四喜冰室 (已結業)

每逢做節，屋企成家人都會出去訂枱食飯，家姐今次揀咗近佢屋企附近嘅餐廳食做節飯，但意想不到的是這一間原來是冰室，會有烤魚雞煲作為晚市，讓人喜出望外原來有好多東西都要在電話上預訂，尤其是海鮮類！因為我哋屋企人比較喜歡吃辣，就選擇左這一間比較懷舊傳統嘅模式👍🏻點左份（原條烤魚煲）可以麻辣或走辣，烤魚既肉質鮮美同彈牙👍🏻再叫埋小食係艷影蝦球，炸到脆卜卜，咬落去卜卜聲🤭好正而電話預訂既有花雕梭子蟹，啤酒蝦，蟶子皇，鮑魚、每樣黎到都係好新鮮，仲識得郁，鮑魚仲好活潑咁想離開個殼🤣再叫多份品豚肉片已經好夠食🤤基本上整間餐廳都有好多好食既野，晚市會比較特別啲，有雞煲同烤魚揀！只係海鮮要打電話預訂👍🏻

同同事去食下午茶，第一時間諗起間四喜冰室，都有啲耐冇去食，係附近返工行過去都算快，加上餐廳都好多選擇👍🏻我地四個人就二話不說去左，好彩下午茶時段唔係話太多人，等左幾分鐘就可以座我同同事就叫左泡菜雞扒小窩烏冬，夠抵食都係$58，泡菜配雞扒，雞扒肉質好滑，配搭泡菜會開胃好多🤤另外兩個同事叫海鮮冬陰功湯河都係$58，好鬼抵食🤣海鮮好入味加上冬陰功湯底夠辣👍🏻價錢非常合理，好多款食物揀，佢地晚市都好抵食，下次就會去試啦😌

假日訓到好晏先起身，落街睇下附近有咩餐廳好食，行左好幾條街，同男朋友見到懷舊冰室就入去食，間餐廳叫四喜冰室🤔裝修好懷舊風，座位好寬闊，同埋假日中午時段唔算好多人，夠晒舒服😌我就叫左全日餐，泡菜雞扒小窩烏冬+枝裝維他奶，好懷舊風味🤭 泡菜加上雞扒個口味好夾同埋份量都係岩岩好👍🏻男朋友都叫左全日餐🤭特製咖喱豬扒飯+枝裝維他奶，佢呢個咖喱豬扒食落好開胃，唔太辣，豬扒炸得好爽口如果平日去既話都會比較多人，假日去會冇咁多人迫，同埋佢全日餐都好多野揀，唔洗怕冇咁多選擇👍🏻

剛剛轉換新環境返工，約埋其他同事一齊外出食𝘁𝗲𝗮，剛好經過四喜冰室，見到幾快送餐既感覺就同同事一齊入去食，下午茶時間真係會好多人等，冰室都係方便首選！就近九龍灣地鐵站附近都好方便👍🏻下午茶餐當然要叫生炸大雞髀再配支裝四季春茶啦！解油膩感🤘🏻仲要即叫即炸，等15分鐘左右架同事就叫左全日餐既叉燒湯意粉、火腿煎蛋、牛油方包 再加樽裝維他奶，佢呢個餐好快到👍🏻又醫到飽肚感最緊要係可以一個鐘頭內完成晒🤤簡直係方便快速，下次再試埋第二啲下午茶餐先🤭

約左成班舊同事去食飯，其中一個同事話有間冰室食烤魚煲好正，叫四喜冰室，係九龍灣近工業區個邊，地方好寬闊，見佢有埋雞煲食，好多選擇👍🏻飲品都好多口味，茶類會比較多👍🏻晚市都有好多人食，等左10分鐘，好快入座同事即時叫左個原條烤魚煲 $328 有得揀麻辣或者走辣🌶️，我地當然揀麻辣啦🤭魚肉好彈牙好入味另外之前電話度預訂左啤酒蝦同埋鮑魚，呢兩樣menu上都冇架，都係同事之前落埋我地先有得食，兩樣都好新鮮，蝦🦐仲彈下彈下，佢地都係時價黎再叫埋小食，醉香雞中翼 $68，好香既酒味，雞都好滑🤤叫埋五丸拼盤 $68、炸魚皮 $32、魚片頭 $32，係當成打邊爐咁，呢一餐食到好滿足👍🏻平均一人消費都係百零蚊，好抵食

