四季酸菜魚冰室

营业中

休息中

第一次食嘅時候覺得個酸菜魚都唔錯，但之後再食飯已經好大唔同，我真係以為自己食緊洗潔精，我唔知係咪因為啲豆芽好大腥味，但係第一次食嘅時候亦都有豆芽喺度 係冇呢個味 ，希望食完唔使入醫院… 明明已經問咗酸菜魚同啲湯係咪另外上，啲侍應話係 ，咁自己拎外賣嘅時候就真係冇check到有無分開，經過呢個經歷之後原來問咗都要自己check吓。實在覺得好搞笑已經係外賣㗎啦啲湯同埋啲餸一齊浸 ，叫做好彩嘅係酸菜魚如果第二啲餸叫客人點樣食

下午茶時間人不算多，很容易找到卡位，店員下單上菜都很快，讚。酸菜大豆芽菜蓮藕片等配菜挺多，辣椒夠辣要準備足夠紙巾，魚片大概五六塊左右，肉質嫩滑，紅薯粉一大碗合大胃王。

茶記，來來去去都沙嗲牛、叉燒意，有無諗過有得食酸菜魚、水煮魚？今次同朋友嚟到佐敦路過依間冰室，唔止有常見嘅茶記美食，仲有一系列川式下午茶。無論係水煮魚、水魚海蝦球、口水雞、醉雞定上海排骨都有得選擇。咪諗住依啲只係綽頭，味道一定欠奉。酸菜魚嘅魚片好滑，酸菜夠多，再加埋大豆芽，蓮藕片，旺菜，足料夠抵食。醉雞相反較為失色，雞肉唔夠滑，不過勝在酒香味突出但唔會過濃，恰到好處。跟餐可以揀粉、麵、飯，想當lunch或dinner都唔成問題。餐廳空間相當足夠，大家都唔會坐得太逼，坐落食飯都尚算舒適。各位係附近番工都可以一試。

lunch食無可食，最後拉埋同事去依間冰室，估唔到竟然有驚喜！冰室有得揀川菜lunch套餐，有8款選擇，仲可以揀要飯、米線、擔擔麵定紅薯粉添！如果兩人以上就可以share食，成餐飯即刻豐富咗！同事嘅水煮牛肉唔算太辣，聞落好香，食落口都夠香濃。可惜牛肉煮得耐咗少少，咬落口就無咁軟腍。醉雞雞肉夠滑，微微嘅酒香味，唔鍾意酒嘅朋友都唔洗擔心。除咗川菜之外，普通茶記都有嘅快餐、茶餐都有得食，唔食得辣嘅朋友都唔怕無得食。既然咁多嘢食，下次encore無難度啦！

地點方便，環境乾淨企理，服務都唔錯，甚至好多熟客價錢有人會話貴，我覺得佢都只係跟隨通脹，其實都唔算貴，合理價錢下午茶時間黎食，第一個餐叫左上海排骨配高湯米線 $ 48，「排骨」個樣好一般，其實就係豬扒，米線亦冇乜配料，不過平庸嘅賣相有唔錯嘅味道，至少鬆肉未去到入口融化排骨有相當唔錯嘅質感另一個餐好有驚喜，酸菜魚配重慶酸辣紅薯粉 $ 55。魚同粉各一大碗，下午茶喎酸菜魚嘅魚片出色，好滑，酸菜多，底係大豆芽，蓮藕片，旺菜同幾片粗薯粉，本身已經係一個餐咁嘅份量。。。。味道可以再酸啲再辣啲，因為辣度真係BB辣重慶酸辣紅薯粉就可以啦，係配角，湯底唔麻微辣，唔夠正宗，但色同香搭救！唯一要彈係冷氣不足，食四川野最怕出晒汗，熱辣，依家天氣日日過30度真係唔掂，希望店方睇睇佢

味道很不错，适合我一个内地人的口味。不辣，麻度也不是很大。牛肉好吃过鱼。性价比高。薯粉还不用加钱，午餐带一个饮品。坐的位置是卡位也比较舒服，不会太拥挤。服务员态度还行

間野叫酸菜魚冰室，諗住叫招牌餐實無死。叫左下午茶餐，酸菜魚d魚彈力的，但個湯底應該大量滾水加dd油加酸菜加花椒就算。唔係正宗川菜。我食左6成飽就走左.凍檬茶同凍奶茶都做到茶記水準的。醉雞就唔係用花鵰整，其實無另一個食評講咁差，不過唔會翻啅。擔擔面諗住唔會差得去邊，但係。。。面唔得，湯底唔得

Book咗起附近酒店住幾日，夜晚時間走咗來白加士街買外賣返去食。想食辣，但又唔想食附近嘅米線。見佢主打酸菜魚、水煮魚...就叫咗個水煮魚一人餐試試~佢個餐除左水煮魚，仲會配個飯/酸辣粉/擔擔麵，一定夠飽。我就選咗擔擔麵。等左10分鐘唔使，就有有得外賣。包裝包得幾好，擔擔麵有分湯，水煮魚就一大碗。水煮魚食落 魚片幾滑，同埋個汁都好香， 花椒辣椒都畀得足料仲有d蓮藕、芽菜、旺菜同埋闊粉做配料，蓮藕爽脆好食係略嫌旺菜同闊粉有點淋。至於個擔擔麵，我覺得個湯比較淡，花生味都唔濃， 於是直接將d麵倒落水煮魚到索哂d辣汁，咁就好食🤣成個餐88蚊連野飲，依家有9折，就$79。整體來講為個魚係可以再幫襯~

