四季餐廳

营业中

休息中

食鐵板餐，除咗牛扒之外，我鍾意就係嗌雜扒。可惜嘅係讓這塊牛扒，火候控制不足以鎖住肉汁，牛味不足。雞扒的表皮亦煎得不夠金黃香脆。最後不得不提的是那淋在鐵板上的黑椒汁，濃郁的黑椒香氣與肉類的鮮美完美融合，讓整道菜的味道加了不少分數。配菜方面，薯條都算炸得金黃酥脆，每一根都充滿了馬鈴薯的香氣。

今日有時間，想行去一些不是常去的地方，今次便選了去海麗邨。平時都不多機會來這方向，看看有沒有什麼有趣的地方。奶茶有茶味，可以濃味一d，不涩。太陽蛋不錯的，廚師有一定的年資，看得出的咖哩汁有點辣，不過幾好食。豬排ok，看過我之前的食評，都知我當然想大d午市趣事。可能多人，結果有電腦出票，而廚房唔知。坐了半小時之後才發現。經理如果有經驗，可以主動 offer 個例湯做補償。不過，我又不會太唔開心，看了半小時新聞和寫了兩篇食評

三只鸡翼全部都有血，连煮熟都咁难？啱啱叫完嘅外卖即刻拎返上楼食，掂到个鸡翼发觉已经有啲冻咗，底下啲油全部都飙晒出嚟，咬落去发现每只鸡翼都大面积嘅红色，甚至乎有一只啲血仲流紧落嚟，劲核突。沙律都劲难食，除咗甜到冇办法入口嘅酱，其他已经乜都食唔出嚟。除咗冻柠茶冇一样食得，唔敢相信系一间餐厅，以后都唔会食🤮

今日去咗四季餐廳食午餐，叫咗佢哋是日午餐嘅西冷牛扒飯。啲牛扒煮得好啱口，唔算太硬亦都唔算太腍，啲肉質可接受，不過太鹹。配埋啲磨茹汁，味道更加豐富，但啲磨茹味道唔算太重。飯味道就普通啦，唔算太特別。整體而言，四季餐廳嘅西冷牛扒飯口感ok，加埋啲磨菇汁，味道更加豐富。不過啲飯同啲飲品就一般般啦。以茶餐廳嚟計價錢方面都算合理，質素都對得住價錢。但服務方面就唔算太好啦，啱啱落去就無人理，等咗好耐先有人黎招呼，希望餐廳可以改善下。

荔枝角特別多沙嗲牛麵食，但係其中一間幾好食。沙嗲牛好濃郁，醬汁充足。公仔麵煮得啱啱好，唔算太軟，好有花生味、沙嗲味。奶茶亦都唔錯，飲落甘甘地。好多卡位啲櫈亦坐得好舒適。不過最特別係佢好早開六點就已經開門，多數茶餐廳都係七點。

係無人排隊嘅情況下，買個外賣要等20分鐘， 返到去發現仲要比少杯飲品。個海南雞飯衰過燒味舖嘅切雞飯，全部皮包骨，而且份量奇少。中過伏之後，唔會再幫襯。自己煮面食都無咁嬲

😌😌早餐之選屋邨茶餐廳🍴🍜早餐A set ! 雪菜肉絲米粉係我早餐至愛！😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋佢d 米粉係特別好食個人覺得唔同其他茶餐廳🍴火腿蛋早餐set必備之選！奶油豬😍😍脆脆的好好奶油🌟😋外賣都好脆👌👌堂食應該更正😊！！屋邨茶記算係唔錯。🌟後記，佢既食物外賣既話都要等幾耐下。早餐&下午茶都等得耐d，真係要有d耐性等。🙏🏻

本人住海麗村，話說而家疫情比較嚴重既關係啦，好多食店都收好早。今日就係長沙灣收1930，返到海麗已經8點作為全個商場比較好食既祥景茶餐廳已經收左，就連吾係話好食 亦吾係話難食既大快活都收埋，7-11個熟食啊姐去左食飯，要9點先返黎。四季呢間野，以往幫襯，三文治入面吾係成張膠紙，就係凍奶茶肚瀉。所以，今次硬住頭皮，見係得返佢地呢間開，當幫襯下，有冇改善到。落單之前，已經講少油，因為佢地真係可以落多油落去，好似吾洗錢咁架啲油。但啲肥牛係ok既，吾係話咬吾開，咬得開，仲要好快咬得爛 吞落肚。但真係太多油啦

本身我係呢度常客，今日我真係忍唔住要打呢篇食評，諗住大集團應該唔會出現呢個問題。今日大約12點2去到叫外賣（豉汁蒸排骨飯），咁係人都知道叫蒸嘅嘢食會較耐，但諗住蒸嘢都係最多15分鐘會出到餐，點知要等到12點9先出到單,足足等咗7個字，係35分鐘啊，我當堂眼都突埋😳，啲侍應都好好服務係咁幫我追單（起碼我聽到4次幫我追單）及同我係咁講唔好意思，我知道唔關他們事，所以沒有責怪他們。如果去其他食店我食埋走人都得啦，駛鬼喺度食咩，叫個蒸飯都要等足35分鐘咁耐，即刻令我考慮下次會唔會過嚟幫襯。唔知入面廚房真係點樣做嘢🤔，我喺舖頭都見到唔少堂食嘅客人都係咁追單，廚房咁樣做嘢直頭趕客😡。麻煩本公司集團跟進下啦，瞭解返廚房出餐嘅問題

