圓山台灣料理 (已結業)

一訓醒已經11點，食咩好呢，好耐冇飲茶，之前食過一次圓山，好好味，今日去圓山飲茶都好喎。好，坐底睇下有咩好食先。水煮桂花魚仲有半價，要試下先。好抵食，超大碟，好香麻辣味，食落係小辣，啱我地食，魚肉無骨又嫩滑，仲有鴨血同苕粉，正！麻辣鴨舌，除左麻辣度十足，鴨舌特別大條，口感一流。懷舊水晶鮮蝦餃，水晶皮又薄又滑，蝦膠打得好彈牙，仲要一籠係有5粒。鳳梨酥，係台灣鳳梨酥既味道，鳳梨餡唔太甜，仲要係熱食，好有幸福感。甜酸炸雲吞，即叫即炸，脆卜卜，咬落索索聲，個餡軟身有肉地，怕熱氣都要食！仲有蘿蔔糕，小籠包，燒賣皇，都好岀色，做到廣東點心水準。

今晚同男朋友媽媽食飯，知佢鐘意食台灣野，所以訂左有飲茶風味嘅台灣餐廳，唔講仲以為自己去左港式飲茶餐廳😂叫左晚市2人精選套餐1.台南肉醬豆腐D肉醬偏甜，好好送飯😂，豆腐好滑，似用左百福豆腐去煮，整體黎講有阿嫲的味道，家常便飯2.鹽酥雞台灣出名小食，幾乎間間台灣餐廳都會有售，雖然看似簡單，但要做到好食唔係甘易。今次炸得幾爽脆嘅，有紫蘇葉伴碟，可解油膩🤤3.涼拌耳絲莞茜涼伴豬耳絲，好有麻油味，豬耳切得好薄，凍凍地，係飯前嘅開胃小菜，不過不失😂4.足料老火湯眉豆豬骨粉葛湯，湯味濃郁，無加味精；我飲到阿媽煲嘅味道，平實的幸福😊5.台灣炒A菜原來A菜係蒜蓉炒油麥菜，炒得有火候；唔會太老，而且有草青味（最怕有草青味嘅菜🙈）今次食得好安心6.擔仔麵&肉燥飯老人家最鐘意個肉燥飯同麵，佢話d豬肉唔會太肥，甜度岩岩好；擔仔麵份量岩岩好，唔會煮得太「淋」

呢間台灣料理裝潢，類似香港平常常見的酒家咁樣。唔講都唔知原來有咁多特色台灣菜食。但朋友比較喜歡港式味道，而我就喜歡食擔仔麵，所以就揀左呢間港式x台式餐廳喇~皮蛋肉鬆豆腐 好彩有中意食皮蛋既朋友同行，咁就可以試到呢個前菜了。呢個豆腐口感好滑呀，淡淡的豆香配埋肉鬆食就一流喇。個皮蛋既蛋心有少少流心感，好Creamy....炒A菜 睇個名真係唔知係咩，好彩佢地個餐牌有圖片咋，原來係蒜蓉炒油麥菜，都算炒得不錯喔，感覺不會太油。擔仔麵 細細碗女仔食份量岩岩好，而個麵既質地就煮到軟硬適中，再配埋一堆肉燥調味。真係好正~蜜桃咕嚕黑豚肉 酸酸甜甜好開胃，外皮煮到脆卜卜，而入面既肉就好軟林林。呢種外脆內軟既感覺，我諗要好花廚師功力先會咁正。

同事們相約於尖沙咀飯聚，其中一個極力推薦台灣菜，佢話好想飲呢度嘅烏魚湯。要行一段樓梯上去食嘢，坐低就有兩碟餐前小食。未齊人，食住小食先啦，小魚乾花生香脆唔油膩，兩款小食都好食。同事已經一早有目標要食咩，4 人套餐有齊大家想食嘅嘢。首先出場嘅係阿里山烏魚湯，睇湯渣，湯料除咗有烏魚，仲有豬肉同埋大芥菜，湯水鮮味濃郁，鮮甜美味，飲咗兩大碗，意猶未足，正！冰鎮南非鮑魚拼盤拼盤有冰鎮鮑魚、鹽水鴨、涼拌耳絲鹽水鴨肉質緊緻而軟嫩，口感十足，略帶鹹味，味道鮮香，好味！涼拌耳絲就是豬耳，口感爽脆，微微滷香，送啤酒一流！拼盤主角係冰鎮鮑魚2隻，店家把鮑魚切片上，好貼心，鮑魚微爽帶彈性，味道鮮美，加埋個有欖角香味嘅汁，將鮮味提升到極致，好味呀！台灣花雕開邊蒸龍蝦2隻蒸龍蝦送嚟時香氣撲鼻，聞到都流口水，一件件龍蝦色澤誘人，原本係開邊蒸，我哋要求龍蝦碎上，方便大家夾嚟食。龍蝦好新鮮又厚肉，肉質爽彈，味道鮮美。台式炒桂竹荀竹荀爽口，用豬腩肉同炒，又香又惹味。台式蛋黃肉蛋黃肉係個圓桶形肉餅，上面放咗3舊咸蛋黃，肉質鬆軟，味道適中。蔥油脆皮雞肉質嫩滑，肉味鮮明。台灣炒A菜A菜其實係油麥菜，以蒜蓉炒新鮮爽脆又好食。擔仔

