四川重慶風味小食 (已搬遷) 新店位置

記得一年前有朋友買過俾我食陣味我記到宜家今日終於到我去買啦Yeah!!!一年後風味依然完全無退步過鋪頭有唔同麵底俾大家揀我梗係揀返涼皮啦有唔同配料可以加上去我揀咗:豆乾枝竹蓮藕辣度當然都可以自己選擇啦bb辣最啱我一打開個盒已經好香好香啲＊＊豆乾＊＊係世界級雖然叫豆乾但好濕潤好滑＊＊蓮藕＊＊切得薄薄無咁多藕斷絲連嘅感覺咬落「索索」聲架＊＊枝竹＊＊亦都唔弱軟滑重豆香＊＊涼皮＊＊自然唔會係配角吸收曬啲辣汁之後又麻辣又煙韌係一種會令人上癮嘅味道拍青瓜唔會好勁調味料味反而係突出返青瓜本身個鮮甜味夏天黎講都好fresh值得一試架!!!佢地18號會搬去廣華街1號地鋪啦到時多多支持!

間野係條巷仔度👀唔識路都幾難搵下😂好彩個招牌夠大個好易睇到涼皮$25 （另加左份海帶+$5）- 麵底可以揀涼麵- 餸最低消費$5調味料勁齊全😍有哂脆豆同辣菜甫👍🏻仲有豆乾、青瓜絲好足料阿姨都好衛生👍🏻有戴口罩同手套～食得安心又放心另外仲有麻辣燙😆辣豆串勁吸引！！一於下次再幫襯🥰

太太最鍾意食麻辣，今次又比佢搵到一間係旺角小巷嘅麻辣店，次次行過都見到好多人排緊，小舖一間冇得堂食，店舖旁邊有兩張櫈仔，真係見過有人買完坐低喺度食，但係我哋次次都買走嘅呢度有麻辣涼拌，麻辣燙，酸辣粉太太order左麻辣涼皮加豆乾條中辣，好夠麻好夠辣，青瓜絲伴菜，仲有平時喺深圳先食到嘅黃色豆豆佢啲涼皮好滑唔會黐埋一舊，啲豆乾條好彈牙，形狀好似烏冬。下次就要試吓佢嘅麻辣燙加酸辣粉提一提，唔要芫荽蔥記得早講呀，呀姐好快手架

之前係葵廣已經愛上左佢個粉皮同豆乾條❗️而家旺角都有真係方便好多👍🏼必食涼拌粉皮加豆乾😋推薦食小辣佢唔會過份辣食落好惹味食到會流口水😋唔太食得辣既人都ok👍🏼佢涼拌既配料都幾好食有酸菜花生青瓜等等😋

豉油街的轉巷有間四川美食，當初來吃酸辣粉，後來發現食客們都買涼皮，就試吃了。.小食店僅供外賣，但小巷有兩張小櫈，幸運的話可坐下來吃。.涼皮（$25）喜歡加豬耳或雞絲，很足料。中辣不錯，辣油不會過多，有花生增加口感。涼皮薄和滑。.涼拌土豆絲（$18）份量很多，底部是青瓜，土豆絲較軟。個人較愛爽口的。.整體而言，價廉物美，份量十分多，一份涼皮可以兩個人分，是掃街好選擇。不過衛生情況一般，有次試過涼皮有點苦。

自從同事介紹我食之後就上癮…礙於唔係太食得辣…微辣都一定要飲可樂嚟解辣另外叫左2款小食，一人一半係皮蛋同埋豬耳，墊底既青瓜索晒d汁，真係好正不過愈食愈辣…通常都食唔晒夫妻肺片都係因為涼皮既關係，第一次食，口感不錯…但係對於我呢d唔食得太辣既嚟講，真係隊晒成罐汽水都唔掂最初好似係配雞絲🤔之後試過札肉，多數都係呢3個配搭+皮蛋，魯肉卷每次想食都話無，除左旺角呢間，葵涌廣場果間都一樣味道，係果邊試左片皮鴨，不過不失。

