地茂館甜品

营业中

休息中

女仔習慣左食完正餐之後，就一定要食埋甜品先滿足呢晚都唔例外，入左九龍城既地茂甜品舖。今日係星期日，所以好多人排緊，又有幾個人排緊隊。我地都排左陣先入去。店舖雖然細，但四周既人個樣都好滿意，個個都清曬啲甜品先肯走我一如以往，都係叫左芝麻湖豆腐花，再加2粒芝麻湖湯圓。芝麻湖係呢間甜品舖自己生磨架，勁濃既芝麻湖味，而且仲口感仲好正豆腐花都有濃濃既豆味，口感仲好滑添湯圓係自家搓架口感好煙un，一啲都唔粉!一咬，入面既芝麻好似流心包咁流出黎，好好味丫!芝麻湖豆腐花加湯圓真係百吃不厭今晚仲試多樣新野，蜜瓜西米露，因為太耐冇食呢個蜜瓜西米露真係意不到咁驚喜丫!蜜瓜西米露既西米粒粒分明，而且每粒都好有蜜瓜味而蜜瓜肉口感清甜!食完蜜瓜西米露，好有一種冰涼透心既感覺，呢個夏天食，就啱曬啦呢間甜品舖可以不停encore

食完"燒肉"不太飽, 難得媽媽主動要去食糖水真好彩! 肚還有位裝下喳喳重型飽肚糖水!喳喳的芋頭真係好粉,林 豆跟水的比例又剛好堅好食到無得頂芝麻糊夠香滑一定要繼續支持!!!

今完晚飯，又想食下甜野，即刻諗起呢間。我點左香草綠豆沙，朋友點左合桃糊。綠豆沙好香，好沙，夠凍，我鐘意！出面的糖水店一係煮得吾夠沙一係吾夠香，呢間3樣都有，而我朋友果碗都好香合桃，可以再滑d，不過都吾差。

與班為食友人在九龍城食完晚飯，又話要食糖水 就去了隔離街的地茂館甜品，很多人等位，等了大約 20 分鐘終於有位 老字號的糖水舖，舊式食店一貫的裝潢 糖水真是不錯的，但座位擠迫，太多人等位，唔好意思食太耐佔座位，唔可以慢慢嘆 ... 朋友的腐竹白果雞蛋糖水和芒果豆腐花 我就點了清心潤肺又健脾的原盅正氣燉品 ... 杏仁蓮子百合 HK$33有凍或熱揀，我點了熱的經三小時原盅燉製夠哂原汁原味生磨的杏仁特別香，裡面仲有很多蓮子和百合，鍾意它不太甜，食完好滋潤呢 !!!** 以上分享是以我的口味、喜好和情況作出分享與感受，一試 / 合用與否請自行決定

九龍城一向都多甜品舖 呢一間甜品鋪頭係食傳統糖水我就最鍾意食佢個芝麻糊真係有好重嘅芝麻香味 同埋夠濃郁仲有木瓜雪耳糖水都好滋潤 同埋啲木瓜燉都好溶化 如果鍾意食比較容易煮得比較溶化嘅朋友 可以試吓叫凍嘅 嗰啲木瓜會更加嘅更加溶化比較九龍城同樣傳統糖水鋪頭 合成糖水佢嘅芝麻糊係比合成糖水更濃郁同埋香會食得出合成糖水嘅溝得比較多水 冇咁香芝麻味同埋呢間鋪頭嘅豆腐花都唔錯喜歡食傳統糖水嘅人可以一試服務態度方面都正正常常 啲夥計幾好禮貌嘅仲有提一提醒大家 如果想食芝麻糊 唔好太夜先去 因為夜晚好多人食 經常會賣晒出去

相隔5年再到此地～食完泰國菜 ,更係食糖水啦，本來想去另一間，不過就係咁耐冇黎唔記得左係邊，又冇搵地圖,就去左地荿食。入到去發覺冇咩野撰，唔夠特別,想食杏仁露，但冇，食糖水更係食d自己整唔到既類別 最後撰左合桃露，都幾滑 ,朋友撰左寄桑蓮子茶 ～佢話似5花茶既味 的確係幾似既，冇影到相! 如果再去都唔會再去地荿了。 食完晚上睡不著* 太補了

住在附近每次一經過一定必食芝麻糊（已經食咗好十年左右水準一樣冇變）1️⃣服務態度超級好從來都冇變過2️⃣價錢合理水準超好3️⃣室內裝修一直都係乾淨企理光線充足💕😝食中式甜品唔使諗一定係呢間食過呢間之後你唔會再接受其他嘅芝麻糊

白色情人節，九龍城餐廳似乎無特別多人。食完dinner 9點幾黎到，見到好多人叫外賣，好彩唔駛等位！今晚有d凍，最好食個熱糖水。第一次黎食好多野都想食，最後揀左芝麻糊併合桃露，樹樹就揀左原盅燉川貝竹䉀馬蹄。合桃露從來都未食過咁有合桃味嘅合桃露，好有堅果嘅香，甜度適中，必食推介芝麻糊- 由於合桃露太好味所以已經唔記得芝麻糊如何川貝竹䉀馬蹄- 十分清甜滋潤，讚由於覺得質數高，決定買個芒果班戟返屋企再食芒果班戟- 一盒有三件，皮簿，芒果肉厚而且甜，cream唔會太多， 好好味總括黎講所有野都好滿意，一定會再黎