今晚同老公想食雞煲，專登去咗九龍灣食四喜冰室，因為上網見到有其他人推介有海鮮同埋雞煲食，所以專登去打電話預約咗啤酒蝦！晚市麻辣雞煲半份 $188因為我哋想食嘅搭配所以雞煲淨係叫咗本分，因為佢哋本分嘅雞煲都非常多雞肉，食晒啲雞肉之後仲可以唔要個雞煲湯底食其他配料！佢嘅雞煲湯底非常之香濃，尤其是係佢嘅麻辣味！尚品豚肉片 $88我哋今次就加咗豚肉片，因為覺得豚肉片肥瘦均勻，放埋入個雞煲湯底度打邊爐食就非常之入味🤤🤤啤酒蝦（時價）另外因為之前有朋友介紹過佢哋嘅啤酒蝦，所以今次打電話叫定左一啲啤酒蝦，佢哋都好新鮮，而且每隻蝦都好大隻㗎！醉香雞中翼 $68另外仲叫咗個雞翼做小食，因為突然間好想食雞翼，佢哋會醃製得好入味，而且好有淡淡的酒香味❤️❤️四喜拼盤 $128咁我仲叫多咗個拼盤小食，之前有四款唔同嘅小食分別有雲耳，雞翼，節瓜同埋牛舌🤤每一款小食都有少少可以試吓，而且佢嘅醬汁都非常開胃！

今日同同事午餐搵嘢食，我哋又去咗成日都鍾意食嘅四起冰室食午餐，呢度嘅常餐真係非常抵食，份量好多之餘而且佢嚟得好快又好食😋今次我叫咗一個常餐沙嗲牛肉公仔麵，我今次揀咗配牛乳炒滑蛋同埋牛油方包，佢哋嘅常餐都係$50有找，而且佢嘅份量都係正常，所以比起其他餐廳都算抵食👍🏻👍🏻同事就叫咗一個卡邦尼意粉，都係$60左右，而且佢嘅質素都係非常之高，非常值得推介。這個意粉的粉質煮得剛剛好，加上他的白汁非常入味，整個意粉都好食！

今日同男朋友行完九龍灣之後，就諗住搵個茶餐廳食個快快趣嘅晚餐，我哋見到一間裝修都幾靚嘅冰室！入到去佢哋嘅店員都非常友善和親切，加上佢哋嘅服務態度非常良好💯泡菜雞扒小窩烏冬 $58今天我哋兩個叫嘅菜式都係全日Menu，我就叫咗個自己最鍾意嘅泡菜雞扒湯烏冬，自己平時喺屋企都好鍾意煮泡菜湯，呢度嘅泡菜湯都非常濃郁，加埋落烏冬一齊食，烏冬都非常之入味！秘製蔥油雞扒炒蛋飯 $52男朋友我就叫咗個蔥油雞扒炒蛋飯，佢哋嘅蔥油非常邪惡但係真係非常之香，加個蔥油落去個雞扒炒蛋飯度，令到成個炒蛋飯變得更香！而且佢嘅炒飯抄到粒粒分明非常乾身😋

今日同朋友一齊去左九龍灣行街，出返嚟之後我哋行過一間茶餐廳見到佢有雞煲食，睇落佢哋嘅雞煲都好豐富仲有其他嘢叫，我哋就入去食！晚市麻辣雞煲全份 $268我哋今次我好肚餓而且人多，我哋就決定嗌左全份嘅麻辣雞煲，雞煲嚟到之後都非常之香，我哋好快就開始食啲雞。雞肉嘅份量真係都幾多，而且麻辣嘅味道都好惹味😋四喜極品牛 $288但係我哋仲想食其他配料就叫咗一份牛肉，呢個牛肉質量都非常之高，牛肉片嘅說返分布得非常平均，而且肥瘦適中，食起上嚟都食到有牛肉味👍🏻尚品豚肉片 $88除咗牛肉我哋都加咗一份豚肉片，佢的肥瘦程度亦係非常適中，而且非常之惹味，加埋雞煲嘅湯底汁，好食！餃子拼盤 $32除咗肉之外我哋都仲叫咗一個餃子拼盤，呢個餃子拼盤真係非常驚喜到我哋，因為佢嘅份量真係好多，但係佢嘅餃子都非常好食皮薄餡料非常多💯鮑魚，啤酒蝦（時價）我哋最後都叫咗鮑魚同埋啤酒蝦，因為我哋都想食下啲海鮮，而且咁岩撞正季節有靚嘅鮑魚可以食，佢嘅鮑魚同埋其他海鮮都係時價，非常新鮮👍🏻

今日朋友收工喺九龍灣附近搵晚餐，見到有一間冰室有烤魚煲食，我哋心思思就入去試吓，估唔到佢哋嘅茶餐廳都有幾多嘢食！原條烤魚煲 $328由於今日我哋都好想食麻辣嘢，我哋就叫咗麻辣，但係可以叫唔辣。佢係原條烤魚咁樣上嚟，賣相非常吸引，而且好似烤得非常靚！炸魚皮 $32，尚品豚肉片 $88佢烤魚煲仲可以額外加配料，我哋就加咗炸魚皮同埋一個豚肉片，炸魚皮就咁食都非常脆口，加埋落個烤魚放到更加正！另外將豚肉片加落去個烤魚煲，都令到啲豚肉片非常入味。花雕梭蟹（時價），蟶子皇（時價）另外佢原來都有啲唔同嘅海鮮可以叫，今次我哋食到後尾個老闆同我哋講今日有啲靚海鮮，之後佢問我哋要唔要食，我哋就食咗兩款！不過佢話最好你嘅時候都打電話預訂咁確保會有得食！醉香雞中翼 $68另外我哋都叫咗一份醉香雞翼做小食，佢嘅雞翼醃得非常之入味，可以食得出有酒嘅香味！

