四季餐廳

营业中

休息中

首先店員收銀態度差 完全沒有身為飲食業應有的禮貌 店舖內並沒有坐滿人 一半也沒有 但可以一個外賣等了半小時以上 最後問了收銀員為什麼還未可以 那麼惡劣的收銀員並沒有正面回應 只是把問題交給第二個店員 為什麼一間餐廳可以那麼沒有應該有的服務態度 完全是付錢買難受 食物質素更差 不知道為什麼麵裡面有飯粒是否一間餐廳只是開在居村內就可以是是但但隨隨便便 要知道給予客人一次那麼差的體驗 客人是不會再光顧 因為有很多選擇 並不是得一間餐廳

我很喜歡這間中餐館。中式小菜是非常好吃的，如咕嚕肉或中式豬扒等最近我去探訪太太，所以我叫了一個是日午餐外責，叫日式雞扒親子丼，因為上一次曾經叫過日式鰻魚非常好食，今次試下雞扒吧，真的好驚喜，好厚切啲雞扒，啖啖肉，外皮非常脆口，又入味，唔會好鹹。而炸帶子雖然少了一點，但都算不錯的，唔會好乾身。配上日本米飯和少少酸薑菠菜，分外醒胃而跟餐送的西洋菜湯也不錯，唔會只係味精湯，好重肉味和西洋菜，佢中湯是好值得一試。

未入餐廳已經俾佢個廣告牌吸引，一張相見到大大條嘅鰻魚蛋飯即刻心心眼第一次入去覺得個裝修幾乾淨幾光猛，一坐低第一時間嗌個鰻魚蛋飯，條鰻魚長過我隻手掌$68完全係超值不過我嫌個飯唔夠熱，呢度扣左少少分，不過值得翻轉頭再食

放假通常由早餐開始 點知叫過公仔麵等咗成25分鐘都未出到漏咗單都算 問晒店員ABC都話幫手跟點知都冇跟 一直坐係到食風我地一入去已經有個客人 巴士哥 叫咗杯奶茶等咗四個字都味到 嬲住走 最後等到等無可等 用發脾氣嘅聲音叫店員跟 佢先至幫你跟返....學話華仔果句 佢今時今日咁嘅服務態度咁嘅質素對住啲客 得淡笑野食質素參差不良 以豬扒肉質為例一時鬆軟 一時就同石頭無分別 問店員回覆：話貨源不同 但同枱二個都叫豬扒 口感完全不同 難道A餐同B餐塊豬扒產地不同 🧐 最後同場加映 ： 試下隔離另一間茶記 詳景茶餐廳 可能更加滿足到你味蕾利申 絕非打手食左幾次都系早餐姐，比左好多次機會，但間野真系令人好失望好失望真系頂唔順今次先會來打comment，同埋會發現樓面既人會成日唔同人架，系咪姐系佢地都覺得有問題呢？

已經嗌外賣，明知佢會耐，行個圈十幾分鐘番去，佢個外賣柜有三兩個，但啲阿姐無理ga....諗住佢地都忙費事走去催人，再過多十分鐘同收銀條阿姐講，😤完全無理我，又唔望下出左既外賣係咪我，幾個阿姐係度吹水笑笑笑，我再問個阿姐我等左半個鐘有未？先on居居係個外賣柜頂搵單，哦呢個woo🙄🙄🙄🙄我頂你出左你又唔問下企係門口啲客咩外賣號碼，無人管理啲外賣就咁放係度，咩人行過攞左或者摸過又唔知，客人等幾耐又唔知，疫情下其實外賣生意好緊要，呢間餐廳食物一般，價錢又唔係平，我幫襯其他都唔會再食佢，市道差，飲食服務都知難捱，真係未試過想去投訴人或者寫衰啲餐廳，不過佢地有好多野要改善

前幾日去開呢間茶餐廳食嘅，就覺得有啲唔抵，不過味道尚算OK！！！！！！！當日叫咗一個炸帶子粟米魚柳飯，帶子有兩粒細細粒，味道都尚算唔錯嘅！！！！！！！！！！！！但呢個白汁飯嘅汁就太少喇，食到一半已經完全唔夠，所以就變咗個飯乾爭爭啦，如果啲汁多番少少會較好，煎魚味道都尚算OK，如果呢間野嘅價錢可以平返少少都可以繼續黎食下嘅！！！！！！！凍檸茶嘅味道就一般般茶底唔算好濃，普普通通啦！！！！！！！

依間野啲嘢食已經唔係好食 打去叫外賣講完食乜同地址個收銀阿姐係到er er er唔想送咁款外賣等左好耐先知原來一早整好  個收銀阿姐仲離譜 比咗錢當你未比 完全冇任何service可以講 而家周圍都有幾間餐廳 附近又開多咗間荷里活餐廳咁既態度客人地都未必會揀你到食反正我就blacklist    以後唔會再食

