囍囍小食部

营业中

休息中

住了土瓜灣這麼長時間，一直也聽說過這間囍囍小食部，這裏的炸雞髀聞名已久，外區人也特登過嚟食。問過住左10幾年的朋友都話未食過，於是覺得，可能都不外如是。然後，每天經過同自己講，仲有機會食，下次先啦。有時如果想食炸髀嘅話，就會諗起九龍灣嘅日月星，但講真，好唔就腳，於是，吃三多可能簡單快捷一點，畢竟分店多好多。近來因疫情的關係，基本上一放工就會返屋企，而剛剛前幾天在KC的飲食網站就看到佢介紹這一間炸雞脾。再想想近來很多食肆關門大吉，我就會想想會否佢係突然閂門，以後無得食呢。於是落車之後，去看看。然後見到七點關門前剩返一隻炸髀，就毫不猶豫買咗隻炸雞髀來吃。一吃，的確驚為天人。雞髀大隻固然不在話下，炸粉厚度剛好，炸出來個皮非常脆，咬下去鏗鏘有聲。雞髀肉非常香，而且嫩滑又唔算太油，好正。以$18呢一個價錢絕對係一個好大嘅驚喜。如果你嫌一隻炸脾唔夠食，呢度都有碟頭飯，炸髀飯、滷水雞髀飯、北菇雞飯，還有一個好特別嘅粒粒雞飯，呢個我都好有興趣吃。當然還有好多其他小食選擇，好似三文治，豬扒飽等等，只不過今次我目標係雞髀。呢個鋪頭係由三個女人負責的小店，不過服務水準不錯得來好快捷，唯獨係最好外賣，如果喺嗰

土瓜灣這地方對我來說陌生，今日去探望朋友新居入伙，經過一間囍囍小食部，感覺好像兒時回憶放學會去買小食，這小店價錢很親民貼地，這裡鋪頭細細已有三個姐姐分工合作，小店主要是買炸的食物為主，有炸雞脾，薯餅，炸雞扒等等........我貪得意買了炸燒賣來吃，七元有五粒。一粒粒燒賣炸至金黃色，熱辣辣的炸燒賣外層脆卜卜，咬落好脆口，外脆內軟的燒賣肉，我不停口吃了五粒，下次有機會經過我都要試下其他。總括來說小店是值得支持的！

炸雞比好鬆化 好juicy 大大隻 熱辣辣燒賣都好出脆 不過來貨係普通果啲麵粉燒賣所以呢就冇乜大驚喜啦咖喱角同燒賣一樣應該都係急凍貨但佢勝在好鬆脆夠乾身因為佢係即叫即炸大約都等左10分鐘見住佢即刻去雪櫃嗰度攞燒賣同咖喱角去炸所以就可以keep到溫度同脆口感土瓜灣呢一啲舊區好多食物嘅性價比都仲係好高過遲啲通左地鐵就真係唔知啦

位於土瓜灣天光道的小店並唔起眼，行過可能不會留意到，但就經常有好多學生排隊，個個都拎住隻炸脾咬～今日就專程同我個炸脾達人朋友來一試究竟炸脾有幾款，生炸既容易炸得太乾又柴皮，吉列既又可能會太硬太油膩，KFC炸雞就不提也罷，分店水準參差又飄忽，多數都令人失望連鎖店比唔到既係小店對食物既一片真誠與真心囍囍既炸脾外皮炸得香脆，亦沒有多餘油份夠晒乾爽，但入面又保留到雞脾嘅肉汁，真正做到外脆內軟外皮勁脆入面肉質嫩滑我夠膽講佢係我食過最好味既炸脾沒有之一！！誠意推介！！

話説個日下午路過返家途中，聞到好香炸雞味。原來有間唔起眼嘅小食店。見到有班學生哥排晒隊，咁我都排埋一份試下先。叫咗個炸薯餅，炸得好透，金黃色，唔油，脆卜卜。豬扒同魚柳包，麵包好軟綿綿，糸用咗傳統嘅熱狗包，好有童年回憶。不過無熱狗醬，如果有介苿或沙律醬會好味D。份量唔太大，想食個快捷嘅下午茶，可以試一下。

