地茂館燒味粥麵餐廳

营业中

休息中

為免兩老四圍逛，#小秘書 好多時出開去都會順便買啲嘢食返屋企。不過未醫佢哋個肚，我個肚已經餓到古古聲，正好 #地茂館 就喺我前面，#小秘書 又點忍得住口吖🤤 本地文化「大聲唔代表班 #夥計 冇禮貌」，所以通常我都會自動自覺，搵到位就乖乖坐抵，馬上叫嘢食😅呢日我冇食 #水餃、#雲吞，想試吓新嘢，叫咗個 #冬菇牛腩湯麵，單係睇外貌就知道 #師傅 係 #老行家👨🏻‍🍳 充滿 #左口魚 味道嘅湯底，帶出食物嘅鮮味🤤 炆到火喉啱啱好嘅 #柱侯牛腩，正係小時候嘅味道🤤 #冬菇 又肥又多肉，一啖咬落去，口感豐富🤤 加埋爽口彈牙嘅靚麵🍜 不枉我每次返嚟 #九龍城 都要幫襯 #地茂館 啦 👍🏻

簡簡單單一個 #雲吞麵🍜 有時真係勝過 #珍饈百味。時代嘅變遷，老店已經買少見少🤤 仲記得細個喺九龍城讀書嘅時候，放咗學媽咪偶爾都會帶我去 #地茂館 食碗麵先返屋企🏡 相隔多年，呢日 #小秘書 舊地重遊，估唔到風味依然🤤正好係 #下午茶時間，我要咗個 #水餃雲吞麵、#熱奶茶☕️ 睇落去#師傅似乎#孤寒 咗啲，2隻水餃+1隻雲吞，好鬼削🤔 不過食落份量又啱啱好，#餡料 新鮮，#蝦肉 夠彈牙，個 #湯底 做得好鮮甜、好有舊時嘅味道，配埋啲 #韭黃 一齊入口... 真係另一番風味呀🤤

踏入農曆年，疫情緊張。今早陪Honey吃早餐，平常在九龍城常幫襯的，要不是地方比較狹窄，就是地方比較邋遢。所以，就到了我們常到的地茂館。因為，地方乾淨企理，座位之間也較疏落。早餐嘛，比其他茶餐廳貴幾元，但是，份量、味道都比其他餐廳好。Honey叫蛋牛治：麵包不薄，夠厚，而且很鬆軟。咸牛肉也很多，蛋也炒得嫩。一咬下去的口感，very juicy。我叫了麵餐：雖說比其他茶餐廳貴幾元，但，是出前一丁。而且，配煙肉，物有所值。地茂的奶茶，更不必說，茶濃而不苦澀，奶滑而不膩。果然是我最喜愛的九龍城茶餐廳：地茂館！

住在九龍城20年了， 我第一次來地茂館吃。媽媽突別要求要等到2:30pm來吃這裏的下午茶。這裏的下牛茶都幾多款式，有麵有輕食的，好多都想試我選擇了好耐先揀到，吃吉列魚柳配薯角。有埋熱奶茶都只是39蚊，好抵食 雖然睇落有點燶但食落好好味好脆同夠熱而媽媽一到就立即點了牛腩冬菇麵，聽她説這個是最好味最抵食既，每次來都必點的。這裏的下午茶份量都幾充足，下次要再來試其他款式。下午茶時段都幾多人去食，去到要搭枱。

每次想食燒味第一時間就諗起呢一間，九龍城區係我哋搵食地圖，可能又方便泊車啦。大多數去親都會食燒味瀬粉，不過今次因為lunch見到同事食燒味飯，夜晚要成九點先食鬼咁肚餓，所以破例食咗燒味飯。其實我真係幾鍾意叉燒汁撈飯，重點係要加啲蔥油。我男朋友成日都好質疑點解我食所有燒味都要加蔥油，就係一個字好味囉😅其實可以蔥油撈飯添啊，不過因為好似太邪惡咁所以唔敢做。另外我地叫多一個餸，多數都叫一個清清地嘅蒸豆腐，如果佢可以淨係蒸豆腐就好啦，係都要加一係就青衣魚塊、或者蝦球或者帶子。梗係啦，即刻升價10倍，其實全部都係雪藏野一啲都唔好食。個青衣魚塊蒸出嚟有啲透明感，我好奇問侍應係咪未熟啊？佢話⋯：「呢啲魚係咁㗎啦！ 」o咗咀碟义油雞飯其實可能同面都差唔多嘅，不過俾我哋發現到原來最好食嗰啲燶邊叉燒係會俾啲侍應扣起晒自己食㗎？😪下次試吓指明要燶邊叉燒睇下會唔會俾我先😅最窩心係我哋一齊落單嘅兩樣野等咗好耐都未黎，心諗蒸野可能要啲時間啫，但係叉雞飯應該好快嘅啫，忍唔住催下佢哋點知落單個姐姐話：「我專登叫佢哋唔好上住架，費事食晒啲飯蒸豆腐都仲未到啦。」姑勿論佢係真心定係只係敷衍我哋，起碼比佢經理聽到都係一件好事