今日出咗九龍灣做嘢，趕時間食個快靚正嘅午餐，我哋就去咗一間裝修幾靚嘅冰室，入到去店員都非常親切，睇得出佢哋午市時間非常之忙碌！但係佢哋嘅食物都非常有水準👍🏻我今次就叫咗個全日Menu都有嘅芝士牛肉菠蘿包漢堡，呢一個菠蘿包，佢唔係普通漢堡包，令到成個漢堡包嘅口感非常特別，鍾意食菠蘿包嘅人可以嚟試吓，佢除咗有菠蘿包脆皮嘅口感之外，因為多咗芝士同埋牛肉令到成個層次都非常豐富！另外朋友就叫咗個鹹蛋肉餅籠仔蒸飯，係呢一個鹹蛋肉餅龍仔蒸飯亦都非常特別，佢真係會成個蒸籠拎出嚟俾你，你見到個飯嘅時候仲係熱辣辣非常新鮮👍🏻

今日同同事搵午餐食，我哋最後去食成日都去食嘅四喜冰室，因為呢一間茶餐廳都非常之抵食，佢好大份得來而且價錢唔係好貴。💯鮮茄焗厚切豬扒飯 $58，今次我就叫咗自己最鍾意食嘅鮮茄焗豬扒飯，焗豬扒飯通常都係即叫即焗所以等嘅時間都會比較耐少少，但係等耐少少都係值得嘅，因為佢嘅焗豬扒飯真係非常之惹味！而且佢嘅厚切豬扒真係好好食😋🥗韓式燒雞髀田園沙律 $60，另外朋友就叫咗一個沙律然後我哋一齊食，因為佢啲嘢食真係好大份，所以我同同事通常會share一個沙律一齊食，感覺冇咁罪惡咁！

今日同個fd食lunch都冇乜時間，就去揾左間茶餐廳食常餐，呢間茶餐廳原來都有好多野食，好似有雞煲個d，今日我哋就晏晝揀咗兩個全日餐嚟食，朋友就識做一個卡邦尼意粉，我就叫咗個常餐叉燒意粉！卡邦尼意粉 $58佢呢度嘅卡邦尼意粉真係平靚正，佢價錢唔貴之餘，佢嘅份量都好多，食晒之後都非常之飽！佢嘅汁不多不少剛剛好，成個意粉都非常有味！叉燒湯意粉、火腿煎蛋、牛油方包 $46平時去茶餐廳都好鍾意食常餐，常餐除咗有叉燒意粉之外仲會跟一個火腿煎蛋牛油方包。佢嘅常餐叉燒意粉都非常之好食，叉燒肥瘦適中，而且份量都唔少！而且佢嘅火腿煎蛋撈埋一齊食個牛油方包好食😋

今晚出左九龍灣行街，突然之間好想食魚，見到有間茶餐廳有烤魚煲，就決定入去食！除左條魚，佢都有好多野食，咁好彩個晚就有得叫梭子蟹和蟶子皇，平時就最好打電話預訂。呢個原條烤魚真係幾正，成條魚上真係好大條，呢個烤魚煲係可以揀麻辣/ 走辣的，我哋就揀左有少麻辣，令到魚好香好惹味！我地仲叫左d烤魚配料，有加左一個炸魚皮和餃子拼盤，個餃子拼盤份量真係太有驚喜，令我哋都好飽！炸魚皮就一樣炸到脆卜卜🤤令到我哋嘅胃口大開。仲加個小食蕃茄油醋小雲耳！我地今次好彩去到仲有花雕梭子蟹和蟶子皇，老細就話係時價，平時都唔係成日有，所以最好打定電話去訂👍🏻

今日放lunch同同事食個快靚正嘅午餐，我哋見到四喜冰室，餐廳入面都幾乾淨和整潔，我哋就入左去食。今次我同同事都係叫左全日meun入面嘅野，好多野食都好吸引！今次我叫左鮮茄焗厚切豬扒飯，佢嘅份量係茶餐廳份量，非常之大，食曬之後都好飽！佢即叫即焗，如果想叫焗飯就要早啲決定落餐，不過等得黎都好值得！焗飯既質地偏少少硬身，芝士溶化係飯到，簡直係天作之合！另外個同事就叫特製咖喱豬扒飯，咖哩豬扒飯都係茶餐廳必有嘅餐單之一，佢仲係好大塊豬扒，而且咖哩都好濃味。