囍越 (V Walk)

营业中

休息中

每次去到v walk回家嘅路上都煩惱夜晚食咩，今次同女朋友去左囍越試一試越南菜。豬頸肉湯河呢個湯河係牛清湯湯底，相比一D大形連鎖越南餐廳，佢味精感覺相對比較少，而河粉係幼粉黎，無煮到好淋，有口感豬頸肉份量算正常，有少少烤嘅味道，配佢個個酸辣汁為呢碗清淡嘅湯河帶來左一d刺激。咖哩雞肉 (配薄餅)咖哩係偏唔重香料味嘅口味，雞肉都算係嫩，但可惜係份量其實只有四舊，仲要只係暖，呢一個扣好多分。蝦米紙卷蝦肉十分彈牙，個皮即十分薄，點左魚露酸汁個味道好夾。 

就15/12跟家人3人去吃晚餐 19:30下單食物 上食物速度很快 食物也不錯 味道基本上可以 但莫名其妙的是我們東西沒吃完我家人的麵碗就被收走了 筷子還夾著肉…… 到第二次換成我的了 我立刻看一下手錶19:54 20:00不到 我下單到他服務員收我碗不到半小時 這麼趕時間？？？我也還在吃！！！之後過了幾分鐘我叫上甜品 他服務員又來收東西 收我是沒關係 因為我吃完了 但我家人還沒吃完 我忍不住問他們店面負責人是不是這麼趕時間 結果那負責人大聲叫他們服務員之後別再收我們桌東西……就好像說我們不準他們收東西一樣…最後更離譜就是甜品出來了那負責人又跑來大聲說服務員是因為上甜品才收東西！我就跟他說叫上甜品前就收兩次了 人家筷子還夾著肉吃！！！結果他又大聲叫服務員別再收我們這桌東西！這麼趕客人還真是第一次見！真是爛到家了！

十年唔會去一次既南昌站今日去附近工作完就去左連接住既V walk覓食V walk真係成層都好多野食 但由於今日個胃想食下越南河，就去左唯一一間有越南河粉既囍越食野啦當日係星期日下午茶時間，唔使排隊都已經入到去因為心中已有選擇，就即刻點左生牛肉河佢野飲分開叫又無加配優惠，結果無叫到野飲個碗好大，但入面料唔算多，湯多個餸牛肉有啲柴，湯底都唔算夠濃，不過我食開重口味又難以作準既。結果加左大量甜酸汁整濃番d湯因為得自己一個，無叫再小食總括黎講，性價比一般，心癮想食都算滿足左

去左V walk睇戲，睇完見到呢間越南野環境乾淨企理，價錢又非常相宜就入左去蕃茄牛腩河蕃茄味超濃，牛腩亦都炆到好淋，性價比高豬頸肉湯河正常發揮，仲好細心分開上千層糕有驚喜，熱辣辣之餘仲有椰汁比我哋淋上面，好玩又好食！

提前知道會到附近工作，又撞正最近好熱，好想食酸酸辣辣的泰越式食物，見到V-walk呢昌幾好，所以直接入咗。服務幾好，一坐低即刻有水又有餐單，又唔會催落單（當日都fullfull地），所以感覺良好。最後叫咗賣相吸引的順化鮮茄牛腩金邊粉同燒豬頸肉河粉，味道又真係唔差，好味👍🏻而且環境闊落舒服好坐，會再來。

