團日式拉麵

营业中

休息中

一直好想來試吓呢間鋪頭終於嚟到同同事一齊食到佢啦門口有拉麵售賣機 感覺好特別因為喺香港好少見到要喺門口用售賣機買咗你要嘅拉麵之後先入去坐低嘅魚介拉麵魚介拉麵表面有好多木魚仲有好香魚味好香濃嘅湯底 好鍾意隻湯底 麵方面有得揀直麵同曲麵我就揀咗直面 麵質彈牙 硬度適中拉麵配有整隻溏心蛋 好開心 始終有啲店舖只會比半隻蛋黑蒜油拉麵一嚟到已經聞到好香好香表面鋪滿黑蒜油 湯底比起魚介嗰個係更加香濃同埋比較偏鹹 重口味人士一定會鍾意嘅湯底叉燒方面好林好香 但唔算好特別啦綠茶可樂好少見到有呢款汽水買即刻想試下味道幾特別但係冇話好好飲 不過可以試一試

係穿過街市先會到的拉麵小店，位置唔算方便。呢度係用日式的自助售賣機自助落單，買完飛就等店員出黎帶位，其實個人幾鍾意呢個方式落單。店內環境真係要大讚！！雖然舖面唔大，但放左好多富有日本特色嘅裝飾。最重要係好乾淨，好少見香港餐廳咁乾淨，連啲唔起眼嘅地方都無積塵，所以真係好似日本的拉麵店一樣，令人坐落好舒服✨✨👍🏻👍🏻✨魚介湯拉麵（直麵）✨💰價錢：$80💰魚介湯味道比出面食開豬骨湯濃，但油膩感就無豬骨湯底咁重，食到底都無咩「漏」嘅感覺，而麵底可以揀「曲麵」或「直麵」。配料方面，有兩塊大大塊叉燒，唔會太瘦，重點係有原粒溏心溫泉蛋😍都算係足料！✨黑蒜油拉麵（直麵）✨💰價錢：$83💰呢度嘅黑蒜油真係有好多脆脆嘅炸蒜，但略嫌搞到湯底苦味多過蒜味，個人唔太習慣。佢地飲品選擇比一般拉麵店多，仲有好多都係出面唔易買到嘅日本果汁汽水，值得一試👍🏻✨呢間真係香港良心小店，香港人一定要支持！！🇭🇰🇭🇰🇭🇰

放工行過荃灣，又要自己一個人覓食，但又唔想入去餐廳自己一個人食，去到荃新天地依頭，發覺有間拉麵店，門口有部自助販賣機，好似日本咁，好特別wor，應該幾適合一個人食，於是就買左飛食魚介拉麵($80）喇。個menu 得幾款拉麵，可以簡麵質，醬汁，配料既配搭。入去諗住比飛仔店員，然後一個人搭人地枱，個店員話依個位比較逼，提議我係門口等一陣，陣間安排個舒服啲既位比我，好細心！估唔到一個人食飯都可以有咁優質既服務。於是我地係門口既長櫈坐左陣啦，與此同時間鋪都越黎越多人買飛排隊。等左一陣，店員安排左個bar枱位比我，有得掛袋，一個人食都唔會尷尬。等既時候，發覺佢既裝飾都幾別緻。無耐，我既魚介拉麵黎喇，我叫左曲麵，會比較粗身。首先我食佢既麵，麵質幾彈，配埋個濃厚魚介湯，真係幾好食。可能因為太濃味，食完都飲左一兩杯水，店員都好好幫我refill!最後我食左佢隻流心蛋先，都keep住好滑溜！總結：依間拉麵除左味道唔錯，仲比我食到有無窮既人情味，會一個人食既時候翻桌

呢間拉麵小店位於一個都幾唔容易搵既位置，係楊屋道街巿既其中一條小路入面。不過，隱世小店係絕對值得行多幾步去搵重要嘅嘢要講左先，門口有一部點拉麵既自助機，係要自己先點左嘢食，跟住等職員出黎嗌number。唔好好似我咁，傻傻地以為跟住龍尾排隊就得。記住、記住、記住第一時間買左嘢食先魚介拉麵🍜首先，湯底好濃，飲得出真材實料，麵質爽口彈牙，叉燒好夠肥，我最鍾意❤️，最後配上一隻溫泉蛋，簡直係完美。黑蒜油拉麵上枱果個黑蒜油既香味已經攻陷左我，加埋蔥既香味，真係配搭得好好👍🏻

