圓燒 (福華街) (已結業)

一口痕就會想去食，一個套餐份量對大食既男仔黎講岩岩好，有小丸子+飯，真正大滿足，出面真係無呢啲配搭。今次叫左新出既紅豆奶茶甜度啱啱好同啲野食好夾！之前買一個餐等好耐，知道燒小丸子就會耐，依家我用電話落定單，去到俾完錢走得。不過要食就要去到深水埗，希望遲啲荃灣都有啦

叫咗個章魚燒拎返去食，食食下見到有啲位好黑，都唔知係咪丸爐啲污糟嘢整咗上去，如果真係成粒都燶應該係成粒丸都黑，又點會燶啲唔燶啲咁，本身諗住影低俾朋友睇就算。🥵但係後尾就來食完嗰陣又feel到有啲野係我個口度，吐返出來先見到有條好長嘅頭髮響度，同埋我係短頭髮又點會無啦啦食到條長頭髮！真心係好反感食物入面有唔平常嘅野。🤦🏼‍♂️至於服務態度同埋店舖環境都要講一講，服務態度其實都唔知想點，有個女員工出來幫我點餐，佢個樣好似好唔想出來做收銀見到客咁，語氣又掘，我買完都唔會同你有親㗎喇個面色唔使咁難睇喎，同埋我俾錢買嘢食唔係咁樣睇你面色做人囉，有必要搞到咁尷尬咩？😅

我想講呢明明入邊個服務員冇嘢做企喺度都唔會出去幫人哋點餐囉出到嚟仲要黑晒面口hea人好似得罪咗佢咁乜服務態度啊麥家下客人過嚟係俾錢買難受㗎咩點教啲服務員㗎有冇啲素質可唔可以俾心機教下啲服務員態度嘢食好食都唔係咁樣俾錢難受㗎真係好鬼過分囉又唔係第一日見到你企喺度唔做嘢都唔出嚟幫人點餐講咗好幾聲唔該都冇人應仲要企喺度返工偷懶都唔係咁明顯㗎嘛

疫情仍然嚴重，又唔想出街食，同事話附近有一間出名嘅圓燒。有各款日式小食，章魚小丸子、關東煮、又有定食，款式多，又有創意。今日叫咗飛魚子小丸子、素菜燒餅和柚子蜜套餐4 1元。飛魚子小丸子：拎到返公司，竟然仲熱辣辣，唔會淋晒，每粒都有八爪魚，勁多飛魚子鋪係面，好足料，唔似其他舖，只有麵粉。素菜燒餅：裏面有薯仔、紅蘿蔔和椰菜，加埋啲醬汁好好味。柚子蜜：我覺得落嘅份量比較濃，通常都會加水，咁就無咁甜。還有很多特別的小丸子，下次要試埋其他😋😋😋

深水埗，一個都幾多野食嘅地方，今次想試下近期出名嘅圓燒，於是點咗一個同層套餐： 素菜燒餅 ＋可樂＋黃金芝士燒，共$45燒餅很脆，仲有好多紫菜😋加埋呢個黃金芝士燒，面頭灑滿芝士碎，正加埋可樂，爽

第2次幫襯，滷肉飯味道唔錯，如果可以再多少少汁會更加好食，依家有少少乾，不過有豆乾黃瓜等配料口感豐富，奶茶係多奶嘅奶茶，好飲！章魚丸略為厚粉，落單要飛魚子章魚丸，但返到屋企先發現比錯普通章魚丸，有啲失望

餐廳喺深水埗地鐵站附近，位置方便。餐廳以外賣為主，不過如果想堂食既話，都有一張枱兩張椅可以坐低食。雖然係小店，不過都多野食選擇。套餐：-定食：滷肉飯 $51-丸燒：一口牛燒 ＋$4-飲品：可樂 （不用加錢）滷肉飯我叫左個滷肉飯，一大碗。飯粒濕潤飽滿，應該係用上珍珠米。裡面仲有啲豆腐乾粒，同埋黃色酸蘿白片，食落幾開胃。一口牛燒有4大粒，聞到好香。個燒丸入面真係有牛肉，好味。成個餐只係55蚊就食到勁飽，我覺得幾抵食，喺深水埗係一個唔錯既選擇。

最近黎左深水埗行街，呢度附近好多餐廳甘岩想台灣菜就黎左呢間台灣菜叫圓燒既餐廳，呢間餐廳主要係食章魚燒小丸子，呢度有定食同小食選擇，我呢左一客冬蔭功小丸子，冬陰功燒好特別，啲冬陰功粉令到成個小丸子好惹味，令人食完又想食，加埋野飲套餐價都只係需要$41，真係好抵食，除左冬蔭功章魚燒小丸子仲有其他好似一口牛小丸子等等既口味都有，我仲叫左個小食一口燒紫薯，薯仔味濃郁，飲品款式選擇都算幾多嫁，有桂圓茶同汽水等等。

終於可以去旅行啦，雖然已經兌換左日圓，不過仲未買機票，但思鄉情好濃烈，所以食住啲日本嘢頂住癮先😂🤭 聽過好多次朋友講話深水埗有呢一間圓燒，好似呢間舖頭係新開，所以特登過去。 門面已經好吸引同埋好有日本感覺，跟住見到個餐單簡直係超級驚喜，因為好平！ 套餐有埋嘢飲$60有找，真係好抵。 煙三文魚拼魚子飯有圖有真相，係勁多勁多三文魚同埋魚子，份量十足，三文魚同魚子拼埋一齊感覺好新鮮，好好味，份量十足又好味完全係誠意價。 一口牛燒咁嚟得呢度梗係一定要叫小丸子，呢一個一口牛燒好特別，面頭係傳統小丸子嘅醬，但入面真係有一口牛，有別於傳統做法，好味得來反而帶嚟創新感，值得一讚！ 🫶👍👍👍 我見到佢仲有好多好特別嘅小丸子，下次要試埋其他先得💪

