坤記煲仔小菜

营业中

休息中

見到評語都偏系劣評，但因為今日真係好想食煲仔飯，行過又見佢唔使等位，所以搏一搏。店舖細細，有一半係國內客人，但好彩唔係太嘈，不過餐廳電視機長時間係播放國內嘅古裝戲，實在有啲沉悶。叫煲仔飯就預咗要等耐啲，因為需要時間製作。今晚分別叫咗「窩蛋牛肉飯」，同埋「滑雞飯」，原本想叫「白鱔滑雞」，可惜已經沽清。兩個煲仔飯都煮得好味嘅，啲飯好入味，飯焦都好香，佢哋嘅份量我覺得較其他舖頭為少啲，不過我哋就已經好夠食。樓面得一位姐姐負責，當然係踢晒腳，但我覺得佢又未至於好冇禮貌。總括嚟講，不妨一試。

超難食！ 最少要等一個鐘！服務差！ 煲仔飯全部是爛飯，非常濕，點樣等佢都係唔收水，真係仲未食過咁難食嘅煲仔飯. 一落枱就收起個蓋，問佢攞返個蓋，態度仲好差，話個蓋唔夠用!完全中伏！ 唔明點解係米芝蓮？😤😤😤

煲仔飯等一個鐘，加上超級油膩 ，如果你鍾意飲油可以叫。薯仔牛柳粒極品中嘅極品，薯仔好似薯蓉咁，牛柳似豬餿。樓面得一個阿姐，服務態度好惡劣總結：如果鍾意食嘔吐物可以去食。

一個煲仔飯差唔多要成一舊水都算啦個姐姐話等20分鐘，等左成個中都整唔整唔到兩碗飯出黎，明明間舖已經冇人幫珍，整個飯都整咁耐不如你抄左個廚師佢啦最後食落都係一般般，建議大家食大家樂煲仔飯算

冬天來了，－定要吃煲仔飯，我叫白鱔飯，男朋友叫肉片飯，半小時後上我的白鱔飯，半小時後我吃完整個飯，我男朋友的飯都未到，那老闆娘完全沒有不好意思，態度勁差，這輩子也不會回去吃

特登去試佢個豬骨煲($248)。見到在座既顧客大多都係有叫豬骨煲，諗住點都OK。點知上左個煲後，發現入面真係淨係得骨，啲骨勁大舊但係係冇肉，撈煲底亦冇任何肉。入面反而勁多雞腳，認真莫名其妙，我諗係店方諗住用雞腳1黎"撐場"，令人覺得個煲入面好多野咁。$248叫左咁既煲真係唔知食左啲咩落肚，最後都係要叫個煲仔飯充飢。煲仔飯還可以，但係都要$100一個，都頗貴，又唔係多料。服務: 得一個人做樓面，黑面態度麻麻。但可以理解既因為佢都做到踢哂腳。唔會再幫襯。

坤記煲仔小菜價錢💲: $115/ $100好味程度😋: 2.7/5服務🍴: 2.7/5環境🗾: 3/5性價比🥢: 3.3/5回頭率😚: 2/5-冬天必食煲仔飯！偶爾夏天都會想食🤣 不過記得唔好去錯分店去左我今日講呢間！某日去到西營盤個邊，諗住食坤記點知冇開，search search見附近有另一間坤記，以為係分店就去了！七點幾只係需要排短短的隊，人流上同另一間已經好大分別。同埋佢哋只有煲仔飯同豬骨鍋打邊爐，係無小菜架‼️-❌田雞白鱔煲仔飯。白鱔田雞腿各4舊。白鱔肉質軟腍肥美，比想像中的削，可以更新鮮🤨田雞只有腿的部分令人懷疑唔係新鮮田雞，而係急凍的，好彩肉都滑同埋無怪味😌 飯底先係最唔好，等左好耐，一打開撈勻就覺得飯焦比例唔多，因為入口的飯粒好濕，做唔到成個飯焦靚仔地刮出來🥺 雖然最尾有食曬，因為豉油唔太鹹，當豉油撈飯食晒了…-🆗排骨滑雞煲仔飯。排骨同雞都幾多骨，肉質正常，係一般蒸雞同排骨的質感，唔係好鞋但都唔係滑🫣 飯底一樣有上面提及的敗筆☹️-老闆娘態度唔好，食物質素又唔得，飯底好濕，做唔到煲仔飯的精髓🥶 價錢唔平，等的時間耐。一定要去上面街的坤記唔好去呢到啊！- #piggyfood

等得耐😡唔好食😡服務差😡成肚氣想食濕爛無飯焦煲仔飯可以一試！食煲仔飯都預左等，等唔緊要，但呢間等得唔值‼️間細鋪除左兩枱做打邊爐，其他枱都係等緊煲仔飯，佢每次出只係出到兩個飯，得兩個爐頭。order後等半個鐘，好聲好氣問老闆娘幾時有，佢大大聲反問「你有無試過食 無就唔好問，態度臭寸😡😡最後等左45分鐘等一煲煲仔飯。就睇下有幾好食，飯夠熱，dnlm 但係飯濕既爛既‼️，無飯焦‼️，$115煲飯細細煲，白膳腍，唔新鮮，根本唔係專業做煲仔飯

好唔掂☹️⋯⋯排左一個半小時後仲要比人插隊落單😡😡落完order 後又要等一個鐘、食三個煲仔飯要三個幾鐘、無下次🤬🤬🤬⋯⋯d 飯又貴又少份量、超唔公平😤😤