囍記車仔麵

营业中

休息中

呢間車仔麵都開咗一段時間，但因為我覺得佢唔算好吸引，又唔係特別平，所以一直都冇去食。但朋友有日想食車仔麵，咁啱見到呢一間車仔麵，所以我哋就走咗去食。------------------------------呢間車仔麵一向人流唔算太多，所以我哋都唔需要等位，就入得。🥸------------------------------我就嗌咗蘿蔔、豬頸肉、冬菇同米粉，而湯底就要咗麻辣湯底。意外地啲餸好多，啲蘿蔔冬菇都入嚟，比我想像中好食。😋😋🤩------------------------------睇嚟以後九龍灣有多間車仔麵嘅選擇。🥰

侍應阿姐十問九唔應，扮睇你唔到， 明明有枱比張門口擺外賣的枱叫你坐， 同趕客無分別。一係你就叫人等等， 比張非人， 但一個話比非， 一個又叫你坐門口。 門市不建議大家去依間食， 我相信有更多選擇。 至於食物質素， 非常一般， 而且相對貴，我食個南記/譚仔仲好。

途經九龍灣淘大，下午茶時段！見到呢間打着懷舊旗號嘅車仔麵店！決定入來試一試！下午茶時段3送麵有特價，但就不包括豬腸，向店員問清楚，他亦都樂意解釋，叫我先點三送，另外再幫我追加一份豬腸！，服務態度好好👍🏻碗麵黎到，都感到小伏！自問食咁耐車仔麵，我第一次見啲雞翼尖係白色，味道就好似白灼一樣，但佢餐牌又冇寫明係滷水雞翼尖！我所以冇得追究牛腩每件一隻手指公咁大，但有啲真係食唔到，湯渣一樣！豬皮都欠缺彈牙，太淋了！成個餐$51 ，只是用份量取勝，每樣食材都有7件，面底亦都相當多，冇話下午茶就減少份量！但整個味道就偏向淡口，可能這是懷舊的味道嗎？不能說不好食，但食車仔麵就係鍾意濃油赤醬這種感覺，所以應該無下次了🤭🤭

囍記車仔麵 🍜有時吃了太多西餐日餐，也會想吃一下比較地道的食物😂車仔麵就是香港比較地道的一款食物🙌那天剛好在附近又想吃些車仔麵就選擇了這一間，囍記車仔麵 4餸車仔麵：點了油麵，沙嗲汁，響鈴，韭菜餃，貢丸和豬頸肉😚麵煮得剛剛好，爽口，配上汁非常好吃😆全部的餸也不差而且他們也會給很多，最後我是吃不完的🙈我覺得如果想吃車仔麵和在附近的話，可以去試一試🤤價錢方面也不會太貴,我覺得是正常價格👍。。。。。。。。。。。。。。。。。。。。。。。4餸車仔麵：$54餐廳：囍記車仔麵 Overall (Out of 5): 🔆🔆🔆地址：九龍灣牛頭角道77號淘大商場一期地下G122-124, 130號舖

去開九龍灣，晚上搵下平野食，去左淘大果邊，行行下就見到間車仔麵，一於試下秘製辣魷魚+紫菜日式拉麵（麻辣汁中辣），份量都算合理，麻辣中辣夠晒辣，紫菜都幾多索晒辣味正，秘製辣魷魚就冇乜特別，冇秘製既感覺，個人好鍾意食拉麵，呢個係鹼水味重既拉麵都幾好味，可以一試辣汁魚蛋+日式飛魚籽蟹柳+蜜味台灣腸幼麵（秘製辣汁&麻辣湯），辣汁魚蛋係普通既魚蛋唔算辣，日式飛魚籽蟹柳即係普通日式蟹柳，蜜味台灣腸係細條既台灣腸，秘製辣汁麻辣湯雙拼湯唔洗加錢，呢個配搭味道都幾好，又香又辣，麵底都ok,唔係少鹽酥雞$23  夠晒大份，好多粒，好好食，必試。冇乜炸粉，啖啖肉。配泰式辣醬做緊promotion，4餸以上送熱飲，但有d難度，二人夾埋其中一碗多餸就得車仔麵黎講，呢間算係可以一試既，配餸麵好多選擇，價錢合理，味道係唔太差，份量都夠多。兩個人食，兩麵一小食一杯凍飲$108。

投訴牛腩比燒肉更大粒（根本冇切過)，老闆對我說是客戶的要求。我再問他那個客戶,我問他是那個客戶，他們心裏有鬼，最憎就是用一啲謊話來欺騙客戶。師傅做得唔好應該改善唔應該欺騙客戶！我發誓永不再光顧這店！

淡而無味，只有辣，食唔到其他味道，米粉/湯/餸全部都冇味，得嗰篤辣醬係有味，啲豬紅仲要臭，全部餸都唔入味，啲魷魚仲要硬，湯底唔熱。雖然收費唔係貴，但真係冇下次，最好味係罐汽水。

車仔麵離講，湯底正常發揮。餸嘅選擇好多，同埋味道都唔錯餸方面試左麻辣肉燥，麻辣蓮藕，五香牛肚&蘿蔔，炸燒賣，豆卜，柱候牛腩個人最鍾意就係麻辣蓮藕&五香牛肚蓮藕又爽又辣，牛肚都好入味～肉燥麻辣之中帶小小甜味，都幾惹味，只係略嫌肥肉多左d～炸燒賣都值得一試，幾香，出面少有呢個餸～整體離講，都幾好食只係車仔麵離講價錢貴左小小~