其實幫襯得屋邨茶餐廳，都唔會對服務質素有任何期望，但都無諗過係咁差。入到去未有位，收銀叫我出門口攞飛等位，等咗五分鐘左右有其他客直接行咗入去，侍應竟然即刻執檯俾佢坐，我即刻埋去話明明係我到先，又有攞飛排隊，點解會俾位人哋先？個侍應話係人哋到先，叫我啱啱到就等吓先，我即刻望住個收銀，我話係收銀嗰個叫我出門口攞飛等位嘅，個收銀竟然扮聽唔到，然後個侍應仲好無禮貌咁話”得啦，有位咪俾你囉”⋯⋯佢哋係完全唔覺得自己有問題，縱容打尖行為，管理混亂又無禮貌又唔講道理，差！差！差！

今日陪屋企人係呢頭整電話六點鐘肚餓 係附近搵野食望入去幾肆正 睇過餐牌都幾多選擇就入去試下啦🍴1. 晚餐 日式燒汁茄子牛柳 (鐵板上) $76有中湯、同野飲 飲品叫左柚子蜜牛柳好淋 而且份量都幾多至鐘意拒勁多洋蔥 送飯一流😋🍴2. 散叫茄汁焗厚切豬扒飯 $51 炒飯底 豬扒啖啖肉茄汁酸甜適中 多芝士添唔覺唔覺就食晒🙈🙈🍴3. 散叫忌廉菠菜焗海鮮飯 $56 同樣炒飯底 大量菠菜 有蝦仔 魷魚 炸魚柳等等👍🏻👍🏻🍴4. 叫多左個日式餃子 $32 六粒炸得香脆，味道正常 純粹過吓口癮🥶三個人埋單 二百蚊到仲要打包左成盒飯 味道又幾好下次再去👍🏻

因為落大雨費事去咁遠，所以去咗隔離屋村樓下呢間茶餐廳，原來係受氣嘅開始！首先張凳都幾污糟下，我都費事麻煩啲阿姐，自己用濕紙巾抹就算，然後想搵人收咗啲紙巾，舉極手都冇人應，唯有放住喺張凳背一角（我都好唔想有張咁污糟嘅紙巾喺我隔離食嘢，不過冇辦法）叫咗兩個早餐，其中一個加$3轉蕃茄湯底，諗住俾小朋友食，點知咸到阿媽都唔認得！自問都唔係唔食得濃味嘅人，但嗰種咸係咸到澀，諗住同侍應講，又係舉極手冇人應，到終於有個阿姐嚟，我話「呢個蕃茄湯好鹹喎，完全食唔到喎」，佢聽完竟然轉身準備走！（我估佢當我講完就算） 我要叫住佢，問佢咁而家點，佢都係冇反應，然後屋企人提議不如換過第二樣，個阿姐先不情不願咁問我想換乜嘢！好不容易一碗叫做正常嘅通粉嚟到，諗住開始食啦，點知有個女食客自己走咗入嚟坐喺隔離枱，出面等位嘅人就開始鬧佢，有個男食客話佢冇攞飛，叫佢出返嚟，個女食客就話頭先冇人等佢先入嚟，個男食客當然繼續鬧啦，人哋攞咗飛喺附近等緊，佢咁樣打尖，最搞笑係成個過程完全冇職員處理，由得食客喺度嘈，另外等位嘅兩夫婦都同個收銀講，佢哋應該要處理下，因為真係嘈咗好耐！我都出聲叫職員處理，因為真係嘈到嚇親小朋友（附近幾張

食返個靚早餐先有力氣做嘢架嘛！正所謂一日之計在於晨，早起的鳥兒有蟲吃，遲起的鳥兒冇蟲吃！🐛🦜正如破壞之王 魔鬼筋肉人達叔話齋：「靚歌靚衫靚早餐」，依家有個靚早餐頂一頂當先！🤭入返正題，早餐質素係ok的，最令人印象深刻嘅係佢嘅奶油豬仔包！夠脆夠熱，好多時啲餐廳上到格嘅奶油豬仔包都係凍冰冰！好彩呢個唔係👍而佢嘅奶茶亦岩岩好，茶味夠，奶亦調製得岩岩好，唔會太多亦唔會太少👍最後價錢方面，不算太平也不算太貴，尚算合理！

先吾講服務先，份三文治竟然食到有張膠紙，有冇搞錯啊？咁大張膠紙都可以放左係三文治入面。另外，服務真係好差，雖然只係買份三文治，但洗吾洗黑曬面，好似吾願做生意咁呢？

首先店員收銀態度差 完全沒有身為飲食業應有的禮貌 店舖內並沒有坐滿人 一半也沒有 但可以一個外賣等了半小時以上 最後問了收銀員為什麼還未可以 那麼惡劣的收銀員並沒有正面回應 只是把問題交給第二個店員 為什麼一間餐廳可以那麼沒有應該有的服務態度 完全是付錢買難受 食物質素更差 不知道為什麼麵裡面有飯粒是否一間餐廳只是開在居村內就可以是是但但隨隨便便 要知道給予客人一次那麼差的體驗 客人是不會再光顧 因為有很多選擇 並不是得一間餐廳