軟滑糖不甩 | 豆花紅豆沙.圓嘟嘟的糖不甩😍 口感的確如名字一樣 比較軟滑 換句說話來說 即是不煙韌 個人喜歡煙韌的口感🙈 花生糖粉夠香 為沒什麼味道的粉團添上一絲絲的甜味😌 豆花紅豆花比較失望 豆花好滑 但細嚐後 發現它的滑是因爲太水 而且還有粉粉的感覺😩

每次來到九龍城，只要我的肚皮還有空間的話，總會去地茂館甜品喝碗糖水，今晚當然不會例外~ 加上友人從未吃過地茂館甜品，更加要給她品嚐一下。今期地茂館推出的花旗參燉雪梨我不用10秒已決定吃這，店員阿姨也笑了，因為我是愛嚐鮮的人嘛，看見新推出的怎會不吃。花旗參微微甘香，相當補氣。雪梨用了大半顆，清甜滋潤，潤肺清燥，止咳化痰 ，絕對是預防咳嗽的天然良藥。雪梨經冰糖燉煮後，由雪白的果肉變成淡淡的啡紅色。冰糖甘甜，性質溫和，加上雪耳與南北杏補中益氣，經一番滋補後精神煥發，所以不一定名貴食材可強身健體，只要好好運用食材，甚麼都是補品。朋友的芝麻糊撲鼻而來，令她急不及待喝一口。芝麻糊喝起來有很濃的芝麻香，香香甜甜，入口絲滑，濃郁溫純的質地在口中相當舒服。在結帳時看到熱騰騰的燉奶與薑汁，嘴饞的我又想多買一碗回家慢慢吃呢~

之前食過這店的芝麻糊已心裡十分高分，今次大約9點到不用等位就有得食啦……今次我食左生磨杏仁蓮子百合 $32，潤肺健脾 養心安神不久就黎到……蓮子和百合十分淋身，杏仁好香，吾會太杰身好似混粉出來，而是味道清清地配合剛好，份量而且仲吾少，食完都有少少飽肚感。而男人就食芝麻糊，我推介這間不錯，這裡的生磨 芝麻糊 和 合桃露 味道濃而好明顯吾係混粉出黎咁…都有吾少桌客叫的甜品。但其實這裡桑寄生都好得，見到人地已食2碗再加打包3碗就知道。

☆ 中式糖水對我黎講最緊要係。夠。熱。其實好多間賣中式糖水都唔熱，係暖㗎咋 -_-# 今次食到真正熱嘅太幸福啦！薑汁湯丸唔太甜，糯米皮夠煙un，芝麻餡仲好香油味，個薑汁唔會辣到苦㗎。勁耐冇食過渣喳啦！呢晚冇食飯隊一碗就飽哂啦！真的是太足料啦，好多豆，唔同類型嘅豆，仲有我最愛嘅大大粒芋頭，係比薑汁湯丸果碗甜少少，但都唔算係偏甜嘅，如果好怕甜嘅就食腐竹薏米白果糖水，真正微甜㗎噃 （笑）

去九龍城除左食清真菜、泰國菜當然唔少得係去食甜品!所以我地食飽飽正餐後就揀食咩糖水喇~之前通常都去合成食蓮子, 今日想去下好耐冇去既地茂館。對上一次已經唔記得係幾多年前LU, 記憶中係幾好食既!於是今日去到, 我點了合桃露,紅豆馬豆糕, P大人就點左腐竹薏米白果。合桃露 - 幾年前我鍾意左食合桃露呢樣野, 幾年黎都食過好幾間出名既合桃露既甜品店,而今日食地茂館呢一碗我認為係細滑既, 合桃味亦濃, 但如果再"杰"身一D我會鍾意多D~腐竹薏米白果 - 清清地, 正正常常, 唔差。紅豆馬豆糕 - 原來係咁既樣, 分開兩層, 口感OK, 唔知係咪食完糖水先食呢件野, 覺得淡左D。總結: 地茂館KEEP得幾好~得閒再去幫襯下!

第一次食，本身想食芒果pancake,不過賣哂，最後買左芒果黑糯米同芒果西米露，共$50，佢比起某九龍城糖水鋪量少一半，當然價錢都平d, 但我覺得只係一般，有d水，味道唔夠濃，應該唔會再買，不過個pancake會再想去試下

冬天是火鍋和糖水的世界。難得來到九龍城，當然要拜訪一下名字響噹噹的地茂館，雖然老實說我也是第一次光顧。侍應推介生磨杏仁糊，內裡有蓮子和百合，既然推薦，我就嚐嚐。杏仁糊－吃的出不是沖粉的貨色，而且帶有淡淡的杏仁香，加上蓮子和百合，煮的時候應該沒有放太多糖進去，整碗都是淡淡的甜，一向都知道中式糖水是減肥大敵，但面對寒冷天氣，有時候也只能暫時投降，不會死甜已經要感恩了。合桃糊－入口綿滑，充滿合桃香味，口感濃郁，也不是太甜，加上兩粒黑芝麻餡湯丸，但黑芝麻就偏甜了。兩款甜品都是中上品質，地茂館一向出名手工甜品，而在香港這個保持傳統的店舖也買少見少了，喜歡傳統味道的，可以去試試。