<旺角鬧市既四川小食>呢間四川重慶風味小食 開喺豉油街既橫街窄巷 成日經過 每次唔係趕時間就係好飽食唔落 😂點解甘想試 ? 因為佢俾我感覺好大陸 味道香料 一定有番甘上下😈 一係外賣一係喺環境麻麻既爛地食 夏天一定頂唔住 . 食店做四川重慶野 有涼麵 酸辣粉 夫妻肺片 皮蛋豬耳等等 就好似點車仔麵甘 加錢就加料甘樣 😈 🍴手工涼皮 25 蚊🍜🌶,近排唔太想食辣野 所以點左小辣 但個人覺得鍾意食透既朋友要點中 or大辣先夠 叫見老板娘將涼皮 放喺鐵鍋入面 再加埋唔同調味料炒埋一碟 放入透明脹碗入面 😃然後我再加12 蚊 雞腎 8 蚊雞絲🐤雞腎係有勁多舊 蓋過哂 睇唔到粉皮😂勁正 雞腎口感彈牙 麻辣味香🌶 8 蚊既雞絲係似雞柳位 口感煙靭 雞味濃 同爽口粗身既粉皮撈埋一齊 加埋四川黃豆 葱花 筍 辣椒 青瓜絲🌶🥒 唔同題調味香料 色香味俱全 涼皮盡吸香料汁 同埋雞絲一齊食好有層次感 正😍#涼皮 #四川菜 #手工涼皮 #麻辣 #雞絲 #雞腎 Score 平均分 <6.9/10>Taste 味道：👍🏻👍🏻👍🏻👍🏻Present 外觀：👍🏻👍🏻Decor&Hy

除左麻辣妹之外，呢間就係第二間經常會幫襯嘅一間涼皮，原本今日lunch霖去譚仔食米線，甘啱經過呢度，都好似好耐冇食呢間，就打消左食譚仔嘅念頭，呢度鋪頭細細，眼見設備唔算太多，但食物種類都唔少，最重要係價錢便宜，味道又唔差，中意食辣嘅朋友不妨一試👍🏻甘就一切照舊，叫左個涼皮加豆干中辣走青多菜圃，可惜嘅係今日嘅豆干冇貨☹️豆干好似唔係好多地方都有，而且口感特別，個人好中意食😋所以就改左加麻辣雞腎，調配好嘅涼皮爽滑夠味，口感滑溜溜，而且唔會癡米一舊舊，味道唔差，不過就可以再辣少少🌶就甘樣，簡單快捷方便嘅一餐就甘解決左😎

位置有啲難搵，地鐵站E2出口轉右，見到sixtyeight轉左，有間找換店再入去就係。味道可以，同葵涌廣場嘅有得揮。今次食嘅係涼麵，啲配料同份量都滿意。喺旺角可以有間賣四川美食嘅舖頭真係難得。

其實呢間鋪係後巷嘅唔經過係唔會知道嗰度有間咁嘅鋪頭望落去平平無奇啊諗都唔會諗到個都係有啲四川小食嘅咁就抱住一個好奇嘅心態去試吓其實第一次去食個陣我猶豫左好耐食咩嘅依家已經食咗好多次啦由我第一次食就食手工涼皮因為我完全唔知係點嘅呢 又覺得幾特別咁就試咗第一次啦其實我都試過佢嘅酸辣粉 佢啲小食 涼麵我最鍾意都係佢嘅手工涼皮佢嘅感覺有啲似腸粉係佢比腸粉更加爽 同埋唔會黐埋加埋佢不出來啲醬汁 撈埋一齊令到白雪雪嘅手工涼皮加左啲紅色色彩事隔咁耐我哋又食返呢間小食鋪頭今次食手工涼皮 加左雞絲唔好睇佢細細地一碗覺得佢好少你會越食越覺得勁飽肚而且佢啲配料都幾多下青瓜絲 雞絲同埋脆豆都落咗唔少整到成碗面嘅口感都多咗味道都算幾正宗整體來講係唔錯嘅之前食過佢啲小食土豆絲整得超爽口超好味 其實佢嘅底係鋪左一層青瓜絲但冇諗過佢啲圖到時可以整到咁爽口唔錯🤤仲食過啲豆腐干味道我覺得還可以豆腐乾同平時食嗰啲係完全唔同一條條好似啲麵咁樣 幾特別嘅

呢間是一間賣四川手工涼皮及小吃專門店。經過想不到食咩, 就會買呢度涼皮。手工涼皮$25可加$8-$10 加川味配料, 今次我加了$10 肺片。肺片份量好多, 爽脆惹味。涼皮足料份量大, 口感滑溜。仲附送兩塊豆干。食得飽飽盛惠$35