今日叫咗個二人套餐，包括一個酸菜魚，份量好大，但係冇乜味，另外一個酸辣土豆絲，份量都OK，有少少味，一個拍青瓜又係冇乜味，最後杯紅豆冰呢個份量充足，亦足夠味道，茶餐廳來講200至$300都算糸咁

星期六晚沒有book位，很難即時找到好西食，行著行著經過見到這間餐廳就入去試試。叫了一個2人餐，3個人食，因為見到個份量都幾多，可選2樣餸＋前菜點了前菜茄子，主菜酸菜魚，炸雞前菜茄子得4舊，朋友食落覺得唔好味，我就覺得正正常常，酸菜魚都算幾好，魚肉夠滑又不會太淋或梅，入面有好多花椒，菜和一些條狀薯粉，我食落覺得沒有比大陸的酸菜魚辣，可能就返香港人，但我的兩位朋友就覺得好辣炸雞個皮脆，口感都唔錯，不過不失

今日（7/11/2021）路過佐敦搵下午茶食，見這餐廳有川式下午茶，幾特別，咪試下。餐廳環境唔錯，座位間有足夠空間，侍應態度良好。下午茶餐價錢唔貴。點了三份餐1）四季老壇酸菜魚配重慶酸辣紅薯粉，酸菜魚唔係食開既味道，改良過，重港式味道，份量多，配料足，但味道麻麻。重慶酸辣紅薯粉就幾好味。2）四季八仙醉雞配四川擔擔麵，醉雞好嚡口唔入味，無酒香味，四川擔擔麵就唔錯。3）四季上海排骨配四川擔擔麵，排骨太淋，似係落咗好多鬆肉粉，無咩肉味。

【 高水準的早餐 】☕️前幾日朝早要過佐敦拎文件，工作前先去食個早餐，經過呢間「四季酸菜魚冰室」，估唔到誤打誤撞食到份咁正的早餐。🪑冰室環境簡潔乾淨，座位之間有適當的距離，唔會太近，係疫情下會令人更放心。🍳我和朋友分別叫咗兩份早餐，兩份的份量都好豐富，北海道牛乳炒滑蛋十分香滑，我哋都勁鍾意。吉列魚柳好大塊，外脆內軟，好好味。✅原條吉列魚柳配法蘭克福腸，炒滑蛋加丹麥多士。✅忌廉火腿絲通粉，北海道牛乳炒滑蛋加牛油多士

做完健身，四處覓食。路經此地，見酸菜魚三字，欲欲一試。甫進餐廳，店空間寬敞，未見坐滿人。拿起餐牌，望到一般茶餐廳的菜，佢都有，而呢排又吃了咁多辣野，都係不吃酸菜魚。退而求其次，點了個醉雞餐，擔擔麵加菠蘿冰，感覺醉雞不是用花雕酒泡浸，吃起來味道怪怪，而且骨杉杉，真係好一般。我吃了後，覺得後悔沒有點酸菜魚呢。擔擔麵不過不失，而菠蘿冰就還可以，係用新鮮菠蘿肉做，這個還是OK，咁樣埋單就要88元，都係覺得唔太值，主要係呢個醉雞唔合板囉。

需要去佐敦做啲嘢，做完嘢又係夠鐘食飯嘅時候，周圍附近睇下有啲乜嘢食嘅時候，途經見到呢一間四川菜作為主打嘅茶餐廳，見到出面set lunch餐牌寫住照燒汁雞扒飯，天氣又咁熱，於是懶得諗就行咗入去。 當我差唔多食完嘅時候，發現隔離個客人叫咗個類似酸菜魚嘅湯飯，賣相唔錯， 而且好大碗， 份量亦唔少，睇落去都幾開胃，這亦是令我想再次幫襯呢間茶餐廳嘅原因之一。餐廳環境就正正常常， 同一般茶餐廳設計差唔多，坐得都算舒適，侍應嘅服務亦都禮貌， 呢個係要畀個讚。 如果唔係都幾難競爭， 因為附近實在有太多餐廳選擇。「照燒汁雞扒飯」加凍飲$56飯量適中，雞扒好似比較薄，照燒汁日唔夠多，不過整體仍可以接受，而且我亦喜歡佢將飯同雞扒分開放，感覺比較整潔。

自從開第一日已經幾乎日日幫襯，早餐會買番茄薯仔通粉餐，夠番茄味，炒蛋同煎腸味道都正常，對比附近幾間覺得依間好食D，午餐有時會買咖喱牛腩飯，足料，牛腩燜到啱啱好，小辣，適合我口味！仲有招牌川味小菜，講真，起香港搵一間川菜都吾易，就算搵到價錢都太貴，屋企飯餸較為清淡，偶爾想轉重口味可以試下依間川味小菜套餐，吾係好辣，係改良後適合我哋香港人口味既川菜，建議配一碗擔擔麵，好其它小菜上海排骨、黃金小饅頭都吾錯可以試吓！