四季良晨 (迎海薈) (已結業)

超值抵食免加一台式餐廳,激安滷肉飯套餐超豐富台式定食,一碗燉湯,一碗滷肉飯,一件厚台式雞扒,一份湯菜燉湯每日唔同,今日係豬肉冬瓜湯,好清甜無咩油,好足料滷肉飯,個滷汁夠香口惹味,個汁香濃,肉碎好入味,撈飯食一流炸厚大雞扒,炸脆之後再灑椒鹽粉,又脆又惹味,正宗台式大雞扒味道食落脆,雞肉嫩滑多肉汁,重要係大大件好好食自助落單,不收加一,落單後店員送餐 不包飲品,但有自助水吧裝水任飲加凍飲$8一杯Shop 204, , Double Cove Place, 8 Wu Kai Sha Road消費$80

太過份，一見到咁大隻蚊即刻打電話諗住投訴，打極都無人聽，都5知可以點評論，好難再幫襯😡都唔知好彩定唔好彩，實在太過份，浪費金錢浪費食物，投訴無門，叫其他人點幫襯呢間野😡

台式CAFE 主打麵食,炸物 係呢一區少有既台式餐廳今日叫左份清湯麵條配椒鹽炸醋扒 附小食青瓜一份 加錢有一杯飲品清湯即雞湯麵,上面灑了蔥花同2條菜,青瓜用蒜調味幾好食唔辣既鹽椒豬扒幫你剪開埋上菜細心 炸到好酥脆再灑台式椒鹽粉,入口咸香脆口好滋味飲品係台式冬瓜茶,清甜順口評分8/10消費$100Cafe Mikoo (Double Cove Place)Shop 4, 2/F, Double Cove Place, 8 Wu Kai Sha Road, Ma On Shan

2點半黎食個下午茶，都好多人。1個人都要等位。等左3分鐘到就坐低了，比左張4人枱我。🌏環境：坐左系門口商場內的露天位，冷氣就冇咁大，冇入面咁涼🔰衛生：張枱佢有 抹完枱先比我，但都有dd痴，出去自助區拎水方便，水係凍嘅，讚賞，但同時就有d未洗潔布嘅味系入面，個杯裝嘅水都係洗野好🍝野食：地瓜薯條大概10幾條，有味但偏軟，香脆d更好個芝士酥排骨吐司，唔錯，好食，推介😃幾有飽足感，但冇芝士味。。。芝士冇左。。去左邊。個蕃茄湯麵正常，一般，面質有咬口嘅。但正常🍹野飲：+6蚊冷熱檸茶之類，峰蜜緣茶幾甜幾岩我

常去海迎薈，星期六日早餐會约鄰居来四季良晨吃，酸菜肉絲花枝丸必吃，配台湾奶茶。一般ok，但今日湯底如清水，淡而無味。而朋友簿餅配地瓜薯條，地瓜薯條好味，甜脆，熱吃好。簿餅则不夠熱，凍吃太油。失水準，有些失望。环境則ok.

雖然「烏溪沙」商場食店「四季良晨」晚餐餐牌價目表裡面，有齊「雞扒」和「牛腩」兩款食材，也有整個套餐食材裡面，包括「鹽酥雞排」跟「雞肉飯」所有雞肉食材的兩款台式食品套餐，這樣也沒有令我陷入選擇困難。因為我知道實際上，只要在「四季良晨」享用完「鹽酥雞排」和「雞肉飯」之後，從「烏溪沙站」乘坐港鐵「屯馬綫」出發，很快就可以從「鑽石山站」到達「新蒲崗」，即時享用到「牛腩飯」晚餐。事實上我從「西貢」乘坐巴士來到「烏溪沙站」的時候，時間才剛剛好下午六點十五分左右而已，實際上還有大量時間空間，讓我慢慢去光顧「四季良晨」，享用「雞肉」部分的晚餐。即使我光顧台灣菜餐廳「四季良晨」，先在「四季良晨」收銀櫃檯付款購票點餐在下午六點半左右，結果我也是僅僅到達七點的時候，剛剛享用完晚餐而已。「四季良晨」裡面的手調台式飲品，有關冰凍紅茶飲品的實際款式選擇，都不算非常多，至少找不到例如「水蜜桃紅茶」的甜味飲品，結果我只能退而求其次，選擇享用「香濃奶茶」，也需要加港幣六元。因為「四季良晨」製造的冰凍「香濃奶茶」味道偏向台灣「珍珠奶茶」，「香濃奶茶」實際味道很甜，不像傳統港式茶餐廳熱「奶茶」那麼需要食客自行加糖，或者廚房