混亂的日子都要食架！去咗無地鐵的九龍城食，周圍都係食肆，老公話想食西多士，結果嚟咗這餐廳，剛剛2:30，有下午茶食！老公叫咗茶餐廳必食下午茶：「西多士」，一放落枱，原本係相機食先嘅，但老公已經急不及待將牛油查好準備切開之前被我喝止：「我影張相先🙄」正明這個的確吸引吧😅為咗亞女，我叫咗個羅宋湯通粉：配料係餐肉煎蛋，平時亞女都唔係咁食嘢，怎料佢都食得津津有味，仲話要添食，難得一見噢😯👏正明都好食😋配餐飲凍飲+3，我當然係飲凍朱古力啦，我的至愛，亞女都好鍾意飲，香濃嘅朱古力，正呀👍

本身九龍城就自成一角，閒時好難有所謂既“途經” 。happy friday，午飯吃過，飯氣攻心當然無心工作，往后有兩天假期，想想今天晚上去邊消磨也實屬平常事。突然聽到同事說起上星期去了九龍城，一言驚醒夢中人，好！就九龍城吧！和同事們在公司附近上了巴士，不用多少時間就來到福佬村道落車，一群人走著走著，都無乜心水，來到呢度門口，就當頭被燒味二字吸引著我地呢班食肉獸，就像有種無形的引力把我扯進去一樣。點左幾樣野食，所謂茶餐廳菜式，其實都千篇一律。不過為何要讚....對 ，魔鬼在細節。一道例牌的叉燒，表面看，已看得出半瘦比例剛好，夾上來不是軟軟一舊，但放進咀裡，不得了，入口即溶，而那叉燒本身要有的咸味和甜的蜜汁味，比例完美，沒一個能佔上風。另外燒鵝也是一絕。好多人都對燒鵝既油膩感敬而遠之，不過這裡的可不是。皮脆肉軟，小弟認為，小小的油份對燒鵝來說是必而的，而這裡的，妙到毫癲，真心推介。最後要一讚的，不是食物，而是服務態度。一般人總認為茶記員工，都恃老賣老態度差劣。但呢度既老卻是老誠持重，禮貌賺卑，笑臉迎人，賓至如歸。這裡的就是熱騰騰的食物，溫暖的心。小弟見識淺薄，第一次遇到會幫你換⻣碟既茶餐廳

星期五晚難得一班人聚1聚 就腳又唔逼選擇九龍城 無乜心水又唔想次次去九龍城都食泰菜 就揀左間好坐乾淨企理嘅地方 睇佢鋪面茶餐廳咁款 應該都無乜特別 旦求坐下 點知食落有驚喜 燒鵝皮脆肉嫩油脂夠曬甘香 大蝦煎米粉蝦肉彈牙夠新鮮 炒蜆大大碟個味又夠濃勁惹味 义燒肥啲啲不過勝在夠諗 叫例牌都好大碟 仲要唔使過澳門都有炸鯪魚球 附送蜆芥醬比你點1流 不過留意番會比較咸唔好係咁點 個個食完飽到反曬艇 唯一不足係都係要等下位 不過星期五晚都無計 啦 個個老友記食過都話要番尋味

媽媽愛吃地茂館，我常帶她到此吃午飯， 點了 鴛鴦雞絲飯， 白汁蝦球配茄汁雞絲， 真係色香味俱全由於份量十足，所以我和媽媽分了這一碟， 十分飽，好味。奶茶濃滑，不會令人失望。另地茂館嘅燒腩仔和叉燒也是 值得推介/