一向愛吃台灣菜，每次到台灣，都很享受台式的地道特色美食，還有各式各樣的街頭小吃，每次旅程都大飽口福! 其實在香港也可以吃到正宗台灣料理，不過要品嚐一頓豐富的台灣菜，飯脚不能太少，二人世界或三兩知己，能吃的菜式有限，這晚約齊了五位吃貨朋友，一同到圓山台灣料理。 圓山是打正旗號的正宗地道台灣料理，看過了餐牌，選了四人套餐，有八道菜，包括龍蝦、鮑魚、烏魚湯....,相當豐富，看了已食指大動! 一行六人會否不夠? 還是待上菜後，吃過覺得不夠才追加比較好，環保而不浪費。 龍蝦鮑魚四人套餐 $1,480~ 冰鎮南非鮑魚拼盤 (南非鮑魚 2隻、涼拌耳絲、鹽水鴨)~ 這拼盤十分有睇頭。 首先是南非鮑魚，六人吃四隻鮑魚，廚師按照我們的要求，將鮑魚切了片，方便分享。冰凉的鮑魚，入口鮮甜無比!  豬耳絲烟韌有嚼勁，以芫茜及麻油涼拌，香味濃郁 !  鹽水鴨肉質堅實而有彈性 ，夾著薄薄的脂肪，酥香惹味! 阿里山烏魚湯~ 烏魚湯非常鮮甜，足料兼夠火喉，與回甘的大芥菜味道很配合，配薑和胡椒，帶點惹味 ! 台灣花雕蒸開邊龍蝦2隻~ 剛上菜，台灣花雕的迷人香氣已撲鼻而來，正是酒不醉人人自醉!

原來已有一段時間無飲過茶了，今日行開尖沙咀，竟然比我發現了一間台灣料理(有點心食)的餐廳。經過一條長長的樓梯後，來到餐廳內部，地方相當整潔企理，一張又一張的圓桌、一籠又一籠的點心，更令我懷念昔日的感覺。最後選擇了一個午市2人餐廳 $288。點可以唔記得，仲有點心可以叫呀！足料老火靚湯味道清甜，足料製作。涼菜小食一款涼拌海蜇有嚼勁，很香的麻油味，咬下感到清脆爽口，絕對時消暑的絕佳前菜。金銀蛋浸時蔬金蛋為鹹蛋、銀蛋為皮蛋、兩者配合後，加上油麥菜絕對是咸中帶香，淡中帶滑的感覺。宮堡雞丁雞粒加上果仁、辣椒香口又惹味，而且雞丁肉質嫩滑，麻麻辣辣，越食越想再食。擔仔麵麵條口感爽滑彈牙，相互不粘連，肉臊香味撲鼻，甚有麻香。招牌雪影叉燒包(大點)雪影叉燒包不像一般叉燒包有著豐厚的麵皮，更著重在於它脆皮口感及內餡蜜汁，咬落香甜而鬆化，口感一流。餐廳正作讚好優惠：於Facebook 讚好後會贈送紅荳椰汁糕一件(食完真係唔錯，當然要讚好鼓勵一下）

