四寶食堂 (已結業)

約咗朋友旺角傾嘢，就去咗四寶食堂。嗰度基本上係飯堂嚟啦，出旺角差唔多都要食。星期六，十二點鐘去到都幾多人，好彩唔洗排隊。叫咗個午餐星馬煲仔藥膳肉骨茶，旺角店限定，銅鑼灣無得食，味道唔算濃，無乜藥材味，我自己就鍾意果陣藥材味多d，重口味嘅未必啱，份量都可以，一排有5條骨,加埋豆卜同其他配菜都夠飽。我朋友食荷葉飯，幾香，味道正常，都足料，份量頗大。六十幾蚊，合理收費。坐得舒服，卡位夠闊，呢個都係我揀佢嘅原因

茶記西餐，茶記水準，比起西式cafe，呢度當然係比較抵食😏板燒美國極級牛板腱$158蚊，個賣相當然冇咁靚，但係味道唔錯，冇Over cook👍🏻拔絲山楂汁菠蘿咕嚕西班牙黑豚肉，賣$88蚊，改個勁長既名係咪會覺得好食啲呢，可以賣貴啲啲🤣🤣🤣🤣不過味道就係生炒骨，冇話特別好食亦都唔難食，菠蘿連皮上，新鮮👍🏻👍🏻👍🏻飲品咁多cream唔會差得去邊，雲朵杯杯，賣相唔錯，係幾靚既，又夠大杯

今日下午同家人要到旺角買嘢，而未開始之前要先食飯，一早已經睇定幫襯四寶食堂。大約2點半到達四寶，差唔多即刻有位，職員安排我地坐玻璃窗旁。家人叫咗下午茶星洲炒米，份量略為細咗啲，但炒得夠鑊氣，好味。我叫咗叉燒蛋飯，叉燒唔會太瘦，滑蛋烹調啱啱好，滿意。至於杯凍奶茶就唔夠濃，唔夠茶味。

招牌瑞士汁炒牛河 $68每次嚟到都必點必食嘅瑞士汁炒牛河，即叫即炒，夠大碟，份量同鑊氣都十足，瑞士汁又甜又香，味道濃郁，好好食。喜哥蔥油豬扒+嫩滑炒蛋+食堂熱狗 $68超大塊嘅豬扒，勁厚身，肉質鮮嫩，肥瘦適中，配上嫩滑嘅炒蛋同熱狗，將佢哋加埋一齊食，又估唔到幾夾。招牌沙嗲金菇安格斯牛肉煲 $88晚市有好多小菜可以選擇，牛肉煲滾住上枱，煲𥚃面嘅沙嗲汁混入安格斯牛肉嘅鮮味，金菇同粉絲完全吸收晒所有精華，相當惹味。西營盤馬友咸魚煎肉餅 $78六件煎得好香嘅厚身肉餅，食落質感挺實，啖啖肉，鮮嫩多汁，咸香味道突出。邪惡咸蛋松露醬雞中翼 $48/6隻雞中翼新鮮即炸，炸到金黃色，香脆熱辣，配合埋咸蛋松露醬，的確好邪惡，真係好吸引。凍檸茶 跟餐加$3熱情果檸檬梳打 跟餐加$15黑加侖子檸檬梳打 跟餐加$15

一陣仲要開會，快快走去食飯先，係旺角度度都多人，經過四寶，啱啱對上得一枱等緊，就排個隊先。好，坐低睇下有咩好食先，呢度真係超多選揀。一人前養生燉湯晚餐，有湯飲真心正。燉湯用上蟲草花，好足料，個湯清澈。原煲老壇酸菜鱸魚片，魚肉滑滑無骨，仲要好好多片，魚皮都好乾淨冇鱗，配料雲耳，芽菜，酸菜，個湯底都好好味，可以拌飯。紫薯雪糕拿鐵，雖然天氣凍冰冰，但我呢啲小朋友真係忍唔住要飲呢個，真係好吸引，個紫薯味好重，但又唔會太甜，食埋上面個雪糕，滿滿足！

🌟餐廳：四寶食堂📍地址：旺角豉油街23號地舖💰價位：～$50 - $100⏰營業時間：星期一至日 07:00 - 21:30📱電話：2342 4344茶餐廳，相信係香港人既名物~今時今日既茶餐廳大多數都中西合壁，食物種類好多元化~今晚同朋友去咗旺角一間人氣茶餐廳 「四寶食堂」，試下呢一間坊間公認性價比極高既餐廳先!———————————————————🌟晚市常餐  🔹招牌沙嗲牛肉公仔麵 🔹嫩滑炒蛋🔹香煎火腿🔹牛油丹麥多士🔹熱奶茶沙嗲牛肉公仔麵算得上係香港人既經典食物~呢度既沙嗲牛肉，肉質嫩滑，配合埋帶有花生粒既沙嗲汁，味道夠哂濃郁~公仔麵煮得剛剛好，有咬口而唔會太腍身，有水準~加埋嫩滑炒蛋、香煎火腿及牛油丹麥多士，係一個經典既常餐~當然唔少得搭配埋杯熱奶茶啦~佢地既茶底夠哂香醇，入口好順滑，完美~———————————————————🌟一人前養生燉湯晚餐🔹五指毛桃燉湯🔹茭白荀鮑魚炆雞煲我就一向好鍾意飲湯，呢度既燉湯大大盅，熱辣辣夠哂火喉，而且好足料，五拍毛桃滋陰補氣，夠哂養生~茭白荀鮑魚炆雞煲香噴噴，鮑魚炆得好入味而且夠腍身，雞肉肉質夠Juicy，d汁用黎撈飯無得彈~呢個套餐份量充足，

