坤記粥店

营业中

休息中

深水埗坤記白粥底蘊很好基本都係生肉片剪開皮蛋再一嘢車d熱辣辣粥底落去皮蛋瘦就成了20蚊黎講幾好然後蘿蔔糕不了好多渣貌似蒸了兩天快融化了醬油部分死鹹總體粥很好蒸品麻麻下次冇咁熱氣再試試d油器店很大，有貓，老式地板。很適合拍頹廢阿伯風

記憶中... 之前幫襯過哩間坤記, 印象中好似唔多掂, anyway 俾多次機會佢, 睇佢表現如何.其實係自己病病地, 唔想行太多路行太遠食粥.只係叫咗個碎牛粥多蔥同油炸鬼.優點:1, 油炸鬼新鮮炸記, 夠香脆.缺點:1, 碎牛粥牛肉份量不足.2, 粥嘅質感唔夠比較"水", 唔夠掛碗.3, 店舖環境總係感覺唔夠乾淨. 4, 無冷氣, 已經食到成頭汗, 重要抄牌中招! 著哂火!下次都係行遠D....

早餐…..清清腸胃食碗粥突然又好想食粥食腸粉又想起老字號坤記，所以又專登走去食個早餐🥣食物好食，不過環境坐位就坐得無咁舒服，不過間舖真係好耐歷史，見到佢哋都好多熟客，街坊生意，食物仲好平好抵食、而家仲有幾元碟腸粉，真係老字號街坊價👍👍——————————🟫皮蛋瘦肉粥：粥夠綿，材料也是足夠，皮蛋和瘦肉都是滿滿的，而且粥也是滾熱辣😊———————————🟧腸粉：即拉布腸粉腸粉夠哂滑又係熱辣辣加埋甜辣醬仲有芝麻醬簡單的早餐開心好簡單——————————

又到左整牙既日子,又食唔到野.又去坤記買粥食....今日買醉牛粥同皮蛋艇仔粥,一樣走曬薑蔥,碎牛粥同上次一樣,碎牛份量多,味亦好夠,但係艇仔粥就冇下次啦,雖然係我自己唔記得左艇仔粥有豬皮,但佢d 豬皮好油益.連啖粥都有陣味,d 水魷瘀色,好似風乾左好耐好耐咁,真係唔多開胃 ......不過皮蛋幫佢地加左分,揀走曬d 油益豬皮後,整碎d 皮蛋,就冇咁覺d 油益味,當堂開心左,同埋我記得艇仔粥好似係有生菜絲?哩度係冇既.算啦,下次都為皮蛋粥算....

無錯,又係食粥,仲係要食粥,個咀爛到一塌糊塗,只要一日仲箍緊牙,就經常都會爛曬個咀,都係試多間粥鋪好d,哩間以前有食過,不過已經好耐之前,d 腸粉係唔好食既XDDDD所以我今次只係買粥,仲要買夠兩碗,食粥好快餓嘛,今日買皮蛋魚片粥,碎牛粥,兩碗都走蔥,兩碗都幾足料,皮蛋,魚片,同碎牛份量都幾多,佢D 粥比起威記冇咁杰,所以應該會好快餓XDDD碎牛粥好夠味,食有味粥既話啱曬,皮蛋魚片粥就清D,下次再試艇仔粥.

返深水埗嘅平嘢呢間街坊粥舖，坤記呢就非佢莫屬呀。 十零蚊一碗粥，都夠大碗而且選擇都唔少，雖然唔係啲咩好靚嘅生滾粥，材料亦屬普通，勝在格局平民化價錢又合理。今次外賣自取及第粥，入面有豬潤又豬肚，材料都算好食，咁豬潤呢就唔係咩頂天立地嘅嘢啦，但係起碼都熟，都唔會嚡颯颯或者有嚴重缺血味，豬肚亦都爽脆，十零蚊碗冇乜要求啦。炸兩口味實屬普通啦，雖然話又油鬼炸兩唔會係即炸，但係真係嚴重過軟，入面軟泡泡咁，就唔係太好食。到腸粉亦都太鬆做唔到爽口彈牙，不過都係嗰句夠平😂

買過兩次油炸鬼，兩次都係揀最入放左好耐既俾我，我同佢講話連暖都冇，仲要話翻我轉頭？年紀大又點樣？我就要硬食？企係間鋪到好似我屈佢甘。。又唔係冇曬都要甘，焗我要都唔幫我翻炸下，翻到用手都搣唔開，韌到呢，尋日賣剩甘