🍜🍜辛味拉麵$85🍜🍜其實好似主打魚介湯/黑蒜油湯但想食辣野 就點咗呢個😗湯底好紅好香 但其實唔辣味道有啲似香辣味公仔麵好彩夠多蔥蒜同肉碎 所以好惹味👏叉燒同溏心蛋有令我驚喜😍😍叉燒夠肥夠有肉香🍖溏心蛋完全剛好 蛋黃稠稠的🍳非常特別係灑上芝士粉 非常合襯💛麵條可選曲/直麵 感覺係普通包裝拉麵條🙊

經過見到呢間拉麵店係用拉麵售票機落單，幾特別咁就入咗去食🙈叫咗個黑蒜油拉麵（$83）同靜岡抹茶可樂（$18）佢拉麵仲可以揀直麵定曲麵🍜，走䓤走蒜走竹筍等等，小編就揀咗直麵，其他維持正常黑蒜油拉麵食落蒜香味好夠，但又唔會濃到令你好口渴，叉燒有輕微燒過，最鐘意佢落咗炸蒜😍，食落勁香口，對超鐘意蒜既我黎講簡直係福音🥰抹茶可樂就飲唔出抹茶味🍵，比較似淡味可樂🥤，但都幾好飲😋

今日突然想食拉麵 男友住係荃灣 提議去試一間係荃新天地附近既拉麵小店😎行到去門口 見到佢有一部係日本拉麵店成日見到既自動售票機 好似去左日本既感覺🙃買完之後拎住張卷入去 店員就會安排座位 坐底店員就會送上水 等多一陣拉麵就黎啦我叫左個黑蒜油差燒拉麵個湯底無想像中咁濃 亦都唔算油 所以飲左幾啖 麵係我一向普通既幼麵 但食落都唔錯差燒比出面既瘦少少 都燒得幾香男友叫左個豬骨湯底既 飲左佢一啖 反而鐘意佢個個多d🙈如果佢多d小食可以伴拉麵就好😂

呢間拉麵舖都唔易搵，唔係聽過人講都唔會搵到嚟。點餐同俾錢都係用外面嘅點餐機，似足日本；好彩人唔多，都好快搞掂。點咗個魚介拉麵同黑蒜油拉麵主要講個黑蒜油拉麵啦：湯底夠晒濃，唔係死咸，而係真係好蒜！有蒜泥同炸蒜，啱晒我呢個重口味拉麵迷豚肉唔會韌，肥瘦剛剛好，正！隻蛋有驚喜：本身掛住食其他嘢浸住隻蛋臨尾先記得食，點知仲係流心架！魚介拉麵我就淨係飲咗一啖個湯，魚味香濃下次可以一試，不過要唔揀個黑蒜油真係要好忍得手啊！食完先留意吓個環境：好乾淨！連平時少人睇到嘅位，留心望望都好乾淨，無塵，證明真係有心機打理間舖，先會keep得咁企理。

抽起條筋今日想食拉麵，響openrice搵下，見呢一間最近我地位置就試下，一去到門口就見到呢一架自助式落單機。如果唔明點落單其實有個職員好快咁衝出黎問你識唔識有冇野要幫手，又介紹下邊一隻好食咁。我就叫左櫻花蝦拉麵，再加多舊叉燒。老闆就叫左豬骨湯，都係加左叉燒。賣相唔差，配料都充足，食拉麵最緊要個湯，濃淡度適中，麵質佢都有幾款可以選擇。整體方面我覺得唔錯，如果諗唔到食咩是但食都可以，起碼唔會覺得浪費左自己食野GA胃容量先，但係又唔會去到好好食呀！！！呢個程度。起碼冇我食開果幾間咁有一種隔左好耐冇食，好想食呀ga感覺先。