在芸芸旺角食店,能够不論假期與否,都大排長龍的食店,可能只此一間,皆因食物選擇多元化中西合壁適合不同口味食客,最重要更是價錢大眾化,之前在港島上班已試過它銅鑼灣的西餐,今晚行街到旺角,趁飯市剛開始未有人龍前早些開飯,竟有燉湯小菜當然不容錯過,小菜有多款、我們要了松草花浸菜苗鱸魚片很清新,另一個山渣菠蘿黑豚肉,肉質脆口又拉絲,認真唔错,再叫了一碟清炒菜心,很嫩口又够火喉,配上淮山燉肉骨湯,轉眼清晒碟,想不到中菜也有如此水準,怪不得咁多人捧場,下次再試其他特色菜。

多次幫襯的四寶，最鍾意就係佢哋大大份的香滑炒蛋同超巨型厚切蔥油豬扒🤤今次一行2️⃣人午飯時間再度回訪裝修以湖水綠為主調，配合可以打卡的花花牆，外觀俾人感覺舒服==========🔹 喜哥蔥油豬扒太陽蛋飯 $60叫咗走飯，嚟到係巨量的豬扒上加一隻太陽蛋仲有少量沙律菜伴碟，太陽蛋煎得帶微燶邊蔥油豬扒厚切，調味恰當不過鹹，肉質紮實嫩彈，大塊厚切又唔肥的豬扒仍能保留肉汁招牌菜真係寧舍唔同推介指數：8.5/10==========🔹 黑蒜油叉燒滑蛋飯 $60叫咗少飯，份量都超過一碗，飯粒粒分明，吃到淡淡的黑蒜油味道選用瘦叉，帶微微蜜汁味而唔過鹹，口感緊實炒蛋份量充足，加入蔥花，口感嫩滑帶蛋汁推介指數：8/10==========🔹 美式全日早餐 $72沙律菜新鮮爽脆，加入酸酸地的沙律汁夠開胃選用紐倫堡腸，腸衣夠薄帶微脆，腸肉帶淡淡肉香炒蛋好大份，有不錯的蛋香，口感嫩滑仍保留蛋汁番茄新鮮，有輕微煎過煙肉選用較瘦的，煎得香口多士外脆內鬆軟帶麥香，惟牛油稍多推介指數：7.5/10==========🔹 下午茶餐：比利時朱古力千層蛋糕 $42送上時係微暖狀態，口感比較似心太軟，可可味濃郁而甜度適中，口感香軟

收工諗唔到食乜就黎四寶食堂，因為呢度野食選擇真係好多，茶餐，中餐，西餐樣樣都有d. 記得佢個叉燒滑蛋飯真係唔錯。✨水門雞飯：個雞幾滑厚身啖啖肉，個醬油撈飯甜甜地幾好味，跟餐有冬瓜湯送，清清甜甜有d 胡椒味.✨港式雜扒：個豬扒同雞扒都幾大塊同幾腍，仲配左條法蘭克褔腸同流心蛋。 熱狗如果個醬多d 就更加好，而家食到有牛油香同少少沙律醬味。另外試左佢個奶茶都幾香滑。✨燉湯：呢個蟲草花湯熱辣辣,飲落味道幾濃幾足料，而且無咩味精感✨蟲草花杞子上湯時蔬：個菜索晒上湯，好入味。

好一段時間冇食四寶，平時真係好少打食評。但係佢真係好驚險，點餐後六十秒已經上到凍飲。招牌名菜蔥油豬排大得誇張，人生好似未食過咁大塊豬扒重要鬆快。。。滑蛋又勁滑。。六十幾蚊鬧市足料去邊度搵。長做長有呀千其要

經常來四寶吃飯，幾乎是我的飯堂了為什麼呢？因為性價比很高，東西都大大份！裝潢完全不像茶餐廳，像家悠閑的cafe服務水平也正常，不像茶記，像茶餐廳的就只有商宜的價錢食品皇室咖喱牛肋肉煲$78份量巨大！超多牛腩跟牛筋，尤其牛腩有數十顆！火候很足，炆得很稔，牛筋近乎入口即溶，汁底完全不油膩帶一點甜，配飯吃超正！不大食的話兩個人吃也可以！火龍柚子伴韓式醬雞球$78酸酸甜甜的醬汁加上蜜桃跟火龍果，相當開胃， 加上想不到的炸雞塊，這根本就是漂亮多汁版的西檸雞好嗎黑醬油胡椒粉絲大蝦煲$88味道超濃郁！黑醬油加上胡椒為這煲粉絲生色不少， 惹味的超大量粉絲底加上三隻大蝦，實在很夠飽！粉紅草莓雲朵$15 少甜大大杯超多cream，微甜中帶酸，這杯也是一個很耀眼奪目的東西，活像杯濃濃的奶昔！