來來回回吃過這間四川重慶小吃很多次了，平時經過都要排隊買，剛好這次經過不用排隊，於是走去買了涼拌豬耳、涼拌皮蛋，以及夫妻肺片。這裡沒有堂食，只能外賣拿走。小食會先用青瓜絲舖在外賣盒的底，然後再擺上豬耳或者夫妻肺片。味道方面真的會有四川的風味，而辣度方面可以按自己口味吃大/中/小辣。店舖通常只有兩個店員，如果人多的時候，等候的時間會有點長。

經開旺角，見到好多人排隊，原來是四川麻辣嘢，又想試吓啦，睇落好似幾正宗。主要是四川重慶小食，麻辣涼皮，酸辣粉，涼拌皮蛋，麻辣雞腳，惹味片皮鴨，夫妻肺片，四川擔擔麵等等，價錢有$20至$30不等。非常實惠，最多人叫的是手工涼皮，和片皮鴨。於是我點了手工涼皮加夫妻肺片$35。店員會即時在你面前涼拌，加了芫茜，辣椒，辣油，醬醋油鹽糖，你會見到原本雪白的涼皮染上辣油的顏色。再加上本身已拌好的夫妻肺片。完成✅好正，叫了小辣，不太辣，但是真的很香，涼皮爽，吸收了醬汁的精華，好四川味，正宗，夫妻肺片雖然是加餸，但份量多👍平靚正。

其實由呢間嘢一開，一個星期都食幾次，我鍾意食辣，真係好啱我，而且夠快價錢又唔貴~ 味道夠濃，而且即叫即撈，係正架我通常食酸辣粉或涼皮，如果肚餓就再加埋豬耳，我想要多蔥，D姐姐都好大方！但今日，我目擊兩個超恐怖場面，我諗我以後都唔會幫襯啦...... 諗起都覺得好噁心.....1. 用一對筷子.....話說我排緊隊時，前面有3個大陸人已買咗一人一碗，蹲喺街邊食，無影響到任何其他人但佢地原來仲有一串豆卜浸緊未拎，到豆卜得時，佢地將3碗食過嘅嘢俾個阿姐，阿姐將嗰串豆下分3份放入佢地3隻碗食過嘅嘢放返入佢地處理食物張檯已經唔係幾好，最恐怖嘅係，阿姐係用對平時要黎撈嘢嘅筷子將豆下撥落去3碗食過嘅麵度，而對筷子係有掂過晒3碗食過嘅麵入面嘅湯同麵，然後阿姐繼續用同一對筷子撈嘢俾之後嘅顧客2. 同一對藍色手套......我睇住阿姐戴住藍色手套收錢找錢，然後直接戴住同對手套，抹都無抹過，就咁拎D食物如青瓜落下個客碗面入面.....我唔知阿姐對手套一日掂過幾多錢...... 接觸過幾多細菌呢間嘢真係值得食的，但完全無衛生意識，真係唯有同佢講拜拜，無下次......

前幾日喺旺角睇完戲, 有啲肚餓, 但又未到食大餐既時候, 俾我發現到呢間小店, 佢瑟縮係豉油街一條小巷入面, 極不起眼, 真係經過都唔會見到嗰隻~我係好鍾意食辣既, 所以唔會放棄任何食辣既機會, 一於試試佢. 小店真係好細, 所以只可以外賣企喺度食, 好彩嗰日唔係好熱, 所以仲頂得住.見到排前面嗰兩個人都係叫涼皮, 聽佢哋講話好好味. 但我係薯粉既FANS嚟既, 所以都係試左酸辣薯粉先, 25蚊一碗, 中辣~ 酸辣薯粉係即刻整既~ 所以要等幾分鐘. 鍾意食芫茜既人, 有福了, 睇相都見到勁多又大塊既芫茜舖左喺面, 而且最開心既係加左炸豌豆!!! 係我最LIKE既炸豌豆!!! 出面好多店都係用花生, 正宗既酸辣粉係用炸豌豆, 好味好多~正常中辣程度, 薯粉口感都唔錯, 酸辣湯底似大陸既味道, P.S. 店員都有大陸口音.下次去旺角想平平哋食碗酸辣薯粉, 又多個選擇喇~