在乎茶餐廳

营业中

休息中

平時叫茶餐，將滿足到我嘅就係可以一次過食晒沙嗲牛同埋雞扒。平時都係方包夾下煙肉蔥蛋嚟食。個煙囪蛋又細時炒得生啲係好食啲。上次你嘅時候見到隔籬枱啲嘢食好似喺餐牌見唔到。就多口問吓姐，阿姐話可以配搭吓價錢就可以。咁今次就生啦，將個方包轉咗做奶油豬。估唔到一嚟到嘅時候個奶油豬唔係得半邊係成個。咬落去嗰下實在太驚艷。個豬仔包相當鬆軟，啲奶油又超香，之後再黎食，肥死都要轉豬仔，同埋個雞扒又夠厚肉，今餐相當滿足。

深水埗買完嘢，本身諗住去平時食嗰間車仔麵度食個晏。點知佢已經停止營業。咁就喺深水埗行過嚟太子，點解咁遠都要行過嚟呢間餐廳。因為佢個特餐嘅蔥花炒蛋真係好好食嫩，d蔥又好香。雞排後生亦唔會知道乾爭爭相當多汁。個沙嗲牛就唔好期望佢有花生粒，但係如果呢個價錢咁嘅肉量，同埋有沙嗲汁嘅神髓已經不錯。不過今日飲唔到咖啡同埋奶茶要戒口，咁就嗌咗杯熱檸蜜。見佢個餐牌凍飲熱飲都加兩蚊，即叫轉凍飲感覺冇咁甜，但係點知侍應係張單再加多$2，跟住佢就先講凍檸蜜嘅話要加$4 ，如果係普通咖啡茶就加兩蚊，餐牌上面又冇宐，不過無計啦因為杯嘢飲並唔係重點。

今日兩個lunch 叫咗乾炒牛河同鮮茄排骨濃湯螺絲粉餐乾炒牛河$46 冇落洋蔥，所以唔夠香又冇鑊氣，D河粉炒到斷哂跟餐有湯送，可惜淡如水鮮茄排骨濃湯螺絲粉配奶油豬+煙䓤炒蛋$42蕃茄湯煮螺絲粉好味，奶油豬好脆，唯獨炒蛋有D乾

送外賣佢黎錯飯，打去問佢想換翻，佢就死口話我講錯，問多2問，就cut我線再打2次去，佢都堅持我地嗌錯，話五得閑理我地，宜家咩丫？哨完松？ 收完錢就五理客？大家道理係邊？

住附近成日都幫襯，幾年前新搬嚟覺得佢啲嘢食好飄忽時好時壞，但近3年就成為我嘅飯堂之一，因為我都幾鍾意食燒味，而佢嘅燒味係好食嘅，白切雞同埋燒鴨，有時都會問佢的白雞半隻回家食麵同貓仔一齊食，佢啲白切雞係比較大隻嘅，所以佢嘅嘢食推介燒味，奶茶味道亦都夠濃郁，唯一係到而家我覺得佢最唔好食嘅就係佢嘅奄列裏面冇乜蛋汁，全熟我唔喜歡，咁喜歡食全熟蛋嘅人就啱喇，仲有係食佢嘅炸魚柳炸豬扒佢唔係俾白色嗰隻沙律醬，係俾橙色未有調味道比較傑嘅千島醬

係太子想平平地食番餐其實都有唔少既選擇好多平民茶餐廳平平地又一餐而今日選擇係太子站行兩分鐘既在乎茶餐廳佢有兩間開埋一齊值其實都係同一間黎呢間野都黎過好多次以茶記黎講都算多選擇每日快餐都有差唔多十個仲有燒味同平時啲常餐但我最常叫既就係茄湯螺絲粉配奶油豬仲有份蔥花奄列或者魚柳湯足料夠濃有啲牛肉粒同蕃茄粒夠曬味唔會好似有啲茶記咁連個湯都唔夠味仲唔洗加錢就有奶油豬食奶油豬先係重點唔會太硬又多多牛油同鍊奶正食曬成個餐好飽又好似食左好多唔同既野咁加埋凍飲都係46蚊幾好Ps其他野既味道都係正常茶餐廳既味道

要去開工做野經過 走入去試試早餐 叫左個雞扒怱花炒蛋醬多 飲杯凍咖啡 個雞扒幾好 轉醬多果然無決定錯 值得一試 不過個炒蛋真係好唔店 應該係隻蛋壞左 好似有啲酸叔既味 食埋口感軟林林 好似炒唔熟咁😆😆

