影片
港铁观塘站 B3 出口, 步行约6分钟
继续阅读
电话号码
23574997
93893757
营业时间
今日营业
18:00 - 23:00
星期一至日
18:00 - 23:00
以上资料只供参考，请与餐厅确认详情
有关奖赏计划
一星期前透過OpenRice 訂座慶祝父親節，一直也顯示接受了訂座。早一天親友打電話問有沒有地方泊車，餐廳竟然當天不營業，我聽後馬上致電餐廳，沒有人接電話，留言沒有回覆，再WhatsApp他們，直至晚上12:01才回覆我師傅要外出到會，沒有位！當時我即時感覺晴天霹靂！一早已通知親友慶祝在那餐廳父親節，臨急臨忙即刻要通知親友改地點，最難是在短時間內完全找不到餐廳訂座，最後要買外賣回家食，很掃興！明白餐廳也有滿座及不接生意的機會，但要是未能安排應該一早通知或拒絕，不是到最後關頭才告知客人！感覺完全不負責任！😡
继续阅读
囍菜大廚從五星級酒店出來自立門戶，每道菜式均用心製作，最難得的是一個人負責全場所有菜式的烹煮，實不容易！今日我們一行七人點了一個八人套餐，每碟份量多得驚人，老闆娘跟我們說通常客人都會食唔晒，但我們......卻把全部K.O., 老闆娘份外開心😃江南三小碟 ：實在不是三小碟，因為碟碟都好有份量。1）醉豬手好入味，皮爽脆，口感味道都一流。2）涼拌雲耳同樣入味，剛好的酸味混合小許辣，份外惹味，雲耳跟芹菜均爽口。3）素鵝面層的腐皮炸得又香又脆，大家都讚不絕口！鹵水鮑魚：口感不錯，軟硬適中。鮑魚本身味道不濃，用鹵水方式製作可突出返鮑魚的味道。不過面層的蟹子反而令飽魚鹹了點。菜胆花膠炖北菇：熱辣辣，湯味濃，喝一口便滿口盡是喜歡的菜胆味，湯料亦十分豐富，北菇，花膠，響螺，怪不得咁好味😋酥炸花枝蟹鉗：炸得酥脆，花枝份量應該多過蟹肉，因為蟹味不夠，但味道仍是不錯。不過強烈要求大廚將蟹鉗做細一點，太大隻反而感覺太漏。清蒸海星斑：本人對魚興趣不大，只是食了少許。魚本身是養魚，肉實但味道清淡，無海魚的香味。鮮百合蘆筍炒帶子和牛：味道清淡，但各種材料都很新鮮，炒得可口。脆皮風沙雞：大家異口同聲都覺得味道比較淡，不過雞肉彈牙，並非冰鮮雞。扇形金蔬：賣相一流，蔬菜排列得整整齊齊，果然是酒店級大廚。蔬菜新鮮，茨汁味道濃郁配合得剛好。雪山龍皇炒麵：好好味，龍蝦肉混合蛋白炒，味淡但清香，炒麵好味到不得了，真係好想黎多碟。脆麻花：即炸上檯，酥脆可口，最重要係絕不油膩。老闆娘見我們甚是喜歡，於是再做多一碟送給我們，太窩心了。除了脆麻花，還有馬蹄露，好清甜。我們還點了壽包，大廚在碟上寫上祝賀字句，好細心。是晚實在太豐富了，大家都好滿意。
继续阅读
一年一度約咗班老友團拜今年繼續揀選觀塘囍菜， 一嚟我哋buy佢吾限時， 又坐得舒服， 感覺水準依舊保持到今年多咗幾位老公加入， 所以訂了八人餐再加多條魚，取其 年年有餘我哋吃了這些醉豬手、 麻辣鴨舌、素鵝鹵水鮑魚入口吾un, 味道剛好， 師傅亦好細心已切開一半， 方便客人食用淮杞螺頭湯， 我有個朋友有味精敏感， 所以一飲就知個湯冇味精， 真材實料，讚蜜餞桂花蠔， 這個第一次吃， 蠔是炸了再加桂花兜過，外皮脆及甜甜地，幾特別金銀蒜蒸蟶子皇， 非常新鮮， 粉絲好好食鮮百合蘆筍炒象拔蚌仔雞油花雕蒸蝦， 好香酒味，下次試蒸蟹清蒸東星斑， 老闆娘先聲明， 魚正到剛剛好熟，不用拆開。果真，好滑古法鹽焗雞， 冇咩特別艇皇浸時蔬豉油王龍鬚炒麵， 師傅炒得很乾身，好食蛋散， 這個不用說了， 是必吃的甜品每次嚟都是捧著肚離開的， 非常滿足最後一提窩心事情，我們有人生日有位男服務員送了生日氣球和一個了波波比小朋友，真係加哂分