今日去馬鞍山烏溪沙探望朋友，順道四圍參觀一下。迎海薈就近港鐵烏溪沙站，商場不太大，有幾間不同食肆，我哋揀咗台式食品「四季良晨」。酥炸排骨滷肉飯 和 鹽酥雞扒滷肉飯，雞扒做得很juicy，鹽酥脆漿不會太鹹，酥炸豬扒亦非常香口，滷肉飯的滷肉就比較淡味，有點失色。凍黑糖珍珠奶茶 和 黑糖仙草凍鮮奶就非常出色，珍珠奶茶濃濃的茶香味加上黑糖的甜味有香滑感，珍珠亦很口感。我喜愛的仙草滑滑的，用飲管一吸好清涼，天氣太熱飲杯凍飲太開心啦。

約左朋友入企嶺下 晨早到左烏溪沙地鐘站 二話不說直奔四季良晨 傳說呢到得呢間算係好食d😂 對面有間台灣野裝修得靚d 但呢面個價錢好似抵食d我叫左蕃茄湯花枝丸公仔面 都等左一陣 大約10分鐘先上台 但我坐既位置都ok 幾舒服 近商場中間 咁冇咩所謂喇公仔面係出前一丁既 索左蕃茄湯後有陣淡淡甜味 早餐黎講幾醒神 花枝丸就正正常常 入面d 花枝好淋 冇咩口感 應該都係佳寶級數野 佢有細菜比你呢點係幾好 平時d 常餐係好寡 得餸同面 呢個有埋菜加分飲埋杯凍檸茶 perfect 晒!

馬鞍山係美食沙漠？依家已經比以前多左好多野食今次試下「四季良晨」呢度2個人食咗$203已經有咁多野食 幾抵食😌.牛肉麵 🍜 牛展都有3/4 片個麵嘅口感 唔算軟身 但又未到話好淋過得去既 個紅燒牛肉湯 係清清地果種 但唔會唔夠味⭐️⭐️⭐️⭐️.麻辣豬肚 🌶🌶夠麻夠辣 唯一係佢唔係冷盤 鍾意食凍嘅多啲⭐️⭐️⭐️⭐️.炸排骨滷肉飯🍚🐷個炸排骨 唔硬 香口嘅 份量都多👍🏻滷肉飯 就唔夠多滷肉同汁 撈唔到成個飯但味道好味嘅 😋⭐️⭐️⭐️⭐️.手拍青瓜👉🏻👌🏻涼拌貓耳朵（木耳）👉🏻醋味比較重台灣腸👉🏻差咁d蒜頭片.野飲方面🧋🧋🧋：：：：：：.荔枝綠茶 (微甜)👍🏻但唔夠凍 要叫佢地加冰🧊🧊🧊🧊加完好味左好好好多⭐️⭐️⭐️🌛.香濃奶茶+珍珠 ———不推介奶茶 冇咩茶味 奶味重同樣問題唔夠凍 但係加咗冰之後都冇乜分別珍珠唔夠軟身 .講埋個服務就好普通啦又未到好差嘅只係無咩服務可言不過叫佢地加冰 又冇話我地岩岩再睇返之前人地既comment原來好多人都講d 員工🙈🙈🙈🙈記得叫野食係出去落+比埋錢🤣🤣🤣..四季良晨 (迎海薈)馬鞍山)馬鞍山烏溪沙路8號迎海薈2樓4號舖

第一次嚟呢間嘢食，從來冇預過服務態度係咁差。一入到去想叫嘢食，佢哋叫我哋行出去落單,okay , no problem !點知要即時埋張單！其實你同我講真係唔介意，無謂特登行返轉頭攞銀包再行多一轉！其中叫到一個餐小食問佢有冇滷水豆腐，戴眼鏡身形較高中年男人同我講:講真如果你唔想做生意，其實你可以辭職或者執咗佢！再者講嘢食，紅燒花枝面竟然係辣嘅!點解唔睇吓客人係辣呢！咁嘅服務態度，真係冇下次！嗰個滷肉飯更加唔新鮮！8:30pm 話冇檸檬茶🤣根本係想執，完全趕客！永不錄用！如果你哋有管理層睇到訊息，麻煩突擊落嚟檢查你哋員工服務及食品質素！如此這般垃圾！啲嘢食就算係出面交返嚟，唔該都俾啲誠意！真係一肚火！

