團日式拉麵

营业中

休息中

【荃灣• 團日式拉麵 】————————————————————————既然開返夜晚堂食梗係要出嚟食個晚飯啦突然興起想食拉麵就上網搵到呢間店舖好友日本風味 門口設有自助售賣拉麵機買完就可以入去坐㗎嗱 呢到有四款選擇如果撞正期間限定都有特別款魚介拉麵。櫻花蝦拉麵。黑蒜油拉麵。激辛味噌拉麵🍯櫻花蝦拉麵 HKD88麵條分直麵同曲麵 揀了直麵呢配料吾算少 原隻溏心蛋。叉燒。筍。紫菜。蔥濃濃的蝦湯味 鋪滿好多櫻花蝦 叉燒肥邊瘦肉 食落唔會嚡十十食得清淡的我 覺得湯底少少鹹但整體我係滿意嘅🍯黑蒜油拉麵 HKD83朋友揀咗黑蒜油 當然比櫻花蝦更加濃味一上枱就聞到好香黑蒜油味如果鍾意蒜香嘅呢個一定啱你 生蒜炸蒜都有。食完拉麵我真係飲咗勁多水😂下次都係食魚介拉麵。餐廳環境：📸📸📸📸📸服務質素：😊😊😊😊😊食物味道：👅👅👅👅性價比：💰💰💰💰消費 HKD171（2人）✨✨✨✨✨✨✨✨✨✨✨✨✨#nkiki荃灣 #nkiki日本菜🏠 團日式拉麵📮 荃灣大屋街18號金豐閣地下1-2號舖

蛋係一大粒好好味嘅溏心蛋，中意食蔥嗰d嘅話，來呢間就啱，好多蔥，好好味道。湯底濃香，叉燒一d都唔乾柴，味道鮮甜入味。我覺得如果中意食辣嘅，可以試下激辛，幾有特色嘅辣👍🏻👍🏻👍🏻原本係落雨天，搵緊野食..............然後咁啱經過呢間餐廳，見到門口部自助點餐機幾得意，就鼓起勇氣試下，結果整體上都好意外！👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

呢一間係我個人覺得荃灣頭幾名鐘意既拉麵☺️呢度係先到販賣機落單再入座去唔到日本唯有過下癮先🥲。今次試咗期間限定既海老濃湯拉麵平時食慣偏清湯口味既我其實一開始怕會唔慣但呢湯底濃得黎一啲都唔油膩😆仲成功挑戰飲完湯底🤣麵方面可以選擇曲麵/直麵如果鐘意掛湯多啲既覺得直麵幾適合但我比較鐘意硬身既麵,曲麵會比較有口感配料方面蝦肉燒過都好香叉燒大大塊,肥瘦適中唔會好油膩溏心蛋非常合格🈴蛋白入味蛋黃香濃大家有興趣就要把握時間喇💪🏻

店外的自助售票機，絕對可以勾起不少日本回憶的味道。店舖坐位有限，午膳時間偶爾都要排吓隊。進入店舖，貫徹日本裝修風格，如果燈光可以稍稍調暗一點，再掩著耳朵，聽不到廣東話，真的有置身日本的感覺。這裡的麵底可以選曲麵或直麵，湯底選擇包括:黑蒜油拉麵、激辛味噌拉麵、櫻花蝦拉麵、魚介拉麵。點了黑蒜油拉麵及激辛味噌拉麵；黑蒜油湯底有豚骨湯作湯底，加入黑蒜油，配上叉燒、紫菜、溏心蛋，味道尚可，只係個人覺得黑蒜油有點點蓋過了豬骨湯。激辛味噌拉麵，嗜辣者可以一試，鄰枱的學生也點了這款湯底，邊吃邊嗌很辣🥵，如果不太吃辣，點前要三思，個人感覺辣味有點嗆喉，欠了一點香味。

由幾位80後開設的本土人氣拉麵店，貴精不貴多，只製作4款拉麵口味及期間限定款式，而湯底及配菜勻自家製作，另有供應日本特色飲品。香港有日本拉麵自助機，就像去了日本食拉麵，餐廳的裝修很日式。黑蒜油拉麵💰83🔸拉麵餡料有筍、蔥、紫菜、一隻溏心蛋和兩塊大叉燒，有炙燒過的香味。湯底黑蒜味好重，仲有炸蒜和蒜泥，但湯底偏油一點。  另外可以自己選擇曲麵或直麵，直麵幼身，質感沒有曲麵爽口彈牙。餐廳座位較少，當日中午去沒有人排隊餐廳裝飾有日本氣氛

