國泰城

营业中

休息中

經朋友預訂一試，298一位仲要買三送一。野食唔算多，但基本都有，有長腳蟹，青口，好大嘅斑魚，但無龍蝦。牛扒羊架都有，但唔算太出色。焦糖布甸甜品唔錯，拎出黎仲熱熱地，另外有格仔餅，可以即刻整返個雪糕係上面加埋朱古力醬等配料DIY都過隱。呢個價錢，同朋友有個地方傾下野都抵返。

平時喜歡同朋友食呢間自助餐，因為奧爾加好鍾意食三文魚，呢間餐廳會有大量三文魚刺身供量，我次次都食足三大碟先心滿意足。三文魚都算新鮮，口感唔錯。另外我好鍾意個甜品bar, cup cakes 同Chocolate fountain 係小妹專攻既地方喜歡呢度肥美既刺身焗蟹肉都幾好食。天婦羅即炸，好新鮮。

係一間好平嘅自助餐，但係入面嘢食嘅種類唔算太多，不過都有和牛、龍蝦、刺身等 仲有大約八種的熟食，味道都算正常。$178可以食3小時，時間真係好多可以慢慢食，最好食係水果，佢嘅西瓜同蜜瓜超級甜，如果你想平平哋食個自助餐可以嚟呢一間

因家𥚃有好幾位成員都是國泰員工，所以每年都有幾次在這間餐廳吃自助餐作為家庭聚會，但就從來沒有為意餐廳原來名為 Lion Rock Cafe! 只是今次為了寫食評，才細心望望餐廳的名字！今晩是大除夕，我們一家十多囗，便在這𥚃慶祝2018的來臨。魚生壽司區雖然款式不算多，但基本普及的刺身和壽司都有提供。海鮮區有蟹腳、青口、翡翠螺和蝦。新鮮沙律吧有十多種配料和多種醤汁，可自行配搭。沙律和蕎麥麵有四款已調了醬料的沙律和蕎麥麵。熱食區有炒飯、時蔬、薯角。粉麵區是越南的扎肉金邊湯粉。燒牛肉燒牛肉鮮嫩，顏色嫩紅，配合燒汁和芥末更好味。亞洲美食區有印度咖哩、泰式魚餅、炸廣島蠔、香葉包雞、紅酒燴牛肉、蒸魚等。湯兩款湯，分別是忌廉湯和羅宋湯。雪糕是 Dryers有四款口味。朱古力噴泉和水果區甜品區有多款甜品，甜品大部分有2018朱古力字様，為迎接新年的小意思！總括而言，食物種纇及款式雖不算豐富，但用$238 享用一個大除夕的自助晚餐，算是十分超值。

自助午餐味道好正,尤其甜品清甜----日式寒天雪果(荔枝味)&桂花榚&豆腐牛乳布甸彈牙味美;日本壽司較少選擇, 但有魚生可以選擇;熱食選擇少但量足;環境寧靜舒適。

仲要識人先訂到位。價錢黎講真係抵嘅二百蚊有buffet食，確係ok嘅。不過都算有少量海鮮嘅，可惜我唔太啱。熱葷有泰國食品，，蝦餅同春半4唔錯。壽司都有3，4款沙津加生果湯幾入味甜品最有驚喜，雖然種類真係唔多，但係味道真係唔錯。少有嘅麵包布甸都有。朱古力噴泉啱晒小朋友玩。甜品again青咖哩飯，好在唔太辣雪糕正呀，2隻味都係mu favour 各式沙律，正嘅。仲有幾款汁選擇，而且沙律選擇亦多 凍意粉亦好入味，又係值得推薦

今日喺機緣巧合之下去到國泰城，離開之前見canteen仲開，於是決定食埋晚餐先走人。最後決定叫一碟兩餸飯，餐牌寫住＄29，我揀咗南瓜雞肉同埋餐肉炒蛋，少飯。原來少飯仲可以減一蚊，即係埋單＄28有兩個餸南瓜份量出奇咁多大大嚿南瓜一共有最少五件，而且南瓜汁都算濃厚，午餐肉炒蛋佢將午餐肉切粒，切粒呢個point我個人係好鐘意 （本人係好鍾意食啲一粒粒嘅嘢）個餐係包熱飲同埋餐湯，本來我係同姐姐講唔需要飲品，但係姐姐話：「要啦包埋架，唔好浪費啦。」咁於是我就揀咗要中湯，姐姐仲好細心同我講叫我小心熱，而且佢仲同我講咗一句唔好意思呀，啲湯冇乜渣要你飲清湯。」大公司嘅canteen竟然有個咁好人嘅姐姐，我好surprise淨係呢個姐姐嘅，細心服務態度我已經會比一個笑臉，再加上食物同價錢絕對成正比，今餐嘅笑臉走唔甩啦。

