四季常餐 (利榮大樓)

营业中

休息中

外賣拎到返去，準備心情食晚飯，一打開個外賣，咩事呀塊牛，應該因為冰鮮所以硬到連叉都叉唔開，又唔係生因為唔覺有紅色，但總之唔知呢塊牛咩事，至於多士炒蛋同公仔面，無咩特別，正正常常，味道一般，唔掛之得咁少人幫襯，又長期有優惠。我因為見佢平我先經常幫襯，奈何唔見有進步，反之質素好不穩定，有時塊多士有異味，有時蛋太水，今次塊牛仲要非常硬，有時凍飲又唔夠凍，但因為平我才不斷幫襯，平都需要提高質素吧，否則隨時被取代。

好耐冇食過呢類好食嘅炒蛋。有老師傅以前的鑊氣味，咬落去又好軟熟，蛋汁仲可以留得到。一流！個凍奶茶，就拍得住以前有間舖頭，初推出的「冰鎮奶茶」。留到濃烈茶味，飲落去又好滑，重點係飲完之後冇口乾感覺。我買呢個外賣，早上七點幾帶去隔離修頓球場，一邊食一邊喺度曬，都唔覺得熱。有種幸福感覺。👍🏻謝謝灣仔四季PS : 系統唔俾我評味道，我會俾10分。

近日我又去灣仔四季常餐醫肚，這次我點的是「叉燒炒蛋飯配秘製豉油汁」，味道唔差，最重要係價格非常實惠，外賣自取只要$42 (openrice 落單)門口有專門的外賣取餐區，很快就可以拿到餐，出餐快，5分鐘左右就已經有。說回食物，叉燒炒蛋飯絕對是值得推薦的一道菜。炒蛋非常嫩滑，配上秘製豉油汁，鹹中帶一點甜，非常惹味。叉燒的厚薄均勻，肉質鮮嫩，香味四溢。豉油汁的調配恰到好處，不會過鹹，與炒蛋和叉燒完美融合，用來撈飯或淋在蛋上都非常適合。以灣仔這個地段來說，性價比非常高。整體來說，這次的用餐體驗非常愉快，值得一試。如果你在灣仔一帶，不妨到四季常餐試試他們的美食，相信你也會有不錯的體驗。

碌openrice發現有正野🤩半價歎住食📣📣📣唔洗諗 即刻落單😌等車成日望住呢間餐廳 但未幫襯過🫢公司落單 行到餐廳就拎得👍🏻🍜真忌廉鷄湯叉燒通粉配炒蛋🥚多士🍞炒蛋都幾滑幾香蛋味 只係爭左啲胡椒粉🧂多士係厚多士😍加分加分但個邊燶左啲 又扣返分😂主角通粉：咩原來依家啲常餐咁高級用真忌廉雞湯做通粉湯底😆成碗通心粉 即刻升level去另一境界🤩仲要勁sweet 咁會自動分湯 外賣都唔怕變成通粉蓉粉量都幾多 再飲哂啲忌廉湯 超級飽😆奶茶成為左下午茶🤣飲左成碗湯 一啖都飲唔落😅特價$39 超抵食☺️但每日限售20份 咁都比我搶到😎😎不過正價都值得食嘅👍🏻👍🏻

做完野直落灣仔，打算食個快既，有乜野飯快過呢啲餐，四季常餐就成日都聽過，次次見人食都係講沙嗲牛，但經過門口，見到雜扒飯配賣$55蚊(要轉咖哩汁+$10)咁樣都好難唔試喎，灣仔喎大佬，行過路過都唔好錯過，呢個價係其他地方都未必有啦。講講個飯，足料既，有火腿腸豬扒同炒蛋，味道呢啲加工食物大家都知會點，最少無雪味同埋唔係無肉味既，我已經覺得合格，量已經贏左如果飯多少少會更fit因為食晒啲飯得返啲餸😂😂，呢個飯好配合我個名🙃🙃唔知呢個優惠價$55做到幾時，總之要食就快。

