囍記車仔麵

营业中

休息中

唔知大家會唔會對某一款食物情有獨鍾，啊鼠本人就非常鍾意食車仔麵呢種可以揀唔同餸既麵食🥹所以今日就一戰位於淘大商場既車仔麵四餸車仔麵 7/10啊鼠選擇左麻辣蓮藕，金菇，麻辣豬紅同麻辣魷魚，價錢就視乎你選擇咩餸同麵底，叫夠四餸就送一杯熱飲。小店既餐牌真係睇到我眼花，餸既種類非常多，連汁都有好幾款，咖喱汁腩汁辣汁沙爹汁仲有唔清楚係咩味既重口味選擇，選擇困難症既我都經歷左一番鬥爭先至將張單遞出去。首先一定要讚下個麻辣蓮藕，非常入味軟身易入口，調味好惹味，如果唔抗拒蓮藕都建議一試，而呢個辣汁都應該係麻辣系列既所有餸既主要調味，就唔一一細講。不過個人覺得豬紅韌身唔入味唔建議叫。整體上味道唔錯，份量亦都合理，不過環境上會比較窄一啲。囍記車仔麵九龍灣牛頭角道77號淘大商場一期地下G122-124, 130號舖#foodie #hkfoodie #九龍灣美食 #香港美食 #hkfood #hkeat #hkcafe #車仔麵 #九龍灣 #打卡 #打卡餐廳 #hkmouse_九龍灣

附近上完堂, 天氣又凍凍地, 見夜晚10點都竟然半滿, 於是入去試下依家做緊叫4餸就會送熱飲🍵但第一次食唔知揀咩餸, 就揀佢推介個啲啦, 結果都係中伏😂4餸 - 紫菜, 韮菜餃, 牛𦟌, 豬腸 配菠菜麵 加柚子蜜(熱) $59份量幾大碗, 但腩汁好稀, 份量比例都有啲奇怪牛𦟌 - 得2塊 (1厚1薄) , 雖然幾好味但都幾唔抵...豬腸 - 有成差唔多10舊, 但無味又唔淋, 可以練下牙力韮菜餃 - 得3小粒, 似普通來貨, 味道一般亦無乜韮菜味紫菜 - 無特別菠菜麵 - 本身呢類麵都係好少會真係食到有好重味, 正正常常, 份量都多最後埋單 $59, 雖然飽肚但呢個價錢食碗車仔麵的確覺得唔值,而且仲要成碗野有一半野食都無味去番附近食碗魚蛋粉仲好😓

午市時間算多人，要等位。而且侍應姐姐好忙，講野會大聲d。等左陣位入到去係填紙仔選擇，係略嫌選擇唔算多，冇一般雞扒豬扒等選擇，可揀有湯或者撈麵，亦有辣有唔辣，最後揀左金菇紫菜雞翼米粉酸辣湯。交左之後等左一陣好快就有得食啦，首先菜份量好夠，唔會得個少少，而酸辣醬汁就好夠辣，建議唔係好食得辣ge朋友要自己畢走少少，唔好撈渾哂，而雞翼有3隻，算大size，而且咬落好夠滑，又入味，米粉係幼身個隻銀絲米粉，夠哂爽口，絕對抵食之選。😋😋😋

星期六晚接老公收工就去搵食今次黎到九龍灣淘大囍記車仔麵8:30左右都仲係full晒好快都有位🥰🥰見到poster叫4餸送熱飲都幾多選擇，花多眼亂🤣拉麵麻辣汁👍🏻👍🏻👍🏻配墨魚卷&司華力腸$37，麻辣汁唔算好辣，易入口，推薦👍🏻拉麵有鹼水味，個人都幾鍾意👍🏻👍🏻推薦！見到隔離枱有人食司華力腸好似幾正就揀左🤭🤭勁大條，好好食！墨魚卷有兩條都幾大條，好好味！推薦！！！👍🏻👍🏻👍🏻幼麵秘製辣汁小辣，配台灣腸，花枝條，紫菜&韭菜餃$52，秘製辣汁小辣唔係好辣幾香，個人認為麻辣好食d🤭🤭幼麵都多，淥得岩岩好唔會太淋，台灣腸好食有4條👍🏻👍🏻👍🏻紫菜索埋d湯超正👍🏻韭菜餃有4粒，係細粒既，唔算好濃韭菜味，都幾好食。花枝條冇乜特別，都係有4條。鹽酥雞$26，份量都幾多，炸得幾好，推薦👍🏻👍🏻👍🏻枝裝豆漿+$10，穩陣，唔算太甜，豆味香4餸送熱飲，柚子蜜👍🏻去開九龍灣不防過去淘大試下，真心抵食好食！推薦👍🏻👍🏻👍🏻