#團日式拉麵 #cal_food一直都有朋友介紹荃灣嘅美食比我👦🏻但係我每一次荃灣都好匆匆忙忙🏃🏻‍♂️通常都係買一杯飲品 grab&go咁有一日屎忽痕我約左個朋友食飯但係又無約到地方😂所以我就提議去荃灣食拉麵🍜一齊去試下 睇下味道正唔正宗😳-魚介拉麵 ($82)上枱嘅時候已經聞到濃郁嘅豬骨湯底已經流曬口水🤣 急不及待要食~我先飲左一啖湯 感覺雖然好濃郁但係有少少鹹 不過應該係因為我唔係太鍾意太濃味🙈叉燒有3塊 份量都充足👍🏻我覺得蛋嘅流心程度唔算高 但係蛋香味都幾濃烈麵條係幼身 條條分明😆-評分: 6.5/10-🥢: 團日式拉麵 (@unityramen)📍: 荃灣大屋街18號金豐閣地下1-2舖[🚇荃灣站B1出口]

之前有朋友介紹呢間拉麵店比我～講幾好味～咁就黎試下味道如何～地方都算少人會行～佢係工聯會隔離～同埋門面好日式風格～一行到去就見到自動販賣機～好似去左日本啲拉麵店～我地睇完有咩食就二話不說禁機仔～點完拉麵～店員為我地開門～又好細心拎水比我地～魚介拉麵通常食拉麵一定會飲一口湯～湯好濃郁～仲加左啲木魚係度～魚介就係會有鮮甜味～肉同麵就正常～但隻蛋到最後食都仲好流心～好味黑蒜油拉麵黑蒜味都幾香～但如果唔鐘意食咸既會要返魚介會比較好～P.S.地方真係好乾淨整齊～同埋我要暖水～要加水時候店員主動幫我加暖水～因為好多店都唔會記得我轉了暖水～

開左都好耐下，但一前都未試過，星期四同家姐試左呢間日式拉麵店。特別既地方係要喺門口買左飛點餐，之後先入去食，都幾得意下，好似去左日本咁。餐廳環境舒適，而且服務好好，會幫我地勘水，又會打招呼，店員會微笑又有禮貌，有部大電視播日文歌，歌麵好岩聽，。在拉麵方面，出乎意料之外地岩我口味，魚介湯唔會好好鹹，麵的軟硬適中，流心蛋一流，叉燒大大塊！可能位置比較隱蔽，所以唔多客去食，但呢間拉麵店認真唔錯，會再幫襯！

今次係介紹荃灣嘅拉麵店，之前都食過一次啦，不過今次食第二款口味。 買拉麵要喺門口售賣機買。魚介拉麵 $80 拉麵底可以自己選擇，我要咗曲面。 呢間拉麵店會比一隻完整嘅流心蛋🥚 叉燒會燒一燒個面，增加肉香😍😋 柴魚🐟湯底香濃😋，好適合自己一個食/同一大堆朋友去食！達摩蘇打 $18  食拉麵飲汽水簡直一流😂#團日式拉麵 

賣到88蚊都算, 重點係完全唔值lol, 仲差過味千同一蘭... 纓花蝦可以無味果湯唔知想點, 食完滿腦問號,永無回頭. 88蚊有大把更好選擇....認真需要改善下先有回頭客。

依間小店似足日本拉麵店咁，要先係門口部販賣機選購食物~每款拉麵都可以選曲麵/直麵個人比較欣賞櫻花蝦拉麵$88，配料都係例牌：有溏心蛋、豚肉、筍、紫菜、(走左蔥)、大量櫻花蝦，而麵係選左直麵櫻花蝦拉麵既湯底較魚介拉麵香濃，食得出鮮味而不會過鹹過油，直麵都好吸湯，雖然無得揀軟硬度但都唔會煮過頭。溏心蛋既流心程度都好滿意~蛋黃好香濃同超流心的~豚肉略肥但可接受，好軟淋同帶有點焦香整體來說絕對可encore~食物質素又ok環境又乾淨企理，坐得好舒服，值得推薦架~