或許這真的與港鐵「沙中綫」尚未開張啟用有直接的關係，所以我今日本來只是想，在九龍城光顧某間西式漢堡包食店。怎料那漢堡包食店「樺X園」，原來要等候到接近晚上時間，才正式開門營業。於是我借下午這一段等候時間，由九龍城橫跨「太子道東」，途經何文田「士他令道」，再經過「播道醫院」跟「真善美邨」，最後終於成功到達了土瓜灣，在「樺X園」開門營業之前，找尋一些可以打發時間的小食店。結果我在土瓜灣「天光道」旁邊的位置，找到「囍囍小食店」這一間樓面面積得細小，只得一個廚房的小食店。「囍囍小食店」的實際面積小得，食客只能夠在食店廚房外購票等候食品。然後食客就只能夠，在領取「囍囍小食部」的食品之後，站在「囍囍小食部」旁邊位置享用食品，或者像我一樣，只能攜帶食品在附近找長檯坐下用餐。相反地，「囍囍小食部」裡面售賣的港式小食食品種類，就遠遠超越「囍囍小食部」裡面的餐牌價目表了。而且「囍囍小食部」小食的售價，還是非常便宜可人。例如「囍囍小食部」一個「豬扒飯」，「豬扒飯」的售價只需要港幣二十三元正，以現在香港的物價而言，單是看到有港幣二十三元一份「豬扒飯」，未試未購買已經覺得十分抵食。至於「囍囍小食部」也有提供售賣

豉油皇雞髀😎$18第二次黎食🙈上次個豬扒包的確唔錯見到好多人推薦食炸髀但口嚨唔舒服所以下次先😂今次試下油髀🤤非常入味，好好食👍果然無令我失望🤩絶對可以一試

而家開到成行成市果間就唔好提啦，我完全唔覺得佢既炸脾好食，係個炸粉好食而唔係雞脾本身。至於九龍灣果間我暫時無機會去，所以做唔到好全面既比較。呢隻生炸脾既脆漿先係港式最無敵既風味！炸到好金黃色，係唯獨某d位炸到黑左d。chop chop聲既清脆脆聲，咬落去隻脾撕開佢冒哂煙，好正呀雞脾本身有稍為醃過，所以有底味，越食越惹味越起勁！因為佢會有肉汁爆出黎，下次經過絕對會encore! 隻炸脾唔洗廿蚊就有一隻真係抵到爛，我見佢連埋飯加埋野飲都唔洗30蚊，難怪係附近讀書大既朋友話呢間野必食啦。

係何文田近天光道返學既學生都實識呢間小食店佢係有得堂食既不過全部都係街邊位仲要係後巷黎不過我都無懼來一答雞脾飯雞脾同飯係分開上佢既雞脾皮脆肉嫩又入味太好吃了吧坐係後巷食又有另一種風味

炸雞脾係大牌檔同小食店必備既食物，但係好多都係做到好似KFC咁皮脆惹味，但係雞肉本身就無味，一係就炸到乾身鞋口。呢間就唔同，雞皮唔肥，雞皮脆既程度好似燒脆仔個皮咁，酥脆。脾既背面劏左一刀，雞肉好入味，調味好好，又唔係好覺有味精，而且雞肉係嫩滑多汁。我好彩，去到個櫃賣晒，新鮮炸梗，見唔到係咪生炸，但係比起衣家時興D韓式炸雞好食得多！17蚊有咁既享受，真係美味爆棚！

係香港地食個蒸飯以家都講緊差唔多26,28蚊想搵個平平地既蒸飯真係有D難但土瓜灣呢間係學校區附近既小食鋪既蒸飯只係賣20蚊左右見到咁平 近排荷包又緊縮緊就買左個北菇蒸雞飯番屋企等既同時 見到好多飯都好平蕃茄豬扒 炸雞粒飯呢D 都係20幾不過抵還抵 收錢方面真係唔係咁好我朋友都係個度買左隻雞脾等拎走個阿姐總共問佢收兩三次錢雖然明白老人家記性唔好同有時忙但產生美麗既誤會就唔好啦講番野食先 我係外賣拎番屋企 我朋友都係大約等左一陣就有得拎走雖然個飯好細個 但勉強都夠飽肚D飯夠色但唔夠熱 有D凍雖然D雞有D老 唔係太新鮮亦都比較細舊不過20蚊仲要求D咩啊