四季常餐 (德輔道中)

营业中

休息中

中上環早餐系列今日食翻平時都會幫襯佢食常餐嘅四季常餐，今日叫吓第二樣食，睇吓會唔會有驚喜先坐低叫咗份炸魚柳早餐～炒蛋味濃且勁滑，色澤亦接近金黃。平時多數飲冰震凍奶茶，唯最近早餐一飲凍飲就唔多舒服，所以都係飲熱飲算啦～茶味香濃，久久不散～最後最後要講講塊炸魚柳，整體賣相唔錯，魚柳夠大件，擺碟夠睇頭，可惜吖，炸皮衣太厚，食落有啲似食緊熱狗腸層麵包皮，完全食唔到魚味，令到成件事好大影響，一啲都唔似食緊魚柳，可惜可惜，需要認真考慮轉供應商⋯

好耐無食過，見過開黎就特登入嚟食，叫咗四季茄牛通常餐。個茄牛通水準跌咗好多，好明顯睇到係通粉上而淋個似係工場一早整定/或者開出嚟嘅番茄湯，唔似用新鮮番茄整出嚟，上面啲牛肉就咁放上去，微溫🫣，其實唔難食嘅，但我唔會再叫黎食。印象中以前係成個番茄通同牛肉一齊煮，仲食得出係用新鮮蕃茄整，好濃味。個炒蛋係滑嘅，但係完全冇蛋味，似係食緊一堆鹹嘅黃色汁😅唯一可取係個多士，入面好軟熟。唔知係咪叫錯嘢食😅😅

返咗中環好多年 開張果陣成日幫襯 而家愈來愈貴都有段時間冇食 點知新年開工一叫就知中晒伏😡唔真忌廉雞湯叉燒通粉應該係真浠·忌廉雞湯叉燒通粉之前食個湯係濃郁杰身嘅今早叫叫個係超級超級稀 忌廉係落得非常之少 聞落有浸忌廉味 但食落口咩味都冇叉燒係粉紅色嗰啲乾柴叉燒似係人地買剩唔用用嚟整星洲炒米嗰啲下欄嘢而且份量亦都唔多唯獨是個炒蛋依然保持到咁滑不過50幾蚊食個咁嘅早餐雖然話係中環 但未至於要選擇呢度真心冇下次🫥

聽中環返工嘅朋友講咗好耐，話係日日食都唔厭好高質！我就跟住佢去試吓，一試真係難忘！沙嗲牛肉公仔麵：沙嗲牛肉好香好濃郁，真材實料，個醬汁係好濃，啲牛肉又唔會乾柴，正嫩蛋多士炒蛋用咗牛油，炒得超級滑，個多士有做烘底，配埋一齊食超正仲有個港式奶茶都不得了，佢哋一粒冰都唔落，係用冰鎮，飲起身冇稀釋過超級濃郁❣️

沙嗲牛肉公仔麵可選硬麵，二話不說選擇硬麵!麵的硬度既不會「硬繃繃」，亦不會軟綿綿，而是微硬帶有彈性，絕對適合我的口味!看着牛肉，不是預先醃好的肉，應該是新鮮牛肉!沙嗲汁微辣，每口都有花生味，十分足料!

個叉燒炒蛋飯幾好食，每星期都會去買黎食。但今日去買外賣，拎餐出黎個女侍應態度極差，我比行人阻住左，行慢幾秒去拎就比佢怒視，仲要‘積’左聲。佢可能工作好辛苦啦，但我無斷斷受氣，接受唔到，短期都唔會去買。

呢間嘢喺舊翠華隔離，都係晏晝好多打工仔食飯嘅熱門地點，一般都要排不過呢如果人少一至兩個係等少於10分鐘，接受到嘅範圍。我今次去食咗佢嘅常餐因為要減肥嘅關係佢嘅蕃茄通粉都幾正（low calories)，但係美中不足係佢唔會俾煉奶你去點麵包，當然包埋杯嘢飲佢嘅熱奶茶或者熱檸茶嘅杯係唔一樣

自己睇相，係咪太好生意，煮唔切飯？D 飯同平時比，少左一半咁上下希望下次水準可以keep 返好d買外賣返到去見到咁真係笑左唔通我行返去換咩呢下真係無仇報老細見到同個廚講下啦

好耐冇食過四季常餐，經過即刻入去食。以前好出色嘅真忌廉雞湯，而家完全變到冇乜味道，仲鬼咁稀。唔止個湯，連個叉燒都係冇味。招牌炒蛋多士keep到水準嘅，多士軟林林好好味。炒蛋就一如既好有水準。但所有嘢都不及坐喺收銀處門口嗰個肥哥哥，由一入到門口問佢嘢，佢只係指一指張枱。都俾錢嘅時候講唔該，佢都完全冇應你，一路都黑口黑面。其實今時今日做飲食， Service真係好重要，以食物質素同服務態度來講，真係唔會再幫襯。唔怪之得早餐時段都係得三成人。