今日突然想食湯麵，諗起呢間想試好耐既餐廳，今次就俾機會佢啦。🍴 惹味牛腩麵賣相冇乜特別，先試一啖湯底，估唔到有驚喜😋湯底非常出色，好香濃既牛肉湯味，但又唔會好味精，食完唔會有想飲水既感覺。牛腩亦都煮得好冧好入味，而麵條都好彈牙，非常唔錯。另外，配菜有紅、白蘿蔔，都好冧唔會有渣。🍴 蕃茄濃湯水餃又係我既習慣，先試一啖湯，同樣都係咁驚喜。蕃茄湯非常之濃郁，酸酸甜甜好開胃。雖然水餃一般水平，但配埋蕃茄湯底食，即刻加晒分。

🤤 煮家味道 🤤Geo條👅評分：⭐️⭐️⭐️(5⭐️最高）滷水蛋滷肉套餐 $63滷水雞翼麵 $48雞翼雞肉飯 $48滷水蛋滷肉飯 $45鐵觀音珍珠奶茶 $24幸福紅豆豆乳 $19金牌咖啡(跟餐) $8香濃奶茶(跟餐) $6上星期去咗烏溪沙，一家人去咗呢間台灣餐廳食lunch！我就食咗滷水雞翼麵，雞翼滷水味都幾入味同幾淋，味道有啲似阿媽煮嘅雞翼😛一個麵有4隻雞翼都算多👍🏻我飲紅豆豆乳，呢杯冇得走甜同埋都偏甜，自己就馬馬哋，但紅豆好多同都煮得淋，呢樣加返少少分啦！屋企人食其他嘢，佢哋都話okay，不過不失，同埋價錢唔貴，會再幫襯🤣

拖延症發作🙈🙈影完相完全冇咗回事隔左幾個禮拜先醒起未寫食評😅星期六晏晝放工去食飯意外發現咗呢間台式餐廳咁啱本人都幾鍾意食台式嘢所以就決定一試一人要咗一碗麵同嘢飲仲加咗台灣腸😍😍😍牛肉麵好好味湯底勁濃郁忍唔住飲咗大半碗牛肉都好淋好好食台灣腸肥瘦適中中間又有少少油脂咬落口啲油香味出曬嚟完全停唔到口🤣🤣朋友唔食得牛叫咗滷水雞翼麵清湯味道較淡不過雞翼極之入味同埋應該都煮咗好耐入口已經骨肉分離誠意之作😋😋😋飲品普普通通當係過吓口癮啦珍珠都幾有咬口唔錯可惜唔係住附近如果唔係呢度應該會變成我嘅飯堂🙈🙈🙈希望好快又可以再嚟食啦💛💛

之前食午市$60幾$70 份量一般 價錢偏貴琴日叫咗個下午茶牛肉麵加木耳 $63 份量少到10分鐘食哂😢🥲🥲🥲🥲咁嘅價錢完全不值下次唔會再去😔😔😔😔😔

晨早流流過咗嚟烏溪沙食早餐烏溪沙餐廳唔多，於是去迎海薈睇下有咩野食！呢間台式餐廳環境舒適，枱與枱之間唔會相隔太近。窗口對住屋苑花園，仲有啲書放喺櫃比人拎嚟睇！如果細心留意的話，餐廳周圍仲痴咗啲感性字句嘅貼紙，好有文青feel！❤️ 酸菜肉絲米線 配煎蛋&多士 $34米線正正常常，唔會太淋；酸菜肉絲有加咗少少辣椒仔；湯底無乜特別，一般茶餐廳質素。煎蛋賣相一般，蛋黃唔夠流心，多士冇乜點烘過，有提供一細盒牛油比你搽。好食度：⭐️⭐️(2/5)❤️ 沙嗲牛肉通粉 配炒蛋&多士$38不過不失，牛肉正常發揮，尚算入味。炒蛋略乾身，不夠滑。好食度：⭐️⭐️(2/5)❤️ (左) 香濃台式奶茶 +$3 / (右)凍檸檸茶 +$3珍珠奶茶奶味濃，茶味唔算濃，中規中矩。檸茶無咩特別。好飲度：⭐️⭐️(2/5)餐廳推薦度：⭐️⭐️(2/5)每次lunch time經過都好多人排隊，可能因為烏溪沙好少台式餐廳，如果下晝過嚟可能要早啲去等位！不過食物質素一般，唔好期望太高。