今日送朋友去到國泰城返工，朋友話既然一場嚟到，不如食埋下午茶先走啦。原來只要你有朋友帶，比埋身份證登記，就可以入去國泰城。入到嚟正好係下午茶時段，我叫左一份奶油多配雪菜肉絲粉(佢係有兩種粉喺裡面，分別係粉絲和米粉)，仲可以免費配上凍蜂蜜綠茶，盛惠$26。件奶油多相當大件，高度就有我隻手指公咁長。份量睇起上嚟，$26係好恰當。奶油多嘅牛油同練奶份量分配得好好，我食晒成件都無練奶剩下。多士邊我切嘅時候係覺得好硬，根本切唔開，但原來食落口係好脆，白色麵包嗰部分雖然唔熱，但都好軟身。而碗雪菜粉，雪菜份量好足夠，肉絲無雪菜咁多，不過都好夠食。碗內嘅粉有兩種，粉絲爽口，米粉亦夠滑，一碗粉有兩種口感，幾得意。最後，餐飲綠茶亦都好大杯，甜度適中，係我知自己一定飲唔晒，所以先叫姐姐比半杯我就夠啦。鐘意食都要記得惜食

聽人講2舊水入去可以食晚餐重要自助餐，因為識人就去試下，佢既種類可能無4，5星酒店咁多，但比上不足比下有魚生任食，雖然都係三文魚， 吞拿魚，但都夠啦有湯有意粉有鮮有蟹腳有牛扒。有desert有雪糕。

參觀完國泰場，是日行程的 Part 2 開始了。Part 2 是什麼? 是到《國泰城》complex 內的 《Headland Hotel》食自助餐。而我們就到了一樓的《Lion Rock Café》享用一個豐富的 lunch buffet。 聽第二次來的朋友說，昔日安排的自助餐，位於酒店的頂樓，可以欣賞飛機的升降。但是次我們在平台層的《Lion Rock Café》，環境也算是舒適，而我們每人平均都是$150左右，運用性價比這一個道理，不需要要求到好好似5星級酒店咁。 《Headland Hotel》始終是一間酒店，而 Cathay Pacific 的 Catering 服務也算是數一數二的好食。所以，酒店提供的食品不算是太差。此外，因為我們是日夠多人，一團50幾個人，所以餐廳方面一定會準備得比較充足，食物也會比較新鮮。 未埋位，我已經偷步去了取食物的地方拍照，眼前的壽司，看起來非常之新鮮，目測的第一感覺是不錯的。 沙律類的食品，選擇雖然不多，但感覺足夠。 Cold meat 雖只有幾款，但作為一個午市的自助餐，也是一個足夠的選擇。 另外，有好幾款炸點，及燒烤類食品，不過，我覺

 識人好過識字, 朋友係國泰做, 多得佢先知E道原來都有酒店, 仲要佢做東, 有D唔好意思,但一於有大食大, 多謝老細!!!一入酒店就見到架飛機, 大到你唔信仲要見到機艙tim, 不枉此行$178, Wow~唔怪得咁好請我黎食, 咁平, (^~^)18:00到, 無人, 心諗係咪中左伏, 行左buffet 枱影下相先海鮮, 得三種, 蝦, 蟹腳同青口, 好彩都有蟹腳, 我的至愛, (^.^)魚生都係三種, 我淨係食三文魚, 厚切, Good!!!沙津枱, 好多菜, 適合健康人士, 但唔岩我e d食肉獸即切牛肉, 自助餐必備, Good!!!即煮意粉, 仲有舊大芝士, 正Pancake + 雪糕=肥死鳥甜品唔算多,但賣相OK吸引我唔客氣啦$28大大杯生啤, 可一不可再.總括而言, 唔洗錢食得特別開心, 多謝老細. 雖然唔算係好多野食,仲有D遠, 但絶對值得一試, 咁ge 價錢真係唔知邊度有, 好似話淨係招待員工, 幾時都話識人好過識字, 再一次多謝老細無私分享