休息是為了走更長的路。當做畢運動，食一碗隨意配搭的麵食最不為過。(1) 豬紅、泰式豬頸肉泰式豬頸肉外皮焦香，可獨立當成一個小食。當浸在湯底後，爽滑彈牙依然保留，更融入麵食之中。(2) 四餸車仔麵四餸會贈送熱飲。配料有豬紅、豬大腸、牛肚及牛腩。首先，內臟清洗得非常乾淨，但滷水時間不夠，只保留香氣，欠缺味道。然而，牛肚切得太幼，口感大減。最後，牛腩偏瘦且細碎，韌度過高。湯汁、麵底也沒有驚奇位置。評心而論，配料雖多，但夾雜起來卻沒有車仔麵的神髓。

呢日黎左淘大商場一個人唔知食咩好 又唔想食太貴🙈路過見到車仔麵 就入去試下😆.車仔麵10間有9間都係自己寫紙落單呢間都唔例外🤣🗒落單紙已經放好係枱上面先揀麵底 再揀湯 然後揀餸餸有分3個價錢 分別係$13 $11 $10今次我就揀咗 河源米粉+秘製辣汁小辣配餸就揀咗雞翼+秘製辣魷魚+蘿蔔佢哋叫4餸或以上有熱飲送 但因為我一個人實在食唔晒咁多🙈所以就另外加野飲啦碗麵上到黎 份量超多🤩勁多米粉 落單冇得叫少米🙈🐔雞翼有3隻 都算大隻 正常味道🌶秘製辣魷魚一開頭我以為會好似平時食小食嗰啲 好長好難咬嘅魷魚上到黎發現原來已經切好細細條食落好方便👍🏻好爽口好易咬⚪️蘿蔔份量好多 有7-8舊每舊嘅size都算大蘿蔔無任何嘅調味 似係白烚最後講埋個辣汁🌶佢係一pat辣醬放咗係面 自己撈匀食辣醬好好食好開胃小辣啱啱好～（我平時食譚仔4小辣）總體黎講呢間係抵食又好味嘅車仔麵😆😆會再返黎食！

我都算係老顧客了，成日諗唔到食咩就一定揀囍記🤣🤣菠菜麵➕魚皮餃➕泰式豬頸肉 = Yummy !!! 豬頸肉係每一次都會嗌！試過都話好食睇下佢外表係燒到焦焦地脆脆地咁，食落都好爽口！真係必試！湯底我照舊係沙嗲➕腩汁😋 my fav combination

又係Must encore 系列之一：淘大既囍記車仔麵店。大大力推佢既秘製辣汁！記得要食4餸會free熱飲呀，凍飲加$3，會食得好滿足咁離開😆【 秘製辣汁米線 配炸墨魚條、辣魷魚、蜜味台灣腸、雞翼尖】呢4樣餸完全無得輸！每樣都好好食！😋😋😋長期都食，有啲上癮咁😂😂😂平均$60一碗連熱飲，好食又抵食。分數：（10分滿分💛）味道：8.5價錢：7.5環境服務：7.5（以上評分只是小編個人口味而已）

呢間位於淘大既車仔麵店，係我心中top3。 ❤️❤️❤️食過好多次，但我每次都等唔切咁送晒落肚先記得自己忘記要記錄，好多次了😂今次我叮囑同行友人，記得記得要阻止我唔好唔記得記錄🙈終於可以介紹到畀大家了😋【 秘製辣汁米線 炸燒賣、辣魷魚、蜜味台灣腸、墨魚卷】平均$60一碗連熱飲，好食又抵食。辣味雖辣但好正，建議食得辣既朋友要食中辣！💛 辣魷魚、蜜味台灣腸、墨魚卷超好食，其他餸都好多唔錯架，大大力推！！

淘大雖然好多嘢食，但我會成日幫襯嘅唔多。囍記我都算成日幫襯，不論早餐，下午茶，還是晚餐，通通都試過，可以話係我嘅飯堂。今次嗌嘅就係豬頸肉，金針菇，豬紅湯底：沙嗲，腩汁🎉小辣豬頸肉成日都賣晒，今次終於試到啦！好香炭燒味！肉質幾彈牙！比預期中岀色！然個湯底咁match 實冇死！每次諗唔到食咩，食囍記就係最好嘅選擇🥳

