囍越 (將軍澳中心)

营业中

休息中

七點度到唔多人但都要係出面等 原來係話執張大d枱俾我地坐得舒服d 野食種類都幾多 越泰既都有順化鮮茄牛腩湯金邊粉 $62牛腩好淋 仲有好多年 鮮茄湯都幾濃夠杰身 好快俾金邊粉吸晒 入晒味 如果湯放多d就仲正喇冬陰公海鮮炒飯 $78望落冇咩色仲以為冇咩味 點知冬陰公味都幾出 加左d有籽既辣椒超級辣 要揀起晒先食到 海鮮有魷魚 蝦 最鐘意係甜甜地又好淋既元貝仔! 香辣炒芥蘭 $68又有好多辣椒粒! 唔食中辣椒粒係好惹味 芥蘭爽口胡椒蝦 $82胡椒粒誇張地多 店員話係即焗 上枱脆卜卜咁就試下連殼食 好惹味但咬多幾下胡椒味攻上黎辣到食唔到蝦味 所以都係拆左殻點少少胡椒加青檸汁食正辣椒膏炒蜆 $88依個冇用新鮮辣椒 係最唔辣仲甜甜地 仲有d甜既紅椒黃椒 蜆唔多不過都新鮮既熱桂花香蜜 $34好香好清唔係好假既死甜 鐘意依度用既調味料多係天然食材 健康又好味 同埋有其中一個似乎senior d既女店員由帶枱到埋單都勁好笑容 感覺好好!

墨魚蝦餅，一擺落枱就覺得好腥辣椒膏炒蜆，有辣椒膏既色，但成碟野甜既？個菜就炒到燶左胡椒蝦原來係半煎炸左d蝦，係表面加好多胡椒就當係最好食得咖哩牛筋腩，叫左個白飯同蒜蓉包，個蒜蓉包只係半烤過，唔香唔熱去過一次，唔洗再去天穴集團，我都食左其中三間，但係無一間好食

同朋友入左將軍澳食飯，揀左哩間唔錯既越南野，餐廳都好多人食。餐牌好多選擇，真係花多眼亂，樣樣都想食！青芒木瓜絲雜菜沙律($52)，清新開胃，甜甜酸酸，不過有d辣。燒肥牛燒扎肉凍檬($68)，食檬粉一定加勁多後面果樽醋魚露汁，扎肉用黎燒比較少見，但又幾好食，而且有點厚度食落有口感。燒豬頸肉湯粉($58)，肉好彈牙，個醬唔係泰式辣醬，係甜甜地味道。生熟牛肉湯粉($62)，牛肉好滑好腍，通常我唔會浸得太熟，肉身帶點粉紅色食落更嫩滑，個湯有牛肉味，好飲。咖哩軟殼蟹($118)，賣相已經贏晒，斬開大約有8件，炸得好脆，點咖哩汁食好正。香芒糯米飯($60)，最後上甜品，當時各人都已經有點飽，糯米熱再夾埋涼涼地既芒果一齊食，口感唔錯，芒果仲好甜忝。

今日抹窗抹了幾個小時，累炸了，晚上跟老公外出吃飯。到處吃飯的人都很多，我們隨便找了家不用等太久的就算，最後這家囍越只是等幾張枱。我沒有太餓，所以只點了幾個菜。《鮮蝦柚子沙律》份量真的很少，但味道還可以啦，蝦爽口，醬汁幾醒胃，微辣，仲有青木瓜絲都好味。《燒豬頸肉配濱海及生菜》事前已問過店員什麼是濱海，因為我沒有吃過😅 原來濱海是越南一種幾出名的食物，好像米粉似的，用生菜包住豬頸肉和濱海，沾點醬汁一齊吃的，口感特別，生菜的爽脆，濱海的軟滑，豬頸肉的香口。《原個椰青海鮮焗飯》用整個椰青焗飯我都是第一次吃，好有特色，椰漿都漏出來了，本以為有很多椰漿，原來只是表面一層才有。所以要預先拌勻才吃，否則只是表面的飯才沾到椰漿。味道不錯的，但椰香味不夠，海鮮有少量魷魚和珍珠帶子。《香芒糯米飯》芒果香甜，糯米飯軟軟口感煙靭，一凍一熱的，好好吃。老公還點了杯鹹檸七。

今日午餐去左食越南野，揀左呢間餐廳， 十二點鐘入去好多位冇乜人， 餐牌選擇多，正宗越式扎肉到順化鮮茄牛腩，炸豬扒，火車頭，冬陰公，炒飯類粉類都有。揀咗個鮮茄牛腩河粉食，68蚊，凍飲加3蚊。可能人客唔多嘢食好快送到！大大碗順化鮮茄牛腩河粉！ 有幾塊番茄之餘，仲有啲蚊到淋曬嘅紅蘿蔔！ 牛腩嘅數目更加係超多！ 番茄味亦都好足！牛腩一啲都唔靭，好淋好易食！ 而且都好夠大碗！ 餐飲凍檸茶同出面茶餐廳飲差唔多冇乜特別， 埋單最後一個午餐71蚊，雖然話平唔平，話貴又唔算好貴，總算都食得心甘命抵！