食過某2間長期排隊拉麵店，都想試下新野。見到呢間都多人推介，門口部自動售賣機真係好有日本食拉麵既感覺！食左好多人推介既魚介拉麵同黑蒜油拉麵。魚介裝滿木魚好吸引，可惜味道較為普通，鹹香味唔太特出，不過要讚係食完飲埋湯都唔會狂飲水。比較驚喜係黑蒜油拉麵，落重手既黑蒜油加埋炸蒜，味道略蓋過湯底豚骨味，個人覺得呢個先係佢出色既地方，友人覺得食到尾蒜味微苦，但呢種焦香反而吸引到我。另外溏心蛋同叉燒都整得好好！建議唔想排隊等不妨行多幾步食呢間～

香港都有日本拉麵機🥰好似去咗日本食拉麵🍜連餐廳嘅裝修都好日式🇯🇵叫左魚介拉麵同黑蒜油拉麵😋😋😋Yummy❤️而且仲可以揀直麵/曲麵，配料都可以自由選擇。令我最滿意嘅就係個溏心蛋，流心嘅蛋黃真係好正👍🏻

最近係逢星期六都會在荃灣荃新天地附近上堂，係商場餐廳食左幾次野都悶悶地，諗住係附近搵間新既餐廳食，行出街一陣，見到一間裝潢似日式既小店。再行近望真Ｄ，原來係拉麵店。我自己都鍾意去日本旅行，日式既食物最鍾意就係拉麵。於是入去，原來門口有部自助販賣機，即係類似汽水機咁，自己係部機揀食物同飲品，然後入錢，跟住就會彈張票出黎。再拎張票入餐廳俾侍應，就可以入位等開餐。我叫左個櫻花蝦豚肉拉麵，再加麵底。等左一陣，碗麵來到，賣相不錯。拉麵質地軟硬適中，豚肉又唔會得個肥字，加埋麵底，夠晒我呢個大食既人。最近無得去日本旅行，黎呢間拉麵思下鄉都不錯既。

呢間拉麵店過喺楊屋道街市附近門口擺左部拉麵自助販賣機仲要真係好似日本咁㩒制再入cash ga!呢個小特色真係加分唔少🤣講返碗麵先我嗌左櫻花蝦拉麵 ($88)麵有曲麵/直麵揀 我揀咗曲麵加$10可以有罐裝汽水麵本身已經包咗兩塊叉燒+一隻溏心蛋整體味道唔錯叉燒燒過好有油香溏心蛋生熟度岩岩好 好好味湯底亦都有櫻花蝦甜味 唔會太咸美中不足係麵無得揀軟硬程度個人比較鍾意食硬麵 所以覺得爭少少咁但總括嚟講 碗麵絕對對得起個價錢💛👍🏽

荃灣真係好多拉麵店～呢間都幾多舔舔脷佢個湯色望落去又真係幾吸引今日終於要試一試環境來講～乾淨企理～裝飾佈置好有日本🇯🇵感覺 當時12點幾，午餐時間客量都算少黑蒜拉麵揀咗直麵，呢碗唔係我食，只係飲咗一啖湯，冇咩特別感覺魚介拉麵居然有木魚絲第一次見用木魚絲提升個魚介味，然後配有些少堅魚粉。真心個湯係超濃郁………不過……真係食唔到一個好突出嘅味，木魚絲係幫唔到囉～但叉燒係好味嘅～醃得好入味又唔會太肥～份量適中但拉麵唔係我鐘意嘅口感😵‍💫 個直麵有少少爽口～唔係軟綿綿嘅拉麵～麻麻哋🤭麻麻哋

團日式拉麵最特別既就係佢點餐係自己係鋪頭門口禁機同入錢。真係好似去翻日本咁🤤拉麵既種類唔算多，有魚介拉麵、櫻花蝦拉麵、黑蒜油拉麵、激辛味噌拉麵同埋鮮蜆味噌拉麵，不過好食既話洗乜咁多選擇😏今次黎嗌左三款唔同既拉麵，個人覺得三款都幾好食。1️⃣櫻花蝦拉麵（$88）（溏心蛋+$10）每碗拉麵本身都有筍、蔥、紫菜、叉燒同埋一隻溏心蛋，因為好鍾意食溏心蛋，所以我另外再加多隻溏心蛋😂湯底飲落有好濃既蝦味🦐面頭都鋪滿曬櫻花蝦。叉燒有兩大片，有炙燒過既香味。另外呢度既麵有得自己揀要曲麵定直麵。呢碗揀左直麵，直麵幼身啲，幾瓜湯👍另外溏心蛋超正，勁流心😍  2⃣️黑蒜油拉麵（$83）黑蒜油拉麵黑蒜味好重，仲有啲炸蒜同蒜泥，撈埋一齊勁香😋不過呢碗湯底偏油一啲。  3⃣️激辛味噌拉麵（$88）呢碗真係比我想像中辣🌶️見到碗麵入面仲有兩條辣椒。鍾意食辣既可以黎挑戰下，我覺得同譚仔小辣差唔多，可能仲辣啲添🙈入面仲有啲辣肉碎，撈埋個湯底食更加惹味！呢款麵就揀左曲麵，個人覺得曲麵好食啲，一樣都幾掛湯，但係曲麵食落更加彈牙。  