另一個旅遊發展局嘅優惠，晚市食滿$400減$200。紅豆涼粉冰（$48）綠豆涼粉冰（$48）味道正常，唔太甜。紅豆唔算大粒但夠粉；綠豆並不是綠色那款，而是包粽那款綠豆；涼粉唔多得十粒八粒。真心覺得貴。鮮蝦雞絲米紙卷（$38）除咗蝦肉及雞絲，仲有青瓜絲、蛋絲、粉絲、紅蘿蔔絲、生菜，口感清爽。點辣酸醋汁提一提味更好。WTP火車頭湯粉（$88）可選河粉、金邊粉、檬粉，揀咗金邊粉，份量不少，滑得嚟有啲咬口，唔會淋 bat bat。湯底味道不錯，幾夠味。配料亦足，有牛腩（少肥肉爽，有口感，有肉味，好味）、牛筋（有咬口但唔韌）、牛柏葉（爽口彈牙）、牛丸（唔太彈牙，但有肉汁）、肥牛片（唔太肥，唔嚡唔韌，但牛味少）。咖哩軟殼蟹（$118）可選配白飯、薄餅、蒜蓉包（五件）、菜飯，揀咗蒜蓉包，份量比預期中大件，焗得幾香，味道亦不錯。咖哩汁唔辣，反而椰奶味更重，所以幾香，用蒜蓉包點嚟食，索哂啲味更好食。軟殼蟹染粉炸起脆卜卜，味道正常。另外仲有幾舊薯仔，煮得夠淋又夠粉，又係索哂啲咖哩汁入去，唔錯。香芒糯米飯（$68）糯米係暖的，軟身得嚟又煙韌有咬口，溝埋啲椰汁一齊食甜甜哋。芒果熟哂，老到有根，但好甜。呢餐未計

前排確診新冠肺炎，好返之後出去食飯簡直食咩都好好食！😋平時去V walk都只係會食飯堂（和平飯店）今次就試吓其他嘢食，呢間每次經過都好吸引而且都會排隊，但係整體上冇我期望中咁好都係比較普通，而且價錢都有啲偏貴🤑-小編揀咗個生牛肉湯粉🍲，牛肉有啲柴，湯底都幾濃郁，但係就冇乜特別之處，份量亦都啱啱好。海南雞飯既雞口感都有啲硬而且味道唔似海南雞，似係一個好普通嘅雞飯，唔值得試😢反而值得一試嘅係米紙卷，外皮煙煙韌韌，推介大家可以試吓香芒素菜米紙卷，單單就係因為素菜，只係加咗個芒果成個味道昇華左，冇咁dry，而且價錢亦都抵食，飲品呢兩杯都唔太推介因為味道都比較淡，可能大家可以試吓其他飲品😞

慶起，揀間就腳，第一次幫襯，侍應服務態度好好，有禮貌，會主動推介優惠，感覺唔係hea你ge, 坐得舒服好緊要，食物質素唔錯，推冬蔭公海鮮湯同埋火車頭湯粉，價錢合理，希望keep到，會返轉頭

講起V walk呢個商場，雖然算係中大型，但好食嘅餐廳真係唔多今日試左呢間What the Pho果然有驚喜一打開個午餐餐牌其實都有懷疑點解午餐都會咁貴但係食咗呢個午餐🥣之後我就知道原因味道服務抵食我今日點左個豬耳雞絲金邊粉凍咖啡🧉當個金邊粉嚟到，我好好奇點解唔見豬耳🐷原來㕑師係將豬耳打碎左溝埋啲扎肉一齊增加口感呢個豬耳扎肉真係好特別，而且又夠彈牙我從來都未試過豬耳做嘅扎肉可以話係一試難忘金邊粉份量好多，夠晒飽肚唯一不足係金邊粉質地偏腍湯粉嘅清湯飲落好清新唔會成啖味精味道唔錯凍咖啡就偏甜，完全冇咖啡味不過佢哋唔係專門嘅咖啡店所以我都冇要求屋企人就點咗個越南火車頭河粉🍜凍檸檬茶🧃呢碗河粉相當足料有牛肉，牛丸，崩沙腩，牛柏葉牛肉又新鮮又嫩滑牛丸超級彈牙，牛味香濃崩沙腩肥瘦分明，超級好食牛柏葉不過不失，有豐富嘅牛味河粉嘅份量好多，夠晒飽肚而且呢碗河粉嘅湯底同我個碗嘅係唔一樣呢碗火車頭河粉嘅湯底可以飲得出係用牛骨煲出嚟而且唔會有好重嘅味精個湯底簡直有畫龍點睛嘅效果另外仲有個千層糕同埋椰青糕因為趕住去睇戲要消滅佢所以無影相兩份甜品都係跟餐加$12配埋嘅每客有兩件其實如果甜品嚟計佢嘅味道只可以話係

