地道館麵軒 (已結業)

荃灣路德圍附近有好多野食，今次去到想食車仔麵。呢間地道館麵軒好似幾多選擇，又係同路人💛一於試試.湯麵+秘製汁(小辣)三餸：豬大腸(+$3) +蘿蔔+豬皮 共$43豬大腸唔會有陣臭豬味，煮得夠淋。豬皮本身係小辣，唔會淋到爛。蘿蔔無根，夠入味👍🏻秘製汁略嫌唔夠濃，比較稀但有啲鹹，另外仲有四種湯底。.整體：服務態度好，價錢合理。環境同餐具乾淨，唔會好大陣油煙味，餐具同枱面唔會油。餸嘅份量足夠，湯底可更濃。

如果你今日好肚餓道啱啦！呢間車仔麵份量特大，碗麵黎到漲卜卜，叫左3個送嘅車仔撈麵，食左半碗都無就飽到食唔落，味道唔差嘅，個辣好足料，唔食得辣嘅朋友要就住叫，真係辣到胃都痛埋，上次中左伏今次好醒叫左走辣，終於食到落口啦.3送車仔撈配凍飲 hkd$51豬耳本身有少少辣，但份量都多，豬耳夠晒淋同入味，大推大推！牛腩就麻麻鋪口我想像中嘅牛腩唔同，好散收收，唔係幾好味（仲要加錢）雞翼有2隻，好入味，但偏淋，可以叫嘅，不過不失細麵係蛋麵個種，好頂肚架

介紹一下呢間平靚正車仔麵湯底可以三㨂一 : 牛腩汁 ———好地道既味道另外有咖哩汁、秘製汁(有點辣，喜歡食辣既朋友可以㨂)配料可以㨂三款, 有以下推介: 咖哩魷魚好惹味，唔係用哥士的浸到發漲既魷魚 首選推介! 唔係間間麵檔有得簡鹵水系列：雞翼、翼翼尖、豬大腸 鹵水炆得入味，亦唔會過咸！豬大豬都冇「特殊」氣味蘿白雖然係普通食材，但煲得夠淋，夾埋湯底，味道即刻昇華曬！老舊小店環境確實比不上大型鏈鎮餐廳，但令人不斷再次光顧的除了美道，亦是濃厚的人情味！平凡中帶點不平凡，重點係好食😋包餐飲 只需要$42 好抵食

姐姐服務都好好☺️車仔麵3餸起:清湯米線+豆卜+高湯蘿蔔+時菜🥢湯底唔鹹，好清又唔油☺️但都好入味，啱哂怕鹹同怕油膩嘅我😆蘿蔔好清甜，豆卜都入哂味就基本👍🏻肥牛炒烏冬🌶係辣辣地，唔錯😋入哂啲醬汁嘅味，上面有隻生蛋，即刻正左無茶餐廳咁有鑊氣，相對好似比較健康👍🏻蔥油餅，+泰式辣醬👍🏻正常味所以係好味的😂👍🏻

今日因為有事要做又出左去荃灣，出黎之前已經㨂定食乜，因為男朋友之後要返工無時間慢慢揾食對比飯我更鐘意食麵，所以㨂左食炒UDON！雖然呢間餐廳係食車仔麵，不過都有飯、炒udon 同小食，都算係好有varity 我㨂左要肥牛炒UDON凍奶茶，男朋友就要個豬扒飯豬扒切左細細舊，都有幾多舊的，男朋友分左幾舊俾我，但因為我要食自己個udon 所以都食唔曬豬扒有汁，啱啱炸起熱熱哋好好食個飯仲有隻太陽蛋係面，有隻蛋係面即刻加分炒udon 都有隻滑蛋係度，我就整爛左佢等佢包住肥牛不過就算啱啱炒起都唔會夠熱做到好似打邊爐嗰個效果另外個炒udon 仲有蟹柳，估佢唔到因為我同男朋友都唔係好大食既人，所以呢個份量我地都夠曬飽我同男朋友就各自一杯凍奶茶同鴛鴦，個味都正正常常唔錯或者下次可以試下佢D小食，見到有個豬手都好似好吸引！