呢度早餐有幾款，我最鐘意係扒麵餐，一塊豬/雞扒配個麵，夠飽肚，加埋凍飲都係32蚊。我叫左雞扒麵，煎雞扒有啲香草味，食落幾香幾多汁。個湯就淡啲，我個人比較重口味，要落大量胡椒粉同埋辣油。我幾鐘意呢度啲辣椒油幾特別，加左麵豉同埋好多唔知咩香料。

其實一路都會去呢間餐廳食野平時既焗飯同晚餐係最好食同埋尤其下午茶更加抵食同埋西多士 屋企整唔到咁好食😂平時食開焗飯既我今日我就試下食呢個三絲面 其實係炒面 不過比起出面外賣既好食得多有豬肉絲 值得推薦

今日收工前先黎一大野黎做,成team人都焗住加班做做做,做到夜晚8點幾大家都好肚餓,於是去左"在乎茶餐廳"醫肚,食完再做,我地叫左個6人套餐,包括蝦仁炒蛋,燒味雙拼,茄子炆倉魚,啫啫雞煲同XO醬炒什菜,小菜鑊氣十足,味道十分有水準,特別在連燒味都做得咁出色,值得一讚。

2018年6月18日，食個下午茶，貪你喺樓下，下午茶選擇選多， 男友食碗，我食麵包， 都知道而家租貴一杯奶茶咖啡值十幾蚊， 我原本叫奶醬厚多士 加8蚊加 煙葱炒蛋， 店員話冇，咁我話要豬仔包，又冇得薄多士， 咁我話要奶醬多多醬， 店員已確實多酱， 點知嚟到係“走醬”乜都冇，連牛油練奶乜都冇，係淨多士， 雖然係脆你但係乾的 可惜唔記得影相，跟住同佢講點解乜都冇嘅，乾爭爭点食呀～ 我同男朋友講真㗎食到嘴都損埋点知淨係搽d奶痴線咖， 茶餐廳的餐廳花生醬好平咋嘛， 唔係呀～炒蛋炒到熟曬，煙葱仲冇乜男友的燒鴨燒到燶曬

一個人由太子行過黎搵野食，見有間茶記幾多人下，就入去試試。叫左個快餐 魚香茄子飯$38有餐湯同飲品，價錢合理。不過餐湯同水差不多，飲左兩啖都放棄。奶茶還好。叫左少飯都好多飯，餸同飯分兩碟。魚香茄子汁就好多，不過略嫌唔夠惹味，亦都不太香口。而且入面既蔥段真係好大條，並唔係蔥花能夠增添香味既效果，有點格格不入。如果加少少辣味，味道應該會加少少分。可惜味道太普通，送飯效果亦一般。飯夠軟熟同熱，不錯。快餐仲有好多選擇，下次可以再戰。

搬咗過嚟呢頭半年 好多嘅嘢食都算ok ，相畀深水埗成條街既出名都好其實好多都好差～ 呢間在乎茶餐廳我都食過好幾次， 下午茶之中如果茶記計， 款式都算多，價錢都ok 叫咗個煙蔥蛋三文治， 蛋 幾成熟好大個人喜歡，但係我覺得佢嘅味道比例都算ok， 但都冇煮到過老，但係我自己個人口味隻蛋再生啲就仲好 不過落柯打嘅時候當然唔會同佢講要生啲啦，因為多數呢啲係煮定嘅 奶茶嘅味道都有五六分差唔多啦 之前飲過幾次佢哋的阿華田走奶， 味道都算有味嘅，因為有啲茶記係浠ＬＬ的，冇味的覺得ｄ粉好Ｌ貴，落多啲都唔得， 街坊記之中呢間都ok

晚餐茄汁焗豬扒腸仔意粉，意粉勁腍，唔好食，塊豬扒薄到難以形容，仲要無味同埋應該用鬆肉粉那過，所以勁腍，條腸仔係最好味，而且份量不多，食完都仲好肚餓，不過係幾平既。

叫了個晚餐$38包湯同飲品，抵到爛。青紅蘿蔔湯，完全無味精，幾甜。福建炒飯份量十足，飯是炒底，夠鑊氣，配料有的蝦幾爽口，配料極多，舖滿飯面，而且不會太多汁，好味。