继续阅读
睇完一輪食評見幾好才定位去試. 只有二人又想食三人餐的菜單, 所以寧願加錢, 平均每人頭加 $57. 即每位$440 . 已經預左工廈地點內隴吾好, 但此工廈實在太舊, 十幾人在大堂等電梯, 只有一部油壓笠行, 等10 分鐘未郁停在一層樓, 結果我們行樓梯上去. 鋪神基本裝修又用懢電膽所以黑孟孟, 張枱腳又搖搖下. 7pm 去到只我們一枱個侍應在放杯碟匙𡙡已經很嘈, 很奇怪個廚房不停有鬧鐘響 Beep Beep Beep beep 嗰種可能提侍應入去出菜, 煩死人。冷盆係凍片豆腐, 個汁太鹹, 鹵水鮑魚冇味的, 螺頭湯好多師傅, 黃金蝦 8 隻, 兩人食就太多了，藥膳雞最離譜，極多油, 超鹹, 雪雞完全冇味, 睇來只係將雞肉放入個已整好的湯底滾一輪才端出耒, 花膠北菇菜普通, 以為係生炒糯米飯，點知係公仔點心嗰種叮熱荷葉蒸熟糯米飯，失望之極, 相映之下, 個蛋散甜品已經全埸最好. 以此價錢食粗菜都做得吾好, 冇回頭了. 最後, 請睇睇天花的白吊燈飾, 多麈到 ...... 返屋企猛飲水因為乜都好鹹
继续阅读
媽媽嘅慶生飯一年要食兩次 ，因為係佢心目中身分證上面係用咗佢舊曆嘅生日日子，所以兩日都應該同佢生日掛鈎 😅冇所謂啦都係一個藉口出嚟食餐飯啫 因為要就兩個姨甥過嚟婆婆度，又唔可以遲過佢生日嗰日，所以就決定提早同佢慶祝。原先想安排去將軍澳食中菜不過因為兩隻馬騮放學比較晏，再趕去將軍澳又唔想太晏食，所以決定近近地就響屋企附近食。又響OpenRice介紹下去左觀塘某工廠大廈入面嘅私房菜，一早已經落好晒order去到就坐低有得食㗎啦，次次都眼闊肚窄叫到成枱都係又奉旨食唔晒，其實我最唔鍾意咁，但係佢哋又覺得冇咩所謂喎，食唔晒咪打包囉，好過唔夠食，查實打包返去你又覺得你會再有興趣食咩？🤔🤔終於要左佢嘅六人餐有啲個別就加多一人份例如鮑魚啦蟹鉗等等 ⋯個湯我哋改咗杏汁豬肺湯，係好味嘅平常屋企煲好麻煩。連我兩個姨甥小朋友都話好好味，連啲豬肺都食鬼哂。其實佢哋飲完個湯都已經飽咗一大半啦 😬佢嘅頭盤三小碟其實同普通份量冇乜分別，何來三小？😅豆腐切得好薄，炸矮瓜做得好出色唔係好油膩！每樣餸嘅份量都唔細 ，其中蒸開邊蝦都好味，炸子雞又好嫰滑，浸鮑魚+蟹子亦都好鮮味彈牙 ，仲有佢個招牌菜牛肋骨做得好軟淋嘅效果 。我哋仲另外加咗一條大班蒸得啱啱好，仲有甜品蛋散加馬蹄露！蛋散真係整得好好味，我竟然食咗兩條，馬蹄露我冇乜興趣所以無試到，臨尾壓軸出場梗係壽桃包啦！其實主要目的都係影相呃like多啲啲食就唔係太好食㗎啦最緊要生日嗰個開心題外話我仲好似見到一個疑似陳詠謙坐我哋隔離枱，我問我啲屋企人知唔知邊個陳詠謙得我細佬一個知😳 我話咗曲作詞嗰個呀，話成日作歌俾周栢豪嗰個呀，仲有而家自己唱埋歌嗰個呀。anyway 冇辦法證實究竟係唔係不過上網check過佢生日都好似差不多時間，有機會係喎！ 不過咁又點呢又冇搵佢簽名又冇影相😬😬祝佢生日快樂啦咁
继续阅读
您可能会有兴趣的...