咁啱要陪我男朋友入嚟深水埗買電腦，買完之後梗係要去搵好嘢食，呢間舖頭地鐵站行幾分鐘就到，首先係俾佢門面吸引咗，因為好光猛同埋有日式嘅感覺。 跟住入到去先好似發現新大陸咁，原來入面係賣小丸子㗎，仲要有好多唔同嘅款式，有別於傳統嗰隻，有好多選擇。 所以我哋一人各自叫咗一道菜，我男朋友就叫咗汁燒豚肉蓋飯，偷咗少少嚟食，啲豚肉配埋啲醬汁好好味，豚肉都好淋，一啲都唔楷口。 而我就揀咗飛魚籽燒，飛魚籽脆卜卜，配埋小丸子嘅醬汁，真係好好味。 我一次過食咗六粒，大滿足。 但係我發現佢仲有好多唔同嘅小丸子，例如有黃金芝士燒同埋冬陰功燒，呢兩個已經係我嘅target … 下次要試呢兩個👏💪💪

今日黎試深水埗福華街 近期好出名嘅圓燒🥰唔係講笑真心好食😙😙大推大家去試🤪🤪🤪.今日試嘅係套餐 $41 就有素菜燒餅+飛魚籽燒+芬達個人認為其實算係OK抵食🤓🤓#素菜燒餅 香噴噴口感好好 唔會好硬/ 好淋🥰🥰#飛魚籽燒 痴線 啲飛魚籽多到呢😍如果你好鍾意食飛魚籽真心一定要試🤣🤣🤣啖啖都食到飛魚籽成個感覺非常滿足😚😚.#芬達 就冇嘢好講啦不過我覺得$41套餐包埋野飲真係好好🤩🤩🤩

鐘意圓燒有定食又有輕食，本身唔係好肚餓，但又口痕想食嘢，原先諗住散叫小食過下口癮，但發覺輕盈餐$41 已經有小食，丸燒加飲品，好抵！小食叫左一口小甜薯，細細粒甜甜地，口感軟糯，另外加$4 upgrade 要左個冬陰功燒，真係好正！不愧為冬陰功零舍惹味，值得一試。見隔離枱飲緊紅豆冰，又忍唔住加多$6 要番杯試下，唔會太甜幾好。食左咁多嘢總共都係$51, 真係抵食， haha

經過深水埗，都要試下呢一間章魚小丸子專門店！買咗外賣返屋企，款式夠多，有創意❣️蛋燒明太子飯🥚滑蛋鋪滿飯面，勁吸引~上邊仲有橙色嘅明太子醬，撈埋一齊食，味道好夾😍而且飯底係用咗日本珍珠米，粒粒晶瑩剔透，煙韌好有口感。煙三文魚拼魚籽飯🐟哩個飯好有日本feel，食落去脆身嘅魚籽同三文魚碎🍚真係好滿足。櫻花蝦醬油豆腐，🧊豆腐夠滑溜，配上鹹香嘅醬汁，🦐同埋櫻花蝦，清新可口。一口牛🐮，飛魚子，🐮🧀黃金芝士燒丸子，因為套餐可選4粒，所以3個套餐，我選咗3種口味，自己最鍾意一口牛！😍

套餐有一個定食，一份章魚燒，一杯飲品煙三文魚拼魚籽飯好多料😍，煙三文醃得唔錯👍，魚籽新鮮。蛋燒明太子飯蛋煎得唔錯，搭配明太子，味道剛剛好，唔會太咸，仲有d櫻花蝦增加口感。冬陰公燒章魚燒就算盲測，一食落口都會食得出係冬陰公味，小辣，幾新鮮既配搭。芥末章魚燒芥末味突出，章魚燒大大粒，正關東煮🍢蘿蔔：非常入味，冇根玉子燒 ：甜甜地唔錯油楊：索左湯汁，好正芋絲：入味😋帆立貝：都幾大粒，唔錯魚子沙律沙律醬足夠，青瓜絲新鮮爽脆，撈埋魚子黎食，唔錯。檸檬柚子梳打好貼心咁俾檸檬柚子冰底，再額外俾罐梳打，咁樣唔駛怕拎番屋企時，d冰溶左，令味道變淡。整體黎講，CP值高，就算男士，一個套餐都會飽肚。

深水埗人氣小店「圓燒」🔥，主打各款日式小食包括章魚燒、關東煮、輕食🍡，而最抵食既係定食🍱，$51就都主食、丸燒同飲品🥤，唔怪得放工時間敢多人買外賣啦🍻。煙三文魚拼魚籽飯定食$60 尼個親子丼既三文魚🍣同魚籽既份量都好豐富，質素都非常高。👍🏻汁燒豚肉湯烏冬定食$61豚肉嫩滑有咬口🥩，配料仲有粟米🌽等，配湯烏冬好味道。😋黃金芝士燒+明太子燒每份套餐包埋四粒丸燒🍡，黃金芝士燒夠香濃，而明太子亦相當足料。🍻櫻花蝦醬油豆腐$18豆腐滑稽✨櫻花蝦醬油配上豆腐非常合襯，尼個價錢十分抵。👏🏻關東煮🍢蘿白又甜又超級入味🥔，溏心蛋🥚夠流心，而油揚沾滿湯底亦係推介。✨最後套仲包埋飲品🥤，性價比超級高。🥂