今日陪同事去深水埗買野，因為我地兩個都食左少少野，但見仲有時間，所以入左間粥店，是但叫左幾樣野食。叫左個炒面同埋皮蛋瘦肉粥。粥好綿，好有以前細個食既味道。因為依家出面好多粥店都加左好重味精，一d都唔好食。所以今次黎到依到好有驚喜！

間中有時都想食下粥同腸粉，呢間粥鋪以前都有食過，果次食佢個魚腩粥➕油炸鬼，🐟腩新鲜又好食，最鐘意佢呢度D油炸鬼，即炸熱辣辣脆卜卜，🐟腩賣曬就無，吳係一定全日可以食到😆今日食左個艇仔粥走🐂，走左牛佢地就加左D肉絲落去，入面都好多料，尤魚，肉絲，🐷皮，吳會稀單單，粥煲得夠綿，無味精，食完吳會口喝✌️✌️腸粉——蒸得夠滑，加埋甜辣醬點黎食，仲好味😋😋老字號食物不變質之外，價錢都一樣甘平👏粥➕腸粉都係22元就食飽飽老字號姐姐都好有人情味😊😊

中午冇嘢食，又費事自己煮落樓下見到呢間粥店。一點左右尚算多人，價錢便宜做街坊生意。一碗粥都唔使＄20，朋友叫了一個蘿蔔糕同一碗白粥， 我就叫咗一碗皮蛋瘦肉粥，埋單都只係＄33。 同區粥店而言， 味道尚可，以呢個價錢性價比算高。 但衛生環境確實一般，走聰嘅時候佢直接係我碗粥度撩走啲蔥，然後放返入個蔥碗度，下一手慘慘了。蘿蔔糕幾好味，幾鬆軟，蘿蔔味都好重。皮蛋瘦肉粥瘦肉遍粗糙，但都幾足料。見到好多人買炸兩同腸粉，下次可以一試！

感冒無胃口食飯， 去左食粥。 揾到間平靚正粥品。炸両居然$9大大碟， 醬任落 皮蛋瘦肉粥足料$16only 呢啲甘地道嘅粥品店， 坐底大聲同啲姐姐講食咩， 風味十足。仲好多我老豆年紀嘅客仔幫襯。 掋食、好食之餘， 最重要係食到細個嗰種味。

病左，冇胃口病一定要食粥，行過就見到佢坤記粥，鋪頭𥚃面都幾多人食，叫咗布拉鮮豬潤腸粉、豉油王炒麵、豬紅艇仔粥及菜乾豬骨粥。病人餐腸粉啲皮幾薄，豬潤新鮮，仲要係即叫即蒸菜乾豬骨粥，麻麻哋粥底吾夠綿米吾夠香及粥吾夠傑身

平時不是端午節，也會常常去粥店食糉，因為糉又平又好味又飽肚。更何況將近端午節，便更加想去吃糉。 經過這間粥店，便決定進去一試它的鹹肉糉。因為朋友喜歡加豉油，所以便遷就了他加豉油。但我個人較喜歡加糖。或許女生都喜歡吃甜甜的吧，而男生都喜歡鹹鹹的 😂😂😂這裏的鹹肉糉，綠豆蓉有很多，很足味。 而裏面的肉，雖然不是很大，但是不會吃到很濟。 而糉亦包得很香， 熱辣辣的蒸好給我們。鹹肉粽的大小偏小，可以當下午茶來吃。

去北河街市政辨文件上3樓熟食中心 但裝修要到8月2016 至開番 失望路過坤記 食碗及第粥 & 齋腸 & 油條 21 + 7 + 6 = 34 價錢平宜 及第粥~大碗料多鮮 有米粒豬肚粉腸夠淋 有肉片冇肉丸 豬潤爽無過火 刀章亂來 大件細件又厚又薄但粥太稀 味重 食後頸渴齋腸粉~ 即拉(早上) 比較厚身 米香上枱暖 痴埋一嚿 失分油條~即炸 熱辣辣 脆脆 小店多伙記 有禮貌 老闆街坊傾吓計但 糕點師 就不停鬧人 鬧事 路過問吓價都鬧 運吉

星期日放假深水埗搵個朋友食lunch,因為佢病病地,只可以食d清淡既野唔可以食味精野,出街有不少味精既餐廳所以我地去左坤記食粥艇仔粥($12,睇落去有唔少配料,粥又夠熱,無落味精另外叫左炒米粉同埋腸粉同埋食腸粉喜歡就是甜醬、麻醬再加辣醬，灑上白芝麻正全部加埋都係35 咋,以後都唔會再幫襯連鎖既粥店,又貴又重味精坤記粥店堅係平靚正~~