地道館麵軒 (已結業)

🍜路德圍又有新麵館加入戰團價錢實惠 份量幾多 所以都有唔少食客.三餸車仔麵(湯麵)腩汁味道適中 另加辣油會再惹味一些滷水雞翼🍗好入味 略厭肉質硬了一點牛腩🥩都係入味但肉實了一點蝦條😹唔係零食個隻 偏淋唔彈牙.滑蛋肥牛撈烏冬🍳係車仔麵店有日式撈烏冬食 幾特別味道以照燒汁為主 唔會好咸 可以一試

好耐冇食過車仔面，經神隊友家姐推介下真正食到一間好心煮車仔面嘅舖頭。等既時間雖然耐左少少，但出黎真係好食剔左碗秘製牛腩，咖哩魷魚，蝦條（腩汁）米線3個餸都係35蚊咋。。。嗌埋杯出面極少地方有得飲既凍杏霜，都唔洗40蚊。。。抵牛腩唔un,入口鬆化，魷魚仲要係比鬚，蝦條成條甘上，面底都唔算少，成碗份量好足，食完超飽。呢間除左車仔面，仲有好多飯類，撈烏冬，小食等等。。。下次再食一轉先。秘製牛腩，咖哩魷魚，蝦條（腩汁）米線杏霜

路德圍都多餐廳食，見到呢間未食過咁就試下啦不過食完之後就有d失望，味道比預期差之餘，茶底太苦了。所以就無再幫襯了。點了：雞翼撈烏冬，熱檸檬茶。雞翼撈烏冬，都有3隻，味道正常不過唔係特別入味。烏冬方面，味道可接受，因為滑蛋既關係可能加埋本身既汁所以令到烏冬好黏，口感就唔好了，令到成個餐都變得有點難吃吧。餐飲方面，檸檬茶茶底比較苦，落左糖都苦，不岩我口味。環境方面，一般茶餐廳格局吧。總結呢個味道不吸引，茶底苦了。

讚：路德圍家下已經唔再係米線城，係車仔麵之圍，多到呢，呢間就配料有啲少見啲既蝦野咁，味道正常啦，起碼食一次都唔會反檯，同埋辣醬都好開胃彈：上菜好慢超慢喪慢，車仔麵噃？點解咁慢既?

黎開路德圍，諗住周圍既野麵食過，不如試下新野。呢間車仔面人唔多，裝修都幾新淨。我同朋友叫咗兩碗車仔麵，豬大腸，朱紅，豬皮同埋佢嘅雞翼都葉得非常入味。兩個字，出色！佢豬既食物任部整得好入味，比出面好多車仔面更出色。而且啲豬皮整到好林，好好食，個面底唔會話太少，食到你飽。同埋我哋兩個食咗兩碗面加咗兩杯嘢飲， 只係$80 ，每人$40左右一個lunch, 又好味又飽肚，非常之抵食。

我食左幾次喇，真係好好味道，我聽店員講個酸辣醬係佢地家族自己整，酸辣裏面有酸菜，只要問店員攞一小匙羹，就好辛辣了，店鋪有幾樣必食餸，猪紅，鳳爪，牛腩。。。值得推介，仲有個豬頸肉炒烏冬要我寫200字先可以評分，我就唔評咁多喇，荃灣友快啲去試下啦

見到有新車仔面檔，我咁like 食車仔面，梗係要試下啦！見到有好多花牌，又多人，好似唔錯喎！入到鋪頭乾淨企理，坐得舒服！叫左冬菇蘿蔔牛腩幼面，湯底ok, 唔會淡。冬菇同牛腩都好入味，牛腩好林，入口鬆化，牛腩汁味香濃，肉質唔會乾爭爭，好好味！再咬一啖蘿蔔，蘿蔔好鮮甜！正呀！35蚊有三個餸，餸既選擇都唔少，價錢實惠臨走果陣見到隔離食海鮮湯米通好似好正，d 蝦幾大隻，仲有車仔撈面，好似幾得意喎！等我下次試下先！