四季良晨 (迎海薈) (已結業)

星期六下午二時, 雖然過了午飯時間, 但都差不多坐滿了, 枱和枱之間有空間感, 不會太迫。紅燒半筋半腩牛肉麵 - 牛筋煮得又淋又入味, 湯底味道夠, 如果麵可以改成有厚度, 好似刀削麵個種, 應該再加分。滷水蛋牛腩雞肉飯 - 一般配滷肉飯比較肥膩, 可以改雞肉飯是相當不錯的, 飯上加蒜片, 香味要提昇, 關注健康的朋友多了一個選擇。飲品叫了蜜桃蘆薈和紅豆抹茶, 前者少甜和後者走甜, 真係有跟order整, 份量比其他食店大, 抹茶走甜之後茶味要足, 抹茶控一定要試。本來想試餡餅，可惜已經飽了, 下次先再試。

呢間開咗一段時間我都冇試過，今日想試吓用網上外賣平台！所以就揀咗呢間黎試，因為見到佢嗰個評價都唔錯見到佢啲嘢食都整齊乾淨企理，不過整體而言，味道係好味嘅，不過小食有少少overpriced,  因為有啲真係好細份佢呢度嘅牛丸好足料！有牛味之餘仲有啲硬硬地嘅筋喺度佢呢個係套餐嚟嘅，好似70幾蚊，啲面話就係台灣麵，我食落即係上海麵咁樣囉，唔錯嘅～牛展比喺平時食嘅口同埋有質感，唔會太甜或者太鹹，fit gar！我每樣小食都嗌咗少少黎試冷盤譬如青瓜木耳嘅調味都好好！三杯雞炒得好香好好味，不過原來$58話係煲上嘅份量，都係得手帕青瓜嗰個碗嘅份量咁少整體而言都係味道上非常出色，恰到好處，套餐嘅話會比較抵食，小食嘅話就要識揀！係呀個滷水拼盤其實都好少。

牛筋全部咬唔開、一啲都唔焾叫佢換過先有啲焾嘅牛筋可以食唔係應該俾啲最焾嘅比客人嘅咩廚房有焾嘅牛筋應該係比客人食全部都比硬嘅牛筋比客人食我係第一次幫襯的服務態度都係一搬搬但杯梅子綠茶就幾好飮湯底都好味、如果服務態度熱情返啲就會好啲同埋食物嗰度改善一下

在沒有旅行的日子，突然懷念台灣的味道，正好在這區開會，順道過來食個提早的晚餐（early dinner) 。小店裝修簡約，有自己特色。樓底高，座位間隔濶，完全符合「安全」要求。它提供的選擇不算很多，我揀了惹味牛腩麵（$58）加香濃奶茶（$6），及2個台南餡餅（可選2個$28元或4個$48元）。它用木托盤上菜，感覺較衛生。先試餡餅，剛煎起，熱辣辣。皮很薄，餡料豐富，九菜味香濃，豬肉滑溜，有濃厚肉汁，好味。👍🏻👍🏻👍🏻 不過食時要小心，因太熱，有機會燙傷咀。牛腩麵質彈牙，湯底香甜濃郁。牛腩看似有點靱，咬落卻出奇地腍。它加咗芫茜，更加香口，Yummy! 😋😋😋奶茶是台式奶茶，偶爾飲吓，以解思鄉之情。😂

有日想搵個地方靜靜地hea下，咁啱見到有間台灣菜，對住個屋苑花園，環境都幾舒服，就去左坐下⛅️。⁣⁣⁣🐮特盛紅燒四寶麵🌥 $78 ⁣一份入面有🐮牛肉、🐷豬手、🦑花枝丸、🥚滷蛋，同蘿蔔。佢嘅花枝丸係普通墨丸，但質地鬆散，唔太彈牙，墨魚味一般👀。蘿蔔刨得唔夠深，食落口有渣。豬手煮得唔算淋，標準覺得要入口即溶🤖，韌左啲容易食到冇哂儀態👻。滷蛋同牛肉就正正常常。湯底係甜甜地嘅牛肉湯但冇咩特別。⁣⁣🐔麻醬雞絲冷麵配拌貓耳朵$54 配料有雞絲🐓、蛋絲、青瓜絲🥒同少少類似邱比X嘅麻醬👀。撈均個味有啲似台灣7仔嘅即食冷麵，我地食到最後覺得有啲淡。拌貓耳朵酸meimei又爽脆，都幾開胃。⁣⁣🌾黃金麥茶（凍）冇咩茶味，係有麥味嘅水🌝。⁣⁣🍯蜂蜜綠茶（凍）同之前讚好飲到嘅差唔多，好鍾意多多蜜糖味嘅綠茶👅。⁣⁣