荃灣有不同大大小小的拉麵店舖頭，除咗喺良心小店之外，味道亦都係十分出眾。所以今次就去咗呢間食拉麵。餐廳嘅落單方法好簡單，只需要喺門口嘅自動售賣機買飛入去食就可以。入到去食飯嘅地方尚算寬敞，不過美中不足嘅係佢哋冇呢個冰水供應，始終而家暑假熱辣辣，再加上之後食拉麵會全身發熱，有杯冰水飲點都開心啲。我就嗌咗呢個蜆肉拉麵，見到一上枱已經「嘩」一聲，因為見到蜆嘅數量十分之多，飲落去湯底十分之清甜，而且唔使再加蒜蓉已經非常濃味。餐廳有得揀直面或者曲面，我就揀咗曲面，曲麵掛湯能力十分之好，每條麵條都有湯底嘅味道。蜆肉方面真心要畀個讚佢，佢哋嘅蜆肉唔單止冇沙，而且大大嚿肉，食得好開心!

喺可以自己㩒販賣機買拉麵嘅團日式拉麵呀😍幫襯完當去咗轉日本😂今次試咗魚介拉麵，好鐘意佢加咗好多木魚絲喺面，好香🤤另外湯底濃郁得嚟唔會太鹹😌叉燒方面略為偏肥啲啲，而糖心蛋就非常流心🥳整體嚟講，佢嘅拉麵相當抵食👍🏻另外環境方面，以拉麵店嚟講，佢都算有幾多座位，同埋座位之間唔會太迫👍🏻坐得都舒服😎▪️魚介拉麵($80)

黑蒜油味增拉麵 - 配以曲麵、糖心蛋、豚肉、海苔…..黑蒜味濃，曲麵口感爽滑彈牙魚介味增拉麵- 配以曲麵、糖心蛋、豚肉，海苔…..魚介湯底鮮甜，豚肉厚簿適中，口感啱啱好

[荃灣隱世拉麵店 偽日本遊必去景點😚］1️⃣ 魚介拉麵$80/學生價$58一放上枱已經聞到陣陣拉麵香味，而且份量適中，一個人食啱啱好。值得讚嘅係湯底味道十分濃郁，而我哋揀嘅直麵咬落去好爽口，不錯！絕對唔可以錯過既就係拉麵既溏心蛋🍳小編同朋友一咬落口，食落軟軟地，十分有味，仲爆哂流心蛋黃😍即刻讚不絕口。2️⃣ 黑蒜油拉麵$83/學生價$58湯底除咗黑蒜油，仲有生蒜同炸蒜，味道同樣好濃郁。直麵一樣係有咬勁，即使浸左十幾分鐘，食落口麵條唔會話好快就淋曬，麵條仍然好爽口彈牙～～3️⃣ 櫻花蝦拉麵$88/學生價$58絕對係超級足料，大家睇相麵見到一堆櫻花蝦鋪滿拉麵😚💖食到最後個味都啱啱好，唔會太鹹。呢一次小編就試左曲麵，但係小編同朋友都覺得直麵比曲麵好食，佢哋既直麵係日本個種黎架，相反小編就覺得曲麵食落去有點似公仔麵🤣4️⃣ 激辛味增拉麵$88/學生價$58呢款拉麵同樣冇偷工減料，拉麵上放左兩條完整既小辣椒🌶️，紅卜卜咁 ，以為食落去好辣，不過小編覺得還可以接受，佢哋辣既程度就同三哥既十小辣差唔多🤣每碗拉麵入面有兩塊好大塊既叉燒，叉燒索曬d湯味，超好食👍🏻店舖環境佈置好日本feel，而家因為疫情令好多人都去唔到旅