服務質素欠佳，食物方面可接受。一杯熱奶茶可倒瀉2成奶茶，還可若無其事放上枱，枱上的水在飲用中，服務員竟然可以掉垃圾進去，責罵那個服務員竟然沒有悔意，很正常似的。給另外杯水便走去。集團便是這種經營吧。還是幫襯祥景老店好了。比錢買難受可以光再，再食不了。

訓醒肚餓就隨意揾間餐廳食個飯四季餐廳外賣$38.堂食大概$42-59左右今次試左個菠蘿xx豬扒飯，味道一般。但個例湯好讚每個星期都有A-E選擇，有選擇困難既人可以試下點指兵兵既方式。咁就吾洗煩

海麗商場餐廳不多，眼見開張到現在吸引了不少客人，生意不錯，回想當初試業期間經常漏單、入錯單、食物速度慢等問題，現在已經一一改善！我大多數來食下午茶，款式挺多，基本三文冶、炒粉麵飯都有，想豐富d可以食個歐陸全餐！太肚餓關係，今次叫燒汁野菜豚肉炒烏冬，份量挺多，好似食緊干炒牛河咁，味道一模一樣，只是材料變成豚肉和烏冬，不錯!

在附近工作，因為lunch午餐， 同事們一起帮趁公司附近四季餐廳，裝潢有格調，檯與檯之間頗闊落，空間感足夠，舒服環境食午餐，絕對唔係一件易事，所以一入去已經有種輕鬆感覺，點了一個四季小炒皇，豬扒煎旦飯，先講四季小炒皇，喜歡蝦干，好脆口，魷魚須好好味，再加上九菜花有益，尼道菜好好味，個人推介之一，另一同事午餐，豬扒好大件，脹卜卜，非常唔錯，點餐有例湯送，例湯入口無味精好健康，食物水準一流，夠新鮮好味道，非常不錯的餐廳

住咗咁多年,每次食開都喺樓下間老牌餐廳,祥景,無聊今曰走去試新開餐廳,四季,裝修幾靚,舒適光猛環境,點星洲炒米粉,賣相值得一贊,星洲米粉煮得唔錯,牙菜煮得幾爽,夠鑊氣食落口滿意,有水凖,乾淨整潔企理足料碟米粉,貴過隔離值得,畢竟坐得舒服,搵晚帶埋老婆睇下晚餐有無驚喜.

裝修就靚，幾多選擇，夜晚6點黎到，想叫個撈丁餐，呀姐話油鑊未滾，我地完全唔明。暗然銷魂撈丁有乜要炸？叉燒煎蛋喎。再問呀姐，又話落得。最後等左半粒鐘，係半粒鐘，見到碗咁既野。🤮🤮🤮🤮好難食好難食好難食好難食好難食好難食！叉燒好鞋，切到3cm厚點食？煎蛋係全熟！我懷疑廚師無食過叉燒煎蛋飯？😱😱😱丁麵係最cheap貨，無質地淋patpat，加d生油黎撈好臭，所謂蔥油係無蔥的!!!!!咁簡單嘅嘢都可以做到咁難食，好嘢。

這天跟親戚們來吃晚飯，由於不是很餓，一行三人只點了四季丼、滑蛋蒲燒鰻魚飯各一碗及蜜桃沙拉骨一碟。上菜速度挺快的，下單後5-10分鐘已送上丼飯及鰻魚飯，滑蛋加蒲燒鰻魚這組合比較難出錯吧，味道跟一般吃到的蒲燒鰻魚及炒滑蛋相約，份量也還可以，中中挺挺。可是，接下的四季丼飯及蜜桃沙拉骨讓我完全無語了⋯⋯表妹吃的四季丼有4種配料（根據餐牌上所述）分別是：極上牛肉、鰻魚粒、野菜及流心蛋，牛肉是白烚的；鰻魚粒份量相比起滑蛋蒲燒鰻魚飯那碗，份量少得很；野菜不用多說也是白烚的；所謂的流心蛋是煎蛋罷了，更枉論其流心效果！完全不知所謂⋯⋯表妹表示這是她所吃過最難吃的丼飯。至於我提議點的蜜桃沙拉骨，真是吃到一肚火！蜜桃沙拉骨竟然沒有蜜桃！其後問了男女侍應共三名，女的表示不知詳情，沒吃過；男的則向我解釋是蜜桃沙拉醬⋯⋯不得了，我完全無言了。畢竟也吃了這麼多年的茶餐廳跟大排檔，兩名中年的侍應竟對客人說出這番解釋。這不是有違《商品說明條例》嗎？大家自行衡量這餐廳的質素有多高吧。

開左都兩個禮拜啦，仲係好混亂，淨係識叫D客入黎坐，唔識跟返D單，想食個炸雞脾唧，坐低半個鐘，淨係識同我講炸緊，乳豬都燒到隻啦，眼見唔係我一個，仲要好多張枱都有甩漏，我真係唔敢再去食啦