影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
今晚同Daddy食飯，Daddy 話想食茶記，揀咗四寶食堂，呢間成日排長龍，質素應該唔錯，一於試吓。養生燉湯套餐 - 燒汁野菌牛柳粒 ($108)呢個套餐配咗湯同埋白飯。今日嘅燉湯係蘋果雪耳無花果排骨湯，燉湯清甜。牛柳粒嫩滑，燒汁炒得惹味，Daddy都話好食。 拔絲山渣汁菠蘿咕嚕西班牙黑豚肉 ($108）黑豚肉外脆內嫩，山渣汁酸甜開胃，拔絲效果唔錯，啲菠蘿超鮮甜。星加坡黑醬油胡椒粉絲大蝦煲 ($118)大蝦真係好大隻，有3隻，爽口彈牙而且鮮味，粉絲吸晒黑醬油，胡椒味香濃，食到停唔到口。 凍鮮檸茶 (+$8)茶味濃度適中，檸檬新鮮，清爽解膩。 牛油果占多士 ($28)多士香脆，果占甜度適中，啱啱好。 整體食物質素高，價錢物有所值。Daddy都話下次再嚟！
继续阅读
大家有冇諗過喼汁要收$4呢？？依間餐廳已經在將軍澳開咗好幾年以上，今次我本身並不是第一次幫襯，大大話話已經食過幾年，但每次都會叫同一個下午茶餐牛扒配沙律，同時都會需要喼汁配牛扒一齊享用，侍應生姨姨開頭話轉頭比我，跟著又話冇，我當然話過往都可以提供喼汁，侍應生再向另一位相信入職耐小小嘅同事，果位超大大聲聲侍應在厨房門口用教訓嘅口吻向幫我拎喼汁嘅侍應姨姨話要加$4，餐單入面又沒有列明，跟本過往餐廳都是無條件提供呢，我本身張枱位置完全好清楚同清晰聽到有關雙方兩位嘅對話，有喼汁又話冇，突然又要收$4，依間餐廳本身操作完全沒有標準啦。。。大家嘗試去想想，依間餐廳對顧客完全沒有禮貌可言，相比國內嘅服務態度完全係相差好遠啦，我絕對相信永遠都不會再錄用依間所謂餐廳，仲要通知我在本區嘅朋友今天在食店嘅事呢～
继续阅读
蔥花咸牛肉炒蛋熱狗 $42依個熱狗真係超級大份，成隻碟咁長！裡面有咸牛肉同埋炒得滑滑的蔥花炒蛋，仲好脆皮腸，每一啖都好滿足。咸牛肉的鹹香味配上嫩滑的炒蛋，簡直係絕配！而且熱狗好鬆軟！🍞😋秘製麻辣雞扒公仔麵 配牛油丹麥多士、炒蛋$57雞扒都煎得好脆，但就冇咩麻辣味，反而係個麵有麻辣香，食落都幾辣，但唔會過火。牛油丹麥多士外脆內軟，好有牛油香，仲有提子粒可以有啲咬口。
继续阅读
晏晝三點幾咁啱嚟到將軍澳中心，下午茶時間見到呢邊唯一呢間四寶食堂排晒長龍，咁啱又唔趕時間，一於排隊試吓。瑞士汁雞髀配菠蘿油，瑞士汁雞髀入味！啖啖肉正呀！ 菠蘿油一上枱好呃like 大大個菠蘿油！熱辣辣脆卜卜自家製吉列豚肉眼配大阪黑蒜蔥撈公仔麵！又係非常之邪惡！吉列豬扒炸得外脆外軟！ 蔥油公仔麵稍為乾咗少少！我個人口味認為如果可以蔥油多少少就完美了！
继续阅读
帶位員無通知一定要見齊人數先可以入座。帶bb同小朋友去排隊，排了半小時下一個就輪到我，卻讓後面的客人先入座。後來才得知原來有這個玩法，小朋友已經等到不耐煩，還要給後面的客人先入座。我老公因為太累在一旁的坐住等。安排座位的服務員也沒有告知。。。我們就站在那裡白等。。。難怪每次經過都甘多人排隊…原來都是因為要每一位食客都要in line...食物味精太重…回到家不停灌水。
继续阅读