正所謂百日偷生一日閒☺️🤤難得有個空閒既Leisure Sunday😆適逢有朋友介紹呢間精緻裝潢既酒樓下午茶幾抵食😆還掂近近地一於同隻豬黎撐下枱腳飲下茶啦☺️👫🍴位於尖沙咀金巴利道既圓山台灣料理🌿🍵🇹🇼喺尖沙咀站B1出口行過黎亦算就腳的😆呢度精緻既環境裝修😆周圍都散發著古色古香既風味☺️精緻既裝修環境亦配合著高質素既台式中菜點心食材😋皮蛋肉鬆豆腐口感滑嫩鮮味既皮蛋🤤配合粒粒脆口甚具口感既肉鬆風味一流之餘😆😋🐷拌住滑嫩濃郁豆香Creamy既滑豆腐更增多重味覺🤤懷舊水晶鮮蝦餃滑嫩爽口既蝦肉內餡🦐😋配合晶瑩剔透厚皮適中既蝦餃皮🤤可以媲美皮薄餡靚既稱號☺️🥟蟹籽肉汁燒賣皇大大粒既燒賣配合半肥瘦豬肉既鮮蝦蒸煮😆🦐🐷肉質夠彈性食落好咬口之餘🤤燒賣豬肉餡同樣肉質鮮嫩Juicy😆😋配合原隻鮮蝦及蟹籽更帶出所在鮮味🤤紅油抄手皮薄肉餡滿滿既雲吞☺️配合微辣鹹香既蒜粒紅油🤤甚具風味之餘灑上蔥花作點綴更有口感🤤😋台式小籠包熱烘烘的湯汁帶鮮香肉味🤤而且肥瘦適中不太油膩🐷☺️值得一試的😋春風香脆百花腸粉口感甚似炸兩既春風香脆百花腸粉🤤滑嫩既腸粉皮包住高溫油炸至香脆既蝦肉春卷😆😋🦐增添更多口感及蝦肉鮮香🤤🦐

今日母親大人👩🏻生日，我book 左佢最鐘意嘅圓山台灣料理餐廳食。👭同以前去嘅時候一樣，服務態度好好，會介紹食物又友善。🥰佢有提供唔少套餐嘅，但我地唔係太岩食，所以就散叫左。😗⭐️三杯雞❤️係我最喜歡嘅台灣菜啊！肉好滑，而且味道香辣！⭐️蚵仔煎呢一個蚵仔煎同普通食到嘅唔同，做法係新式嘅，但我都係鍾意舊式嘅煮法多d。😝⭐️水煮牛肉😍超級正！我地叫左小辣，服務員會幫我地攞走大部份嘅辣椒🌶️。佢d 牛肉份量多，加上好好食。除咗牛肉，佢碗水煮牛仲有好多配菜，😋最正莫過於佢嗰啲薯粉，薯粉吸晒水煮魚啲辣味！⭐️炒A菜甜甜爽脆的。⭐️食完仲有甜品送啊。

其實每次經過都想來試試吃，但每次都總是沒機會，今次終於有機會了。當晚2人walk-in來到，原來餐廳入面的設計像是酒樓，菜單上有很多種菜式都想試，就要了4種，飽到不行：樟茶鴨(半隻。果然2個人吃都是有點多，香是很香，有一半的鴨件的脂肪偏多，移除後沒剩很多肉)、蛋黃小卷($90。雖有點小貴，但挺有特色，白色的是魷魚，與帶甜味又軟軟蛋黃，層次感突出，推薦！)、泡椒豬手(4大件，挺美味又彈牙)和糖醋骨(量多)。小編覺得下次應要和家人一起來吃，食物挺有特色，質素都不差！

好多人對台灣野既印象都係停留喺小食果度🍄🥦🥬🥒🌶其實仲有好多菜式值得我地試下架好似今日風大雨大💦行完激安特別想食一啲暖笠笠既野食樓上站既感覺真好修裝簡約似茶樓一入門口既燈又真係好有圓山大飯店feel wo💥野食黎講有啲係家鄉feel好似小食拼盤呀炒米粉呀等等有啲就比較貴價有鮑魚，海參果啲選擇一見到燕窩我對眼就發曬光200幾蚊一碗我覺得價錢合理一陣飯後甜品一定要食💋💋💋💋💋💋💋先叫一個菜甫煎蛋蛋同滑蛋口感好唔同有咬口好多而且煎得好香卻唔會成口油一中入面菜甫比例剛剛好唔會太咸不過補某一兩塊好似特別多菜甫新竹炒米粉係店員推薦呀又幾好味wo清清地，唔會油膩米粉好彈牙，比湯煮好食條條都有蝦米香加少少辣油仲正!!!不過呢隻野雖然惹味但落兩滴好啦因為極辣!🌶🌶🌶🌶🌶台式菜代表鹽酥雞同能夠缺少?由於朋友係"炸野王"🐔🐓所以一個人食咗2/3碟啦可想而知味道幾ok啦!其實我都好好奇咩叫A菜呢?次次去親台灣都必定會食原來係油麥菜🌱🌱🌱但同港式食法好似唔同總係無咁重草青味加少少蒜蓉唔好落咁多鹽菜依然保持翠綠爽脆帶出A菜原味!🌱🌱🌱***隆重登場***登登登凳冰糖燉官燕心心眼真係好清甜200幾蚊一両算好抵食燕窩