💛 地道館麵軒 (荃灣) 💛..............................路德圍黃店真係多到爆 每隔幾步就會見到💛葵廣嘅地道館麵軒本店👦🏻👧🏻就食得多所以就試下佢啲分店係咪一樣咁正😈.🔅想知黃店原因請Pm💛..............................🍽豬扒煎蛋飯 $48（👏🏻5.5/10）。跟餐配 熱飲/凍飲($2).豬扒已經切好咗一舊舊 好方便食唔使切另外豬扒應該有炸過 有啲似燶邊叉燒食落脆得嚟仲有啲肉汁好正 唔會柴唔會乾😋食落有種似曾相識嘅味 係金拱門識識薯條bbq味😂不過豬扒有啲鬆肉粉味 呢度扣咗啲分😣隻蛋都唔太夠燶邊 唔係好啱👦🏻食建議大家叫多汁 啲汁幾好食 好似中濃醬嘅味.🍽三餸車仔麵 $41 (豬大腸+$3 + 雞翼 + 貢丸)。跟餐加配 熱飲($3)/凍飲($5) （👏🏻5.5/10）.湯底有嗌到腩汁同中辣 都幾夠香同重口味但個辣汁都真係幾辣 唔食得辣嘅就小心啲😂所有餸都正正常常 一般車仔麵水準不過隻雞翼就出左少少事🤭一隻雞翼鹵得幾好食 但另一隻雞翼就好鹹😅同埋河粉實在太碎 唔係好夾得起所以食到好辛苦 下次都係嗌翻油麵穩陣啲😭.Ps葵廣本店好

讚1.車仔撈麵既醬好味，香口，配料既陳皮魚蛋煮得彈牙，幼麵爽口，基本功做得出色彈1.點左個蘿蔔豬紅，蘿蔔係偏苦，不過家下唔係時令，都明，但份量實在係細，簡直於心何忍2.服務真心要改善，車仔麵我都唔話要幾殷勤，成場都無客時，點解死都要我坐無椅背既位呢？唔明喎？

今日下午黎咗依間荃灣地道館食下午茶，特別想講下依度果蘿蔔牛腩飯，個牛腩真係抆到好 淋，好易入口，汁亦都好入味，蘿蔔都冇咩渣同苦味，係我暫時食過既最好食既蘿蔔牛腩飯，而我另一個雞翼餐肉麵，我覺得鐘意食辣既人會鐘意，佢個湯底辣辣地，幾有趣，雞翼不過不失，另外仲嗌咗個炸魚皮，普普通通

平時經過路德圍都唔多覺呢間餐廳，今晚係附近搵食見呢間餐廳入面都幾多人，於是入去試試呢度主打車仔麵，但眼見大部份人都無叫車仔麵😂我地點左滑蛋豬扒撈烏冬同惹味雞柳腸仔飯滑蛋豬扒撈烏冬 $52烏冬上面有一隻滑蛋，撈埋烏冬一齊食，令到烏冬更加滑，可以覆蓋到平價烏冬果種酸味👍🏻豬扒都煮得尚可，但份量就唔係好足夠，食完才都唔飽🤣惹味雞柳腸仔飯 $54個名望落有啲似頹飯😂飯汁唔係好夠，不過雞柳又真係幾惹味，食唔到冰鮮雞柳果種雪藏味

第1️⃣次打新手食評，要寫80字，歡迎哂分幾鐘睇我呢段碟三餸撈車仔粗麵如圖，用左特別既「碟」放麵，間野新新地，5知個碟點洗個d空隙呢？為左影得靚d叫左同色系既餸，講笑～夠字啦，91字多謝閱讀95答8。汁夠濃餸夠味麵夠彈，價錢40幾（不過魷魚凍的，特色？）其實真係5識寫食評，繼續向各方高手吸下經先🙏🏻原來要打夠200字先可以用果個評分表，都規矩多多bo🤪不過咁就證明係用心評論家打出梨啦.......（夠字啦！）🤣好彩標點都計

一開始係見到門口啲相被吸引左入去 見到炭燒豬頸肉 九菜豬紅 日式炒麵 啲相影得好好睇 即管試下入到去見到"米通白汁海鮮"問一問老闆 原來係用米做嘅通粉 就來一碗試下 第一時間梗係試湯先 味道濃厚有層次 夾雜住啲肉碎 方柱形小魚肉條 米通口感夠特別 爽滑煙韌 識食一定連湯食 推介豬紅蘿蔔白最特別係個醬汁 一食落口已經覺得有細個時候嘅感覺 街邊推住架木頭車小販個隻 下次要試埋個佢碟魷魚 再點埋個炭燒豬頸肉 外面燒得好脆 醬汁有啲咸 所以唔洗多 肉汁依然保持住 一啲都唔干。

