囍菜

营业中

休息中

按照老闆預設既四人餐單, 自己再加減菜式, 最後菜式如下:小食兩碟醉豬手、麻辣鴨舌鹵水鮑魚淮杞燉螺頭香脆蝦多士雞油花雕蒸蝦金銀蒜蒸大元貝金牌牛肋骨花膠扣北菇西蘭花桂花蟹肉炒米粉脆麻花(另加) 川貝燉雪梨2位(另加) 蛋白杏仁茶2位4位$1609 （巳包茶芥加一）位置在觀塘工業區, 沿路環境不討好, 但係得工業區就預左. 不過到達菜館後, 發覺內裡環境截然不同, 感覺還是不錯的. 至於食材方面, 整體不錯. 唯獨係味道方面, 有兩道菜式唔太夠味, 包括醉豬手同金銀蒜蒸大元貝, 而桂花蟹肉炒米粉更加係差強人意, 所以大元貝同炒米粉可以省略唔叫! 雖然係美中不足, 但其他大部份菜式還是值得推薦的, 包括鹵水鮑魚, 麻辣鴨舌, 蝦多士, 雞油花雕蒸蝦, 牛肋骨, 川貝燉雪梨同脆麻花.另外, 依間私房菜同我食過既風格好唔同, 就係老闆或主廚無同在場既客人交流, 無寒喧幾句, 介紹下菜式或者問下對菜式既意見之類. 相信想有回頭客, 除左食物質素方面, 同客人既溝通同氣氛都好重要. 不過總結依間私房菜都係值得推介既! 

不知不覺又一年，老友不時齊聚首，傳言不應放心頭，説實不偏人念舊。人生中可以有多少個十年呢？三十年的同班學友們啊！祝願各位身體健康，生活愉快！就此舉辦飯局，但揾酒樓食市，要坐得舒適又寬闊，就有想不到的困難。之後朋友介紹了在工厦中的私房菜館 ❝ 囍菜 ❞。並選擇了中等價錢的套餐，選料新鮮碟頭充足，供十五名大漢享用，個個食到飽。特别介紹 ❛ 鹵水鮑魚 ❜，它的鹵水味道淡淡的，剛好進入了鮑魚三分之二，咀嚼後才發現牠的鮮味，是夏季的好頭盤。溫馨提示：要兩、三個星期前訂位較妥當，如需要店方提供紅酒杯，就要收費。

今晚提早食團年飯，一個星期前已經付訂金預定好12位用嘅套餐 。幾兄弟姊妹家人同埋八十幾歲嘅父母歡天喜地嚟到呢度食飯。 睇openrice食評都唔錯就試下啦。 我地遵守承諾六點鐘到， 開始上菜 ，陸陸續續其他六張枱都坐滿人。 當上清蒸海斑這道菜是有發現仍未熟 ，可能今日太凍只有攝氏十度，蒸魚時間同平時有差別 ，所以差一點點未熟。其實如果將條魚蒸多兩分鐘或喺鑊裏面焗多一分鐘就完好。我同女侍應細細聲講條魚想蒸多二分鐘，侍應就好驚咁走入厨房講，有一個女人馬上出嚟大大聲講好似潑婦罵街惡形惡相咁樣話我哋唔識食魚， 不停講佢㕑師有幾好幾叻， 其他枱客人都望住佢。 其實我哋都係細細聲講要求蒸多兩分鐘，冇話到要換過一條魚， 唔知點解佢咁大反應。 私房菜或者小店唔係以客服為先咩，點解要鬧客人高舉自己間餐廳有幾好。 真係唔明佢點解咁，我八十歲呀媽好斯文的同佢講，明白佢嘅意思，叫佢蒸多兩分鐘就ok，冇同佢爭論。 那個女人繼續鬧話蒸多兩份鐘會唔好食， 最後就走咗去。女侍應就將條魚攞入去蒸多兩分鐘。 我哋繼續食冇出聲， 唔想因為呢啲事影響食團年飯你心情， 我父母從小嘅教導，叫我哋唔好喺大庭廣眾鬧交，有失斯文。 做