瞓醒覺落街食個下午茶，求其入左去喜喜。揀左辣魚蛋，辣豬紅同牛柏葉。豬紅完全無味，魚蛋，牛柏葉正常啦。但最頂唔順係間嘢播住啲廣場大媽歌，嘈到頭到暈！十分鐘內食完即走，無下次！

叫左四寶餐，粗麵加辣汁，熱奶茶。豬紅同去年一樣，仍然無味。牛腩瘦嗰部分太瘦，其餘部分係淺啡色膜，咬唔到嘅，不過叫味道正常。豬皮同豬腸啤水啤得太勁，豬腸直情好難，好似食緊無味膠咁，夾硬幾口就吞。粗麵慳成本唔用中式麵餅，咬落似扁扁地嘅油麵咁，望下隔離枱，食緊幼麵，舊麵係淺黃色嘅，好彩都無叫幼麵。湯底正常，叫秘製辣汁，即係獨門秘方，無得比較，唔難食但又唔係特別好食。杯奶茶又反而ok好飲喎。食物質素問題，上年嚟過一次，已經覺得唔好食，今日諗住隔左大半年，可能有改善，點知都係無。以後唔會再幫趁，希望唔會再心軟又浪費一次quota。(sor, 食完先影，因為食完唔好食先決定發文提大家)

是日想食車仔麵黎左呢間呀之前都黎過幾次都OK呀~生菜蟹棒紫菜尤魚波菜麵蟹棒質素幾好紫菜比左好多呀又爽生菜尤魚正常鍾意佢個波菜麵感覺健康DD~九菜餃魚旦生菜司華力腸粗麵九菜餃皮好薄讚呀司華力炸得好脆口有驚喜呀反而粗麵就好一般無咩質感但份量好多呀

話說依間囍記係小編大學同學嘅屋企人開嘅，識依位同學果陣仲係得兩間分店，依家好似有第3間分店啦🤪，越開越多，認真犀利👍🏻。間餐廳嘅奶茶整法仲上過電視，究研佢嘅奶茶有咩特別🤔，今次小編試完可以話你知啦😜。車仔麵可以自選麵底、配餸，同埋調味醬汁。價格親民，可跟據自己budget自由配搭。🔸麵底🏷河源米粉（$10）見到個名好特別，所以揀咗🤣。粗度比一般米粉幼細，唔會因為浸得太耐而發脹，爽口彈牙，無法形容嘅好味😋。份量好多，好鬼抵食🤪。🔹調味醬汁揀咗秘製辣汁，鐘意食辣嘅朋友絕對唔可以錯過呢款醬汁，非常搶味😋，建議配餸另上，如果配餸撈埋喺車仔麵度，味道就會俾強烈嘅秘製辣汁支配😶。🔸配餸🏷秘製辣魷魚🦑（$13）好多條魷魚條，口感爽滑。🏷墨魚🦑卷（$13）沒有雪味，大大條，好肥美。🏷香辣鳳爪（$13）三隻大大隻鳳爪，食完好滿足😊。🏷溏心蛋（$10）煮到蛋白全熟，蛋黃流心🐣。🏷韭菜餃🥟（$10）三隻韭菜餃細細件，餡料紮實。🔹餐飲揀4餸或以上就可以有一杯熱飲奉送😋😆，小編揀咗招牌熱奶茶😚。🏷幼滑奶茶（原價$14，跟餐4 餸或以上免費）小編飲完呢杯幼滑奶茶都覺得係必飲之選，小編平時飲奶茶都會叫多多奶，呢杯無

淘大附近食肆林立, 即使遲收工都有好多選擇。一入商場見有車仔麵, 就雙眼發光即刻入去! 油麵 $10 由於光顧時已經8點半, 感覺啲麵好似淥咗好耐發脹咗😩瑞士雞中翼 $13 唔知廚房有冇整錯, 竟然有4隻😂 炆到骨肉分離好易食墨魚卷 $13炸過頗香口, 而且有墨魚粒, 爽口彈牙👍🏻芝心丸 $9得2粒好似無嘜誠意…而且唔係幾夠熱, 提議餐廳番滾耐啲先放落碗麵🙈整體嚟講份量幾夠, 湯底唔太鹹, 但質素只屬中等, 而且繁忙時段有最低消費$32。