呢間車仔其實都黎過幾次以前通常黎晚餐今日放假就黎下午呀原來佢有下午茶雖然餸既選擇無咁多但都好抵有兩餸同三餸揀(三餸$38凍飲加$3)我揀左三餸豬皮, 辣魚旦同生菜配粗麵沙爹汁魚旦同菜就正常呀豬皮幾入味呀而且有好多塊我見好耐無食所以揀左讚下個沙爹汁其實唔辣既但幾香下忍唔住飲左兩啖湯呀粗麵就真係好一般可以揀下其他粉麵應該好DD~

見囍記無乜人坐 隔離大家樂又長期滿座我就入左黎食早餐$31 早餐價錢都算ok但份腸仔炒蛋嘅腸仔係凍嘅雪菜米的湯好重味精但雪菜份量都還可以呢個價錢黎講不過不失啦唔算特別好食

啱啱放工諗住同朋友一陣間做個gym,所以就想快快出去食個晚飯，九龍灣又唔算話好多選擇所以朋友就諗起之前食嗰間車仔麵幾好食就推介我嚟，呢間就係囍記車仔麵啦☺️佢話於淘大商場入邊位置非常方便，咁入到去就嗱嗱聲食嘢㗎啦😛咁見到佢都幾多選擇有菜有肉有特色小食，我就揀咗司華力腸同雞翼，佢有一道特別之處係可以選擇兩種唔同嘅湯底，而我就選擇左沙嗲同埋辣汁🤤嚟到之後果然冇令我失望🥰香濃嘅湯底搭配彈牙嘅烏冬令人食指大動，最吸引嘅係司華力腸好大條令我非常滿意☺️以佢嘅價錢非常合理所以好適合鍾意車仔麵又想慳錢嘅人😛我諗之後都會再嚟encore

其實我本來想在黃昏晚上光顧位於「牛頭角」商場「淘大商場」裡面的港式車仔麵店「囍記車仔麵」，當作星期日晚餐裡面的食品，可惜「香港」受「新冠肺炎」所影響，被迫提前六點停止堂食。所以我被迫改為在星期日下午光顧「囍記車仔麵」，黃昏就在其他食店，購買外賣「咖喱牛腩飯」，回家一邊看電視綜藝節目，一邊享用晚餐。我點選了「腩汁」作為湯底，「日式拉麵」作為麵底，加上「柱侯牛腩」、「瑞士雞中翼」跟「蘿蔔」三款食品，作為「車仔麵」裡面的餸菜食品。「囍記車仔麵」「腩汁」湯底裡面的味道不算很鹹，而且還算能夠食到甜味，只是「囍記車仔麵」「腩汁」湯底，暫時不是我食過「牛肉」甜味最濃厚的「車仔麵」「牛肉」湯底。至於「囍記車仔麵」裡面的「柱侯牛腩」，「牛腩」裡面被「囍記車仔麵」廚房師傅預先劏開處理，所以「牛腩」浸在「車仔麵」裡面，彷彿自己自然張開，變成切薄片版本，肉質一早被灼熟的「牛腩」肉。「柱侯牛腩」的實際口感不算韌，還算容易用牙齒咬斷、撕開、咀嚼牛肉，這可能跟「囍記車仔麵」廚房把「牛腩」預先劏開處理，讓「牛腩」變得比較薄身，不需要用熱湯灼「牛腩」太久，就可以享用有關吧。至於「瑞士雞中翼」味道方面，「瑞士雞中翼」本來

黎到九龍灣見好耐無食呢間車仔麵了之前黎過好幾次都幾好就再黎了點左~生菜~辣肉腸~豬紅~秘製辣尤魚~粗麵~秘製辣汁小辣我想講呢間店餸既份量係一D都唔孤寒每樣餸都好似食唔晒咁比較特別係個辣肉腸見到幾特別咁就點左黎到係類似台灣腸咁不過多左個辣味仲要係幾辣果隻辣尤魚都比好多好似係咖哩尤魚咁其他餸都正常啦今次食雖然講唔上好SURPRISE但都叫OK

好耐無食呢間鋪頭，估唔到質素差左咁多搞到我忍唔住即刻寫食評先得，一間賣車仔麵鋪頭最好味竟然唔係車仔麵，而係杯凍檸茶，妳無睇錯我講緊係凍檸茶，成餐除左杯凍檸茶，就係得油麵同3粒mini size韮菜餃放得入口咁就盛惠哂$49完全食得好唔開心，點解會咁樣，魚蛋有腥味，我咁大個女都係第一次食到有腥味魚蛋一共有5粒，我食左2粒投哂降，最後埋單時候忍不住同職員反應，希望佢地入貨之後會搵員工試食完先煮俾客人食另外就係豬紅，唔爽口之餘完全無味道我諗唔明點解會咁，我食開文記同來多碗都唔會有咁情況發生，真係十萬個為什麼

車仔麵選擇總類好多 湯底都好多 而且亦有米線 同酸辣湯底嘅選擇 菜我留意到沒我鐘意食既娃娃菜 叫既餸都係平時屋企唔會整既野食腩汁底 我覺得都可以 不過可能對好多人講都唔夠濃味麻辣蓮藕幾特別 都幾辣 係咁多樣餸入邊最入味嘅 甜酸齋一般 豬紅唔入味 叫左幼麵一般般 買餸送熱飲一杯 叫左熱柚子蜜 都好多柚子 唔錯😂 平平哋有機會可以再試反正佢有咁多選擇 見佢早餐都好吸引 店務員都好熱情嘅招待 不過可惜係唔可以比八達通㗎只收現金 咁樣有啲唔方便因為好多人都唔帶錢出街啦而家