圓燒 (福華街) (已結業)

咁岩今日喺深水埗附近做完嘢，肚仔餓就周圍睇下附近有咩食。見到福華街有間裝修得幾靚嘅日式料理嘅舖頭，咁就去試下。餐牌上嘅食物價格幾超值，絕對係平民首選。煙三文魚拼魚籽飯 $42飯上面鋪滿三文魚碎同飛魚子，表頭仲有好多飯素。煎到香脆嘅三文魚碎配上爽脆嘅飛魚籽，鹹香帶有一絲甜味，每啖飯都好清爽。櫻花蝦醬油豆腐 $18呢個絕對有驚喜！豆腐滑滑唔單止香滑，充滿大豆香味，表頭鋪上木魚絲、櫻花蝦同白芝麻，再加埋香甜醬油，食落非常清新。雖然用料簡單但係絕對岩曬炎炎夏日去食！