好多飯好少餸，10舊肉都無，仲要舊舊都好細舊，仲要吾好食，d肉好鞋好干，真係好失望個豬紅超級咸，水準好差。。。。。。。。。。。。。。。。。。應該不會再點第二次了

上次到地茂，見客人吃湯飯，已想，下次試。正值今天想吃濕濕的，就想起到地茂吃湯飯。湯飯：選飯/粉/米粉、選兩款肉類、選一款蔬菜，$58。驟眼看價錢，不平也不貴。但是，當湯飯上桌，看看材料，就覺得$58，簡直是超值！我選了豬潤、魚腩、蕃茄湯是大大碗、熱辣辣的！是濃濃的魚湯。鯇魚腩大大件，足足有五大件！非常新鮮！魚肉是甘香的！豬潤也非常新鮮，剛剛｢淥｣熟，很爽口！整個湯飯，是無械可擊的！我一定會encore！

今日又專程落嚟九龍城搵食，經過呢度見泊滿車，門口有店員忙碌招待，記得以前同屋企人久不久都會嚟過而且質素唔錯，眼見好多老顧客幫襯，佢地應該幫襯咗好多年晚飯時間要等位，等咗廿幾分鐘唔算耐有多款套餐供應白灼龍躉魚皮，魚皮爽口配上特製醬油味道好油鴨荔芋煲，天氣凍凍地最啱食煲仔菜，油鴨不太咸芋頭粉粉，個汁撈飯正😋話梅排骨，話梅味重酸酸甜甜好開胃😋整體食物質素高，份量都唔細，坐位算闊落，侍應們都親切有禮🤗

今日又落咗嚟九龍食搵食，正值大閘蟹季節，梗要落嚟買幾隻嘆下買完就喺附近睇睇有咩好食落得呢頭通常都係會食泰國菜，但因為前幾星期食咗，今晚決定食其他，行到獅子石道見到地茂館，諗起細個時爸媽都有帶我嚟食過，一於試下地方睇落好新淨主打燒味小菜煲仔飯今次叫咗三樣嘢深海龍躉皮爽口彈牙，最正係點佢附上嘅豉油荔芋油鴨煲荔芋夠粉但不是稀爛油鴨香口又唔咸呢個最上海話梅骨酸酸甜甜食到話梅香味好醒胃以後落嚟除咗泰國菜又有另一選擇

九龍城係我同我男朋友成日食飯嘅地方，其實去黎去去都係嗰幾間😁有食西餐嘅 、泰國嘢嘅、有食煲仔飯嘅 ，想食燒味嘅呢就會嚟呢度啦而家好似好少餐廳會掛住啲明爐燒味 ，只係搬咗幾條街嘅新舖感覺好似光猛左啲囉，不過燒味黎講呢以前成日想食叉燒但經常會賣晒，而家新舖次次黎親都有得食 ，不過反而好似冇咁好食，點解咁嘅呢🤔因為人就係咁賤格囉😅指定菜式燒味瀨粉 又係唔係度度地方有瀨粉食，最重要係佢碟葱油，但係好似孤寒咗啲囉！而因為得兩個人食所以又唔可以叫太多，另外加多一個餸 。呢期鍾意清清地叫咗蒸豆腐 ，其實我覺得有啲貴㗎成$98一碟豆腐咋喎🥴雖然都有六隻蝦同埋啲蝦都幾爽口嘅🤣叉燒就似乎柴皮左啲！不過都係自己麻煩嘅～肥又話肥瘦又話瘦🤪百零蚊兩個人分仲想點

地茂館老招牌 新式裝修 燈明枱潔 招呼周到 C9姐姐有笑容 餐牌豐富 有中式炒小菜 煲仔菜 有西式扒類意粉 連煲仔飯都有有西式早餐 配奶茶咖啡 價錢大路早市粥餐 有好幾款底價錢嘅粥可以揀 荔灣艇仔粥+炒麵 或 齋腸 $34 粥餐要飲品就半價艇仔粥~ 足料 材料豐富 有魚片鮮味嘅 咸瘦肉 發水尤魚絲 炸花生 豬皮 ……但豬皮有幾條毛粥重味 食後有啲頸渴用咗咸瘦肉 就冇咗舊派粥鋪常用嘅“免治牛肉撈炸米粉“ 炒麵~ 配椰菜紅蘿蔔絲 韮菜乾身 冇芽菜 炒麵深色 淡味唔香 麵太硬