入旺角，又有一間點心店開張，又去試試糯米雞 $18 糯米雞全因情意結，味道與一般點心店無大分別，糯米蒸得軟軟，材料都是肉碎、雞肉粒、冬菇粒、一小件咸蛋黃，當中雖沒有特別材料，但味道OK酥皮叉燒包 $12千萬不要與添好運相比，雖然賣相有幾分似，但外層不同，我真是覺得個外層酥皮是帶點酥味酥皮不算好香，但上頂層做得好薄，底部微厚。叉燒份量不算多。味道還可以。名茶每位$2Summary:點心款式大路，未見得有別出心材的選擇但價錢經濟實惠味道都不錯。