四川重口味

营业中

休息中

一年前食過口水雞味道不錯，近日午餐再到訪三次，套餐口水雞只有骨，背同翼尖中位，搵啖肉食下都無，將骨頭骨尾搭上，唔係第一次，諗住係咁啱，點知係每次都係好明顯亂搭唔要部份俾客，晚餐例牌同樣，俾晒無人食的豬頭骨，味道每況愈下，超鹹，唔香，超求其，同一年前差太遠，貼錢買難受，絕不推薦

完全不入流，可以榮休。無一樣野入到口，要涼拌變熱食⋯⋯要熱食變凍吃，無辦法放入口。如何得到好評呢？蒜泥白肉，微波爐翻熱，熱到入唔到口，入到口又咬唔到，咬得到又呑唔落？傻的嗎？咸肉炒花菜，眼見滿滿配料，可以無味⋯⋯炒土豆絲，大碟有乜用，炒到無味⋯⋯香辣炒大腸，炒垃圾，好想問係邊到倒埋一碟俾我，極差，係唔熱嘅⋯⋯筷子都落唔到。總結: 製造廚餘。唔係我哋浪費，源頭係個廚房製造出來，皆因我都肚餓入來消費醫肚嘅⋯⋯唔係要嚟睇你啲廚餘。

放假唔想郁動，肚餓點算好，唯有近近地係附近食個麵呢間重口味唔止大大碟四川菜食，仲有粉麵飯套餐，岩晒我自己獨食啦$32 可以有兩個餸，轉薯粉唔駛加錢添今次揀左豬大腸同雲吞，配酸辣湯底同紅薯粉，perfect‼️豬腸份量多，件件都有厚度，而且滷得入味喎雲吞唔會差，正常係中式粉麵舖食到既味。湯底岩晒鍾意呷醋既我，夠酸，我略嫌湯唔夠多，愈食愈重口味，不過都岩晒啲鍾意濃味既人我覺得如果只係32蚊，質素OK,又可以食到好飽既舖頭，而家已經買少見少啦。總結黎講，CP 值非常高

晚餐時間，想食下辣野，就去咗試呢間成日經過都想食的川菜🌶8點幾鐘，店內大約有三四枱，唔多人。店內嘅環境都算舒服，唔會坐得好迫。前菜叫咗個涼伴青瓜🥒重口味開的我覺得味道唔多濃😂可以再酸d辣d！！晚餐都想食下菜；就叫咗個腐乳通菜🥗🥗得小小腐乳味，因為比辣味蓋過咗。感覺上好似加得太多辣椒啦🌶🌶同友人都覺得太辣😱主角到了！其實今次主要係想食水煮魚！！🐟果然無令我地失望～我地揀咗桂花魚無揀大魚，店員話無咁多骨。咁價錢就當然貴D啦！D肉都幾滑～真係小d骨喎！如果有得揀全部都係魚片就正🤩仲有配菜例如芽菜，薯粉都好入味喔仲有點了個酸辣粉。覺得味道唔錯，夠酸但不夠辣🌶🌶🌶如果辣d就完美食川菜飲啤酒是常識吧🍻🍻

重口味呢個名令我呢半個土瓜灣人呢幾年黎都沒行入去食，位於馬頭圍「食街」位置既四川菜，雖然格離左近都有至少兩間食麻辣雞煲專門店，但佢多年黎都屹立不倒食個陣甘岩樓上舊樓搭棚我食午市，原來午市好受歡迎，尤其係川菜，好似口水雞，水煮牛/魚，同埋 重點系酸菜魚午市抵食首選口水雞🐔同水煮系列，夜晚食貴成倍我掛住食唔記得影內裡餸菜既detail，形容下都流口水，佢地選用桂花魚（一般用鯇魚，佢都有），骨唔算好多，易入口，好入味，感覺似係岩岩熟，湯底酸菜同胡椒食落香濃，重油而不膩，偶已食到胡椒粒，花椒，好重麻香味；酸菜好淋，叫小辣岩岩好，中辣會噴火，佢地用一隻淡綠色既辣椒，煲煮到淋曬，好香辣，配上面頭既紅辣椒；京蔥粒同蒜頭，飯都好香，重點系夜晚食要150蚊，下午lunch價只係52蚊，加野飲總數$60，碟魚份量好多，絕對抵食！

一行人去食川菜，上次食過吾錯，但今次真係吾知食佐咩野味道同上次差9條街泡椒大腸大腸得10塊左右成盤洋蔥 同蒜頭叫佐個醬土鴨上佐另一道茶鴨但無人講 上完睇到圖覺得吾同樣先話我地點個道菜無佐😒😒😒無佐吾緊要你要同我地講囉吾好求其上另一道菜 仲好似博人地吾知另一道菜頂上，但都算 我地照要啦另有兩道菜食哂4碟菜都未上最後問佢原來未整，最後吾要走啦埋單 好彩叫佢俾張單睇下無上個兩道菜無cut單計埋落去😨😨😨😨服務態度仲要超差 咩廚房整吾切我都無計