今日放工約咗朋友晚上打邊爐，去咗馬鞍山，好遠？因為朋友住嗰邊，所以我由元朗去呢度探佢。^_^頭先我叫咗甜醬湯底，湯底有好多食材，帶到火鍋嘅鮮味。跟住我哋叫咗碟滑雞，食落去非常之滑，同埋香！^_^叫咗份日本讚岐烏冬非常好吃😋！之後叫咗個豆腐亦都非常之滑香可口，叫咗碟蝦滑，好濃郁嘅蝦味非常之滑，爽口彈牙正！當然火鍋唔少得一定要叫牛肉啦！，牛肉都可以去到水準唔錯唔錯聽你講食到耳仔都郁，^_^非常推介大家可以試一試(^^)

鹽酥雞扒滷肉飯$59，抵食！飯雖然唔係好大碗但係都夠食，最好味係雞扒，好脆口、份量都算多鹽酥雞扒另外上，保持香脆可口滷水雞翼麵養生湯$48跟餐配芒果綠茶另外加$8、荔枝綠茶$8蘿蔔牛肉湯、手拍小黃瓜🥒另加$15，非常超值！蘿蔔好甜夠入味、青瓜爽脆👍🏻午餐來講都算好食同埋好抵食🖐🏻呢幅花牆我覺得好特別！街坊價錢呢間餐廳用咗先前西餐廳嘅裝修，唔知係咪都同一個老細，都好環保用返舊嘅枱椅。付款只有cash,八達通。

1）未計等位，由6:43叫野食，等到7:33。。。仲未有得食！由唔肚餓等到好肚餓呀🙄2）不停接外賣，明明啲人見到遲到過我哋。離譜係：堂食反而要等一個鐘，做唔切就唔好接咁多生意啦。追佢出單就話做緊。3）叫左燉湯，等咗半個鐘先話賣晒，又唔一早通知😐有咩理由預咁少份量，可以咁早就賣晒。。。總結：食物質素係ok既，可能是假期的關係，但等候時間太長了，仲要堂食已比晒錢，被迫等一個鐘捱肚餓。。。早知就食第二間算

由於新冠疫情，所以都儘量唔喺餐廳食嘢，會叫外賣第一次食，叫戶戶送，叫咗麻辣牛肚麵同散叫咗杯凍嘅奶蓋珍珠玫瑰茶，由於肚餓關係，唔記得影相外賣好快送到，牛肚麵個湯同麵係分開裝，所以個麵唔會浸到發脹，佢個麵仲送拍青瓜，食第一啖麵就覺得好奇怪，我明明叫麻辣，但一啲都唔辣，個湯底係牛肉湯，原來佢另外分開裝咗啲麻辣油俾你自己加落去，要幾麻都得，呢點我覺得幾好另外啲牛肚都好腍，好入味，唔錯至於果杯奶蓋珍珠玫瑰茶，送到嚟已經變咗奶蓋同茶mix埋一齊，即係同飲玫瑰珍珠奶茶無分別，不過杯嘢飲係唔錯嘅佢杯茶真係有個玫瑰茶包喺裡面，加上啲珍珠好QQ係我鍾意嘅口感，我平時都唔鍾意飲咁甜嘅嘢，所以係叫咗無糖少冰，啲珍珠本身有啲黑糖味，mix埋一齊杯野飲嘅甜度啱哂我下次再試其他嘢食

工作關係入咗鳥溪沙，已過2點，正值下午茶時間，去迎海薈睇吓有冇選擇。見到呢個台式店舖，下午茶套餐選擇多，入去試試。店舖環境舒適，枱與枱之間有較多空間，坐得舒服。下午茶選擇有飯有麵，我選了雞翼麵（蕃茄湯底）配奶醬多士（$48-），另加$8有熱飲（如檸檬茶或台式奶茶）。見到我最愛的台式多士，立即一試。可惜多士不熱兼不脆，花生醬塗得太薄，無香味，不合格。👎🏻👎🏻👎🏻蕃茄麵卻味道唔錯，首先鷄翼炸得香脆，表面沒有厚厚的炸漿，內裏雞肉又滑又多汁，yummy！👍🏻👍🏻👍🏻 麵亦彈牙，蕃茄湯底香濃有蕃茄味及菜，健康又美味。👍🏻茶是台式奶茶的茶底，不太濃，配檸檬反而更佳，不苦澀。

呢間係迎海薈新開嘅台灣餐廳，平時晏晝多數要排隊，我地夜晚8點去食，而佢830就last order，所以少啲人唔洗等位個menu好豐富，基本嘅台灣主食同小食都有唔少選擇，而且有得比你揀湯底/配菜等等我地就嗌左鹽酥雞排滷肉飯餐、惹味牛腩麵同生薑奶茶點菜要先去收銀台俾錢，上菜算好快，啲嘢食亦都唔係之前食評所講咁凍冰冰食物嘅味道唔錯，牛腩麵嘅湯底好濃郁，啲麵亦都好彈牙，牛腩入味但有啲韌，如果想食埋牛丸同牛肉嘅話可以揀三盛紅燒牛肉麵滷肉飯餐幾有水準，不過略嫌炸雞排唔夠脆，反而餐入面嘅燉蓮藕湯非常有驚喜，燉得夠火候之餘好足料個人非常鍾意杯生薑奶茶，佢入面有好多薑蓉，飲落好特別又唔會太辣，比起我上一次食嗌嘅仙氣草莓茶好飲好多順帶一提，餐廳嘅裝潢好有台灣嗰種好chill嘅風格，坐落好舒服加埋又抵食，值得再幫襯！