好耐冇去這間茶餐廳食早餐了，依然想食他們用新鮮牛肉煮的沙嗲牛肉公仔麵早餐送到枱面，沒有失望，和其他那些唔知煮咗幾耐，一“劈”的沙嗲牛肉比，這個看到一片片牛肉剛剛白灼好，放在公仔麵上，在淋上秘製的沙嗲汁，好好味同事們讚佢哋的炒蛋依然好味，炒蛋好滑，多士熱辣辣，如果可以多少少牛油，就更加好同事叫的茄牛通，蕃茄湯濃郁，同樣可以見到，他们用新鮮牛肉白灼後加入通粉，最後加上一些香草在面，賣相立即升級了奶茶依然好香，為了環保，我謝絕用飲管

🐻中環一帶可以話唔算多茶記，放工想是但食就入左呢間🐻選擇唔算多但勝在諗住快靚正，門面又乾淨企理🐻叫左鐵板乾橯沙嗲肥牛公仔麵黎到就係如圖汁同公仔分開上面有小小牛肉咁，見到都知伏伏地，食落去都真係伏，就算橯埋一齊都係汁還汁 面還面，唔知食梗咩咁，建議唔好叫呢個👎🏿👎🏿

【日常。茶餐】餐廳在中環街市旁邊，對著叮叮車路，位置方便，很容易找到。每次經過都會有一條人龍在排隊。 人流很快， 通常10-15分鐘就可以入座。價錢商宜，中環上班族午飯必選之一。還有茶餐廳也保留了一貫的香港特色～搭檯。❈ 叉燒炒蛋飯配秘製豉油汁 HK$60薄片的叉燒香口，肉質不乾，炒蛋味香滑嫩。秘製醬油不會過咸還帶一點點香甜、 配上一口叉燒和滑蛋，再加上一口飯，真係好好味。❈ 南洋咖哩豬扒飯 HK$64咖哩的味道真的是很東南亞風味，滿滿的香氣、口味偏辣， 豬扒肉質鬆軟香脆。 香辣的咖哩會讓人一口接一口的吃，很配飯。所有套餐均配有熱飲一杯。轉凍飲+$3，可樂/雪碧+$5，凍檸樂/凍檸七+$8，凍檸檬西洋菜蜜+$8/熱檸檬西洋菜蜜+$5

早餐：茄牛通+熱奶茶 $39茄牛通：暖口唔熱，得個酸味，通粉淋身的。熱奶茶：夠熱，但無乜茶味，還可以。這早餐在menu上仲要有隻大拇指，即是想表示值得推介屬必試之一啦，但我覺得好唔掂囉👎👎伏伏伏🤕食到中途見隔離枱上了份炒蛋餐肉多士，賣相比我份茄牛通好好多，覺得自己點錯餐啦，不過我都唔會再去幫襯了。

每逢糧尾都要好小心咁用錢，lunch連凍飲都唔敢加🫠常餐簡直係糧尾嘅恩物！四季常餐一向都好出名，無論月頭定月尾都大頭長龍，不過勝在佢係快餐，所以條龍都郁得好快！🍅四季茄牛通配招牌炒蛋加多士（$52）個人認為茄牛通嘅湯唔係好夠，另外湯底嘅蕃茄味道有啲淡🥲 不過勝在佢嘅牛肉都幾淋，幾有鮮味！而炒蛋都好滑，好有奶同creamy嘅味道，撈埋塊煎得好脆嘅多士，令到成個餐加分咗好多！聽聞呢到嘅叉燒炒蛋飯都好出名，等我到下次糧尾又再試吓先！😎

喺中環食晏好多時都排晒長龍但其實中環都有抵食又好食嘅餐廳四季常餐就係我經常「翻兜」嘅餐廳 .四季常餐中午時份成日都大排長龍我選擇買返公司悠閒hea住食唔駛同人迫用openrice app外賣自取可以落定單唔駛等去到就有得攞 .餐牌可以選擇嘅款式唔多雖然其實我次次都係叫同一樣味叉燒炒蛋飯配秘製豉油汁 ($60)做一樣嘢 做得夠好就足夠 .炒蛋夠滑 鐘意佢有蔥花半肥瘦叉燒 份量ok精髓係佢配咗個秘製豉油汁吊起個味好好送飯 .餐牌仲有其他選擇例如南洋咖哩豬扒飯豬扒炒蛋飯配秘製豉油汁你又鐘意食邊款呢~