將軍澳中心新裝修過後，進駐了很多特式又高質餐廳，收工相約朋友來到What The Pho，環境清淨衛生，服務員態度殷勤，價錢適中。晚飯時候，特式飲品只需 $28，有青瓜味、荔枝味、百香果味、柚子味、藍碟花味及青檸味，特式飲品中還貼心的加上新鮮蘆薈粒增加口感，讚！越式慢煮南乳豬手：豬手很入味，豬皮黏黏的有黏嘴感覺但又不油膩，配上沙律菜可清除黏黏的感覺青瓜味及百香果味，酸酸甜甜又有不少蘆葦粒粒，夠Fresh蝦肉雞絲米紙卷：有大大隻蝦，又有脆脆既炸蒜，6件大大件，配上醬汁，又要大讚好吃好吃。小食拼盤(細)：燒香茅牛肉蝦片2塊：啖啖牛肉配上少少蔥花，配蝦片有雙重口感越式碌冧鳳爪，酸酸辣辣，十分醒胃，骨都能吃掉烤肉串：有濃濃烤肉味，口感juicy，好好味煙三文魚沙律：有5-6片煙三文魚，三文魚底放上沙律菜、爽爽的青木瓜絲，清新冬蔭公海鮮炒飯：海鮮炒飯有墨魚圈、大蝦、小帶子、好像去了泰國感覺

之前經過見成日大排長龍，今日特登收工嚟試下！呢間越南餐廳D野真係唔錯燒乳豬 $188即叫即燒(大約要等30分鐘)，上台仲係熱辣辣！皮脆肉嫩，D肉仲keep到肉汁肉香唔會柴，配埋個酸酸地既乳豬醬，吃多都無甘漏，唯一缺點係我地呢隻豬肥左小小🐽，見隔離台果隻瘦好多🤷🏻‍♀️，呢個睇黎係睇人品同運氣😂😂😂叧外叫左個蘿蔔牛腩🐂一半係牛筋，另一半係半筋半肉，燜得好腍，蘿蔔清甜無渣，唔錯唔錯！仲有個炒通菜都係水準之上🤘🏻

以初開業嚟講算係唔錯啦，服務方面都仲係叫做好好禮貌，反應快，起碼你叫佢都會望到同話你知佢見到你請你等等，係香港已經叫好好，可能因為暫時入座率唔係好高啦。但水就要我地請佢畀先肯嚟。食物質素平平無奇個燒豬髀仔叫做特別啲，但好肥…另外叫左個生菜粉皮包，味道啦，熱度啦都係平平，啲粉皮就黐埋一疊囉，本身黐埋一疊就好正常嘅但係唔知點解我哋嗰度就特別黐幾張幾張疊埋食都係好你好理所當然但係我哋係成疊咁食…同個青芒果豬頸肉沙律，佢個就有啲酸過龍仲要唔關個青芒果事。都係表現平平無奇，無乜驚艷。如果係去為咗解決晚餐嘅呢間都係一個選擇不過今次冇食佢任何一碗粉 都值得再食多一次佢碗粉睇下係咪真係質素平平

由於老婆大人對咖喱軟殼蟹念念不忘，我們再一次回來光顧。等候時間不太長,約15分鐘左右。他們有BB坐椅提供，適合1歲以上的小朋友。我和太太都是軟殼蟹的狂熱份子，於是試了芒果軟殼蟹米紙卷，芒果好像浸了糖水一樣甜到漏，配上軟殼蟹更加突出其清甜的味道，不錯!這次，我們不是太餓，所以點了不算多的食物，簡單地咖喱軟殼蟹再加2碗白飯。他們的咖喱有點像日式咖喱，這次的薯仔不夠軟，但較有質感。跟上次一樣，大約有6-7隻蟹爪，非常滿足~

商場裝修完之後晚晚都好多人排隊，又無得訂位，唔想等太耐晚飯可以6點或6:30之前去就差不多喇！極力推薦椰青水香茅大蜆，次次都叫，超正！好清甜必喝！大部分菜式都好值得試，菜式款式選擇好多，推薦安南乳豬，胡椒蝦（胡椒味重左D）椰青海鮮炒飯，菠蘿炒飯都好吃（衛生問題菠蘿炒飯最好碟上喇）海南雞都幾滑，所以甜品都可以試下因為都幾滴式下，椰汁糕清清地唔會太甜太飽，仲有椰子肉好喜歡吃！服務員態度都幾好，價錢都幾合理，極力推薦！

