四喜牛腩粉麵 (已結業)

杏花邨一向都系美食沙漠，只系得聯鎖食店進駐，估唔到街市入面開左間粉麵小店，而且好高汁。佢地嘅牛腩牛丸河粉，味道真系好唔錯，牛腩嘅份量多，而且煮得岩岩好，唔會太韌，系好腍好嫩好入味。加埋佢地嘅牛丸，每粒都好彈牙，咬落去會有肉汁爆出嚟，唔系cheap cheap牛丸，係好食嘅。每碗粉麵都會跟一匙羹嘅蔥花同蒜蓉，可以減低牛腩嘅肥膩感，蒜蓉又可以增加湯底嘅香味，提升左成碗麵嘅味道層次。「劣食新城」入面嘅餐廳，價錢貴，味道又一般般，大家以後可以行多2步入街市，試試呢間小店（已改名做成豐牛腩粉麵）嘅粉麵，牛腩份量多，牛丸彈牙，而且價錢平！！！

今日嚟到杏花邨街市嘅四喜牛腩粉麵買外賣。 我要咗個咖哩牛腩飯。 打開個外賣盒 ，不論牛腩量定係飯量都非常之多。 牛腩粗略數過有十嚿 ，飯有成兩碗幾飯， 一個飯盒夠兩個人分。 牛腩炆到好冧，入口鬆化 。咖哩汁就比較稀， 平時行開行花邨嘅話都不妨過嚟試一試。

上個禮拜落樓見到新開嘅粉面檔！琴晚收工即刻黎試試佢😚😚同朋友一人一碗河粉佢食崩沙腩河，咁啱係最後一份師傅話每日限量供應（心諗有冇咁好食先🤫崩沙腩真係高汁，肥瘦得宜唔洗用力咬而且湯底有濃濃既腩肉香❤️你以為伴菜好普通其實好多粉面檔啲菜都好梅😣而呢度啲菜明顯係好新鮮青BB✅我叫咗魚皮餃墨魚丸河魚皮餃正常發輝墨魚丸味道好夠 都十分彈牙👍🏼但係比起崩沙腩就略嫌普通👌🏻食到一半仲加咗個炸魚皮（但係冇影相非常脆 同埋見佢獨立包裝唔會擺到淋曬如果黎食可以試下😝