中規中舉 不過價錢有啲偏貴午市套餐 包一杯熱飲我叫左個豬頸肉撈濛撈濛要額外加10蚊🙊而且午市都要加一的豬頸肉味道普通無乜大驚喜肉質係偏爽 唔係淋既呢個價錢 咁既質素 埋單$80幾我覺得偏貴 唔算對得起個價錢😶

話說 下晝完成任務後 夜晚約咗細姑姐同希希食飯對呢 平時趕返工食到一半就走咗啦 所以今餐我嘅喺呢個商場 生活咗都一段時間 但好多餐廳都未試過對上一次食泰國嘢 應該已經係 好耐好耐好耐之前啦同一間舖頭 今次嚟個第二刷 雙倍份量加碼食好西喔叫咗我哋嘅至愛 咖喱牛腩加海南雞飯 食到好飽飽啊不過呢 可能太好食呢 所以都等咗一段時間先有位啊入到去 得返一個鐘頭唔夠食 男侍應好大壓迫咁啊喂#小插曲佢幫我哋執枱都明嘅 但突然直言夠鐘 真係大吉你個利是啊唷我知可能佢哋趕收工架啫 又可能係我衰 嘢食未到狂催您單唷-是日Menu-Salad沙律-Shredded Pork Neck with Green Papaya & Green Mango Salad ($56)豬頸肉青芒木瓜絲沙律 ($56)-Assorted Grill Platter (Large) ($198)自選燒烤小食拼盤 (大) ($198)配埋生菜包 蝦片同檬粉另外自選六款脆炸小食-1️⃣Deep-fried Spring Roll / 2pcs ($38)1️⃣越南炸春卷 / 2件 ($38)2️⃣Grilled Satay Pork ($48

因為咁啱呢度附近做野，所以搵一間餐廳食lunch，第一次嚟呢間餐廳食，呢間都幾多人， Menu上好多款唔同嘅組合，我叫咗WTP 火車頭湯金邊粉 $82足料，味道ok , 無味精鮮蝦雞絲米紙卷 （跟餐+$28)涼伴，呢個時候食清爽😊椰青糕 （跟餐+$12)好淡口， 食咗都唔知食咗乜😔荔枝蘆薈梳打(跟餐+$20)我覺得冇咩梳打味，好似飲水咁😥總括呢間，座位比較密集，但服務幾好，食物幾多選擇，味道OK，但略嫌貴😅

有晚同男朋友想清爽一下去呢間what the po買沙律食見米紙卷有特價加埋 點知最正常係個米紙卷我地叫左鮮蝦柚子同豬頸肉青芒木瓜絲兩個沙律超級呃秤 一拎上手都輕飄飄番到去一開見左個盒得5成滿仲要大部分係墊底唔太新鮮既沙律菜材料同調味亦唔太ok原本以為柚子同青芒木瓜絲係主角得丁丁咁多…明明幾多年係第間分店食過都正正常常而家唔再幫趁了

是日幫襯what the pho , 冇食pho 一排，好掛住個味☺️☺️Order 左火車頭，有牛肉，牛丸，牛根，牛柏葉，個湯都幾夠味，個牛丸幾有驚喜，牛肉就正正路路，唔算滑，但按照連鎖黎講，整體都算幾好，仲叫左個椰汁糕，但比較普通，所以連相都冇影😂雖然價錢唔算平，但都算味道唔錯，坐得舒服，都可以再幫襯🥰

朋友話想食越南嘢，抱住試試嘅態度，點知啲嘢又幾好食同有驚喜喎！湯頭夠濃，肉類比例算多咖喱軟殼蟹配蒜蓉包👇🏻咖喱夠香,辣度啱啱好！蒜蓉包好新鮮，上枱嘅時候仲暖笠笠，芒果沙冰好Juicy又解到辣，仲有淡淡香濃芒果味，飲得出係真材實料。小食拼盤👆🏻（香茅雞翼，春卷，厚切扎肉，燒牛肉蝦片）炸物夠香脆，唔油膩，加埋個醬汁一流！😋職員都有禮貌及主動，整體用餐體驗良好，會再去試其他菜式及推介俾朋友😀