宜家將軍澳中心開咗好多舖頭， 之前都見過呢間 What The Pho，覺得好似幾好味，所以試吓囉。 一入去見到 D 嘢食同聞到 D 味，估到 D 質素應該幾好。豬頸肉湯金邊粉向來都係我嘅至愛，所以嗌咗嚟試吓。 嗯，賣相唔錯，淨係碟豬頸肉都可以攞 A 。飲咗少少湯，飲得出係雞湯。 睇個樣，都估到豬頸肉係燒嘅（除非唔係啦），豬頸肉肉質唔錯，最可惜冇汁俾你點。 對我嚟講，金邊粉嘅份量多咗少少，但係如果畀大人食應該 OK。媽咪想試吓炒飯，又鐘意食辣嘢，所以嗌咗呢個冬陰功海鮮炒飯。有蝦仁，有帶子，有魷魚圈，算幾好㗎啦。媽咪自稱整體都幾好，但係冬陰功味唔夠，兼有 D 油膩。我試咗覺得炒得好香，魷魚圈淋有不失口。可惜對我嚟講太辣，唔食得到幾多，怕辣嘅朋友唔好嗌啦。柚子蘆薈梳打，除咗有蘆薈之外，冇乜特別，所以我唔特別講啦。整體嚟講，我會俾隻手指公。可惜比較貴，但係以食物質素嚟講，都係咁啦。值得一試！

今日特地到將軍澳這今年新開的商場逛一逛。想食芽莊不過餐廳門口大排長龍，見到這間也是吃越南麵，選了這間試試。餐廳裝潢不錯，藍綠色做主調，牆上掛滿一個個大大小小的越南帽，風味十足。隨意點了一個海鮮檬要$88和一個豬耳扎肉手撕雞湯金邊粉$58。 海鮮檬要$88賣相極佳，色彩繽紛每樣食材都有各自的地方等待著被一一品嚐。蕃茄湯底算濃郁，真要比較的話芽莊那間的湯底更有鮮味份量更多，不過何必樣樣比較? 這個也是可以的。大蝦大大隻啖啖肉。份量算合理。質素合格之上。豬耳扎肉手撕雞湯金邊粉 $58 這個賣相不及海鮮檬要那樣的吸睛，味道清清的還可以。札肉好吃，肉身札實味道濃郁，麵的份量一般，男孩來吃可能只能七分飽。整體不過不失。個人更推介海鮮檬要。

星期日想來個簡單的晚餐也不易，但這裡不用等位，非常lucky！餐廳佈置充滿南洋風味，而且輕鬆寫意。 頭盤煎墨魚蝦餅，軟腍而稍微爽彈，十分有層次，蘸著甜酸醬汁，令口感更豐富。香茅豬扒為又一傑作，豬扒炸得金黃香脆，而且保持肉汁，帶着清新香茅，叫人停不了口！胡椒蝦為全晚的焦點，奉上即散發濃郁的胡椒香氣，蝦雖不大，但炸得黃金，連蝦殻也能吃，肉質爽脆，一定會再來吃！香辣炒通菜則稍為遜色，偏甜而辣味不重，而且份量較少。整體而言尚算有水準，不經不覺又吃了一頓滋味晚餐！

連放三日假期，與大小情人一起去覓食。之前一直很想試這一間越式餐廳，因為經過很多次，但每次都有很多人在門外排隊。8時左右到，大約半小時後便可以入席。店裡提供的是啡色的椅上BB坐椅，我每次都有點怕沒有前面的安全帶，小情人會掉下來。前菜選了蔗蝦，味道一般，如果不沾酸辣甜醬會沒有味道。這個可試可不試。鮮蝦柚子沙律很好吃！非常適合夏天吃，略有少許過咸。柚子下面是酸木瓜絲！超好吃😋生牛肉切得非常薄片，連小情人都吃得津津有味！坊間的軟殼蟹很多殼多過肉，這兒的大大隻，好多肉，一碟大約6-7隻蟹腳，好抵食！咖哩薯仔都非常入味，正！！

星期日梗係family day啦 最開心就係同家人一齊周圍搵好嘢食， 屋企人都試過囍越好多次， 反而今次係我第一次嚟食What The Pho 星期日都比較人多大概都等咗一個鐘頭多啲， 餐廳入面都坐滿人好熱鬧呀！餐牌上嘅食物價錢都幾抵食！ 我哋一共叫咗燒乳豬，大頭蝦冬陰功湯，馬拉盞炒通菜，軟殼蟹米紙卷， 海南雞 ，南乳香茅豬扒，大蝦柚子沙律 ，蝦餅， 番茄牛肉粉，原個椰青焗海鮮飯！燒乳豬好正皮脆肉嫩 呢個推介大家一定要叫大蝦柚子沙律， 味道清新開胃！米紙卷反而普通咗啲冬陰功湯味道比較酸唔太辣豬扒好好食， 入口一啲都唔乾椰子海鮮焗飯， 入面有好多海鮮都算幾足料！海南雞冇乜特別