呢間台灣野係屋企樓下新開經過好幾次都好多人排隊今次週末執完屋成3點鐘好鬼肚餓見唔洗點等就即刻入黎食個late lunch 🤩環境幾唔錯（雖然其實同上手好似...）有啲書擺係度比人攞黎睇，其他擺設都岩風格好match迎海薈既寫意他調style加埋日光確實好岩weekend係度慢慢嘆lunch餐牌充滿住各種大路既台灣菜點餐係要先去cashier落order講枱號同先付款比較麻煩既係只收現金...搞到雖然已經好肚餓但都要落樓下㩒錢...其實上手個間都係只收現金，唔知點解明明隔黎個幾間都收信用卡或者八達通嗌左滷水雞翼面，養生湯湯底個湯底幾好食，面既口感都好好，好食!雞翼就無乜特別，比較瘦左少少加左$6要菜，正正常常至於鹽酥雞扒滷肉飯就都ok雞扒有少少太炸，唔係特別多肉，飯就正常湯面比較好食 😄野飲方面個凍台灣奶茶幾好飲，係台灣茶飲既味不過又係同上手好似 😂 係好味既價錢方面兩個人百幾蚊算OK下次都會再食（話哂都係係屋企樓下，唔算貴又有台灣野食）但會嗌哂湯面 🤩後記：第二日又再去食 😂 無影相但都講少少 comments試左三盛紅燒牛肉麵，紅燒牛肉湯底再一次證實湯面真係好食啲 😂 湯底好有牛味，

烏溪沙要找吃的地方不多，之前的西餐廳沒有了，改了這台式餐廳，見好多人排隊，一直都未去過。可以漂書，找次平日悠閒一下，享受慢活生活。因第一次食，當然試吓餐廳的推介，由於社會活動，當日食材更加短缺，想試的食物、飲品售罄。餐廳要自己去收銀現金付款先，然後送餐。因為即煑，要點時間，要急食的朋友就不太適合。牛腩煑得很軟身，好吃，台灣麵彈牙，不錯。麻辣牛肚果然夠麻辣，不過有點少。魔力水晶可可好味，夠濃，冰溶解後還可以，而脆脆阿華田一溶冰就淡得很！冷熱飲品大大杯，很划算！服務就唔見得像之前的評價那麼差，錯漏會有，把麻辣牛肚變咗外賣，有服務員主動話我哋知，但唔係大錯，俾D時間等佢哋去改善。

本來興致滿滿咁落樓食飯 見呢間係新開 見到門口排隊都算人氣唔錯 就念著試試咯 先上嘅係時蔬 已經浸到淋到覺得難入口 點咩無咩 排隊拿籌 然後寫錯籌號俾我 搞到我等佐好耐 係我後面d人都入曬去了 服務員太忙 然後對待我嘅態度一直皺著眉頭 令我食得好唔舒服咯 點餐係去前台點 然後落單好慢咯 一d都唔efficiency 然後其他面啊 飯啊 全部凍冰冰 宜家天氣開始涼 點食啊 我個Frd話齋 食完一d幸福感都無咯 我真系覺得一d都唔好食 真心唔會再有下次

見樓下開左呢間野，諗住試下。一去到，就見到門外有人排隊。到我行到去收銀處叫外賣時，服務員話牛丸賣哂，雞排又話賣哂，果時只不過下午330。咁我就叫左一碗牛肉麵啦加杯珍珠奶茶。佢打單時無問我跟餐飲定散叫，到過左十分鐘，我發現張單原來係跟餐飲，我就行返去收銀講，我要單點珍珠奶茶，佢竟然講大話話頭先有問我係末要跟餐奶茶跟珍珠，我話我頭先係嗌‘珍珠奶茶’，你無問過我。最後，佢先死死地氣幫我換，其實果時餐跟本末出，我唔明點解對住客人都可以咁串。最尾，等左20分鐘，終於有外賣，我見到係收銀女人幫我包既，佢問同事係未無餐具，我聽唔到同事答佢乜，到我拎走時，我望一望入面，係無餐具既，呢個收銀女人明知無擺餐具係入面，都唔同個客講聲，係乜服務態度呢請問？呢間舖開張一星期，d侍應就咁既服務態度，係末真係太唔憂做？我希望負責人可以教導下你d員工既質素，否則，d食物幾好食都無用。