放工和同事去尖沙咀做按摩，鬆馳一下工作壓力，做完勁肚餓，落到樓下見圓山台灣料理，記得之前上過去食，裝修擺設有如大酒樓，座位寬敞，食物質素和味道都不錯，同事聽我甘講就好想試試，那我們便入座去。首先送上熱茶和小食。台式雙拼 ：彰化鹽水鴨，鴨肉鮮嫩帶鹹味，點些調製過的醋，更添美味。台式鴨舌大大條，味帶辣，十分惹味！金菇瑤柱炆伊麵 ：金菇和瑤柱撕成一絲絲，爽口鮮甜，配合伊麵炆得入味。即撞豆腐花 ：用傳統的木桶盛載，即叫即做，份量不少，熱騰騰超滑溜，豆味香濃，配糖水或黃糖都甘好味！

放假又系同屋企人飲茶既時間，十二點鐘到酒樓，都幾乎全場滿座，這裡有點心外，還有午市套餐，尖沙咀區算幾抵食，而且款式又多。燒賣：賣相比較普通，肥膏唔算多，味道不錯。鳳爪：帶點微辣惹味，炆得夠腍又入味。豬潤燒賣：豬潤成寸厚，蒸至剛熟，豬潤腍滑，全碟特色所在。春風香脆百花腸粉：以腸粉皮包著春捲，每次必點，外滑內脆，蝦肉彈牙份量多。香煎外婆蘿蔔糕：有絲絲蘿蔔及臘肉，不過可以煎脆一點。香麻炸蛋散：蛋散超大份，炸至脆口，加上香甜糖漿，甜食者至愛。鳳梨酥：外松內軟，咬到絲絲菠蘿，香甜好味。招牌雪影叉燒包：新鮮熱辣麵包鬆軟，表面墨西哥皮香脆。紅豆椰汁糕：fb like送的甜品，椰汁味濃，又不會太甜。

上星期，同家人們去了尖沙咀行街；家人想食中菜，所以就上網搵下周圍既餐廳；最後我們到了圓山台灣料理。茶位每人$16，價錢已包了前菜。芝士龍蝦伊麵 ：整碟份量不少，而每舊龍蝦啖啖肉，味道好鮮甜，可知不是死龍蝦和縮水龍蝦！芝士味濃郁，配合了伊麵底也不會稀釋了原有的芝士味道。伊麵軟硬適中，份量足以四人食用！脆皮大腸：大腸炸得剛好，口感帶脆口既感覺；由於是大腸的關係，小不免會有少少肥膏啊！極品流沙包：流沙包所流出的是奶皇，奶皇味極之香濃；而且甜品足夠，包也很軟熟啊！

天時暑氣，想吃點惹味的，於是就挑了位於尖沙咀金巴利道的圓山台灣料理。食肆面積不大，傳統酒樓格局，座位尚算舒適。看看餐牌，這裡不單止提供台式美食，還兼具粵、港、川等菜式。蚵仔卷 ($50) - 看似平平無奇的春卷，咬開之下內有乾坤，粒粒蚵仔肉令整體味道蘊含更多層次，別具風味。麻辣鴨舌 ($78) - 吃台灣食品，又怎少得了鴨舌，這碟麻辣鴨舌一上枱，我就忙不迭送舉箸，夠麻夠辣，惹味異常，真是停不了口，吃完一隻又一隻。鹽水鴨 ($80) - 有鴨肉的鮮味之餘帶點鹹香味，鴨肉緊緻帶點爽口，相當不俗！剁椒蒸魚雲 ($68) - 魚雲大大塊，肉質鮮美嫩滑，配上微辣微鹹又帶點酸味的剁椒汁，鮮味倍增。酒樓正在做週年酬賓，多款台、川菜式午市時段半價，當然不能錯過。三杯雞 (半價$74) - 熱辣辣上枱，香氣撲鼻又夠鑊氣，雞肉入味不會老，煲仔內加有九層塔及薑片，令到味道及香味更豐富。阿里山桂竹筍 (半價$49) - 師傅特別配了切幼條的腩肉來炒，又加上辣椒同蔥，鮮美可口，滋味無比。