經過這店見裝修也新淨，抱著一試心態結果大伏小弟點左個蔥油雞，黎見到一碟油浸白切雞你冇聽錯，係油浸！眼見朋友點既薯粉，樣子好正常，冇諗過點飯係咁伏食落雞件冇味，失望呀

每次經過重口味 見到佢有個蕃茄湯薯粉都會流哂口水今日決定入去試下強烈推介：餃餃陣蕃茄薯粉呢間野會為唔同既薯粉改名：有懶懶豬薯粉（豬肉粒薯粉）餃餃陣薯粉（餃子薯粉）等等...呢個餐有魚皮餃、白菜餃、九菜餃全部都好好味湯底清甜推介

又嚟都好遠嘅土瓜灣覓食啦！今日好想食辣野，你條街選擇都幾多，真係試吓呢一間啦！🐆🐆🐆🐆🐆🐆🐆🐆🐆🐆🐆🐆🐆🐆🐆🐆口水雞揀咗小辣，雞好啊，唔會好多骨，辣到適中，味道都十分正宗呢！🐆🐆🐆🐆🐆🐆🐆🐆🐆🐆🐆🐆🐆🐆🐆🐆水煮魚揀咗大魚，唔會太多，揀咗中辣，魚嘅額度OK ,但食芽菜真係有少少覺得辣。好有川菜風味呢🐆🐆🐆🐆🐆🐆🐆🐆🐆🐆🐆🐆🐆🐆🐆🐆小小辣嘅鹹肉椰菜花，辣得來好惹味。你一餐川菜好滿足！想食辣嘅朋友不妨一試。

重口味，算是我個人川菜榜中的頭三甲原因很簡單款式多，味道夠，價錢相宜而且近屋企，所以川菜引一起就會去幫襯今日朋友聚餐，一行8人浩浩蕩蕩入去辣反夠本先先叫前菜黃金皮蛋，唔太辣但好香蒜味，蒜香四溢麻辣大腸，好食處理得好乾淨，無臭腸味蒜泥白肉腩肉肥瘦適中，切得好薄，好吃麻辣豬耳，我的最愛豬耳脆口，夾埋青瓜一齊食十分清新而且調味好好，麻辣兼備水煮魚，加錢要左貴花魚少骨好多，魚肉嬾滑都係要左貴花魚，十足既酸味真係胃口大開呀辣子雞咩都有既毛血旺酸豆角炒肉碎，好送飯孜然鹽焗魚，雖然要等成20分鐘但絕對值得等！魚肉好滑，入面既香茅味好濃夾埋出面既鹽同佢個汁一齊食邊有得輸！必叫！

我個人真係好重口味，一星期總要食下川菜呀，米線成日喺土瓜灣遊走嘅我基本上會1,2星期就食重口味一次。原因係:夠抵食，夠重口味經常食酸辣紅薯粉+2送(我通常都係午餐肉+豬大腸),配飲品，盛惠3x 大元。勁大碗，薯粉夠彈牙，成碗好有四川風味午市時配埋特價小食，正

夜媽媽喺土瓜灣，嗜辣既我就試下呢間重口味。試佢個麻辣米線同雲耳，不過叫完之後上openrice睇下啲人既comment，唔通今次到我中伏!?等左一陣兩樣都黎到，色水唔錯，都有麻香味，食落算唔差，。起碼好過好多川菜鋪，一係得個辣字，一係就成盤紅色但冇味。下一次可以試下小菜。

呢間食肆在土瓜灣都有一段日子，偶爾都會光顧一下，試過兩次不同雞煲都係一般，今次試下小菜。叫了一個炒土豆絲、麻辣大腸，蒜蓉蟮片，雲吞雞。炒土豆絲很爽👍麻辣大腸就有些硬蟮片－蒜蓉好多，蟮片新鮮雲呑雞－湯底係雞湯，味道一般。

生日飯朋友訂在喱間店食飯，一行6人，訂左個海鮮鍋4人份量。味道其實就好似張D海鮮用麻辣炒晒佢之後一層層放返好。無咩特別，但份量其實算多。出面炒兩隻蟹都要喱個價錢。佢D小炒真係幾好食，小食不過不失啦。我特鍾意食海鮮的，我對佢地個水煮桂花魚大讚，真係超級好食。

岩岩食完，比新假期昆左，伏中之霸。什麼推介既手掌咁大既蝦，BB手掌咁大，鮑魚細到蚊子咁，蟹又臭又唔新鮮，d蜆全部訓哂覺，得d配菜免強可以入到口，下面呢牒又係乾到咩咁。