今次第一次嚟呢度食嘢，首先要讚一讚嘅係佢呢度啲Staff態度好好，嚟到仲要好好笑容，跟住去到嘢食方面，今次嗌嘅係麥皮套餐同埋雪菜肉絲米早餐，跟餐嘅炒蛋顏色好靚，麵包亦都焗得好脆，抵讚！雪菜肉絲米好大一碗，份量嚟講，絕對夠食。麥皮就略嫌冇咁甜，建議下次嗌嘅時候可以同啲Staff講加返啲煉奶，咁應該會好食啲！整體嚟講呢間嘢都幾好，同埋真係好抵食，份量又多咁樣埋單都唔使$100，如果行開可以入去試吓🤩

🍳叉燒炒蛋飯配秘製豉油汁 $60炒蛋非常嫩滑，入口即溶，叉燒厚薄均勻同瘦身，豉油非常惹味，鹹中帶一點甜，用來撈飯或者淋在蛋上面都非常適合😆🍛南洋咖哩豬扒飯 $64超大份量嘅豬扒，豬扒多汁可口，咖哩香料味濃，咖哩與豬排是分享呈上的，可以自己決定咖哩份量🥤(泰國)咸檸檬雪碧 跟餐＋＄8咸檸檬味過於強烈，不係太喝到雪碧味🍸凍檸檬利賓納 跟餐+＄6普普通通，正常發揮

外賣平台優惠四季常餐3個餐$100，原價每個$52，有沙爹牛面、蛋、多士同熱咖啡☕️，凍飲🥤加$3，蛋好滑。去到問口有十幾人等外賣🥡，外賣🥡要喺門口張枱廿幾袋外賣🥡中搵返自己嗰袋。唔食沙爹牛面可揀忌廉叉燒通。

第一次寫食評，見到門口好多人排隊買外賣，心想食物質素都應該唔會太差，就入咗去。入店後，其實服務員的態度已經不好，有卡位空咗，但係又唔俾我哋坐，話要用張枱擺外賣，點知轉頭又比其他人坐。真的後悔沒有離開，我和朋友叫咗一個叉燒蛋飯配秘製豉油汁及豬扒炒蛋飯配秘製豉油汁。叉燒蛋飯一般，豬扒飯的豬扒嚡熠熠，朋友覺得飯好硬，真的很難食。我哋仲見到隔籬枱有位先生叫咗個南洋咖喱豬扒飯，塊豬扒成塊上，見佢用刀切開，切到手軟🤣🤣不會再有下次。

第一次寫負評😮‍💨食物質素普通到冇得再普通🥲-🍞奶醬西多🍞完全係一塊好厚嘅白麵包烘咗少少🥹個底係完全冇烘過咁滯完全唔係想像中嘅西多士 蛋漿都冇收人$32🥵中間仲要完全冇花生醬 真係少量奶醬舖面頭🫠-🐮瑞士汁乾炒牛肉通🐮完全唔炒得乾身 有少少似瑞士汁嘅湯通粉🫤牛肉好多筋 硬到完全咬唔開🥴服務態度好差🥺呃人最低消費要要跟哂套餐 冇得單點😔寫同職員講嘅完全兩回事仲要同我嘈咗好耐食旺角嗰間都好過灣仔唔建議亦唔推薦冇諗過普普通通想食間茶記入到去都會有中伏嘅體驗🥺😮‍💨😮‍💨😮‍💨

嚟茶餐廳食常餐係常識吧！但原來灣仔係無茄牛通，得沙嗲牛肉，所以就轉咗食叉燒忌廉湯通心粉，通心粉比較淋；杯奶茶都唔錯☺️。🍜『忌廉鷄湯叉燒通粉配炒蛋多士•熱奶茶』$52⋯⋯🥸上枱嘅時候，有個小插曲。話說，上枱時，只係見到湯同通粉，我好疑惑咁打開個落單page，睇吓自己係咪唔小心㩒咗「走叉燒」；隔離嘅男仔見到，就話：「係咁㗎！啲叉燒喺下面，我頭先都有啲驚訝！」⋯⋯🗣️店員好好，見我拎住好大個背囊，食嘢唔方便，佢見有客人走，主動叫我轉去另一邊，坐得舒服啲👏🏽👏🏽👏🏽👏🏽。📍 四季常餐 (利榮大樓) (灣仔)灣仔軒尼詩道156-162號利榮大樓地下B號舖。大食時間：Aug 2023好味指數：🌕🌕🌕🌗🌑回味指數：🌕🌕🌕🌕🌑