今日去國泰城Headland 既Catalina's 食Curry Friday Lunch Buffet. 上星期五full 晒 book 唔到， 今個星期終於去到！原來有個好靚既view!準時12點開餐， 野食唔多，就係係晒呢張枱上面，但所以野都幾好食Nyonya Chicken Curry娘惹咖哩， 馬拉風味黃咖哩。 不是太辣，雞肉滑！牛肉/雞肉 Satay燒我外脆内滑，旁邊仲有兜沙嗲醬任加,個醬好濃，充滿花生， 超級好味。 食左4串Seafood Curry都係黃咖哩，味道同娘惹咖哩差唔多，有蝦， 魷魚仲有魚塊揀。 蝦爽口，魚塊又滑，配埋咖哩好好食牛curry因為唔食牛，所以無食到泰式咖哩紅咖哩比較辣少少， 而豬肉都比較鞋。 咖哩汁ok, 但肉就鞋左d右邊咖哩角入面無肉，係薯蓉，好有咖哩味，旁邊有yogurt sause, 個sauce 無乜汁，點完都唔覺。左邊係煩似蔬菜天婦羅。 入面有洋蔥，菜蘿蔔絲等。 開頭以為只係一舊炸粉， 但原來食落材料都多幾個， 味道係蘿蔔味重， 最後encore多2舊。羊肉curry紅咖哩，羊肉都淋，但始終有d 騷食咖哩點可以無包！有3種比你揀

今日lunch 去左國泰城間Headland 酒店食buffet, 主題係鐵板燒，點知中晒伏話晒都酒店，d 櫈真係好canteen....其實個buffet 都算多野食，，但係。。。以下呢個就係主題既鐵板燒：我地expect 係有一堆海鮮/肉放係前面比你揀要邊款，之後即場燒比你。 但原來鐵板放題就係得牛肉，三文魚，同d 豆。 仲要一早燒好放係度， 我覺得同其他熱食無咩分別而且d 牛絕對唔係promotion 張相甘厚切，真身只係牛肉片甘薄，真係中晒伏buffet 算多野食，但絕對唔配鐵板燒主題lor

今次由靚女空姐吹雞搞旅遊網友聚會，好難得咁多旅遊谷友聚首一堂，大家旨在見見面，吹吹水，計劃一下旅遊大計咁。呢次約會已經籌備左一個多月，多得有靚女空姐朋友一早訂定位，我地先可以以$198食到晚餐自助餐仲要係星期六晚添，咁嘅價錢，又有咁好環境，坐得舒服又唔限時間，我話呢個員工優惠真係造福好多親朋戚友呀。我地一行22人相約在國泰城Headland Hotel一樓嘅Lion Rock Café開餐，其實只要有機場巴士E線就可以在國泰城門口落車，行幾步就到啦，十分方便。我18:10就到左啦，呢度環境好舒服優閒，兩邊落地玻璃好開揚，全場約有140個位，當晚已經FULLY BOOKED，我地分別坐在3張長枱，朋友陸陸續續到來啦，我地開始各自搵食啦，先來一杯咖啡先，呢度有咖啡同茶包自助任添，由咖啡機即磨的咖啡好香濃。再沖定杯檸檬紅茶清清腸胃先。沙律吧蔬菜好新鮮，仲有燒過嘅青紅黃椒增添色彩同香味，吧枱有多款沙律醬任君選擇，仲有沙律吧度有芝士比你自己切任你食同配有克力架餅乾，我好欣賞呢度嘅沙律吧、好豐富呀、好REFRESH我嘅味雷接住就係食佢嘅剌身啦，有三文魚、立魚、吞拿魚，不過佢存放得唔係咁好，好易就出

有幸這天來到這員工餐廳嘆自助晚餐，逛完東涌outlets，再到這兒拍照，然後再大飽口福，樂極。雖看食物種類不是勁多，但總算超值。有長腳蟹，味道很鮮甜，手快有手慢冇，扇貝也很鮮甜，只是個子小了一點。我們四人共嘗一碟，很滿足也。沙津和水果都很新鮮，且供應充足。還有很肥美的三文魚，濃郁的三文魚香和鮮嫩的肉質，不得不追加一碟。熟食最為深刻是紫菜湯，很多紫菜少肉，很健康。喚起兒時常吃的家常湯，當然她不及自家制，朋友也評她有點過咸。最正的不過是甜品，多款雪糕任君選擇，麵包布丁和芝士蛋糕都很出色，配上自己沖的即磨咖啡，極品享受。