四寶食堂 (已結業)

餐厅位于旺角嘅豉油街，喺远处已经俾佢嘅tiffany blue外墙吸引住😎 环境装潢超级打卡able，唔讲唔知以为去咗cafe添😝 食物款式够晒多元化，除咗有常见嘅中式小菜同茶记小食，更有封门柳、特色平安汉堡包、未来猪肉等等，好有惊喜呀😍 整体地点方便，价钱合理，大件夹抵食，绝对会再encore！烧美国极级牛板腱煎至七成熟，肉质细嫩，香浓多汁，相比之下顶极封门牛柳嘅肉味更加浓郁，食肉兽人士表示心心眼👀 旁边搭配蒜蓉同蔬菜界嘅新品种兰花苔，超级特别呀！餐厅嘅菜类都有好多选择，马拉盏炒通菜同菜心可以拣淋啲/少油，感觉更加健康～ 两款都炒得好入味，配饭一流😳 公司三明治有齐番茄、炒蛋、午餐肉、生菜、牛油、沙律酱等🥪 面包微微烘过，整体层次分明，口感丰富！另外必试呢度嘅炖汤，完全无味精，饮完即刻暖晒🥺饮品方面要咗热情果柠檬苏打、热鲜奶同雪糕红豆冰～ 极度推介热鲜奶，甜度适中，同时散发着淡淡嘅奶香味👍🏻 比利时朱古力千层蛋糕味道浓郁，绝对比得上出面嘅甜品店！港女西多士都唔错，略嫌外层煎得唔够脆但胜在蛋味够出，上面搭配朱古力雪糕，正！