旺角四寶食堂價錢親民夠抵食，中西合壁水準！磨菇忌廉湯跟牛扒餐送，口感綿密，除左磨菇仲見到蜆肉，夠鮮甜～燒美國頂級封門柳$138食牛真係要五成熟，牛肉中間仲係粉嫩紅色，口感鬆軟，咬落多汁，配埋燒蒜頭，夠哂香口！沙嗲金菇安格斯牛肉煲$88安格斯牛牛味特別重，而且夠滑！沙嗲超香口，加上大量粉絲墊底，完全吸哂沙嗲味，送飯一流！招牌沙嗲牛肉炒蘭花苔港式沙嗲牛，味道甜甜麻醬味香濃，牛肉夠滑，配上蘭花苔好好食！

由於有下餐 我地諗住食啲野頂下肚 2個人share 一份雞扒豬扒熱狗餐 如果唔想食熱狗 可以+$轉菠蘿油 不過我地就冇轉落左單之後 等左10零分鐘就有野食啦 （呢到可以用QR code落單）份餐勁大份 2塊扒分別都大過手掌 仲有滿滿既炒蛋 1隻熱狗🌭 仲再有多條腸 份量會唔會太大2塊扒都好林好好食 不過如果要比較既話 豬扒好食啲 香啲 隻熱狗裡面搽左層醬 但講唔出係咩 似牛油但又唔單止係牛油 但又唔係美奶滋 好似仲有其他野 不過陣味係好食既 下次再去食 雖然2個人食一個餐 但其實都飽已經唔係頂肚咁簡單

餐廳位於旺角嘅豉油街，喺遠處已經俾佢嘅tiffany blue外牆吸引住😎 環境裝潢超級打卡able，唔講唔知以為去咗cafe添😝 食物款式夠晒多元化，除咗有常見嘅中式小菜同茶記小食，更有封門柳、特色平安漢堡包、未來豬肉等等，好有驚喜呀😍 整體地點方便，價錢合理，大件夾抵食，絕對會再encore！燒美國極級牛板腱煎至七成熟，肉質細嫩，香濃多汁，相比之下頂極封門牛柳嘅肉味更加濃郁，食肉獸人士表示心心眼👀 旁邊搭配蒜蓉同蔬菜界嘅新品種蘭花苔，超級特別呀！餐廳嘅菜類都有好多選擇，馬拉盞炒通菜同菜心可以揀淋啲/少油，感覺更加健康～ 兩款都炒得好入味，配飯一流😳 公司三明治有齊番茄、炒蛋、午餐肉、生菜、牛油、沙律醬等🥪 麵包微微烘過，整體層次分明，口感豐富！另外必試呢度嘅燉湯，完全無味精，飲完即刻暖曬🥺飲品方面要咗熱情果檸檬蘇打、熱鮮奶同雪糕紅豆冰～ 極度推介熱鮮奶，甜度適中，同時散發着淡淡嘅奶香味👍🏻 比利時朱古力千層蛋糕味道濃郁，絕對比得上出面嘅甜品店！港女西多士都唔錯，略嫌外層煎得唔夠脆但勝在蛋味夠出，上面搭配朱古力雪糕，正！

難得雙11集齊成班同事去食lunch，八個人都等左冇耐就有位，勁開心！睇完餐牌發現算係高級茶記，睇到舖頭個招牌想食乾炒牛河但行咁遠過到黎冇可能食d平時都食到既野者...去茶記食all daybreakfast又驚唔好食，最後諗住叫豬扒太陽蛋飯或東坡肉欖菜炒飯豬扒太陽蛋飯伏既機會較細但略嫌普通東坡肉欖菜炒飯好似好吸引但中伏機會很高而且早排先食了個很難食的東坡肉結果今日突然充滿了冒險精神叫了東坡肉，諗住就算東坡肉難食，欖菜炒飯都應該伏極有限點知我錯了!!!!!!!!!!!!!!!!!!!!!!!!!!!!!!凍檸茶先到係好薄的檸檬我個心當堂涼了一截希望d野食可以力挽狂瀾一拎起餐具隻手已痴笠笠我同同事一樣都叫了東坡肉欖菜炒飯佢個個黎先再到我佢個碟有兩舊東坡肉我碟得一舊 個下已想問我仲有一舊去左邊$68?Excuse me?個下只心諗希望會好好食首先食左啖飯?得個咸字同埋佢完全不是炒飯學食神話齋炒飯要用隔夜飯先夠乾身佢是濕的其實佢個味同口感完全係荷葉飯咁樣而我係勁憎食荷葉飯…好傷心做乜呃我話係炒飯?同埋d肉鬆呢？試埋舊東坡肉舊東坡肉有超過一半係肥膏但我心諗你如果煮得好食我都原諒你結果真心難食想