.#foodie #hk #hkfoodie #HTB美食推介【灣仔港式全日早餐🍳｜特濃沙嗲牛嫩滑炒蛋】🐨特濃沙嗲牛肉公仔麵 $52推薦度：⭐️⭐️⭐️⭐️⭐️佢可能係我食過最好食嘅沙嗲牛麵，沙嗲入面偏重花生味嘅🥜而且係好香濃，所以公仔麵超級掛汁，每一咬都好濃郁~ 而牛肉大約有8-9塊左右，每塊都好軟腍又冇筋😚.🐨招牌炒蛋加多士 跟餐Free推薦度：⭐️⭐️⭐️⭐️⭐️本身冇諗過炒蛋竟然會係招牌，點知真係好好食🥰隻多炒到好嫩滑，保留左少少蛋漿係面頭，令蛋味好出！多士就少少脆，將蛋同多士夾埋食，就變成左另一口感🥪.🐨叉燒炒蛋飯 $60推薦度：⭐️⭐️⭐️⭐️整體都好食，但就冇沙嗲牛咁誇張🫥… 叉燒份量都算多，大量有6-7件都係半肥瘦既，主要係佢個調味醬汁好食👍🏻撈埋炒蛋食，好易就清左一碗，不過哩個嘅蛋就明顯係熟少少，相對冇咁滑身~-----☼-----☼-----☼-----☼-----☼-----四季常餐📍地址：灣仔軒尼詩道156-162號利榮大樓地下B號舖(分店)地址：中環德輔道中88號地舖🐨推薦度：😋😋😋😋😋/5 💰人均價格：$50-100🪸環境：👾👾🗣️服務：👍🏻👍🏻👍🏻📸食物打卡度：💡💡💡🛠️分類：#HTB灣

😎 小編同朋友去會展睇Jer演唱會，由於大家都係放工趕過去，快快脆喺灣仔食個快靚正晚飯就起行！🥳🍛 叉燒滑牛炒蛋飯雙併 😋😋😋😋炒蛋好黃好靚仔，舖喺白飯面頭，好有蛋香，仲連帶少少蛋液同豉油 🤤 叉燒同滑牛厚薄適中，肉質都唔錯，一共五、六舊，整體份量好充足～ 👌🏻🍛 四季極上和牛飯 😋😋😋😋估唔到茶餐廳都有和牛食！朋友嚟試下，小編又偷啖嚟食～ 🤪 粒切和牛帶有微焦香，圍住個碗邊舖成一個圈都有唔少舊！食落肉質幾嫩，仲有牛油香，加埋生雞蛋、香蔥同醬油，係一份簡單嘅滋味！😚晚餐 💵💵 約港幣$70/人💁🏻‍♀️ 以上各樣都可以免費配一杯基本熱飲～ 茶餐廳內裡光猛、企理又四正！嚟幫襯嘅依一晚，有一半都係過去睇演唱會嘅柳柳粉！嚟緊大家去會展睇show睇展覽之前之後，都可以去試下㗎！😁🙆🏻‍♀️ 最後，喜歡嘅話，歡迎follow @foodirectory.hk！

見中環嗰間四季常餐，好多人都話OK，就諗住去灣仔四季常餐食飯。叫咗一雙$78嘅極上和牛飯，賣相相當「出色」，牛肉相當un ，未見過一個咁冇誠意嘅飯。而我女朋友叫咗1份$38嘅下午茶餐，叉燒通粉配炒蛋烘多士，價錢相當吸引，兩塊薄片叉燒，配一份腥而無味的起泡炒蛋，軟身的烘底麵包，簡直衝擊味蕾。 我哋兩位一致認同，熱檸水係最好飲。 暖暖的一杯水有檸檬味。如果大家有興趣，想試伏嘢，可以去下灣仔呢一間四季常餐，包保滿足到你。

睇到都已經唔想食整體OK 但唔該唔好俾嚿綠色嘅肉我雖然平，但係都唔好俾啲咁嘅嘢人食生意唔係咁做的煮之前睇清楚先我諗邊個見到舊綠色嘅肉都唔會開心我諗再係咁嘅話，老細應該蝕到執笠