其實今次已經是第二次去。。上次食午餐。。因趕時間，只叫了三餸車仔麵，味道好ok, 但因太趕，冇影到相。。所以今次晚餐有時間影相及寫下食評。三餸車仔麵，粗麵底，蘿蔔爽甜，貢丸彈牙，鹵水雞翼好嫰滑，又入味。。重點係可以兩溝醬汁，腩汁加沙嗲汁。。小小辣得黎又有腩汁甜鮮，咁先至係車仔麵。。正今次特別叫了個滑蛋豬扒撈烏冬。。滑蛋叫了改熟蛋方便share。。。豬扒碎上。。香滑又有肉味。。醬香烏冬。。幼身卻冇平烏冬嘅酸味。。好味腩汁生菜，菜份量不少，配合腩汁。。香而不油膩。。正兩個餐可配餐飲。。。我叫了熱檸茶。。正正常常。。ok如果在千色店旁那家超貴嘅米豬蓮店。。你甘心去排隊。。咁我希望你可行多幾步。。去試下呢間用心的小店

🐽三餸車仔麵 叫左雞翼尖、豬大腸同豆卜加秘製辣汁，要油麵，雞翼尖滷水味好入味，豬腸都好有口感，唔會韌都唔會太淋，豆卜就可以再煮淋少少，個辣汁真係幾辣，一路食一路出汗🤣鍾意食辣會覺得幾正 ••••••••••••••••••••••••••••••🐽韮菜豬紅 個汁偏甜，但豬紅都好入味，質感都結實，豬紅係必食👍🏻 ••••••••••••••••••••••••••••••🐽地道豬手有四舊，舊舊都好大舊，煮得幾入味🤤唔係話好淋個啲，係比較有口感既，會食到啲膠質 ••••••••••••••••••••••••••••••🐽豬扒煎蛋飯 汁係甜甜地，豬扒都唔會韌，但份量就比較少🤔

今日約左朋友收工後食飯，朋友話不如食車仔檔，我哋都是荃灣上網搵下有咩車仔檔食，比我們搵到路德圍一間食車仔麵，入到我們安排坐卡位，地方好簡單，我哋三個女仔有勁多野想食，叫左兩個麺再叫幾款小食, 服務員推介我們飲椰青，話兩個麵加野飲可以做套餐，變相加$20，另一個龍鳳七喜加$12，我自己散叫凍利賓納，滑蛋豬扒撈烏冬 $43 豬扒唔會話好乾 ，推介 撈麵套餐 三餸 $44 （麻辣豬耳，生菜，豬大腸另加$3）麻辣豬耳比較辣，如果喜歡食辣可以試下 炸魚皮 （$15） 好脆，份量唔少，仲要唔係散哂咁秘製陳皮魚蛋 （$20有20粒） 秘制比較辣啲，但是好正 蘿蔔豬紅 （$20） 蘿蔔好夠淋，瑞士雞翼 （$32） 5隻 味道好夠味 吉列珍寶帶子 （$45） 7粒

店內環境一般，地方細，坐位較窄同細如身形大件少少，同人多一點會好窄。試左滑蛋肥牛撈烏冬，仲有下午茶餐蛋牛米線加一個小食炒雞柳滑蛋肥牛撈烏冬，價錢同份量不成正比，份量較少，但味道尚算可以。牛肉只係普通貨，只有兩三片就收$48就有點貴。入口味道，個汁味道唔錯既，加埋隻生蛋，令整個炒烏冬變得好滑。雖然望落顔色好深，但係唔算太咸，不過食完一定會有呢個感覺就係牛肉同烏冬份量，唔值$48😅，隔離個幾間，差不多價錢，食物質素同分量正常一點。鷄柳普通，就係炒熱左既雞柳加日式醬。食唔到惹味。下午茶餐，肥牛蛋米線，味道正常，勁平好似$30仲有杯飲品。仲有好多肥牛，多過個炒烏冬一倍，可能比多左😂